ജി യു പി എസ് തെക്കിൽ പറമ്പ/പ്രവർത്തനങ്ങൾ/2024-25
കുഞ്ഞുമനസ്സുകളുടെ വർണ്ണഘോഷമായി പ്രവേശനോത്സവം(03.06.2024)
തെക്കിൽ പറമ്പ ഗവൺമെൻറ് യുപി സ്കൂൾ പ്രവേശനോത്സവം വർണാഘോഷമാക്കി ആഘോഷിച്ചു. താളമേളങ്ങളും വർണ്ണ വിസ്മയങ്ങളും ചുണ്ടിൽ മധുരവുമായി ആടിയും പാടിയും ആഹ്ലാദാരവത്തോടെ പിഞ്ചുകുട്ടികൾ വർണ്ണാഘോഷം ആസ്വദിച്ചു. രാവിലെ സ്കൂളിലേക്ക് എത്തിയ കുട്ടികളെ പ്രവേശനോത്സവ ഗാനത്തോടെ സ്വാഗതം ചെയ്തു. പത്തുമണിക്ക് വർണാഘോഷം ആരംഭിച്ചു. മുത്തു കുടകളും കുരുത്തോല ബാനറും ചെണ്ടമേള അകമ്പടിയോടെയും നവാഗതരായ കുട്ടികളെയും രക്ഷിതാക്കളെയും ആനയിച്ച് സ്കൂൾ ഓഡിറ്റോറിയത്തിൽ എത്തിച്ചു. പി.ടി.എ പ്രസിഡണ്ട് പിസി നസീർ അവർകളുടെ അധ്യക്ഷതയിൽ ഹെഡ്മാസ്റ്റർ ശ്രീ ശ്രീവത്സൻ സാർ വർണാഘോഷ പരിപാടിക്ക് സ്വാഗതം പറഞ്ഞു. ചെമ്മനാട് ഗ്രാമപഞ്ചായത്ത് വിദ്യാഭ്യാസ ആരോഗ്യ സ്ഥിരം സമിതി ചെയർപേഴ്സൺ ആയ ശ്രീമതി രമാ ഗംഗാധരൻ ഉദ്ഘാടന കർമ്മം നിർവഹിച്ചു. ഉണ്ണികൃഷ്ണൻ പൊയിനാച്ചി( പി.ടി.എ. വൈസ് പ്രസിഡൻറ്), വന്ദന വിജയൻ (എം. പി .ടി. എ), എം ബീന വിജയൻ (എം. പി .ടി. എ), എം ബീന വിജയൻ (എസ്.എം. സി) ,സീനിയർ അസിസ്റ്റൻറ് ശ്രീമതി രാധ ടീച്ചർ എന്നിവർ ആശംസകൾ അറിയിച്ചു സംസാരിച്ചു .സ്റ്റാഫ് സെക്രട്ടറി കല്ലമ്പലം നജീബ് സാർ നന്ദി അറിയിച്ചു .തുടർന്ന് രക്ഷാകർത്താക്കൾക്ക് സ്റ്റാഫ് സെക്രട്ടറി കല്ലമ്പലം നജീബ് സാർ ബോധവൽക്കരണ ക്ലാസ് നൽകി. തുടർന്ന് കുട്ടികളെ അവരവരുടെ ക്ലാസ്സിൽ എത്തിച്ചു മധുര വിതരണം നടത്തി. ആദ്യദിനത്തിന്റെ ആകാംക്ഷയോടെയും മനസ്സിൽ തങ്ങിനിൽക്കുന്ന മധുരത്തിന്റെയും സന്തോഷത്തോടെ കുട്ടികൾ ആദ്യദിനത്തിന് വിട പറഞ്ഞു പിരിഞ്ഞു ഉച്ചയ്ക്ക് ശേഷം സ്റ്റാഫ് മീറ്റിംഗ് ആയിരുന്നു, സ്റ്റാഫ് സെക്രട്ടറി നജീബ് സാർ എല്ലാവരെയും സ്വാഗതം ചെയ്തു ,പ്രവേശനോത്സവത്തിന്റെ ഫീഡ്ബാക്ക് ആയിരുന്നു പ്രധാന വിഷയം. ആദ്യം തന്നെ ഹെഡ്മാസ്റ്റർ സംസാരിച്ചു പിന്നീട് അധ്യാപകർ അഭിപ്രായം പങ്കുവെച്ചു പരിപാടി വിജയം കണ്ടതായി എല്ലാവരും അഭിപ്രായപ്പെട്ടു .വൈകുന്നേരം 4 മണിക്ക് എല്ലാവരും പിരിഞ്ഞു.
