ഡോ.അംബേഡ്കർ.ജി.എച്ച്. എസ്.എസ്.കോടോത്ത്/പ്രവർത്തനങ്ങൾ
| സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | എച്ച്.എസ് | എച്ച്.എസ്.എസ്. | ചരിത്രം | അംഗീകാരം |
വൈവിധ്യമാർന്ന തനത് പ്രവർത്തനങ്ങളോടൊപ്പം പാഠ്യ-പാഠ്യേതര പ്രവർത്തനങ്ങളും ഏറ്റെടുത്ത് നടത്തുന്നതിലൂടെയാണ് ഒരു പൊതു വിദ്യാലയം മികവിലേക്കെത്തുന്നത്.കോടോത്തോ ഡോ.അംബേഡ്കർ ഗവ.ഹയർ സെക്കന്ററി സ്കൂളിനെ മികച്ച നിലവാരത്തിലേക്കുയർത്തിയത് അധ്യാപകരും വിദ്യാർത്ഥികളും രക്ഷിതാക്കളും നാട്ടുകാരും ഒത്തു ചേർന്നു നടത്തിയ ഇത്തരം പ്രവർത്തനങ്ങളാണ്.
സ്കൂൾ പ്രവർത്തന റിപ്പോർട്ട് - 2021-22
കാസർഗോഡ് ജില്ലയിലെ മികച്ച പൊതു വിദ്യാലയങ്ങളിലോന്നായ കോടോത്ത് ഡോ.അംബേദ്ക്കർ ഗവ. ഹയർ സെക്കണ്ടറി സ്കൂൾ പഠനത്തിലും, കാലാ കായിക മേഖയിലും ഉന്നത നിലവാരം പുലർത്തുന്നു.കലാ വിഭാഗത്തിൽ സംസ്ഥാന തലത്തിലും, കായിക മേഖലയിൽ ദേശീയ തലത്തിലും ഒട്ടേറെ പ്രതിഭകളെ വാർത്തെടുത്ത കോടോത്ത് സ്കൂൾ മലയോര മേഖലയുടെ വികസനക്കുതിപ്പിന് നിസ്തുല സംഭാവന ചെയ്ത വിദ്യാലയം കൂടിയാണ്.കോവിഡ് 19 വൈറസ് പടർത്തിയ കോറോണ മഹാമാരിയുടെ പശ്ചാത്തലത്തിൽ രണ്ടാം വർഷത്തിലേക്ക് കടക്കുന്ന ഓൺലൈൻ വിദ്യാഭ്യാസം മികച്ച രീതിയിൽ ചലിപ്പിക്കുവാൻ കേരളാ പൊതുവിദ്യാഭ്യാസ വകുപ്പും, കേരള ജനതയും കൈകോർത്തപ്പോൾ എല്ലാ പ്രതിസന്ധികളേയും പ്രതിബന്ധങ്ങളേയും അതിജീവിച്ച് വിദ്യാഭ്യാസ സ്വപ്നം സാക്ഷാത്കരിക്കുവാൻ നമുക്കായെന്നത് തർക്കമറ്റ കാര്യമാണ്. കോടോത്ത് ഡോ.അംബേദ്ക്കർ ഗവ.ഹയർ സെക്കണ്ടറി സ്കൂൾ 2021-22 അധ്യയന വർഷത്തെ ഇതു വരെയുള്ള പ്രവർത്തനങ്ങൾ ചുവടെ ചുരുക്കി വിവരിക്കുന്നു.
സ്കൂൾ പ്രവേശനോത്സവം(ഓൺലൈൻ)
കോടോത്ത് ഡോ: അംബേദ്കർ ഗവ ഹയർ സെക്കണ്ടറി സ്കൂൾ ഈ അധ്യയന വർഷത്തെ ഓൺലൈൻ പ്രവേശനോത്സവം വളരെ മികച്ച രീതിയിൽ നടത്തി.ഓൺലൈൻ പ്രവേശനോത്സവം ബഹു.കോടോം-ബേളൂർ ഗ്രാമപഞ്ചായത്ത് പ്രസിഡൻ്റ് ശ്രീമതി.ശ്രീജ.പി ഉദ്ഘാടനം ചെയ്തു. പ്രശസ്ത കഥാകൃത്തും, സിനിമാ- തിരക്കഥാകൃത്തുമായ ശ്രീ.സന്തോഷ് ഏച്ചിക്കാനം മുഖ്യാഥിതി അയിരുന്നു. പി.ടി.എ പ്രസിഡൻ്റ് ശ്രീ.ഗണേശൻ.എം അധ്യക്ഷത വഹിച്ചു.കാസർഗോഡ് ജില്ലാ പഞ്ചായത്ത് സാമൂഹ്യക്ഷേമ വികസന സ്റ്റാൻഡിംഗ് കമ്മിറ്റി ചെയർമാൻ ശ്രീ.ഷിനോജ് ചാക്കോ, പരപ്പ ബ്ലോക്ക് പഞ്ചായത്ത് മെമ്പർ ശ്രീമതി.ശ്രീലത.പി.വി, കോടോം-ബേളൂർ ഗ്രാമപഞ്ചായത്ത് മെമ്പർ ശ്രീ.കുഞ്ഞികൃഷ്ണൻ തുടങ്ങിയ ജനപ്രതിനിധികളും, അധ്യാപക രക്ഷകർത്തൃ പ്രതിനിധികളും ആശംസകൾ അറിയിക്കുകയും ചെയ്തു. ഉദ്ഘാടന സമ്മേളനത്തിന് ഹെഡ്മിസ്ട്രസ് സനിത ടീച്ചർ സ്വാഗതവും, പ്രോഗ്രാം കൺവീനർ രമേശൻ മാസ്റ്റർ നന്ദിയും അറിയിച്ചു.തുടർന്ന് പുതുതായി പ്രവേശനം നേടിയ കുട്ടികളുടെയും, മറ്റ് കുട്ടികളുടെയും കലാ പരിപാടികൾ അരങ്ങേറി. പ്രസ്തുത ഓൺലൈൻ പ്രവേശനോത്സവം സ്കൂൾ Youtube ചാനലിലൂടെ രക്ഷിതാക്കളും, വിദ്യാർഥികളും കാണുകയും ചെയ്തു.വിദേശ രാജ്യങ്ങളിൽ നിന്നുള്ള ആളുകൾ അടക്കം ആയിരക്കണക്കിനാളുകൾ പരിപാടികൾ വീക്ഷിക്കുകയും കമൻറുകൾ രേഖപ്പെടുത്തിയതും പ്രത്യേകം പരാമർശിക്കേണ്ടതു തന്നെയാണ്.
ലോക പരിസ്ഥിതി ദിനം
ജൂൺ 5 ലോക പരിസ്ഥിതി ദിനം ഓൺലൈനായി വിവിധ പരിപാടികളോടുകൂടി സംഘടിപ്പിച്ചു. "സുന്ദർലാൽ ബഹുഗുണ അനുസ്മരണവും, സുഗതകുമാരി ഗാനാലാപനവും"എന്ന പേരിലുള്ള പരിസ്ഥിതി ദിനാഘോഷം കേരള ശാസ്ത്ര സാഹിത്യ പരിഷത്ത് പരിസ്ഥിതി വിഷയ കൺവീനറും, എളേരിത്തട്ട് ഇ.കെ നയനാർ മെമ്മോറിയൽ ഗവ.കോളേജ് മുൻ പ്രിൻസിപ്പാളുമായിരുന്ന ശ്രീ.ഗോപാലൻ മാസ്റ്റർ ഓൺലൈനായി ഉദ്ഘാടനം ചെയ്തു.പി.ടി.എ പ്രസിഡൻറ് ശ്രീ.ഗണേശൻ എം.അധ്യക്ഷത വഹിച്ചു.സ്കൂൾ ഹെഡ്മിസ്ട്രസ് സ്വാഗതവും രസിത ടീച്ചർ നന്ദിയും പ്രകടിപ്പിച്ചു. പ്രീ പ്രൈമറി, എൽ.പി, യു.പി, ഹൈസ്കൂൾ,ഹയർ സെക്കണ്ടറി വിഭാഗങ്ങൾക്കായി മരതൈ നടൽ, എന്റെ മരം, എന്റെ മരം കുറിപ്പ്,പരിസ്ഥിതി ദിന ക്വിസ്, പോസ്റ്റർ രചന, ചിത്രരചന, പതിപ്പ് നിർമ്മാണം, സുന്ദർലാൽ അനുസ്മരണം, സുഗതകുമാരി ഗാനാലാപം തുടങ്ങിയ വിവിധ മത്സരങ്ങൾ നടത്തി.
