ജി യു പി എസ് വെള്ളംകുളങ്ങര/ഹെൽത്ത് ക്ലബ്ബ്/2024-25
| Home | 2025-26 |
|
Archive   2022-23 2023-24 2024-25 2025-26
|
രൂപീകരണം - ജൂൺ , 2024
കൺവീനർ:- ബിന്ദു എസ്. (അധ്യാപിക)
പ്രസിഡന്റ് - അശ്വജിത്ത് എസ്. (ക്ലാസ് -7)
സെക്രട്ടറി - മണികണ്ഠൻ എം. (ക്ലാസ് -6)
ആകെ അംഗങ്ങളുടെ എണ്ണം - 20
പ്രവർത്തനങ്ങൾ
തെളിമ - തുടർ പ്രവർത്തനങ്ങൾ - 2024
ഹെൽത്ത് ക്ലബ്ബിന്റെ നേതൃത്വത്തിൽ സ്കൂളിൽ ആവിഷ്കരിച്ച ശുചിത്വ പരിപാലന പ്രവർത്തന പദ്ധതിയാണ് തെളിമ:.ഇത് സ്കൂളിന്റെ ഒരു തനതു പ്രവർത്തനമാണ്.
സ്കൂളും പരിസരവും വൃത്തിയായി സൂക്ഷിക്കുക, പ്ലാസ്റ്റിക് മാലിന്യങ്ങൾ ഒഴിവാക്കുക, ആരോഗ്യകരമായ ശീലങ്ങൾ കുട്ടികളിൽ വളർത്തിയെടുക്കുക, പരിസര ശുചിത്വത്തിന്റെ പ്രാധാന്യം കുട്ടികൾക്ക് മനസ്സിലാക്കി കൊടുക്കുക, പരിസര ശുചിത്വ പ്രവർത്തനങ്ങളിൽ ഏർപ്പെടുവാനുള്ള ഒരു മനസ്സ് കുട്ടികളിൽ സൃഷ്ടിക്കുക തുടങ്ങിയ ലക്ഷ്യങ്ങളോടെ ആവിഷ്കരിച്ച പദ്ധതിയാണിത്. എസ്.എം.സി.യുടെയും, സ്കൂളിലെ മുഴുവൻ അധ്യാപകരുടെയും പിന്തുണയോടെ കുട്ടികൾ ഏറ്റെടുത്ത് നടത്തുന്ന ഒരു പ്രവർത്തനമാണിത്. എല്ലാ വെള്ളിയാഴ്ചയും ശുചിത്വ സംരക്ഷണ ദിനമായി ആചരിച്ചുകൊണ്ട് സ്കൂളും പരിസരവും വൃത്തിയാക്കുവാൻ മുതിർന്നവരുടെ നേതൃത്വത്തിൽ കുട്ടികൾ ഉത്സാഹത്തോടെ മുന്നിട്ടിറങ്ങുന്നു. 'ശുചിത്വമാണ് സമ്പത്ത്'. എന്ന മുദ്രാവാക്യത്തോടെയാണ് തെളിമ - 2024 ന്റെ പ്രവർത്തനങ്ങൾ മുന്നേറുന്നത്.
 |
 |
 |
|---|
മെഡിക്കൽ ക്യാമ്പ്, പ്രഥമ ശുശ്രൂഷ ക്യാമ്പ്, മഴക്കാല രോഗങ്ങളുടെ ബോധവൽക്കരണം
മാതൃഭൂമി സീഡ് ക്ലബ്ബിന്റെയും വീയപുരം പ്രാഥമികാരോഗ്യ കേന്ദ്രത്തിലെ ഡോക്ടർമാരുടെയും നേതൃത്വത്തിൽ മെഡിക്കൽ ക്യാമ്പും, പ്രഥമ ശുശ്രൂഷ ക്യാമ്പും നടത്തി. ജൂനിയർ പബ്ലിക് ഹെൽത്ത് നേഴ്സുമാർ കുട്ടികളുടെ ആരോഗ്യ വിവരങ്ങൾ പരിശോധിച്ചു. അവർക്ക് ആവശ്യമായ നിർദ്ദേശങ്ങൾ നൽകി.