പരിസ്ഥിതി സംരക്ഷണ പക്ഷാചരണം
പരിസ്ഥിതി സംരക്ഷണ പക്ഷം. (05.06.2024)
ജിയുപിഎസ് തെക്കിൽ പറമ്പ്.
ലോക പരിസ്ഥിതി സംരക്ഷണദിനത്തോടനുബന്ധിച്ച് സ്കൂളിൽ വിവിധ പരിപാടികൾ നടന്നു .കാസർഗോഡ് ബ്ലോക്ക് പഞ്ചായത്തിന്റെ ആഭിമുഖ്യത്തിലുള്ള പച്ചതുരുത്തു പദ്ധതിയുടെ ഉദ്ഘാടനം തെക്കിൽപറമ്പ സ്കൂളിൽ വച്ചാണ് നടന്നത് .ചെമ്മനാട് ഗ്രാമപഞ്ചായത്ത് പ്രസിഡൻറ് ശ്രീമതി സുഫൈജ അബൂബക്കറിന്റെ അധ്യക്ഷതയിൽ നടന്ന പരിപാടിയിൽ ബ്ലോക്ക് പഞ്ചായത്ത് പ്രസിഡൻറ് ശ്രീമതി സൈമ സി എ വൃക്ഷത്തൈ നട്ട് പച്ചത്തുരുത്ത് നിർമ്മാണ പരിപാടിക്ക് തുടക്കം കുറിച്ചു. തദ്ദേശീയമായ ഫലവൃക്ഷത്തൈകളും, ഔഷധസസ്യങ്ങളും, അടക്കം 50 ൽ അധികം തൈകളാണ് പൗരപ്രമുഖരും ജനപ്രതിനിധികളും മറ്റു വിശിഷ്ട വ്യക്തികളും സംബന്ധിച്ച ചടങ്ങിൽ സ്കൂൾ കോമ്പൗണ്ടിൽ പ്രത്യേകം തയ്യാറാക്കിയ സ്ഥലത്ത് നട്ടുപിടിപ്പിച്ചത്. ഈ വൃക്ഷത്തൈകളുടെ സംരക്ഷണം സ്കൂൾ പരിസ്ഥിതി ക്ലബ് ഏറ്റെടുത്തു. പരിസ്ഥിതി പക്ഷാചരണത്തിന്റെ ഭാഗമായി സ്കൂളിലെ എല്ലാ ക്ലാസുകളിലും ഒരാഴ്ച ആദ്യപിരിയഡ് പരിസ്ഥിതി സംരക്ഷണ അസംബ്ലി നടത്തി .പ്രത്യേകം തയ്യാറാക്കിയ പരിസ്ഥിതി സംരക്ഷണ പ്രതിജ്ഞ, ബോധവൽക്കരണ സന്ദേശം, എന്നിവ അസംബ്ലിയുടെ ഭാഗമായി നടന്നു .കൂടാതെ കുട്ടികൾക്കായി പരിസ്ഥിതി ക്വിസ് ,ലേഖന മത്സരം, ചിത്രരചനാ മത്സരം ,എന്നീ പരിപാടികളും സംഘടിപ്പിച്ചു.പ്രമാണം.
ഹരിതം സഹകരണം (05.06.2024)
ഹരിതം സഹകരണം പദ്ധതിയുടെ ഭാഗമായി പൊയിനാച്ചി ഫാർമേഴ്സ് വെൽഫെയർ സഹകരണ സംഘത്തിന്റെ നേതൃത്വത്തിൽ തെക്കിൽ പറമ്പ ഗവ യു.പി സ്കൂളിൽ പ്ലാവിൻ തൈ നട്ടു . സംഘം ഡയറക്ടർ ശ്രീധരൻ മുണ്ടോൾ ഉദ്ഘാടനം ചെയ്തു. സംഘം ഡയറക്ടർ ഉണ്ണികൃഷ്ണൻ പൊയിനാച്ചി അധ്യക്ഷത വഹിച്ചു. സംഘം സെക്രട്ടറി ഗിരികൃഷ്ണൻ കൂടാല, തെക്കിൽ പറമ്പ ഗവ: യു പി സ്കൂൾ സീനിയർ അസിസ്റ്റൻ്റ് രാധ.ജെ.എൻ., അധ്യാപകരായ സൽമാൻ ജാഷിം, ശ്രീലത എം, സംഘം ജീവനക്കാരായ എം.മനോജ് കുമാർ , അഞ്ജന കെ എൻ, ശ്രീജേഷ് പൊയിനാച്ചി എന്നിവർ സംസാരിച്ചു.