സ്കൂൾ ക്ലബ്ബുകളുടെ ഉദ്ഘാടനം - സയൻസ് ക്ലബ്ബ്, ഗണിത ക്ലബ്ബ്
സ്കൂളിലെ സയൻസ് ക്ലബ്ബ് ,ഗണിത ക്ലബ്ബ് എന്നിവയുടെ ഉദ്ഘാടനം 5.6.2021 പരിസ്ഥിതി ദിനത്തോടനുബന്ധിച്ച് നടത്തി. ഹെഡ്മിസ്ട്രസ് സനിത ഇ ഉദ്ഘാടനം നിർവഹിച്ചു. തുടർന്ന് പരിസ്ഥിതി ദിനാഘോഷത്തിന്റെ ഭാഗമായി വൃക്ഷതൈ നടൽ,പ്രസംഗമത്സരം,ചിത്രരചനാമത്സരം,പോസ്റ്റർ രചനാ മത്സരം എന്നിവ സയൻസ് ക്ലബ്ബിൻറെ ആഭിമുഖ്യത്തിൽ സംഘടിപ്പിച്ചു. ജൂൺ 28 ന് ഗണിത ക്ലബ്ബിന്റെ ആഭിമുഖ്യത്തിൽ പെർഫെക്ട് നമ്പർ ഡേ ദിനത്തിൽ ഗണിത ക്വിസ് നടത്തി.ജൂലൈ 22 ചാന്ദ്ര ദിനത്തോടനുബന്ധിച്ച് ചാന്ദ്രദിന ക്വിസ്, ചന്ദ്രനുമായുള്ള സംഭാഷണം എന്നിവ നടത്തി പകുതിയിലധികം കുട്ടികളുടെ പങ്കാളിത്തം ഉണ്ടായിരുന്നു. ഗണിത ക്ലബ്ബിന്റെ ആഭിമുഖ്യത്തിൽ ജൂലൈ 22 പൈ അപ്രോക്സിമേഷൻ ഡേ ആഘോഷം നടത്തി.ജൂൺ ജൂലൈ അവസാനവാരം പാഠഭാഗത്തെ അടിസ്ഥാനമാക്കിയുള്ള ലഘു പരീക്ഷണങ്ങളുടെ അവതരണവും പുതിയ ആശയങ്ങളുടെ അവതരണവും നടത്തുന്നതിലൂടെ കുട്ടികളുടെ മാനസിക സംഘർഷം ഒഴിവാക്കുവാനും വീട്ടിൽ നിന്നും ഒരു മാറ്റം വരുത്തുവാനും സാധിച്ചു.
വായനാദിനം
ജൂൺ 19 വായനദിനം കഴിഞ്ഞ കാലങ്ങളിലേതുപോലെ വായനാ വാരമായി ഒരാഴ്ച നീളുന്ന വിവിധ പരിപാടികളോടെ നടത്തപ്പെട്ടു. ജൂൺ 19 വായനാദിനത്തിൽ വിദ്യാരംഗം കലാ സാഹിത്യ വേദിയുടെ ആഭിമുഖ്യത്തിൽ "വളരാം വായനയിലൂടെ" എന്ന പരിപാടി നടത്തി.യുവസാഹിത്യകാരനും, തിരക്കഥാകൃത്തുമായ ശ്രീ.പി.വി ഷാജി കുമാർ വയനാവാരം ഔപചാരികമായി ഓൺലൈൻ ഉദ്ഘാടനം നടത്തി. ഹെഡ്മിസ്ട്രസ് സനിത ടീച്ചർ,പി.ടി.എ പ്രസിഡൻ്റ് ശ്രീ.എം.ഗണേശൻ, അധ്യാപകർ എന്നിവർ സംസാരിച്ചു.2021 ജൂൺ 21 ന് (തിങ്കൾ)പ്രശസ്ത എഴുത്തുകാരനും, അധ്യാപകനുമായ ശ്രീ.വിനോദ് ആലന്തട്ട പുസ്തക പരിചയം നടത്തി. 2021 ജൂൺ 26 ശനിയാഴ്ച അധ്യാപികയും,എഴുത്തുകാരിയുമായ ശ്രീമതി.ബേബി സുധ പുസ്തക പരിചയം നടത്തി. പി.ടി എ.പ്രസിഡന്റ് എം.ഗണേശൻ, ഹെഡ്മിസ്ട്രസ് സനിത ടീച്ചർ,വിദ്യാരംഗം കലാ സാഹിത്യ വേദി കൺവീനർ എം രമേശൻ എന്നിവർ സംസാരിച്ചു.കൂടാതെ,വായാനാവാരാഘോഷത്തിന്റെ ഭാഗമായി LP, UP, HS, HSS വിഭാഗങ്ങൾക്കായി വായനാദിന ക്വിസ് മത്സരം, വായനാ മഹാത്മ്യം, വായനാക്കുറിപ്പ് അവതരണം, ചിത്രരചന,പോസ്റ്റർ നിർമ്മാണം, പതിപ്പ് നിർമ്മാണം, എഴുത്തുകാരുടെ മഹത് വചനങ്ങൾ ശേഖരണം -അവതരണം, വീട്ടിലോരു ലൈബ്രറി, ലൈബ്രറി വിപുലീകരിക്കൽ, പി.എൻ പണിക്കർ അനുസ്മരണം, ഡോക്യുമെൻ്ററി പ്രദർശനം, തുടങ്ങിയ വ്യത്യസ്തമായ പരിപാടികൾ നടത്തി.പരിപാടികൾ സ്കൂൾ youtube ചാനൽ വഴി കുട്ടികൾക്കും, രക്ഷിതാക്കൾക്കും, പൂർവ്വ വിദ്യാർഥികൾക്കും കാണുവാനുള്ള അവസരമൊരുക്കിയിരുന്നു.
വൈക്കം മുഹമ്മദ് ബഷീർ അനുസ്മരണം
ജൂലൈ 5 ബഷീർ ദിനം വ്യത്യസ്ത പരിപാടികളോടെ സംഘടിപ്പിച്ചു. പ്രീ പ്രൈമറി, LP, UP, HS,HSS വിഭാഗങ്ങളിലായി ബഷീർ അനുസ്മരണം, ബഷീർ ദിന ക്വിസ് മത്സരം, പ്രസംഗം,ചിത്രരചന, പ്രച്ഛന്ന വേഷം, ബഷീർ കൃതികളെ പരിചയപ്പെടുത്തൽ, ബഷീർ കൃതികളുടെ ദൃശ്യാവിഷ്കാരം, നാടകീകരണം, ബഷീർ - വീഡിയോ പ്രദർശനം, വീഡിയോ നിർമ്മാണം തുടങ്ങിയ പ്രവർത്തനങ്ങൾ നടത്തി.
ചാന്ദ്രദിനം
ജൂലൈ 21 ചാന്ദ്രദിനം സയൻസ് ക്ലബ്ബിന്റെ നേതൃത്വത്തിൽ മറ്റ് സ്കൂൾ ക്ലബ്ബുകളുടെ സഹകരണത്തോടെ വിവിധ പരിപാടികൾ നടത്തി.LP, UP, HS, HSS വിഭാഗങ്ങൾക്കായി ചാന്ദ്രദിന ക്വിസ് മത്സരം, ചിത്രരചന, പതിപ്പ് നിർമ്മാണം, ചന്ദ്രൻ - ഒരു യാത്ര വിവരണം,ഡോക്യുമെൻൻ്ററി- വീഡിയോ പ്രദർശനം, വീഡിയോ നിർമ്മാണം തുടങ്ങിയ പരിപാടികൾ നടത്തി.ജൂലൈ 21 ചാന്ദ്രദിനത്തോടനുബന്ധിച്ച് പ്രശാന്തിയുടെ സമുദ്രം എന്ന പേരിൽ നടത്തിയ ചാന്ദ്രദിനാഘോഷത്തിൽ 'ചന്ദ്രനെ അറിയാൻ' ചാന്ദ്രദിനപതിപ്പ് നിർമ്മാണം, 'ഭൂമി മുതൽ ആകാശം വരെ' ക്വിസ് മത്സരം എന്നിവ സംഘടിപ്പിച്ചു.ആദ്യ ചാന്ദ്രയാത്രികരുടെ അനുഭവം വിവരിക്കുന്ന 'എനിക്ക് പറയാനുള്ളത് ' വളരെയധികം ശ്രദ്ധ ആകർഷിച്ചു.
S P C ദിനം
സ്റ്റുഡൻ്റ് പോലീസ് കേഡറ്റിൻ്റെ പന്ത്രണ്ടാമത് വാർഷികം കോടോത്ത് SPC യൂണിറ്റിൻ്റെ നേതൃത്വത്തിൽ ആഗസ്റ്റ് 2 ന് സ്കൂളിൽ വെച്ച് നല്ല രീതിയിൽ നടത്തി മുഖ്യാഥിതി ബഹു. രാജപുരം സർക്കിൾ ഇൻസ്പെകർ ശ്രീ.വി .ഉണ്ണികൃഷ്ണൻപതാക ഉയർത്തി ഉദ്ഘാടനം ചെയ്തു. തുടർന്ന് നടന്ന ഗൂഗിൾ മീറ്റിൽ സീനിയർ കേഡറ്റ് കുമാരി. ശിവാനി(വിദ്യാർഥി) അധ്യക്ഷത വഹിച്ചു.പ്രിൻസിപ്പാൾ ഇൻ ചാർജ് ശ്രീമതി. എലിസബത്ത് എബ്രഹാം,ഹെഡ്മിസ്ട്രസ് ശ്രീമതി. സനിത.ഇ, പി.ടി.എ പ്രസിഡൻ്റ്. ശ്രീ. എം.ഗണേശൻ, സീനിയർ അസിസ്റ്റന്റ് എ.എം.കൃഷ്ണൻ, CPO ജനാർദ്ദനൻ.കെ, ACP0 പത്മ സുധ പയ്യൻ എന്നിവർ സംസാരിച്ചു. സീനിയർ കേഡറ്റ് കുമാരി. ഇസബെൽ തെരേസ സ്വാഗതവും, ജൂനിയർ കേഡറ്റ് കുമാരി. അനന്യ പി.ജെ. നന്ദിയും രേഖപ്പെടുത്തി. തുടർന്ന് SPC കുട്ടികളുടെ വിവിധ കലാ പരിപാടികൾ അരങ്ങേറി.കേഡറ്റുകൾ വീടുകളിൽ ഫലവൃക്ഷത്തൈകൾ നട്ട് "എന്റെ മരം,എന്റെ സ്വപ്നം" പദ്ധതിക്ക് തുടക്കമിട്ടു.