മഴക്കാലത്ത് രോഗങ്ങൾ പടർന്നു പിടിക്കുന്നത് സർവസാധാരണമായതിനാൽ കുട്ടികൾക്ക് വിയപുരം പഞ്ചായത്ത് കുടുംബാരോഗ്യ കേന്ദ്രത്തിലെ ഡോക്ടർ ധന്യ. ആർ. തങ്കം 'മഴക്കാല രോഗങ്ങളും പ്രതിരോധ മാർഗങ്ങളും' എന്ന വിഷയത്തിൽ ബോധവൽക്കരണ ക്ലാസ് നൽകി. രോഗം വന്നാൽ ചികിത്സിക്കുക മാത്രമല്ല രോഗം വരാതിരിക്കാനുള്ള നല്ല ആരോഗ്യ പാഠങ്ങൾ പഠിപ്പിക്കുകയും കൂടിയാണ് ഡോക്ടർമാരുടെ കർത്തവ്യം എന്ന് വിശദീകരിച്ച് കൊണ്ട് വയറിളക്കം, മഞ്ഞപ്പിത്തം എലിപ്പനി, ഡെങ്കിപ്പനി, വൈറൽ ഫീവർ, തുടങ്ങി മഴക്കാലത്ത് സാധാരണ കണ്ടുവരുന്ന രോഗങ്ങൾ വരാതിരിക്കുവാൻ സ്വീകരിക്കേണ്ട മുൻകരുതലുകളെക്കുറിച്ചും ഡോക്ടർ കുട്ടികളെ ബോധവൽക്കരിച്ചു.
പേ വിഷബാധ ബോധവൽക്കരണ ക്ലാസ്
ജൂൺ -13ന് മാതൃഭൂമി സീഡ് ക്ലബ്ബിന്റെയും ഹെൽത്ത് ക്ലബ്ബിന്റെയും സംയുക്ത ആഭിമുഖ്യത്തിൽ വീയപുരം പ്രാഥമിക ആരോഗ്യ കേന്ദ്രത്തിലെ ഡോക്ടർ അരുൺ പേ വിഷബാധ ബോധവൽക്കരണ ക്ലാസ് നടത്തി. കുട്ടികൾ പേവിഷബാധയ്ക്കെതിരായ പ്രതിജ്ഞ എടുത്തു.
ജൂൺ -21 :- ലോക യോഗ ദിനം
- വീയപുരം, ഗവ. ആയുർവേദ ആരോഗ്യ കേന്ദ്രത്തിലെ യോഗ പരിശീലകയായ ഡോക്ടർ എച്ച്. ഷഹനാസിന്റെനേതൃത്വത്തിൽ കുട്ടികൾക്ക് യോഗ പരിശീലനം
- ' യോഗയും ആരോഗ്യവും '.... ബോധവത്കരണക്ലാസ്
 |
 |
 |
|---|
ആന്റി മൈക്രോബിയൽ റെസിസ്റ്റൻസ് ബോധവത്ക്കരണം
വർദ്ധിച്ചുവരുന്ന ആന്റിബയോട്ടിക് മരുന്നുകളുടെ ഉപയോഗത്തിന്റെ അപകടസാധ്യതകളെക്കുറിച്ചും, ആൻറിബയോട്ടിക് മരുന്നുകൾ ഉപയോഗിക്കുമ്പോൾ സ്വീകരിക്കേണ്ട മുൻകരുതലുകളെക്കുറിച്ചും കുട്ടികളെയും, രക്ഷിതാക്കളെയും ബോധവത്കരിക്കുന്നതിനായി വീയപുരം കുടുംബാരോഗ്യ കേന്ദ്രത്തിന്റെ നേതൃത്വത്തിൽ നടത്തിയ ആന്റി മൈക്രോബിയൽ റെസിസ്റ്റൻസ് പ്രോഗ്രാം
ഹെൽത്ത് ഇൻസ്പെക്ടർ സുനിൽ. എസ് ഉദ്ഘാടനം ചെയ്തു അദ്ദേഹം തന്നെയാണ് ബോധവത്കരണ ക്ലാസ്സും, നയിച്ചത്. പ്രഥമാധ്യാപിക സുമി റേച്ചൽ സോളമൻ, മറ്റധ്യാപകർ,
ജൂനിയർ ഹെൽത്ത് ഇൻസ്പെക്ടർ -അശ്വതി.എസ്,
മിഡ് ലെവൽ സർവീസ് പ്രൊവൈഡർ അശ്വതി. എൽ
സ്കൂൾ ഹെൽത്ത് നഴ്സ് -സേതുലക്ഷ്മി
ആശ വർക്കർ ശ്രീകല എന്നിവർ പങ്കെടുത്തു.
 |
 |
|---|