പേവിഷബാധ ബോധവൽക്കരണം(13.06.2024)
ജൂൺ പതിമൂന്നാം തീയതി പ്രത്യേക അസംബ്ലിയിലൂടെ ജെ എച്ച് ഐ,ലിജി ,ജെ പി എച്ച് എൻ സുധ ,എന്നിവരുടെ നേതൃത്വത്തിൽ പേവിഷബാധയ്ക്ക് എതിരെ ബോധവൽക്കരണം നടത്തി വിദ്യാലയത്തിലേക്ക് പോകുമ്പോഴും തിരിച്ചും നടക്കുന്ന വഴികളിൽ അപകടം വരുന്നതെങ്ങനെയെന്നും, തെരുവുനായകളും മറ്റു ജീവികളും മുഖാന്തരം പേവിഷം ഏറ്റാൽ ചെയ്യേണ്ട പ്രഥമ ശുശ്രൂഷ എങ്ങനെയാണെന്നും വ്യക്തമായി പറഞ്ഞുകൊടുത്തു .വളർത്തുമൃഗങ്ങളിൽ നിന്നും പേവിഷം ഏൽക്കാം ,അതിനാൽ ഏതുവിധത്തിലാണ് അവയോട് പെരുമാറേണ്ടത് എന്നും രക്ഷാമാർഗ്ഗങ്ങളും ചികിത്സയും വിശദീകരിച്ചു.
വായന വാരാചരണം(19.06.2024-25.06.2024)
വിദ്യാരംഗം കലാസാഹിത്യ വേദിയുടെ ഉദ്ഘാടനം ജൂൺ 19ന് ബുധനാഴ്ച എഴുത്തുകാരിയും 2023 ലെ കേരള സർക്കാർ ഉജ്ജ്വലബാല്യ പുരസ്കാര ജേതാവും കാസർഗോഡ് ജില്ല സ്റ്റുഡൻറ് പാർലമെൻറ് പ്രധാനമന്ത്രിയുമായ കുമാരി ശിവദ പൂക്കൾ ഉദ്ഘാടനം ചെയ്തു. തുടർന്ന് കുട്ടികൾ കടമ്മനിട്ടയുടെ കുറത്തി എന്ന കവിതയുടെ നിർത്താവിഷ്കാരം മനോഹരമായി അവതരിപ്പിച്ചു. അതിനുശേഷം ശിവദ കൂക്കളുമായി കുട്ടികൾ അഭിമുഖം നടത്തി. വായനയാണ് എഴുത്തിലേക്ക് ഉള്ള വഴി എന്നും കണ്ണും കാതും തുറന്ന് തന്റെ ചുറ്റുപാടിനെ നോക്കുമ്പോഴാണ് എഴുതാനുള്ള ആശയങ്ങൾ ലഭിക്കുന്നത് എന്നും ,ശിവദ കൂക്കൾ സൂചിപ്പിച്ചു. അങ്ങനെ ചുറ്റുപാടിൽ നിന്നും തന്നെ സ്പർശിക്കുന്ന കാര്യങ്ങൾ കഥയായും കവിതയായും രൂപപ്പെടുന്നു എന്നും അഭിപ്രായപ്പെട്ടു. കൂടാതെ വായനയുടെ അത്ഭുതലോകത്തേക്ക് നയിക്കാനുള്ള പുസ്തകങ്ങൾ കുട്ടികളെ പരിചയപ്പെടുത്തുകയും ചെയ്തു. ശിവദ കൂക്കളുമായുള്ള അഭിമുഖം കുട്ടികൾക്ക് പുതിയൊരു അനുഭവം നൽകി .
ജൂൺ 21 :വായന വാരാചരണത്തോടനുബന്ധിച്ച് വിദ്യാരംഗം കലാസാഹിത്യ വേദി സംഘടിപ്പിച്ച സാഹിത്യ സംവാദത്തിൽ വിശിഷ്ട വ്യക്തിയായി എത്തിച്ചേർന്നത് 7th മലയാളം പാഠപുസ്തകത്തിലെ കാടത് ആരത് എന്ന കവിതയുടെ രചയിതാവായ പ്രകാശ് ചെന്തളമാണ്. ഏഴാം തരത്തിലെ കുട്ടികൾക്കായി തന്റെ കവിതയെ കുറിച്ചും ,കവിതയുടെ ആന്തരികാർത്ഥത്തെയും കുറിച്ച് കവി വിശദീകരിച്ചു. കവിതാലാപനവും ചോദ്യോത്തരങ്ങളുമായി കുട്ടികളുടെ മനം കവർന്ന കവി കാടിന് ഒരു ഭാഷയുണ്ടെന്നും കാടിനെ അനുഭവിച് നമ്മൾ അത് അറിയണമെന്നും ഓർമിപ്പിച്ചു .
