ടി എസ്സ് എൻ എം എച്ച് എസ്, കുണ്ടൂർക്കുന്ന്/എന്റെ ഗ്രാമം

കുണ്ടൂർക്കുന്ന്

ടി എസ് നമ്പൂതിരിപ്പാട്

TS Namboothirippad അപൂർവ്വ വ്യക്തിത്വത്തിന് ഉടമയാവുക, വ്യക്തിത്വവികാസത്തിനുതകുന്ന തരത്തിൽ വിജ്ഞാനം നേടുക ആർജിത വിജ്ഞാനം സഹജീവികൾക്ക് ഉപകാരമാകുന്ന വിധത്തിൽ ഉപയോഗിക്കുക ഈ ഗുണങ്ങൾ വിശേഷങ്ങൾ എല്ലാം ഒരാളിൽ ഒത്തുചേർന്നു നിൽക്കുന്നു എങ്കിൽ ആളെ ആരും ആരാധിച്ചു പോകും. 1909 ഫെബ്രുവരിയിലാണ് പുരുഷൻറെ ജനനം ബാ@ല്യകാലം ബ്രഹ്മചര്യവും വേദാഭ്യാസവുമായി കഴിഞ്ഞ ഇദ്ദേഹം സമാവർത്തനത്തിനുശേഷം ഒറ്റപ്പാലം ഹൈസ്കൂളിലും തൃശ്ശൂർ സെൻറ് തോമസ് കോളേജിലും ആയി ആധുനിക വിദ്യാഭ്യാസം തുടരെ രോഗബാധിതനായി ഇടയ്ക്ക് വെച്ച് പഠനം നിർത്തുകയാണുണ്ടായത് പിന്നീട് സുപ്രയത്നത്താലും തൻറെ ക്ഷീണിക്കാത്ത മനീഷയാലും അദ്ദേഹം വിവിധ വിജ്ഞാന ശാഖകളിൽ അഗാധമായ പാണ്ഡിത്യം സമർപ്പിച്ചു സാഹിത്യം ശാസ്ത്രം ജ്യോതിഷം ഗണിതശാസ്ത്രം ആധുനിക ശാസ്ത്രങ്ങൾ രാഷ്ട്രീയം എന്നിങ്ങനെ വിവിധ രംഗങ്ങളിലും കൃതഹസ്യനായിരുന്നുഇതിനിടെ 1939ൽ തന്റെ മുപ്പതാം വയസ്സിൽ അദ്ദേഹം വിവാഹിതനായി അഷ്ടവൈദ്യപ്രമുഖരിൽ പ്രധാനിയും അക്കാലത്തെ മികച്ച ആയുർവേദ ഡോക്ടറും ആയിരുന്ന പരേതനായ ബ്രഹ്മശ്രീ പുലാമന്തോൾ ശങ്കരൻ മൂസിന്റെ ഏക പുത്രിയുമായ ടി എം ദേവകിയായിരുന്നു വധു അവർക്ക് നാല് പുത്രന്മാരും ഒരു പുത്രിയും ഉണ്ടായി 1948 ഇല്ലത്തെ ഭാഗത്തെ തുടർന്ന് ശ്രീ നമ്പൂതിരിപ്പാട് തനിക്ക് ഓഹരിയായി ലഭിച്ച കുടുംബ സ്വത്തുക്കളുടെ സംരക്ഷണാർത്ഥം കുടുംബം കുണ്ടൂർ കുന്നിലേക്ക് താമസം മാറ്റി. ഒരു കളപ്പുരയും ഒരു കളം കാര്യസ്ഥനും മാത്രമായിരുന്നു അതുവരെ മനവകയായി ഈ പ്രദേശത്ത് ഉണ്ടായിരുന്നത് സ്വന്തമായി ഒരു പാർപ്പിടവും ചിട്ടപ്പെട്ട ഒരു ജീവിതവും കൈവന്ന ചുറ്റും