ആസാദി കാ അമൃത മഹോത്സവ് - ഇക്കോ ക്ലബ്ബ് പ്രവർത്തനം
സ്വാതന്ത്ര്യത്തിന്റെ 75 -ാം വാർഷികാഘോഷത്തിന്റെ ഭാഗമായി കേന്ദ്ര ഗവൺമെന്റിന്റെ ഭാരത് കാ അമൃത് മഹോത്സവ് എ ന്ന പരിപാടിയുമായി ബന്ധപ്പെട്ട് കേന്ദ്ര വനം പരിസ്ഥിതി കാലാവസ്ഥ വ്യതിയാനവകുപ്പ് - ദേശീയ ഹരിത സേന ഇക്കോ ക്ലബ്ബുകളുമായി ചേർന്ന് സുസ്ഥിര ജീവിതശൈലി,ഗ്രീൻ ഗുഡ് ഡീഡ്സ് പ്രോത്സാഹിപ്പിക്കുന്നതിനുള്ള പരിപാടികൾ കേരള ശാസ്ത്ര സാങ്കേതിക പരിസ്ഥിതി കൗൺസിലിന്റെയും NGC ജില്ലാ നേതൃത്വത്തിന്റെയും ആഭിമുഖ്യത്തിൽരണ്ടാം പ്രതിവാര പ്രവർത്തനങ്ങൾ സ്കൂൾതലത്തിൽ നടത്താൻ നിർദ്ദേശിച്ചിരുന്നു. ഈ നിർദ്ദേശത്തിന്റെ അടിസ്ഥാനത്തിൽ കോടോത്ത് ഡോ.അംബേദ്കർ ഗവ.ഹയർ സെക്കന്ററി സ്കൂളിലെ ഇക്കോ ക്ലബ്ബിന്റെ നേതൃത്വത്തിൽ ജൂലൈ 31 മുതൽ ആഗസ്ത് 5 വരെ വിവിധ പരിപാടികൾ സംഘടിപ്പിച്ചു.കൊവിഡ് മഹാമാരിയുടെ സാഹചര്യം കണക്കിലെടുത്ത് വിദ്യാർത്ഥികൾ അവരവരുടെ വീടുകളിൽ വച്ചുതന്നെ വിവിധ പരിപാടികളിൽ പങ്കാളികളായി.വിദ്യാർത്ഥികൾ വളരെ താൽപര്യത്തോടെയാടെയാണ് പരിപാടികളിൽ പങ്കെടുത്ത് ഫോട്ടോകളും വീഡിയോകളും പ്രസന്റേഷനുകളും റിപ്പോർട്ടുകളും അയച്ചു തന്നത്.
പ്രവർത്തന റിപ്പോർട്ട് ചുരുക്കത്തിൽ
| ക്രമ നമ്പർ | തീയതി / ദിവസം | നടത്തിയ പ്രവർത്തനം |
|---|---|---|
| 1 | ജൂലൈ 31- ഒന്നാം ദിനം | ഊർജ്ജ സംരക്ഷണപ്രവർത്തനങ്ങൾ -
1. വിദ്യാർത്ഥികൾ അവരവരുടെ വീടുകളിലെ ലൈറ്റിംഗ് കാര്യക്ഷമമാക്കുന്നതിന് വീടുകളിലെ ബൾബുകൾ രക്ഷിതാക്കളുടെ സാന്നിധ്യത്തിൽ അവരുടെ സഹായത്തോടെ ഹോൾഡറിൽ നിന്നും ഊരി തുടച്ച് വൃത്തിയാക്കി.വീടുകളിലെ ഇലക്ട്രിക് ഉപകരണങ്ങളുടെ കാര്യക്ഷമത വർദ്ധിപ്പിക്കാൻ അവയുടെ സർവ്വീസ് യഥാസമയം ചെയ്യാൻ രക്ഷിതാക്കളെ ഓർമ്മിപ്പിച്ചു. 2. ഊർജ്ജ സംരക്ഷണവുമായി ബന്ധപ്പെട്ട പ്രസന്റേഷൻ, പോസ്റ്റർ എന്നിവ തയ്യാറാക്കി സ്കൂൾ വാട്സാപ്പ് ഗ്രൂപ്പിലും ക്ലാസ്സ് ഗ്രൂപ്പുകളിലും ഷെയർ ചെയ്തു. 3. ഊർജ്ജ സംരക്ഷണ ബോധവൽക്കരണത്തിനായി ഹയർസെക്കന്ററി വിഭാഗം ഫിസിക്സ് അധ്യാപകൻ പത്മനാഭൻ മാസ്റ്റർ ക്ലാസ്സെടുത്തു. |
| 2 | ആഗസ്ത് 1- രണ്ടാം ദിനം | ഡ്രൈ ഡേ ആചരണം :-
1. ഡ്രൈ ഡേ ആചരിച്ചു.കൊതുകുകൾ വളരാൻ സാധ്യതയുള്ള വീടിന്റെ പരിസരവും മറ്റും വൃത്തിയാക്കുകയും വെള്ളം കെട്ടിക്കിടക്കുന്ന ചിരട്ടകൾ,കുപ്പികൾ എന്നിവ കണ്ടെത്തി വെള്ളം ഒഴിവാക്കി.പ്രവർത്തനത്തിന്റെ ഫോട്ടോകളും വീഡിയോകളും ഗ്രൂപ്പിൽ ഷെയർ ചെയ്തു. |
| 3 | ആഗസ്ത് 2- മൂന്നാം ദിനം | അടുക്കള മലിന്യങ്ങളുടെ നിർമാർജ്ജനത്തിനായി വീട്ടിൽ മണ്ണിരകമ്പോസ്റ്റുകളും പൈപ്പ് കമ്പോസ്റ്റുകളും തയ്യാറാക്കി. പ്രവർത്തനത്തിന്റെ ഫോട്ടോകളും വീഡിയോകളും ഗ്രൂപ്പിൽ ഷെയർ ചെയ്തു. |
| 4 | ആഗസ്ത് 3- നാലാം ദിനം | 1. വീട്ടിലും പരിസരത്തുമുള്ള പ്ലാസ്റ്റിക് മാലിന്യങ്ങൾ ശേഖരിച്ച് കഴുകി വൃത്തിയാക്കി പഞ്ചായത്ത് തല ഹരിതസേനയെ ഏൽപ്പിക്കുന്നതിനുള്ള നടപടികൾ സ്വീകരിച്ചു.പ്രവർത്തനത്തിന്റെ ഫോട്ടോകളും വീഡിയോകളും ഗ്രൂപ്പിൽ ഷെയർ ചെയ്തു. |
| 5 | ആഗസ്ത് 4- അഞ്ചാം ദിനം | 1. പ്ലാസ്റ്റിക് ബാഗുകൾക്ക് പകരം ഉപയോഗിക്കാനായി പേപ്പർ ബാഗുകൾ,തുണി സഞ്ചികൾഎന്നിവ തയ്യാറാക്കി.
2. പ്ലാസ്റ്റിക് കവറുകൾ ഉപയോഗിച്ച് പൂക്കൾ നിർമ്മിച്ചു. 3. പ്ലാസ്റ്റിക് പേനകൾക്ക് പകരം പേപ്പർ പേനകൾ നിർമ്മിച്ചു.പ്രവർത്തനത്തിന്റെ ഫോട്ടോകളും വീഡിയോകളും ഗ്രൂപ്പിൽ ഷെയർ ചെയ്തു. |
| 6 | ആഗസ്ത് 5- ആറാം ദിനം | 1. യോഗ / വ്യായാമം എന്നിവ ചെയ്യുന്നതിന്റെ ഫോട്ടോ എടുത്ത് അയച്ചു തന്നു.ക്ലാസ്സ് ഗ്രൂപ്പുകളിൽ പ്രചരിപ്പിച്ചു.
2. ഈ കൊവിഡ് കാലത്ത് വീട്ടിലിക്കുന്ന കുട്ടികളും മുതിർന്നവരും രോഗപ്രതിരോധ ശേഷി നിലനിർത്തുന്നതിന് വ്യായാമം ചെയ്യേണ്ടതിന്റെ പ്രാധാന്യം ബോധിപ്പിക്കുന്ന പ്രസന്റേഷനുകളും വീഡിയോകളും തയ്യാറാക്കി ഗ്രൂപ്പുകളിൽ ഷെയർ ചെയ്തു. |
പോഷൺ അഭിയാൻ -പ്രവർത്തന റിപ്പോർട്ട് 2021-2022
'ആരോഗ്യമുള്ള ശരീരത്തിലേ ആരോഗ്യമുള്ള മനസ്സുണ്ടാകൂ'.പോഷകാഹാരക്കുറവ് കൊണ്ടുണ്ടാകുന്ന വെല്ലുവിളികളെക്കുറിച്ച് ജനങ്ങൾക്കിടയിൽ പ്രത്യേകിച്ച് കുട്ടി കൾ,ഗർഭിണികൾ,മുലയൂട്ടുന്ന അമ്മമാർ എന്നി വർക്കിടയിൽ അവബോധം ഉണ്ടാക്കുന്നതിനായി ഉണ്ടാക്കുന്നതിനായി സെപ്റ്റംബർ പോഷകാഹാര മാസമായി ആചരിക്കു ന്നു .കേന്ദ്ര വനിതാ ശിശുക്ഷേ മമന്ത്രാലയം 'അവശ്യ പോഷൻ അഭിയാൻ'എന്ന പേരിലറി യപ്പെടുന്ന ദേശീയ പോഷകാഹാരദൗത്യത്തിൻ കീഴിൽ 2021 സെപ്റ്റംബറിൽ നാലാമത് പോഷകാഹാര മാസമായാണ് ആചരിക്കുന്നത്.പോഷൺ അഭിയാന്റെ ഭാഗമായി കുട്ടി കളി ൽ പോഷകാഹാരത്തിന്റെ പ്രാധാന്യത്തെക്കുറിച്ചും അവയുടെ കുറവ് മൂലം ഉണ്ടാകുന്ന വെല്ലുവിളികളെക്കുറിച്ചും അവബോധം ഉണ്ടാക്കുന്നതിനായി കോടോത്ത് ഡോക്ടർ അംബേദ്കർ ഗവൺമെൻറ് ഹയർ സെക്കൻഡറി സ്കൂളിൽ വിവിധതരം പരിപാടികൾ നടത്തി.