ജൂൺ 24 തിങ്കൾ :
വായനാവാരാചരണത്തോടനുബന്ധിച്ച് സാഹിത്യ ക്വിസ് സംഘടിപ്പിച്ചു. ക്ലാസ്സ്തലത്തിൽരാവിലെ 9 30നും സ്കൂൾതല ത്തിൽ ഉച്ചയ്ക്ക് 1 30നും മത്സരം നടത്തി വിജയികളെ കണ്ടെത്തി .
ജൂൺ 25 ചൊവ്വ: യുവകവിയും കഥാകാരനും നിരവധി പുരസ്കാര ജേതാവുമായ അശ്വിൻ ചന്ദ്രൻ തന്റെ എഴുത്ത് വായന അനുഭവങ്ങൾ പങ്കുവെച്ചു. വായനക്കൂട്ടം എഴുത്തുകൂട്ടം കുട്ടികൾക്ക് വേണ്ടി ശില്പശാല സംഘടിപ്പിക്കുകയും കുട്ടികളെ എഴുത്തിലേക്ക് നയിക്കുകയും ചെയ്തു.
പുസ്തകപ്രദർശനം :
സ്കൂൾ ലൈബ്രറിയുടെ പുസ്തകങ്ങൾ ഇനം തിരിച്ച് പ്രദർശനം സംഘടിപ്പിച്ചു.
സാഹിത്യ ക്വിസ് വിജയികൾ
എൽ പി
1st : ജീവൻ കെ നായർ
2nd :ആദ്യ നായർ
3rd:ജ്യോതിക ജിപി
യുപി
1st : യതു കൃഷ്ണ എം
2nd: അലോഖ് നന്ദു
3rd: ദേവാഞ്ജന പി
ശുചിത്വ മിഷന്റെ അംഗീകാരം.(22.06.2024)
ചെമ്മനാട് പഞ്ചായത്തിലെ മികച്ച ഹരിത സ്ഥാപനങ്ങൾക്കുള്ള ശുചിത്വമിഷന്റെ സർട്ടിഫിക്കറ്റ് ജിയുപിഎസ് തെക്കിൽ പറമ്പയ്ക്ക് ലഭിച്ചു .ഗ്രാമപഞ്ചായത്ത് പ്രസിഡൻറ് സുഫൈജ അബൂബക്കർ ഹെഡ്മാസ്റ്റർ ശ്രീ ശ്രീവൽസൻസാറിന് സർട്ടിഫിക്കറ്റ് നൽകി.
വികസന പ്രവർത്തികളുടെ ഉദ്ഘാടനം.(23.06.2024)
ചെമ്മനാട് ഗ്രാമപഞ്ചായത്ത് തെക്കൽപ്പറമ്പ് ഗവൺമെൻറ് യുപി സ്കൂളിൽ നടപ്പിലാക്കിയ വിവിധ വികസന പദ്ധതികളുടെ പൂർത്തീകരണ ഉദ്ഘാടനം നടത്തി . ഓഡിറ്റോറിയം കൊരുപ്പുകട്ട പാകൽ , പഴയ സ്കൂൾ കെട്ടിടത്തിന്റെ മേൽക്കൂര മാറ്റൽ സ്കൂൾ മൈതാനം നവീകരണം, എന്നിവയാണ് നടത്തിയത്. ഉദ്ഘാടനം ഗ്രാമപഞ്ചായത്ത് പ്രസിഡണ്ട് സുഫൈജ അബൂബക്കർ നിർവഹിച്ചു. വൈസ് പ്രസിഡന്റ് മൻസൂർ കുരിക്കൾ അധ്യക്ഷനായി, പഞ്ചായത്ത് അംഗങ്ങളായ രമ ഗംഗാധരൻ, ഷംസുദ്ദീൻ തെക്കിൽ, രാജൻ കെ, ടി പി നിസാർ, പിടിഎ പ്രസിഡണ്ട് പി സി നാസിർ, പ്രഥമ അധ്യാപകൻ കെ ഐ ശ്രീവത്സൻ സാർ എം പി ടി എ പ്രസിഡണ്ട് വന്ദന വിജയൻ എസ്എംസി പ്രസിഡൻറ് ബീന വിജയൻ എന്നിവർ സംസാരിച്ചു.
