ഡയറ്റ് ആറ്റിങ്ങൽ/അക്ഷരവൃക്ഷം/പുതിയ പുലരി
പുതിയ പുലരി
പ്രകൃതി ഒരു ഇന്ദ്രജാലമാണ് .മരങ്ങൾക്കും പുഴകൾക്കുമെല്ലാം ഒരുപാട് വിദ്യകളറിയാം;മനുഷ്യരെപ്പോലെ തന്നെ. ചിത്രകല വളരെ വിദഗ്ദ്ധമായി ചെയ്യുന്ന മരങ്ങൾ, മധുരമായി സംഗീതം ആലപിക്കുന്ന പുഴകൾ, പക്ഷികൾക്കുമറിയാം അവരുടേതായ വാദ്യോപകരണങ്ങളെ വായിക്കാൻ. സ്വന്തം കാര്യം മാത്രം ശ്രദ്ധിക്കാതെ നമുക്ക് ചുറ്റുമുള്ളവർക്കുകൂടി തുണയാകുന്ന പരിസ്ഥിതി ഒരു പാഠശാല തന്നെയാണ്.പക്ഷികൾക്കും മറ്റ് ചെറിയ മൃഗങ്ങൾക്കുമെല്ലാം തന്റേതായ സഹായം ചെയ്തുകൊടുക്കുന്ന മരങ്ങൾ ഇതിന് ഉദാഹരണമാണ് . മനുഷ്യർക്കുകൂടി ഉപകാരപ്രദമായ രീതിയിൽ നിലനിൽക്കുന്ന ഇവയെ നമുക്ക് വേണ്ടി മാത്രം ഫലപ്രദമാക്കുകയാണ് നാം. 'താൻ പാതി ദൈവം പാതി ' എന്ന പ്രയോഗത്തിന്റെ ഒരു കുറുക്കുവശമാണ് നമ്മുടെ പരിസ്ഥിതിയുടെ കാര്യം. ദൈവം നൽകുന്ന കാരുണ്യമാണല്ലോ പ്രകൃതി , മനുഷ്യരുടെ 'പാതി' എന്ന് പറയുന്നത് നാം അവയെ നശിപ്പിക്കുന്നതാണ് . മരങ്ങൾ വെട്ടിയും പുഴകൾ മലിനീകരിച്ചും വയലുകൾ നികത്തിയുമെല്ലാം നമ്മുടെ വശം നാം ഒത്തുതീർപ്പാക്കുകയാണ് . അപ്പോഴും ബാക്കിയുള്ള ജീവനെ നമുക്കായി അവ ചിലവിടുകയായിരുന്നു. ഒടുവിൽ സഹികെട്ടപ്പോൾ പ്രളയമായും കൊറോണയായുമെല്ലാം നമ്മെ ഉപദ്രവിക്കാൻ വന്ന അസുരന്മാരെ തുരത്താൻ ദൈവം അവതാരങ്ങളെ ഒന്നും നൽകിയില്ല. നാം പഠിക്കട്ടെ എന്ന് കരുതിയിരിക്കാം. പഠിച്ചല്ലോ. പ്രളയം വന്നപ്പോൾ സ്വന്തം ജീവനുവേണ്ടി മാത്രം ജീവിച്ചവർ മറ്റുള്ളവർക്കും താങ്ങായി. പ്രകൃതി കോപിച്ചതെന്ന് കരുതിയവർ അതിന് തുണയായി. വായുവിനെ രക്ഷിക്കണം എന്ന് ഓർത്തപ്പോൾ കൊറേണയായി വന്നു.പിന്നെ കർഫ്യൂവായി, ലോക്ക്ഡൗണായി, വാഹനങ്ങളൊന്നും ഓടാതായി.ഇപ്പോഴിതാ പച്ചക്കറിത്തോട്ടവും ഉണ്ടായി. പ്രകൃതി ഇനിയൊന്നാശ്വസിക്കട്ടേ.......!
|
- അക്ഷരവൃക്ഷം പദ്ധതിയിലെ സൃഷ്ടികൾ
- തിരുവനന്തപുരം ജില്ലയിലെ അക്ഷരവൃക്ഷം-2020 സൃഷ്ടികൾ
- ആറ്റിങ്ങൽ ഉപജില്ലയിലെ അക്ഷരവൃക്ഷം-2020 സൃഷ്ടികൾ
- അക്ഷരവൃക്ഷം പദ്ധതിയിലെ ലേഖനംകൾ
- തിരുവനന്തപുരം ജില്ലയിലെ അക്ഷരവൃക്ഷം ലേഖനംകൾ
- തിരുവനന്തപുരം ജില്ലയിലെ അക്ഷരവൃക്ഷം സൃഷ്ടികൾ
- ആറ്റിങ്ങൽ ഉപജില്ലയിലെ അക്ഷരവൃക്ഷം-2020 ലേഖനംകൾ
- തിരുവനന്തപുരം ജില്ലയിൽ 27/ 04/ 2020ന് ചേർത്ത അക്ഷരവൃക്ഷം സൃഷ്ടികൾ
- അക്ഷരവൃക്ഷം 2020 പദ്ധതിയിൽ നാലാം ഘട്ടത്തിൽ പരിശോധിച്ച സൃഷ്ടികൾ
- അക്ഷരവൃക്ഷം 2020 പദ്ധതിയിൽ നാലാംഘട്ടത്തിൽ പരിശോധിച്ച ലേഖനം