നിരീക്ഷിച്ചപ്പോഴാണ് ഈ നാടിൻറെ അവസ്ഥഅദ്ദേഹത്തിൻറെ സൃഷ്ടിയിൽ പെട്ടത്. ബാഹ്യലോകവുമായി യാതൊരു ബന്ധവുമില്ലാത്ത വെറും കൂപമണ്ഡൂക സദൃശ്യരായിരുന്നു ഇവിടത്തെ കൃഷിക്കാരും അവരെ ആശ്രയിച്ചു ജീവിക്കുന്ന അധകൃതരും. കുട്ടികൾക്ക് പഠിക്കുവാൻ ഒരു പ്രാഥമിക വിദ്യാലയമോ കത്തിടപാടുകൾ നടത്തുവാൻ ഒരു തപാൽ ആപ്പീസ് യാത്ര ചെയ്യാൻ റോഡ് മുതലായവയൊന്നും ഇല്ലാതെ ഈ ലോകത്തിൽ നിന്ന് തന്നെ ഒറ്റപ്പെട്ടു കഴിയുന്ന ഒരു നാടായിരുന്നു ഇത്. ഇദ്ദേഹത്തിൻറെ നേതൃത്വത്തിൽ 1949 ഓഗസ്റ്റ് 9 തീയതി 2 ഡിവിഷനോടുകൂടിയ ആദ്യത്തെ പ്രാഥമിക വിദ്യാലയം സ്ഥാപിക്കപ്പെട്ടു. ശ്രീ ഗോവിന്ദൻ നായർ നൽകിയ സ്ഥലത്താണ് ഇന്നു കാണുന്ന ഹൈസ്കൂളിന്റെയും യുപി സ്കൂളിന്റെയും ഹയർസെക്കൻഡറിയുടെയും കെട്ടിടസമുച്ചയങ്ങൾ സ്ഥിതി ചെയ്യുന്നത്. സ്കൂളിന് പുറമേ ഈ പ്രദേശത്തേക്ക് യാത്ര ചെയ്യാൻ ഉതകുന്ന റോഡുകൾ കുണ്ടൂർകുന്ന് പോസ്റ്റ് ഓഫീസ് കുണ്ടൂർകുന്ന് പോസ്റ്റ് ഓഫീസ് എന്നിവ നിർമ്മിക്കുന്നത് വഴി അധകൃതരെ കുറച്ചെങ്കിലും പുരോഗമിപ്പിക്കാൻ നമ്പൂതിരിപ്പാടിന് സാധിച്ചു. നാട്ടിലെ വായനശാല അംഗനവാടി പൊതു കളിസ്ഥലം എന്നുവേണ്ട ജനജീവിതത്തിന്റെ സമസ്ത മേഖലകളിലും സ്പർശിയാകുന്ന സ്ഥാപനങ്ങൾക്കും സൗകര്യങ്ങൾക്കും പശ്ചാത്തലം ഒരുക്കുന്നതിൽ അദ്ദേഹം സജീവസാന്നിധ്യമായിരുന്നു. 1987 ജൂലൈ 9ന് തൻറെ 78 വയസ്സിൽ കാലയവനികക്കുള്ളിൽ മാഞ്ഞു ഈ സർവ്വസ്വം ആയിരുന്ന തമ്പുരാൻറെ വിയോഗം അവരെ തീരാദുഃഖത്തിലാഴ്ത്തിയിട്ടുണ്ടെങ്കിലും അദ്ദേഹത്തിന്റെ മാതൃക പിന്തുടർന്ന് ആ ദൗത്യത്തിന്റെ പൂർത്തീകരണത്തിനായി ശ്രമിക്കുക എന്നതാണ് തങ്ങളുടെ കർത്തവ്യം എന്ന് മനസ്സിലാക്കിയിട്ടുണ്ട്. ദീർഘവീക്ഷണവും സംഘടനാ പാടവവും അവർക്ക് അദ്ദേഹം ജന്മം നൽകിയ സ്ഥാപനങ്ങൾക്കും ഇന്നും പ്രചോദനമായി തുടരുന്നു...