പ്രകൃതി പഠനം .(25.06.2024)
കാവും കുളവും തോടും നെൽപ്പാടങ്ങളും പ്രകൃതിയിലെ വൈവിധ്യങ്ങളുടെ ശേഖരം ആണെന്ന തിരിച്ചറിവിൽ ജി യു പി എസ് തെക്കിൽ പറമ്പയിലെ ഇക്കോ ക്ലബ്ബിലെ കുട്ടികൾ. ജൂൺ 25ന് വൈകുന്നേരം പോയ്നാച്ചിയിലെ പാടം സന്ദർശിക്കുകയും കർഷകനായ തമ്പാൻ നായരുമായി കുട്ടികൾ അഭിമുഖം നടത്തുകയും ചെയ്തു. നെൽകൃഷി എങ്ങനെയാണ് ചെയ്യുന്നതെന്നും അതിന്റെ വിത്തിനങ്ങളെക്കുറിച്ചും അറിവ് ലഭിച്ചു. കാവുകളിലെ ജീവജാലങ്ങളെ നേരിൽ കണ്ടത് കുട്ടികൾക്ക് പുതിയൊരു അനുഭവമായി.
ലഹരി വിരുദ്ധ ദിനം .(26.06.2024-27.06.2024)
ലഹരി വിരുദ്ധ ദിനാചരണത്തിന്റെ ഭാഗമായി സ്കൂളിൽ പ്രത്യേക അസംബ്ലി നടത്തി. ലഹരി ഉപയോഗവും അതിന്റെ ദൂഷ്യഫലങ്ങളും എന്ന വിഷയത്തിൽ അർച്ചന ടീച്ചർ കുട്ടികളോട് സംസാരിച്ചു. പ്രതിജ്ഞ, പ്രസംഗ മത്സരം, പോസ്റ്റർ പ്രദർശനം, നൃത്ത ശല്പം, കൈമുദ്ര, ഒപ്പുമരം, തുടങ്ങിയ പ്രവർത്തനങ്ങളും കുട്ടികൾക്കായി നടത്തി. ലഹരിക്കെതിരെ ബോധവൽക്കരണ ക്ലാസ് നടത്താൻ മേൽപ്പറമ്പ് സബ് ഇൻസ്പെക്ടർ ആയ സുരേഷ് കുമാർ സാർ എത്തിയിരുന്നു .കുട്ടികൾ എന്തൊക്കെ കാര്യങ്ങളാണ് ശ്രദ്ധിക്കേണ്ടതെന്നും സമൂഹത്തിൽ എങ്ങനെയാണ് ഒരു നല്ല മനുഷ്യനായി പെരുമാറേണ്ടത് എന്നും സാർ കുട്ടികൾക്ക് പറഞ്ഞുകൊടുത്തു. ബോധവൽക്കരണ ക്ലാസിൽ ഹെഡ്മാസ്റ്റർ ശ്രീവൽസൺ സാർ സീനിയർ അസിസ്റ്റൻറ് ശ്രീമതി രാധ ടീച്ചർ എന്നിവർ പങ്കെടുത്തു.
വൈക്കം മുഹമ്മദ് ബഷീർ ഓർമ്മദിനം.(05.07.2024)
ജി യുപിഎസ് തെക്കിൽപറമ്പയിൽ വൈക്കം മുഹമ്മദ് ബഷീറിന്റ സ്മരണയ്ക്കായി പ്രത്യേക അസംബ്ലി നടന്നു .ജൂലൈ 5 വെള്ളിയാഴ്ച പ്രത്യേക അസെംബ്ലിയിൽ ബഷീർ കൃതി വായിച്ചതിന്റെ അടിസ്ഥാനത്തിൽ ബഷീറിനെ കുറിച്ച് ഏഴാം ക്ലാസിലെ ദൈവാഞ്ജന തയ്യാറാക്കിയ കുറിപ്പ് അവതരിപ്പിച്ചു. ആറാം ക്ലാസിലെ അമയ ഭൂമിയുടെ അവകാശികൾ എന്ന കൃതിയിലെ കഥാപാത്രത്തിന്റെ ആവിഷ്കാരം നടത്തി. കുട്ടികൾ വരച്ച ബഷീറിനെയും ബഷീർ കഥാപാത്രങ്ങളുടെയും വൈവിധ്യമാർന്ന ചിത്രങ്ങളുടെ പ്രദർശനം സംഘടിപ്പിച്ചു. എൽ പി തലത്തിലും യുപി തലത്തിലും ക്വിസ് സംഘടിപ്പിച്ചു.