1.ഓൺലൈൻ പോഷൺ അസംബ്ലി
പോഷൺ അഭിയാന്റെ ഭാഗമായി എല്ലാക്ലാസ്സുകളിലും ഓൺലൈൻ അസംബ്ലികൾ സംഘടിപ്പിക്കുകയും പോഷകാഹാരത്തിന്റെ പ്രാധാന്യത്തെക്കുറിച്ച് ബോധവൽക്കരണ ക്ലാസ്സ് (Online)നടത്തുകയും ചെ യ്തു. ഹൈസ്കൂൾ വി ഭാഗം ജീവശാസ്ത്രം അധ്യാപകൻ എ എം .കൃഷ്ണൻ പോഷകാഹാരത്തിന്റെ പ്രാധാന്യത്തെക്കുറിച്ച് ക്ലാസ്സെടുത്തു.
2.e-Quiz മത്സരം - പങ്കാളിത്തം
പോഷൻ അഭിയാൻ ബോധവൽക്കരണത്തിന്റെ ഭാഗമായി വിദ്യാർത്ഥികൾക്കുള്ള ഇ-ക്വി സ്സ് മത്സരത്തെക്കുറിച്ച് ബോധവൽക്കരിക്കുകയും വിദ്യാർത്ഥികളെ പങ്കെടുപ്പിക്കുകയും ചെയ്തു.200ലധികം വിദ്യാർത്ഥികൾ മത്സരത്തിൽ പങ്കെടുത്തതായി അറിയിച്ചു .
3. 'വീട്ടിലൊരു പച്ചക്കറിത്തോട്ടം '
ഇതിന്റെ ഭാഗമായി കുട്ടികൾ അവരവരുടെ വീടുകളിൽ പച്ചക്കറിതോട്ടം ആരംഭിക്കുകയും കുട്ടികളുടെ തന്നെ മേൽനോട്ടത്തിൽ അവ പരിപാലിക്കുകയും ചെയ്യുന്നതിനുള്ള പ്രവർത്തനങ്ങൾആരംഭിക്കുകയും ചെയ്തു .
ഹിരോഷിമാ-നാഗസാക്കി ദിനം -06.08.2021
ഈ അധ്യയന വർഷത്തെ ഹിരോഹിമ - നാഗസാക്കി ദിനം വിവിധ പരിപാടികളോടെ നടത്തി. LP, UP, HS, HSS വിഭാഗങ്ങൾക്കായി ഹിരോഷിമ - നാഗസാക്കി ദിന ക്വിസ് മത്സരം,ചിത്രരചന, പോസ്റ്റർ നിർമ്മാണം, പതിപ്പ് നിർമ്മാണം, സഡാക്കോ കൊക്ക്നി ർമ്മാണം,യുദ്ധവിരുദ്ധ ഗീതങ്ങൾ, ഡോക്യുമെന്ററി പ്രദർശനം, വീഡിയോ നിർമ്മാണം തുടങ്ങിയ പരിപാടികൾ നടത്തി.
സ്വാതന്ത്ര്യ ദിനാഘോഷം 2021
സ്വാതന്ത്ര്യത്തിന്റെ 75-ാം വാർഷികമായി ഈ വർഷത്തെ സ്വാതന്ത്ര്യദിനം സമുചിതമായി സ്കൂളിൽ നടത്തി.കോവിഡ് 19 പ്രോട്ടോക്കോൾ പാലിച്ചു കൊണ്ട് ആഗസ്ത് 15ന് രാവിലെ 9 മണിക്ക് സ്കൂൾ പ്രിൻസിപ്പാൾ (ഇൻചാർജ്ജ് ) ശ്രീമതി എലിസബത്ത് എബ്രഹാം പതാകയുയർത്തി.പ്രധാനാധ്യാപിക ശ്രീമതി.സനിത.ഇ സ്വാതന്ത്ര്യ ദിന സന്ദേശം നൽകി.സ്കൂൾ പി ടി എ പ്രസിഡണ്ട് ശ്രീ.ഗണേശൻ.എം,രക്ഷാകർതൃസമിതി അംഗങ്ങൾ,സ്റ്റാഫ് അംഗങ്ങൾ തുടങ്ങിയവർ ചടങ്ങിൽ സംബന്ധിച്ചു.സ്വാതന്ത്ര്യ ദിനത്തോടനുബന്ധിച്ച് പ്രീ പ്രൈമറി മുതൽ ഹയർ സെക്കന്ററി തലം വരെയുള്ള വിദ്യാർത്ഥികൾക്കായി വിവിധ പരിപാടികൾ സംഘടിപ്പിച്ചു.കുട്ടികൾ പരിപാടികൾ ഡിജിറ്റലായി തയ്യാറാക്കി സ്കൂൾ ഗ്രൂപ്പുകളിൽ പ്രദർശിപ്പിച്ചു.കൂടാതെ സ്കൂൾ യൂട്യൂബ് ചാനലിലും പരിപാടികൾ അപ് ലോഡ് ചെയ്തിട്ടുണ്ട്.
ഓണാഘോഷം
ഈ ർഷത്തെ ഓണാഘോഷം കോവിഡ് 19 ന്റെ പശ്ചാത്തലത്തിൽ കുട്ടികളും രക്ഷിതാക്കളും അധ്യാപകരും വീടുകളിൽ "ഓണം കുടുംബസമേതം" പരിപാടിയായി ആഘോഷിച്ചു.കുട്ടികൾ അവരവരുടെ വീടുകളിൽ പൂക്കളം തീർക്കുകയും കുടുംബ സമേതം ഫോട്ടോ എടുത്ത് സ്കൂൾ ഗ്രൂപ്പുകളിൽ പ്രദർശിപ്പിച്ചു.ഓണപ്പാട്ടുകൾ പാടി വീഡിയോ തയ്യാറാക്കി.കൂട്ടുകാർക്ക് ആശംസാകാർഡുകൾ ഡിജിറ്റലായി തയ്യാറാക്കി അയച്ചുകൊടുത്തു.
ഡിജിറ്റൽ പഠനോപകരണങ്ങൾ / സ്മാർട്ട് ഫോൺ വിതരണം
കൈറ്റ് വിക്ടേഴ്സ് ക്ലാസ്സുകൾ കാണുന്നതിനും പഠന പ്രവർത്തനങ്ങളിലേർപ്പെടുന്നതിനുമായി ഡിജിറ്റൽ പഠനോപകരണങ്ങളില്ലാത്ത വിദ്യാർത്ഥികൾക്ക് അദ്ധ്യാപകരും സന്നദ്ധ സംഘടനകളും നാട്ടുകാരും സ്പോൺസർ ചെയ്ത സ്മാർട്ട് ഫോണുകൾ സ്കൂൾതല സ്മാർട്ട് ഫോൺ കമ്മിറ്റിയുടെ ആഭിമുഖ്യത്തിൽ സംഘടിപ്പിച്ച ചടങ്ങിൽ വച്ച് വിതരണം ചെ്തു.അർഹരായ വിദ്യാർത്ഥികളുടെ രക്ഷിതാക്കൾ സ്മാർട്ട് ഫോണുകൾ ഏറ്റുവാങ്ങി.കോടോം ബേളൂർ ഗ്രാമ പഞ്ചായത്ത് പ്രസിഡണ്ട് ശ്രീമതി.പി.ശ്രീജ വിതരണോത്ഘാടനം നടത്തി.ചടങ്ങിൽ പി.ടി.എ പ്രസിഡണ്ട് ശ്രീ.എം.ഗണേശൻ അധ്യക്ഷത വഹിച്ചു.പ്രിൻസിപ്പാൾ ഇൻ ചാർജ്ജ് ശ്രീമതി.എലിസബത്ത് അബ്രഹാം സ്വാഗതവും സ്മാർട്ട് ഫോൺ കമ്മിറ്റി കൺവീനർ ബിജോയ് സേവ്യർ നന്ദിയും പറഞ്ഞു.സീനിയർ അസിസ്റ്റന്റ് എ.എം.കൃഷ്ണൻ,എൻ.ബാലചന്ദ്രൻ,ജാൻസി കുര്യൻ,ഗീത രാജേന്ദ്രൻ എന്നിവർ ആശംസകൾ അർപ്പിച്ചു.
