ടി.ടി.കെ.എം.എ.എൽ.പി.എസ് തെക്കേകുളമ്പ/എന്റെ ഗ്രാമം
തെക്കേകുളമ്പ്
മലപ്പുറം ജില്ലയിലെ പറപ്പൂർ ഗ്രാമ പഞ്ചായത്തിലെ തെക്കുഭാഗത് കിടക്കുന്ന ശാന്തസുന്ദരമായ ഒരു കൊച്ച പ്രദേശമാണ് തെക്കേകുളമ്പ് .കുറച്ച് മുന്നേ വിദ്യാഭ്യാസപരമായി അത്രയൊന്നും ഉയർന്നുവരാത്ത ഈ പ്രദേശം ഇന്ന് വിദ്യാഭ്യാസപരമായി വളരെ മുന്നിട്ട് നിൽക്കുന്നു .കൂടാതെ അധ്യാപക പരിശീലന കോളേജും ഒരു അംഗനവാടിയും ഒരു പ്രീപ്രൈമറി സ്കൂളും ഒരു പ്രൈമറി സ്കൂളും ഇന്ന് സ്ഥിതി ചെയ്യുന്നു. മതസൗഹാർദത്തിന് പേര് കേട്ട വൈജ്ഞാനിക സാമൂഹിക സാംസ്‌കാരിക രംഗങ്ങളിൽ അമൂല്യസംഭാവനകലർപ്പിച്ച് ഈ ഗ്രാമത്തിന് പറയാനും അഭിമാനം കൊളളാനും ഏറെയുണ്ട് .
ഭൂമിശാസ്ത്രം
ഭൂമിശാസ്ത്രപരമായി പ്രത്യേകതകളിൽ പ്രധാനം ഈ പ്രദേശത്തെ മുഴുവൻ ഭൂമിയും കൃഷിക്ക് വളരെ അനുയോജ്യമാണ് ..അതുകൊണ്ട് തന്നെ വളരെയധികം കാർഷിക പ്രാധാന്യമുള്ള സ്ഥലമാണ് ഇവിടം .നെല്ല് ,കപ്പ ,വാഴ ,തെങ്ങ് ,കവുങ്ങ് ,കുരുമുളക് ,ചേമ്പ് തുടങ്ങി വിവിധയിനം പച്ചക്കറികളും എന്നിങ്ങനെ പലതും ഇവിടെ കൃഷി ചെയ്യുന്നു .തട്ടുതട്ടായി കിടക്കുന്ന പറമ്പുകളിൽ ജലം ആവശ്യത്തിന് ലഭിക്കുന്നുണ്ട് .കടലുണ്ടി നദി ഈ ഗ്രാമത്തിലെ പല പ്രദേശങ്ങളിലൂടെയും ഒഴുകുന്നു .ചില സമയങ്ങളിൽ അതിരൂക്ഷമായ മഴകാലത് നദി കരകവിഞ്ഞ് ഒഴുകയും ജനവാസ കേന്ദ്രങ്ങളിലേക്കും കൃഷിയിടങ്ങളിലേക്കും വഴിമാറുകയും പ്രാദേശിക ജീവിതത്തെ വളരെയധികം ബാധിക്കുകയും ചെയ്യും..
പ്രധാന പൊതു സ്ഥാപനങ്ങൾ
- പഞ്ചായത്ത്
- വിളേജ് ഓഫീസ്
- കൃഷി ഭവൻ
- ഹോമിയോപ്പതി
ശ്രദ്ധേയരായ വ്യക്തികൾ
ടി ടി കുഞ്ഞാലസ്സൻകുട്ടി ഹാജി
1956 ൽ കേരളപ്പിറവി വർഷത്തിൽ തന്നെ പറപ്പൂർ പഞ്ചായത് നിലവിൽ വന്നപ്പോൾ പ്രഥമബോർഡിൽ തന്റെ പ്രദേശത്തെ പ്രതിനിധിയായി തിരഞ്ഞെടുക്കപ്പെട്ടു .1964 ലെ പഞ്ചായത് തെരെഞ്ഞെടുപ്പിൽ ബോർഡിന്റെ പ്രസിഡന്റായി സ്ഥാനമേല്കുകയും ചെയ്തു .തുടർന്ന് ഈ പഞ്ചായത് ബോർഡ് 13 വർഷ കാലം ഭരണം നടത്തി .തന്റെ ഭരണകാലത്ത് ഒട്ടേറെ വികസന പ്രവർത്തനങ്ങളുടെ അമരക്കാരനായി .1934 ൽ S.S.L.C പൂർത്തിയാക്കി .താൻ സൗജന്യമായി നൽകിയ 10 സെന്റ് സ്ഥലത്തു 1972 ൽ പറപ്പൂർ പഞ്ചായത് കെട്ടിടം നിർമിച്ചു. ഇന്ന് നല്ല നിലയിൽ പ്രവർത്തിച്ച കൊണ്ടിരിക്കുന്ന പറപ്പൂർ സഹകരണ ബാങ്കിന്റെ സ്ഥാപകനായിരുന്നു .
ടി ടി ബീരാവുണ്ണി
വേങ്ങര ബ്ലോക്ക് പഞ്ചായത് പ്രസിഡന്റ് ,മലപ്പുറം ജില്ലാ പഞ്ചായത് മെമ്പർ,പറപ്പൂർ ഗ്രാമ പഞ്ചായത് മെമ്പർ ,പറപ്പൂർ സഹകരണ ബാങ്ക് പ്രസിഡന്റ് ,ടി ടി കെ എം ടീച്ചേഴ്‌സ് ട്രെയിനിങ് ഇൻസ്റ്റിറ്റ്യൂട്ട് മാനേജർ ,എ എം എൽ പി സ്കൂൾ പറപ്പൂർ ഈസ്റ്റ് മാനേജർ,മലബാർ ഇംഗ്ലീഷ് സ്കൂൾ ചെയർമാൻ ,പറപ്പൂർ പഞ്ചായത് പ്രസിഡണ്ട് താനൂർ മണ്ഡലം മുസ്ലിം ലീഗ് പ്രസിഡന്റ് എന്നീ സ്ഥാനങ്ങൾ വഹിക്കുകയും മറ്റു വിദ്യാഭ്യാസ സ്ഥാപനങ്ങളുടെ സജീവ സഹകാരി എന്ന നിലക്കും വിദ്യാഭ്യാസ പ്രവർത്തനങ്ങളിലും പൊതു പ്രവർത്തന രംഗത്തും സജീവ സാന്നിധ്യമായിരുന്നു .
ആരാധനാലയങ്ങൾ
- വീണാലുക്കൽ സിദ്ദീഖ് ജുമാമസ്ജിദ്
- പറപ്പൂർ ശ്രി കുറുമ്പകാവ് ക്ഷേത്രം
- വടക്കുംമുറി ജുമാമസ്ജിദ്
വിദ്യാഭ്യാസ സ്ഥാപനങ്ങൾ
- ഐ യു എച് എസ് എസ് പറപ്പൂർ
- എ യു പി സ് പറപ്പൂർ
- ചോലക്കുണ്ട് ഗവ ;യുപി സ്കൂൾ
- കുട്ടിത്തറമ്മൽ യു പി സ്കൂൾ
- എ എം എൽ പി എസ പറപ്പൂർ ഈസ്റ്റ്
- എ എം എൽ പി എസ് ഇരിങ്ങല്ലൂർ ഈസ്റ്റ്
ചിത്രശാല