അലിഫ് ടാലൻറ് ടെസ്റ്റ് .(10.07.2024)
ജിയുപിഎസ് തെക്കിൽപറമ്പയിൽ അറബിക് ക്ലബിന്റെ നേത്രുത്വത്തിൽ ടാലന്റ് പരീക്ഷ നടത്തി. അറബിക് സംഘടനയായ കെ എ ടി എഫ് ന്റെ നേതൃത്വത്തിലാണ് സ്കോളർഷിപ്പ് പരീക്ഷ നടന്നത് .L P ,U P വിഭാഗങ്ങളിലായി 65 ഒളം വിദ്യാർഥികൾ പരീക്ഷ എഴുതി. അറബിക് ക്ലബ്ബ് കൺവീനർ അബ്ദു റഹ്മാൻ മാസ്റ്റർ സഹഅധ്യാപകരായ നജീബ് മാസ്റ്റർ ജമീല ടീച്ചർ എന്നിവർ സംബന്ധിച്ചു.LP തലത്തിൽ ഉപജില്ല തലത്തിലേക്ക് ആസ്വാ ഫാത്തിമയെയും യുപി തലത്തിൽ ലിഫാ ഫാത്തിമയെയും തെരഞ്ഞെടുത്തു.
സ്കൂൾ പാർലമെൻറ് തിരഞ്ഞെടുപ്പ്.(12.07.2024)
ഈ വർഷത്തെ സ്കൂൾ പാർലമെൻറ് തിരഞ്ഞെടുപ്പ് സാമൂഹ്യശാസ്ത്ര ക്ലബ്ബിന്റെ നേതൃത്വത്തിലാണ് നടന്നത്. ജൂലായ് രണ്ടാം തീയതി സ്കൂൾ പാർലമെൻറ് തെരഞ്ഞെടുപ്പുമായി ബന്ധപ്പെട്ട വിജ്ഞാപനം പുറപ്പെടുവിച്ചു .ഒമ്പതാം തീയതി നാമനിർദ്ദേശപത്രിക സമർപ്പണം മുഖ്യ വരണാധികാരി ആയ ഹെഡ്മാസ്റ്റർ മുഖേന പത്രിക സമർപ്പിച്ചു. ഓരോ ക്ലാസും ഓരോ നിയോജക മണ്ഡലമായി ആകെ 32 മണ്ഡലങ്ങളാണ് ഉള്ളത് നാമനിർദ്ദേശപത്രിക സൂക്ഷ്മ പരിശോധനയ്ക്ക് ശേഷം പത്താം തീയതി അന്തിമപ്പട്ടിക പ്രസിദ്ധീകരിച്ചു. സ്ഥാനാർത്ഥികളായി മത്സരിക്കുന്ന കുട്ടികൾക്ക് കുട, ബാഗ് ,പേന, പുസ്തകം, എന്നീ അടയാളങ്ങൾ നൽകി, 12 തീയതി വെള്ളിയാഴ്ച സ്കൂൾ പാർലമെൻറ് തെരഞ്ഞെടുപ്പ് നടന്നു.JRC കുട്ടികൾ പ്രിസൈഡിംഗ് ഓഫീസറും രണ്ടു പോളിംഗ് ബത്തുകളും ആയാണ് തെരഞ്ഞെടുപ്പ് നടത്തിയത്. പോളിംഗ് ഓഫീസർമാരായും ജെ ആർ സി കുട്ടികൾ ഉണ്ടായിരുന്നു .പതിനെട്ടാം തീയതി ഫലപ്രഖ്യാപനം നടത്തി. ഇരുപത്തിരണ്ടാം തീയതി സത്യപ്രതിജ്ഞയും സ്കൂൾ ലീഡറേ തെരഞ്ഞെടുക്കുകയും ചെയ്തു .പാർലമെൻറ് തിരഞ്ഞെടുപ്പുകളുടെ അതേ രീതിയിൽ മികച്ച ആസൂത്രണത്തോടെയാണ് തെരഞ്ഞെടുപ്പ് നടന്നത്. ജെ ആർ സി കുട്ടികൾ വോട്ടർമാർക്ക് വേണ്ടി ഹെൽപ്പ് ഡെസ്കായി പ്രവർത്തിച്ചു രംഗത്തുണ്ടായിരുന്നു. പാർലമെൻററി ജനാധിപത്യത്തിന്റെ നടപടിക്രമങ്ങൾ അതിൻറെ പ്രയോഗത്തിലൂടെ അവതരിപ്പിച്ചപ്പോൾ കുട്ടികൾക്ക് ഏറെ വിജ്ഞാനപ്രദം ആവുകയും ,അത് ക്ലാസുകളെക്കാൾ ഫലവത്തായി മാറുകയും ചെയ്തു.