-
-
-
-
സ്മാർട്ട് ഫോൺ വിതരണോദ്ഘാടനം - പി.ശ്രീജ,കോടോം ബേളൂർ ഗ്രാമ പഞ്ചായത്ത് പ്രസിഡണ്ട്
-
-
-
-
-
-
-
-
-
-
-
കായികതാരങ്ങൾക്കും കായികാധ്യാപകർക്കും സ്വീകരണം
ഡോ:അംബേദ്കർ ഗവ: ഹയർ സെക്കൻഡറി സ്കൂൾ കോടോത്തിലെ ദേശീയ താരങ്ങൾക്കും , കായികാദ്ധ്യാപകനും, കോച്ചിനും പി.ടി.എ യും, സ്റ്റാഫ് കൗൺസിലും കൂടി സ്വീകരണം നൽകി. 2021 ആഗസ്റ്റ് 28 ന് രാജസ്ഥാനിലെ ബീക്കനാറിൽ വച്ച് നടന്ന ദേശീയ വടം വലി മത്സരത്തിൽ കേരള ടീമിനെ പ്രതിനിധീകരിച്ച് വിവിധ കാറ്റഗറിയിൽ സ്വർണ്ണമെഡൽ ജേതാക്കളായ അരുൺ കൃഷ്ണൻ ബി,ഭഗത് കൃഷ്ണ .ജി.കെ,ശിവജിത്ത് കെ.കെ,ആദിത്യൻ. ടി.വി, കായികാദ്ധ്യാപകൻ ജനാർദനൻ കെ.,കോച്ച് ശ്രീധരൻ പരപ്പ എന്നിവരെ പി.ടി.എ.യുടെടേയും, സ്റ്റാഫ് കൗൺസിലിന്റെയും നേതൃത്വത്തിൽ സ്വീകരണം നൽകി ആദരിച്ചു.പ്രസ്തുത ചടങ്ങിൽ പി.ടി.എ പ്രസിഡണ്ട് എം ഗണേശൻ അദ്ധ്യക്ഷത വഹിച്ചു. സീനിയർ അദ്ധ്യാപകൻ എ എം കൃഷ്ണൻ സ്വാഗതം പറഞ്ഞു.പി.വി.ഗീത നന്ദി അർപ്പിച്ചു. ആശംസകളർപ്പിച്ച് പ്രിൻസിപ്പാൾ ഇൻചാർജ് എലിസബത്ത് ജോർജ് , പ്രകാശൻ.സി,സതീശൻ.പി,രമേശൻ.വി, ദീപേഷ് . എം, ജനാർദ്ദനൻ.കെ എന്നിവർ സംസാരിച്ചു.
16.09.2021 - ഓസോൺ ദിനാചരണം
ഓസോണിനായി ഒരു മരം:കോടോത്ത് ഡോ: അംബേദ്കർ ഗവ: ഹയർ സെക്കണ്ടറി സ്കൂളിൽ ഓസോൺ ദിനത്തിൽ 16 ഫലവൃക്ഷതൈകൾ നട്ടു.
കോടോത്ത് ഡോ: അംബേദ്കർ ഗവ: ഹയർ സെക്കണ്ടറി സ്കൂൾ പരിസ്ഥിതി ക്ലബിന്റെയും എസ് .പി .സി യുടെയും നേതൃത്വത്തിൽ 2021 സെപ്റ്റംബർ പതിനാറ് ഓസോൺ ദിനത്തിൽ 16 ഫലവൃക്ഷതൈകൾ നട്ടു . ഓസോൺ പാളിയെ സംരക്ഷിക്കുന്നതിനോടൊപ്പം വരും തലമുറയ്ക്കായുള്ള കരുതലിനുമാണ് ഫലവൃക്ഷത്തെകൾ നട്ടത്. ഹെഡ്മിസ്ട്രസ് ഇ. സനിത വൃക്ഷത്തെ നട്ട് പരിപാടി ഉദ്ഘാടനം ചെയ്തു. സെപ്റ്റംബർ പതിനാറിന്റെ ഓർമ്മയ്ക്ക് പതിനാറ് ഫലവൃക്ഷത്തെകളാണ് നട്ടത്. ഇക്കോ ക്ലബ്ബ് കോ ഓർഡിനേറ്റർ എ.എം.കൃഷ്ണൻ , അധ്യാപകരായ കെ ജനാർദ്ദനൻ , സതീശൻ പി ,ഹരീഷ് പി , പി.വി ഗീത, സുകുമാരൻ കെ.വി , ബിജു തോമസ്, രതീഷ് മാവുവളപ്പിൽ ഓഫീസ് സ്റ്റാഫ് ഗീത എന്നിവരും വൃക്ഷത്തെ കൾ നട്ട് പരിപാടിയിൽ സംബന്ധിച്ചു.
-
ഫലവൃക്ഷത്തൈകൾ നടൽ ഉദ്ഘാടനം
-
ഫലവൃക്ഷത്തൈകൾ നടൽ
ലോക ഭക്ഷ്യദിനം 16.10.2021
ലോക ഭക്ഷ്യ ദിനത്തോടനുബന്ധിച്ച് ശാസ്ത്ര-പരിസ്ഥിതി ക്ലബ്ബുകളുടെ ആഭിമുഖ്യത്തിൽ നല്ല ഭക്ഷണം നല്ല ഭാവിക്കുവേണ്ടിഎന്ന വിഷയത്തിൽ വെബിനാർ സംഘടിപ്പിച്ചു.പോഷൺ അഭിയാൻ പരിപാടിയുടെ തുടർച്ചയായിട്ടാണ് ക്ലാസ്സ് സംഘടിപ്പിച്ചത്.ഹൈസ്കൂൾ വിഭാഗം ജീവശാസ്ത്രം അധ്യാപകൻ എ.എം.കൃഷ്ണൻ ക്ലാസ്സെടുത്തു.ഒന്നു മുതൽ ഏഴു വരെയുള്ള ക്ലാസ്സിലെ വിദ്യാർത്ഥികളും രക്ഷിതാക്കളും ക്ലാസ്സിൽ സംബന്ധിച്ചു.
സ്കൂൾ ശുചീകരണ പ്രവർത്തനം
സ്കൂൾ തുറക്കുന്നതിന് മുന്നോടിയായി വിവിധ ദിവസങ്ങളിലായി സ്കൂൾ രക്ഷാകർതൃ സമിതി,സന്നദ്ധ സംഘടനകൾ,രാഷ്ട്രീയ യുവജന സംഘടനകൾ,വായനശാലകൾ,ക്ലബ്ബുകൾ,കുടുംബശ്രീ,സ്വയംസഹായ സംഘങ്ങൾ എന്നിവരുടെ സഹായത്തോടെ സ്കൂൾ ശുചീകരണ പ്രവർത്തനങ്ങൾ നടന്നു.
തിരികെ വിദ്യാലയത്തിലേക്ക്
2021നവംബർ 1 ന് കൊവിഡ് പ്രോട്ടോക്കോൾ പൂർണ്ണമായും പാലിച്ചു കൊണ്ട് വിദ്യാലയങ്ങൾ തുറക്കുന്നതിനുള്ള തീരുമാനം സർക്കാർ കൈക്കൊണ്ടതിന്റെ അടിസ്ഥാനത്തിൽ സംസ്ഥാനത്തെ എല്ലാ വിദ്യാലയങ്ങളിലും പ്രവേശനോത്സവം നടന്നു.കോടോത്ത് ഡോ.അംബേഡ്കർ ഗവ.ഹയർ സെക്കന്ററിസ്കൂളിലും കൊവിഡ് പ്രോട്ടോക്കോൾ പാലിച്ചുകൊണ്ട് വിദ്യാർത്ഥികളെ വരവേറ്റു.സ്കൂൾ രക്ഷാകർതൃ സമിതി അംഗങ്ങളും അധ്യാപകരും ജീവനക്കാരും ചേർന്ന് വിദ്യാർത്ഥികളെ സ്വീകരിച്ചു.
-
-
-
-
-
-
-
കരുതലും ജാഗ്രതയും
-
-
-
-
-
-
-
-
-
-
-
-
-
-
-
-
-
-
03.11.2021 -ആരോഗ്യ ബോധവൽക്കരണ ക്ലാസ്സ്,പ്രബന്ധരചനാ മത്സരം
03.11.2021 ന് കോടോം ബേളൂർ ഗ്രാമ പഞ്ചായത്ത് എണ്ണപ്പാറ കുടുംബാരോഗ്യ കേന്ദ്രത്തിന്റെയും സ്കൂൾ എസ്.പി.സി യൂണിറ്റിന്റെയും സംയുക്താഭിമുഖ്യത്തിൽ ഹൈസ്കൂൾ വിദ്യാർത്ഥികൾക്കായി ആരോഗ്യ ബോധവൽക്കരണ ക്ലാസ്സും പ്രബന്ധരചനാ മത്സരവും നടത്തി.സ്കൂൾ ഹെഡ്മിസ്ട്രസ് സനിത.ഇ അധ്യക്ഷത വഹിച്ച ചടങ്ങിൽ കെ.ജനാർദ്ദനൻ സ്വാഗതവും എസ്.പി.സി കേഡറ്റ് വർഷ നന്ദിയും പറഞ്ഞു.സീനിയർ അസിസ്റ്റന്റ് എ.എം.കൃഷ്ണൻ ആശംസകളർപ്പിച്ച് സംസാരിച്ചു.ജൂനിയർ ഹെൽത്ത് ഇൻസ്പെക്ടർ വിജയൻ ബോധവൽക്കരണ ക്ലാസ്സെടുത്തു.മലമ്പനി രോഗ പ്രതിരോധം എന്ന വിഷയത്തിൽ നടത്തിയ പ്രബന്ധരചനാ മത്സരത്തിൽ വിജയികളായ വിദ്യാർത്ഥികൾക്ക് സമ്മാനങ്ങൾ നൽകി അനുമോദിച്ചു.
-
സ്വാഗതം - കെ.ജനാർദ്ദനൻ
-
അധ്യക്ഷത - സനിത.ഇ (ഹെഡ്‌മിസ്ട്രസ്സ്)
-
ആശംസ - എ.എം.കൃഷ്ണൻ (സീനിയർ അസിസ്റ്റന്റ്)
-
പരിപാടി വിശദീകരണം - വിജയൻ (ജെ.എച്ച്.ഐ)
-
സമ്മാന വിതരണം
-
സമ്മാന വിതരണം
-
സമ്മാന വിതരണം
-
നന്ദി - വർഷ (എസ്.പി.സി കാഡറ്റ്)
കോവിഡ് വാക്സിനേഷൻ ക്യാമ്പ് സംഘടിപ്പിച്ചു.
