ജി യു പി സ്കൂൾ കുറ്റൂർ/പ്രവർത്തനങ്ങൾ

Archive

2022-23 2023-24 2024-25 2025-26

വിദ്യാർത്ഥികളുടെ സർഗാത്മകവും ബൗദ്ധികപരവും സൃഷ്ടിപരവുമായ കഴിവുകൾ കണ്ടെത്തുന്നതിനും പ്രോത്സാഹിപ്പിക്കുന്നതിനുമായി വിദ്യാരംഗം കലാ സാഹിത്യവേദി , ശാസ്ത്ര – സാമൂഹ്യശാസ്ത്ര -ഗണിതശാസ്ത്ര ക്ലബുകൾ , ഭാഷാ ക്ലബുകൾ , ഇക്കോ ക്ലബ് എന്നീ ക്ലബുകൾ സ്കൂളിൽ കാര്യക്ഷമമായി പ്രവർത്തിക്കുന്നുണ്ട്. ക്ലബുകളുടെ ആഭിമുഖ്യത്തിൽ ദിനാചരണങ്ങൾ , ക്വിസ് മത്സരങ്ങൾ ,അഭിമുഖങ്ങൾ, പതിപ്പ് തയ്യാറാക്കൽ തുടങ്ങിയ പ്രവർത്തനങ്ങൾ നടത്താറുണ്ട്. വിവിധ മേഖലകളിൽ പ്രഗത്ഭരായ അധ്യാപകരുടെ സേവനവും ഇതിനായി ഉപയോഗപ്പെടുത്തുന്നു.വിദ്യാരംഗം സാഹിത്യവേദിയുടെ ആഭിമുഖ്യത്തിലുള്ള ശില്പശാലകളിൽ ഉപജില്ലാ - ജില്ലാ തലങ്ങളിൽ കുട്ടികൾ മികവാർന്ന പ്രകടനം കാഴ്ചവെക്കുന്നുണ്ട്.

ഇക്കോക്ലബിന്റെ ആഭിമുഖ്യത്തിൽ സ്കൂൾ സൗന്ദര്യവത്കരണത്തിന്റെ ഭാഗമായി നിരവധി ചെടികളും ഫലവൃക്ഷത്തൈകളും നട്ടുപിടിപ്പിച്ചിട്ടുണ്ട്.ഔഷധത്തോട്ടം ,ജൈവവൈവിധ്യോദ്യാനം, പച്ചക്കറിത്തോട്ടം എന്നിവയുടെ പരിപാലനത്തിൽ അധ്യാപകരും കുട്ടികളും ഒപ്പം എസ്.എം .സി അംഗങ്ങളും പങ്കുചേരുന്നു.

വ്യത്യസ്ത അഭിരുചികൾക്കുടമകളായ വിദ്യാർത്ഥികളെ വിവിധങ്ങളായ പ്രവർത്തനങ്ങളിലൂടെ പഠനത്തിലേക്ക് ആകർഷിക്കാനും പഠനംആസ്വാദ്യകരമാക്കിത്തീർക്കാനും ക്ലബ് പ്രവർത്തനങ്ങൾക്ക് കഴിയുന്നുണ്ട്.കൂടാതെ വിവിധ മേളകളിലും പഠനയാത്രകളിലും പങ്കെടുക്കാൻ അവസരം ലഭിക്കുന്നതു വഴി കുട്ടികളിൽ ആത്മവിശ്വാസം വർദ്ധിക്കുകയും പരസ്പരബഹുമാനം, സഹകരണമനോഭാവം തുടങ്ങിയ സദ് ഗുണങ്ങൾ വളരുകയും ചെയ്യുന്നു.