ക്ലാസ് പിടിഎ(27.06.2014 - 03.07.2024)
ഗവൺമെൻറ് യുപി സ്കൂൾ തെക്കിൽ പറമ്പയിൽ 2024 25 അധ്യയന വർഷത്തെ ആദ്യ ക്ലാസ് പിടിഎ ജൂൺ 27ആം തീയതി ആരംഭിച്ചു. ഒരു ദിവസം രണ്ട് ക്ലാസുകൾ എന്ന രീതിയിലാണ് പിടിഎ നടന്നത് . ആഗസ്ത് മൂന്നാം തീയതിയാണ് അവസാനിച്ചത് ക്ലാസ് പി ടി എ യിൽ കാര്യങ്ങൾ വിശദമാക്കാനും രക്ഷിതാക്കളെ നേരിൽ കണ്ട് അവരുടെ കാര്യങ്ങൾ കേൾക്കാനും ആയി ഹെഡ്മാസ്റ്ററും പിടിഎ പ്രസിഡന്റ് ഉം മുഴുവൻ ക്ലാസുകളിലും എത്തിയിരുന്നു.
ചാന്ദ്രദിനം .(21.07.2024-23.07.2024)
ജൂലൈ 21 ചാന്ദ്രദിനം ഞായറാഴ്ച ആയതിനാൽ ഇരുപത്തിരണ്ടാം തീയതിയാണ് സ്കൂളിൽ ദിനാചരണം നടന്നത്. രാവിലെ 9: 30ന് ക്ലാസ്തല ക്വിസ് മത്സരം നടത്തി, ഉച്ചയ്ക്ക് 1:30ന് സ്കൂൾതല മത്സരവും നടത്തി. 23ആം തീയതി ചൊവ്വാഴ്ച രാവിലെ സ്പെഷ്യൽ അസംബ്ലി നടന്നു .ചാന്ദ്രദിന പാട്ട്, പ്രസംഗം ,ചാന്ദ്ര മനുഷ്യനുമായി (നീലാംസ്ട്രോങ്ങ് )സംവാദം തുടങ്ങിയ പരിപാടികളിലൂടെ ചാന്ദ്രദിനത്തിന്റെ പ്രാധാന്യം കുട്ടികളിൽ എത്തിച്ചു. എന്തുകൊണ്ടാണ് ചാന്ദ്രദിനം ആചരിക്കുന്നത് എന്നും ഭാവി തലമുറ എങ്ങനെയാണ് പുതിയ കണ്ടുപിടുത്തങ്ങളും കാൽവെപ്പുകളും നടത്തേണ്ടതെന്നും ഹെഡ്മാസ്റ്റർ വിശദീകരിച്ചു .ദിനാചരണത്തിന്റെ ഭാഗമായി കുട്ടികൾ നിർമ്മിച്ച റോക്കറ്റ് മോഡൽ പോസ്റ്റർ പതിപ്പ് തുടങ്ങിയവ പരിപാടിയിൽ പ്രദർശനം നടത്തി ഇത് ദിനാചരണത്തിന്റെ പ്രത്യേക ആകർഷകമായി മാറി. ക്വിസ് മത്സര വിജയികൾക്ക് അസംബ്ലിയിൽ വച്ച് സമ്മാനം നൽകി.
സ്റ്റുഡൻറ് സേവിങ് സ്കീം .(23.07.2024)
തെക്കിൽപറമ്പ ഗവൺമെൻറ് യുപി സ്കൂളിൽ സ്റ്റുഡൻറ് സേവിങ് സ്കീം ഉദ്ഘാടനം നടന്നു .ഉദ്ഘാടനം നടത്തിയത് അസിസ്റ്റൻറ് എഡ്യൂക്കേഷൻ ഓഫീസർ ആഗസ്ത്യൻ ബർണാഡ് മോണ്ടേരോ ആണ്. പിടിഎ പ്രസിഡണ്ട് ശ്രീ പി സി നസീറിന്റെ അധ്യക്ഷതയിൽ നടന്ന ചടങ്ങിന് ഹെഡ്മാസ്റ്റർ സ്വാഗതം പറഞ്ഞു. സേവിങ് സ്കീം ഡിപ്പാർട്ട്മെൻറ് അസിസ്റ്റൻറ് ഡയറക്ടർ ശ്രീമതി ഷീബ മാഡം സേവിങ് സ്കീം പദ്ധതി വിശദീകരണം നടത്തി. എം പി ടി പ്രസിഡൻറ് വന്ദന വിജയൻ എസ് എം സി പ്രസിഡണ്ട് ബീനവിജയൻ ,സീനിയർ അസിസ്റ്റൻറ് രാധ ടീച്ചർ എന്നിവർ സംസാരിച്ചു. സേവിങ് സ്കീം കൺവീനർ ശ്രീമതി ആശ ടീച്ചർ നന്ദി അറിയിച്ചു. പ്രത്യേക അസംബ്ലിയിൽ നടത്തിയ ഈ പരിപാടിയിലൂടെ കുട്ടികൾക്ക് സേവിങ്സ് ഉണ്ടാകേണ്ടതിന്റെ പ്രാധാന്യം മനസ്സിലായി.