വിദ്യാർത്ഥികളിൽ കൊവിഡ് വ്യാപനം തടയുന്നതിന്റെ ഭാഗമായി എണ്ണപ്പാറ പ്രൈമറി ഹെൽത്ത് സെന്ററിന്റെ സഹായത്തോടെ സ്കൂളിൽ കോവിഡ് വാക്സിനേഷൻ ക്യാമ്പ് സംഘടിപ്പിച്ചു.15 വയസ്സു മുതൽ 18 വയസ്സ് വരെയുള്ള വിദ്യാർത്ഥികൾക്ക് തുടക്കത്തിൽ വാക്സിൻ നൽകി.സംസ്ഥാനത്ത് ഇത്തരത്തിൽ സ്കൂളിൽ വാക്സിൻ നല്കുന്ന ആദ്യ സ്കൂളായി കോടോത്ത് ഡോ.അംബേഡ്കർ ഗവ.ഹയർ സെക്കന്ററി സ്കൂൾ.300 ലധികം വിദ്യാർത്ഥികൾ ക്യാമ്പിൽ വച്ച് വാക്സിൻ സ്വീകരിച്ചു.നോഡൽ ഓഫീസർ സീനത്ത്.എ.ബി.പ്രവർത്തനങ്ങൾക്ക് നേതൃത്വം നൽകി.എണ്ണപ്പാറ പ്രൈമറി ഹെൽത്ത് സെന്റർ മെഡിക്കൽ ഓഫീസർ,ഹെൽത്ത് ഇൻസ്പെക്ടർ വിജയൻ മറ്റ് ആരോഗ്യ പ്രവർത്തകർ അടങ്ങിയ ടീം ആണ് വാക്സിനേഷൻ ഡ്രൈവിന് എത്തിയത്.ആരോഗ്യ പ്രവർത്തകർക്കുള്ള ഭക്ഷണം സ്കൂൾ പി.ടി.എ നൽകി.
AIDS ദിനാചരണം
സ്കൂൾ ശാസ്ത്രക്ലബ്ബിന്റെ നേതൃത്വത്തിൽ എയിഡ്സ് ദിനാചരണം നടത്തി.വിദ്യാർത്ഥികൾക്കായി പ്രശ്നോത്തരി മത്സരം സംഘടിപ്പിച്ചു.കൂടാതെ എയ്ഡ്സ് ബോധവൽക്കരണ പോസ്റ്ററുകൾ നോട്ടീസ് ബോർഡിൽ പതിച്ചു.അന്നേ ദിവസം എസ്.പി.സി കേഡറ്റുകൾ എയിഡ്സ് ബോധവൽക്കരണ റാലി സംഘടിപ്പിച്ചു.
31.12.2021 -SPC അവധിക്കാല ക്യാമ്പ് സംഘടിപ്പിച്ചു
സ്കൂൾ എസ്.പി.സി യൂണിറ്റിന്റെ അവധിക്കാല ക്യാമ്പ് 2021 ഡിസംബർ 31,2022 ജനുവരി 1 തീയതികളിലായി സ്കൂളിൽ സംഘടിപ്പിച്ചു.രാജപുരം പോലീസ് സബ് ഇൻസ്പെക്ടർ പി കൃഷ്ണൻ പതാകയുയർത്തി.കോടോം ബേളൂർ ഗ്രാമ പഞ്ചായത്ത് പ്രസിഡണ്ട് പി ശ്രീജ ക്യാമ്പ് ഉദ്ഘാടനം ചെയ്തു.പി.ടി.എ പ്രസിഡണ്ട് എം.ഗണേശൻ,പ്രിൻസിപ്പാൾ പി കെ പ്രേമരാജൻ,ഹെഡ്മിസ്ട്രസ് സനിത ഇ,പി.ടി.എ വൈസ് പ്രസിഡണ്ട് ശശികുമാർ,സീനിയർ അസിസ്റ്റന്റ് എ.എം.കൃഷ്ണൻ,എ.സി.പി.ഒ പത്മസുധ പയ്യൻ എന്നിവർ സംസാരിച്ചു.സി.പി.ഒ ജനാർദ്ദനൻ കെ ക്യാമ്പ് വിശദീകരണം നടത്തി.
07.01.2022 -അമൃതകിരണം-മെഡി IQ 2021 ഓൺലൈൻ ക്വിസ്സ്
കേരളത്തിലെ സർക്കാർ ഡോക്ടർമാരുടെ സംഘടനയായ കെ.ജി.എം.ഒ എ യുടെ ആഭിമുഖ്യത്തിൽ വിദ്യാർത്ഥികളിൽ ശാസ്ത്രാവബോധം വളർത്തുന്നതിനും അശാസ്ത്രീയവും അബദ്ധജടിലവുമായ പ്രചരണങ്ങൾക്കെതിരെ പൊരുതാൻ അവരെ സജ്ജരാക്കുന്നതിനും ലക്ഷ്യമിട്ട് 2017 മുതൽ നടന്നു വരുന്ന അമൃതകിരണം മെഡി ഐക്യു എന്ന പ്രശ്നോത്തരിയുടെ ജില്ലാതല മത്സരത്തിന്റെ പ്രാഥമിക ഘട്ടം 2022 ജനുവരി 7, വെള്ളിയാഴ്ച ഓൺലൈൻ ആയി നടന്നു.MEDI IQ ഓൺലൈൻ ക്വിസ്സിൽ സ്കൂൾ മികച്ച പ്രകടനം നടത്തി.സ്കൂളിനെ പ്രതിനിധീകരിച്ച ടീം അംഗങ്ങളായ ചൈതന്യ.ബി,അഭിജിത്ത്.യു.കെ എന്നിവർ ജില്ലയിൽ ഏറ്റവും കൂടുതൽ സ്കോർ നേടുന്ന ടീമായി.സീനത്ത് എ ബി,എ.എം.കൃഷ്ണൻ,ശലഭ.എസ് എന്നിവർ പ്രവർത്തനങ്ങൾക്ക് നേതൃത്വം നൽകി.മത്സരത്തിനാവശ്യമായ സാങ്കേതിക സഹായം സ്കൂൾ ലിറ്റിൽ കൈറ്റ്സ് ഒരുക്കി.
മോട്ടിവേഷൻ ക്ലാസ്സ് നടത്തി
2021-2022 വർഷത്തെ എസ്.എസ്.എൽ.സി ബാച്ച് വിദ്യാർത്ഥികൾക്ക് പരീക്ഷയെ അഭിമുഖീകരിക്കുന്നതിനും പരീക്ഷാ സംബന്ധമായ ഭയം ദൂരീകരിക്കുന്നതിനുമായി സ്കൂൾ പി.ടി.എ.യുടെ നേതൃത്വത്തിൽ മോട്ടിവേഷൻ ക്ലാസ്സ് സംഘടിപ്പിച്ചു.പ്രശസ്ത വ്യക്തിത്വ വികാസ പരിശീലകനും മോട്ടിവേഷണൽ സ്പീക്കറും സൈക്കോ സോഷ്യൽ കൗൺസിലറുമായ പ്രദീപൻ മാലോത്ത് ക്ലാസ്സെടുത്തു.ക്ലാസ്സധ്യാപകൻ പ്രകാശൻ.സി സ്വാഗതം പറഞ്ഞ ചടങ്ങിൽ ഹെഡ്മിട്രസ് സനിത.ഇ അധ്യക്ഷത വഹിച്ചു.സീനിയർ അസിസ്റ്റന്റ് എ.എം.കൃഷ്ണൻ നന്ദി പറഞ്ഞു.
-
സ്വാഗതം - പ്രകാശൻ.സി
-
ഹെഡ്മിസ്ട്രസ് - സനിത.ഇ
-
ക്ലാസ്സ്
റിപ്പബ്ലിക്ക് ദിനാഘോഷം
ഈ വർഷത്തെ റിപ്പബ്ലിക് ദിനാഘോഷം ലളിതമായ ചടങ്ങുകളോടെ കോവിഡ് പ്രോട്ടോക്കോൾ പാലിച്ചു കൊണ്ട് സംഘടിപ്പിച്ചു.രാവിലെ 9.30 ന് അധ്യാപകരുടെയും രക്ഷാകർതൃ സമിതി പ്രതിനിധികളുടെയും സാന്നിധ്യത്തിൽ സീനിയർ അസിസ്റ്റന്റ് എ.എം.കൃഷ്ണൻ ദേശീയ പതാകയുയർത്തി.സ്കൂൾ പി.ടി.എ പ്രസിഡണ്ട് എം.ഗണേശൻ,എസ്.പി.സി സി.പി.ഒ ജനാർദ്ദനൻ കെ,എ.സി.പി.ഒ പത്മസുധ പയ്യൻ,അധ്യാപകരായ ദീപേഷ് എം,പ്രസീജ,രശ്മി രാജ്കുമാർ,ഷീബ,ഓഫീസ് സ്റ്റാഫ് ജിജോ ജോസഫ് എന്നിവർ ചടങ്ങിൽ സംബന്ധിച്ചു.സാമൂഹ്യ ശാസ്ത്രാധ്യാപകൻ ദീപേഷ് എം റിപ്പബ്ലിക് ദിനത്തിന്റെ വർത്തമാനകാല പ്രസക്തിയെക്കുറിച്ച് സംസാരിച്ചു.
വായനയെ നെഞ്ചോട് ചേർത്ത് പിടിക്കാൻ പുസ്തകത്തൊട്ടിലുമായി കുട്ടിപ്പോലീസ്
ഡോ:അംബേദ്കർ ഗവ: ഹയർ സെക്കൻഡറി സ്കൂളിൽ വായന പ്രോത്സാഹിപ്പിക്കുന്നതിന് കോടോത്ത് എസ്.പി.സി.യുടെ നേതൃത്വത്തിൽ കുട്ടികളിൽ നിന്ന് പുസ്തകം ശേഖരിച്ചു. ഈ പുസ്തകങ്ങൾ കുട്ടികൾക്ക് വായിക്കാൻ നൽകും. ഒരു മാസത്തിനകം വായിച്ച പുസ്തകത്തിന്റെ ആസ്വാദനക്കുറിപ്പ് സ്കൂൾ അസംബ്ലിയിൽ അവതരിപ്പിക്കണം.പ്രസ്തുത ചടങ്ങിൽ സീനിയർ അദ്ധ്യാപകൻ എ.എം കൃഷ്ണൻ അദ്ധ്യക്ഷത വഹിച്ചു. വി.ഉണ്ണികൃഷ്ണൻ, സർക്കിൾ ഇൻസ്പക്ടർ ഓഫ് പോലീസ് രാജപുരം പുസ്തക തൊട്ടിലിൽ പുസ്തകം നിക്ഷേപിച്ചു കൊണ്ട് ഉദ്ഘാടനം ചെയ്തു. സി.പി.ഒ. ജനാർദ്ദനൻ കെ. സ്വാഗതം പറഞ്ഞു. സീനിയർ കേഡറ്റ് കുമാരി ശിവാനി. എം നന്ദി പ്രകാശിപിച്ചു. പ്രസ്തുത ചടങ്ങിൽ അദ്ധ്യാപകരായ പ്രകാശൻ സി, ദീപേഷ് എം. രമേശൻ എം, ഗീത. സി, ജിജോ ജോസഫ് എന്നിവർ സംബന്ധിച്ചു.
വാർത്ത കാണാൻ താഴെയുള്ള ലിങ്കിൽ ക്ലിക്ക് ചെയ്യുക
വാർത്ത കാണാൻ ലിങ്കിൽ ക്ലിക്ക് ചെയ്യുക https://www.youtube.com/watch?v=EJj6oveMHh8
ദേശീയ ശാസ്ത്രദിനം - ഫെബ്രുവരി 28
ഫെബ്രുവരി 28 ദേശീയ ശാസ്ത്ര ദിനത്തിൽ കോടോത്ത് ഡോ.അംബേദ്കർ ഗവ.ഹയർ സെക്കന്ററി സ്കൂളിൽ ശാസ്ത്ര ക്ലബ്ബിന്റെ നേതൃത്വത്തിൽ സയൻസ് എക്സ്പോ 2022 സംഘടിപ്പിച്ചു.കോടോം ബേളൂർ ഗ്രാമ പഞ്ചായത്ത് പ്രസിഡണ്ട് പി.ശ്രീജ സയൻസ് എക്സ്പോ ഉദ്ഘാടനം ചെയ്തു.പി.ടി.എ പ്രസിഡണ്ട് എം.ഗണേശൻ അധ്യക്ഷത വഹിച്ച ചടങ്ങിൽ ഹെഡ്മിസ്ട്രസ് ഇ.സനിത സ്വാഗതവും സീനിയർ അസ്സിസ്റ്റന്റ് എ.എം.കൃഷ്ണൻ നന്ദിയും പറഞ്ഞു.അധ്യാപകരായ എൻ.ബാലചന്ദ്രൻ,ശലഭ.എസ്,രസിത.എ.വി,രമ്യ.കെ.വി,ധന്യ എന്നിവർ സംസാരിച്ചു.വിദ്യാർത്ഥികളായ സാനിയ,ഋഷികേശ് എന്നിവർ തൽസമയ പരീക്ഷണങ്ങൾ നടത്തിയത് വിദ്യാർത്ഥികളിൽ കൗതുകമുണ്ടാക്കി.ലഘുപരീക്ഷണങ്ങൾ,വർക്കിംഗ് മോഡലുകൾ,സ്റ്റിൽ മോഡലുകൾ,ജീവചരിത്രക്കുറിപ്പുകൾ,പോസ്റ്ററുകൾ,സയൻസ് ആൽബങ്ങൾ,റൊബോട്ടുകൾ എന്നിവ പ്രദർശനത്തിൽ വിദ്യാർത്ഥികൾ ഒരുക്കിയിരുന്നു.ശാസ്ത്രതത്വങ്ങൾ ലളിതമായി വിദ്യാർത്ഥികളിലെത്തിക്കാൻ ശാസ്ത്രപ്രദർശനത്തിന് കഴിഞ്ഞു.
-
ദേശീയ ശാസ്ത്ര ദിനം - ഉദ്ഘാടന സമ്മേളനം
-
ദേശീയ ശാസ്ത്ര ദിനം - പ്രദർശനം
-
-
-
-
-
02.03.2022_SPC സൂപ്പർ സീനിയർ കേഡറ്റുകളുടെ നാലാമത് ബാച്ചിന്റെ പാസ്സിംഗ് ഔട്ട് പരേഡ് നടന്നു.
ഡോ.അംബേദ്കർ ഗവ: ഹയർ സെക്കൻഡറി സ്കൂളിലെ 20 19 - 20 21 ലെ സൂപ്പർ സീനിയർ കേഡറ്റുകളുടെ പാസിംഗ് ഔട്ട് പരേഡ് ഇന്ന് (02.03.2022)പാത്തിക്കര ഗ്രൗണ്ടിൽ വച്ച് നടന്നു.പരേഡിൽ ശ്രീ.സി.കെ. സുനിൽകുമാർ ഡി.വൈ.എസ് പി. സല്യൂട്ട് സ്വീകരിച്ചു. രാജപുരം സർക്കിൾ ഇൻസ്പെക്ടർ ശ്രീ വി.ഉണ്ണികൃഷ്ണൻ കേഡറ്റുകൾക്കുള്ള പ്രതിജ്ഞ ചൊല്ലി കൊടുത്തു. ചടങ്ങിൽ കോടോം ബേളൂർ ഗ്രാമ പഞ്ചായത്ത് പ്രസിഡണ്ട് ശ്രീമതി.ശ്രീജ.പി. മുഖ്യ പ്രഭാഷണം നടത്തി. പി. ടി.എ. പ്രസിഡണ്ട്ശ്രീ .എം.ഗണേശൻ അദ്ധ്യക്ഷത വഹിച്ചു.പ്രിൻസിപ്പാൾ പി.കെ.പ്രേമരാജൻ, പ്രധാനാദ്ധ്യാപിക ശ്രീമതി സനിത. ഇ,ഡി.ഐ. ബാബു രാജപുരം സിവിൽ പോലീസ് ഓഫീസർ ,ഗാർഡിയൻ എസ്.പി.സി. പ്രസിഡണ്ട് ശ്രീമതി സൗമ്യ വേണുഗോപാൽ അദ്ധ്യാപകരായ പ്രകാശൻ സി,ബിജു തോമസ്, ജനാർദ്ദനൻ.കെ,ദീപേഷ് . എം,രക്ഷിതാക്കൾ,പൂർവ്വ വിദ്യാർത്ഥികൾ,നാട്ടുകാർ എന്നീവർ സന്നിഹിതരായിരുന്നു.ബെസ്റ്റ് ഇൻഡോർ കേഡറ്റായി ശിവാനി.എം,ബെസ്റ്റ് ഔട്ട്ഡോർ കേഡറ്റായി മിഥുൻ കൃഷ്ണൻ,ഓൾ റൗണ്ട് ആയി അപർണാ രാജൻ എന്നിവരെ തെരഞ്ഞെടുത്തു
വാർത്ത കാണാൻ ലിങ്കിൽ ക്ലിക്ക് ചെയ്യൂ https://www.youtube.com/watch?v=cWJq-m2zQ_E
04.03.2022_ ഉല്ലാസ ഗണിതം - ശില്പശാല 2022 നടന്നു
1, 2 ക്ലാസുകളിലെ കുട്ടികൾക്ക് ഗണിതപഠനം ഉല്ലാസഭരിതമാക്കാനും ഗണിതപഠന നേട്ടങ്ങൾ കളി കളിലൂടെ സ്വായത്തമാക്കുന്നതിനും വേണ്ടി,രക്ഷിതാക്കൾക്കുള്ള ഉല്ലാസ ഗണിതം ശില്പശാല 04.03.2022 വെള്ളിയാഴ്ച നടന്നു .
രാവിലെ 10 മണിക്ക് തന്നെ രണ്ടാം ക്ലാസ് അധ്യാപിക രേഷ്മ ടീച്ചറുടെ സ്വാഗത പ്രസംഗത്തോടെ ശില്പശാലയുടെ ഉദ്ഘാടന കർമ്മത്തിന് തിരിതെളിഞ്ഞു.എൻ. ബാലചന്ദ്രൻ സാറിന്റ അദ്ധ്യക്ഷതയിൽ ഹെഡ്മിസ്ട്രസ് സനിത ടീച്ചർ ശില്പശാലയുടെ ഉദ്ഘാടന കർമ്മം നിർവ്വഹിച്ചു. ബി.ആർ.സി ട്രെയിനർമാരായ രഞ്ജിനി ടീച്ചർ,ജെസ്ന ടീച്ചർ എന്നിവർ പദ്ധതി വിശദീകരണം നടത്തി.കെ.ഐ.സുകുമാരൻ സർ,പ്രീതി ടീച്ചർ ആശംസകളർപ്പിച്ചു സംസാരിച്ച ചടങ്ങിൽ അംബിക ടീച്ചർ നന്ദി പറഞ്ഞു.
ഉദ്ഘാടന കർമ്മത്തിന് ശേഷം ജെസ്ന ടീച്ചർ ഒന്നാമത്തെ പ്രവർത്തനം വിശദീകരിക്കുകയും അധ്യാപകരും രക്ഷിതാക്കളും വളരെ ഉത്സാഹത്തോടു കൂടി അതിൽ പങ്കെടുക്കുകയും ചെയ്തു. രക്ഷിതാക്കൾ വളരെ ആവേശത്തോട് കൂടി മത്സരത്തിൽ പങ്കെടുത്തു. ഏകദേശം എല്ലാ പ്രവർത്തനങ്ങളും അധ്യാപകരുടെ സഹായത്തോട് കൂടി രക്ഷിതാക്കൾ മനസിലാക്കി. കുട്ടികളെപ്പോലെ തന്നെ വളരെ ആവേശത്തോടെയാണ് രക്ഷിതാക്കൾ ഓരോ പ്രവർത്തനം ചെയ്യുന്നതിലും മത്സരിച്ചത്.ശില്പശാലയിൽ നിർമ്മിക്കപ്പെട്ട ഗണിത കിറ്റ് രക്ഷിതാക്കൾക്ക് നൽകി.ഓരോ ഗണിതപഠനപ്രവർത്തനങ്ങളും മത്സരബുദ്ധിയും ആവേശവും നിറഞ്ഞ കളികളായതിനാൽ സമയം പോയതറിഞ്ഞില്ല.ഏകദേശം ഒരു മണിയോട് കൂടി ഉല്ലാസ ഗണിതം ശില്പശാലയ്ക്ക് സമാപനമായി.കോവിഡ് മഹാമാരിയുടെ ഈ കാലത്ത് വീട് ഒരു വിദ്യാലയമായിരിക്കുകയാണല്ലോ അവിടത്തെ അധ്യാപകർ രക്ഷിതാക്കളുമാണ്. ഈ സാഹചര്യത്തിൽ ഉല്ലാസ ഗണിതം ശില്പശാല രക്ഷിതാക്കൾക്ക് ഏറെ സഹായകരമായി.
-
-
സ്വാഗതം- രേഷ്മ കെ സി
-
ഉദ്ഘാടനം - സനിത ഇ (ഹെഡ്മിസ്ട്രസ്)
-
അദ്ധ്യക്ഷത -എൻ. ബാലചന്ദ്രൻ
-
-
നന്ദി- അംബിക
-
-
-
-
-
-
ഉച്ചഭക്ഷണ പദ്ധതിയുടെ ഭാഗമായുള്ള സോഷ്യൽ ഓഡിറ്റിംഗ് നടന്നു.07.03.2022
കോടോത്ത് ഡോ.അംബേഡ്കർ ഗവ.ഹയർ സെക്കന്ററി സ്കൂൾ ഉച്ച ഭക്ഷണ പദ്ധതിയുടെ നടത്തിപ്പ് പരിശോധന നടന്നു.ബന്ധപ്പെട്ട ഉദ്യോഗസ്ഥർ സ്കൂൾ സന്ദർശിക്കുകയും ഉച്ച ഭക്ഷണ വിതരണവും നടത്തിപ്പും പരിശോധിക്കപ്പെടുകയും വിലയിരുത്തപ്പെടുകയും ചെയ്തു.ഇതിന്റെ തുടർച്ചയായി 07.03.2022 ന് ഉച്ചക്ക് 1 മണിക്ക് സോഷ്യൽ ഓഡിറ്റ് പബ്ലിക് ഹിയറിംഗ് നടന്നു.കോടോം ബേളൂർ ഗ്രാമ പഞ്ചായത്ത് പ്രസിഡണ്ട് പി.ശ്രീജ പരിപാടി ഉദ്ഘാടനം ചെയ്തു.ഉച്ച ഭക്ഷണ പദ്ധതിയുടെ സോഷ്യൽ ഓഡിറ്റ് റിസോഴ്സ് പേഴ്സൺ മുകുന്ദൻ പി കെ പരിശോധനാ റിപ്പോർട്ട് പബ്ലിക് ഹിയറിംഗിന്റെ ഭാഗമായി അവതരിപ്പിച്ചു.സ്കൂൾ ഉച്ചഭക്ഷണ പരിപാടിയിലെ മികവുകളും വരുത്തേണ്ട മാറ്റങ്ങളും അവതരിപ്പിച്ചു.ചടങ്ങിൽ പഞ്ചായത്ത് മെമ്പർ പി കുഞ്ഞികൃഷ്ണൻ അദ്ധ്യക്ഷത വഹിച്ചു.പി.ടി.എ പ്രസിഡണ്ട് എം.ഗണേശൻ സ്വാഗതവും സീനിയർ അസിസ്റ്റന്റ് എ.എം.കൃഷ്ണൻ നന്ദിയും പറഞ്ഞു.റിപ്പോർട്ടിന്മേലുള്ള ചർച്ചയിൽ പങ്കെടുത്തു കൊണ്ട് മുൻ പി.ടി.എ പ്രസിഡണ്ട് കെ.വി.കേളു, പി.ടി.എ ഭാരവാഹികൾ,ഉച്ചഭക്ഷണ പരിപാടിയുടെ ചുമതലയുള്ള അധ്യാപകരായ ബിജു തോമസ്,പുഷ്പ വിൻസന്റ്,പാചകത്തൊഴിലാളികൾ,വിദ്യാർത്ഥി പ്രതിനിധികൾ ,രക്ഷിതാക്കൾ എന്നിവർ സംസാരിച്ചു.സ്കൂൾ ഉച്ച ഭക്ഷണ പദ്ധതി മെച്ചപ്പെടുത്തുന്നതിനുള്ള നിർദ്ദേശങ്ങൾ ഉൾപ്പെടുത്തി ചർച്ചക്കുള്ള മറുപടി പറയുകയും ഉച്ച ഭക്ഷണ പദ്ധതി കാര്യക്ഷമമാക്കുന്നതിനുള്ള നയപ്രഖ്യാപനവും ഹെഡ്മിസ്ട്രസ് സനിത ഇ നടത്തി.
കൗമാര ആരോഗ്യ പരിശോധനയും ബോധവൽക്കരണ ക്ലാസ്സും നടത്തി
കോടോത്ത് :08.03.2022 ചൊവ്വാഴ്ച ഹൈസ്കൂൾ വിദ്യാർത്ഥികൾക്കായി സ്കൂൾ ശാസ്ത്ര -ആരോഗ്യ ക്ലബ്ബിന്റെ ആഭിമുഖ്യത്തിൽ കൗമാര ആരോഗ്യ വിദ്യാഭ്യാസ ബോധവൽക്കരണ ക്ലാസ്സ് നടത്തി.പനത്തടി താലൂക്ക് ആശുപത്രിയിലെ RBSK നഴ്സ് വിൻസി സെബാസ്റ്റ്യൻ ക്ലാസ്സെടുത്തു.സീനത്ത് എ ബി സ്വാഗതവും സൗമ്യ ജോസഫ് നന്ദിയും പറഞ്ഞു.വിദ്യാർത്ഥികളുടെ പ്രാഥമിക ആരോഗ്യ പരിശോധനയും നടത്തി.
-
Health class
-
Health class
-
Health checkup
-
Health checkup
-
Health checkup
-
Health checkup
-
Health checkup
കില ഉദ്യോഗസ്ഥർ സ്കൂൾ സന്ദർശിച്ചു 08.03.2022
പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി കോടോത്ത് സ്കൂളിന്അനുവദിച്ച 3 കോടിയുടെ കിഫ്ബി ഫണ്ടുപയോഗിച്ച് നിർമ്മിക്കുന്ന കെട്ടിട നിർമ്മാണവുമായി ബന്ധപ്പെട്ട് സ്ഥലപരിശോധനക്കായി കില ഉദ്യോഗസ്ഥർ സ്കൂൾ സന്ദർശിച്ചു.മുമ്പ് കെട്ടിട നിർമ്മാണ ചുമതലയുണ്ടായിരുന്ന ഏജൻസികൾ ഒഴിവായതിന്റെ ഭാഗമായാണ് കില കെട്ടിട നിർമ്മാണ ചുമതല ഏറ്റെടുക്കുന്നത്.ഒരു വർഷത്തിനുള്ളിൽ കെട്ടിട നിർമ്മാണം പൂർത്തിയാക്കാൻ കഴിയുമെന്ന് ഉദ്യോഗസ്ഥർ പറഞ്ഞു.
-
കില ഉദ്യോഗസ്ഥർ സ്ഥലം പരിശോധിക്കുന്നു
-
കില ഉദ്യോഗസ്ഥർ സ്കൂൾ സന്ദർശിച്ചപ്പോൾ
ജന്മദിന സമ്മാനമായി സ്കൂൾ ലൈബ്രറിയിലേക്ക് പുസ്തകം നൽകി മാതൃകയായി ശ്രീനന്ദ കെ ബി -15.03.2022
ഡോ.അംബേഡ്കർ ഗവ.ഹയർ സെക്കന്ററി സ്കൂളിലെ 9ാം ക്ലാസ്സിൽ പഠിക്കുന്ന ശ്രീനന്ദ കെ ബി ജന്മദിനമാഘോഷിച്ചത് സ്കൂളിലെ മറ്റ് കുട്ടികൾക്ക് മാതൃകയായാണ്.കൂട്ടുകാർക്കെല്ലാം മധുരം നൽകിയതോടൊപ്പം സ്കൂൾ ലൈബ്രറിയിലേക്ക് പുസ്തകം സമ്മാനമായി നൽകുകയും ചെയ്തു.നൂറ്റാണ്ടിനെ മാറ്റി മറിച്ച 101 ഇന്ത്യാക്കാർ എന്ന പുസ്തകമാണ് സ്കൂൾ ലൈബ്രറിയിലേക്ക് നൽകാൻ ക്ലാസ്സ് അധ്യാപകനായ റഹീം മാഷിനെ ഏൽപ്പിച്ചത്.
-
-
Sreenanda K B