സ്കൂൾ ശാസ്ത്രോത്സവം.(26.07.2024)
ഈ വർഷത്തെ സ്കൂൾ ശാസ്ത്രോത്സവം ജൂലൈ 26ന് വെള്ളിയാഴ്ച നടത്തി .ശാസ്ത്ര, ഗണിതശാസ്ത്ര, സാമൂഹ്യ ശാസ്ത്ര, പ്രവർത്തിപരിചയ, ഐടി, മേളകളാണ് സംഘടിപ്പിച്ചത് .പ്രവർത്തി പരിചയമേളയിൽ എൽപി ,യുപി വിഭാഗങ്ങളിലായി 17 ഇനങ്ങളിൽ 280 കുട്ടികളും, ശാസ്ത്ര സാമൂഹ്യശാസ്ത്രമേളകളിൽ 7 ഇനങ്ങളിലായി 20 കുട്ടികളും, ഗണിതമേളയിൽ 5 ഇണങ്ങളിലായി 61 കുട്ടികളും ,ഐടി മേളയിൽ രണ്ട് ഇനങ്ങളിലായി 13 കുട്ടികളും, പങ്കെടുത്തു. മത്സരത്തിൽ പങ്കെടുത്ത എല്ലാ കുട്ടികളും മികവാർന്ന പ്രകടനം കാഴ്ചവച്ചു. മത്സരത്തിനു ശേഷം കുട്ടികളുണ്ടാക്കിയ ഉത്പന്നങ്ങളുടെ പ്രദർശനവും നടന്നു.
ഒളിമ്പിക്സ് ദീപശിഖ പ്രയാണം.(27.07.2024)
27 ആം തീയതി ചേർന്ന പ്രത്യേക അസംബ്ലിയിൽ ഒളിമ്പിക്സ് ദീപശിഖയ്ക് തിരി തെളിഞ്ഞു. പിടിഎ പ്രസിഡണ്ട് ഹെഡ്മാസ്റ്റർ സ്പോർട്സ് കൺവീനർ സീനിയർ അസിസ്റ്റൻറ് എന്നിവരുടെ നേതൃത്വത്തിൽ ദീപശിഖ തെളിയിച്ച് സ്കൂൾ ചാമ്പ്യന് കൈമാറി .സ്കൂൾ അത്ലറ്റ്സ് ഗ്രൗണ്ടിൽ വലം വച്ചു പാരീസിൽ നടക്കുന്ന ഒളിമ്പിക്സ് ഒരു ആവേശമായി കുട്ടികൾ ഏറ്റെടുക്കുകയും സ്കൂളിൽ നടത്താനിരിക്കുന്ന സ്പോർട്സിന് തയ്യാറെടുക്കാനും ഈ പരിപാടി പ്രചോദനമായി.
കാവ് തീണ്ടല്ലേ കുളം വറ്റും.(29.07.2024)
ലോക പരിസ്ഥിതി ദിനം ആയ ജൂലൈ 29ന് ഇക്കോ ക്ലബ് അംഗങ്ങൾ "കാവ് തീണ്ടല്ലേ കുളം വറ്റും" എന്ന മുദ്രാവാക്യവുമായി കാവിനു ചുറ്റും പ്രകൃതി സംരക്ഷണയജ്ഞം നടത്തി.
കളി ഉപകരണങ്ങൾ നൽകി.(29.07.2024)
പഠനപ്രവർത്തനങ്ങളോടൊപ്പം കളികളുടെ പ്രാധാന്യവും തിരിച്ചറിഞ്ഞ് കുട്ടികളുടെ മാനസിക ശാരീരിക വ്യായാമതിനായി എക്സൈസ് വകുപ്പ് സ്കൂൾ കുട്ടികൾക്ക് കളി ഉപകരണങ്ങൾ നൽകി.
ഫ്രീഡം ക്വിസ് .(05.08.2024)
ഓഗസ്റ്റ് 5ന് സോഷ്യൽ സയൻസ് ക്ലബ്ബിന്റെ ആഭിമുഖ്യത്തിൽ സ്കൂൾതലത്തിൽ ഫ്രീഡം ക്വിസ് നടത്തി. യുപി തലത്തിൽ യദു കൃഷ്ണ (7A) ദേവാഞ്ജന(7E) എന്നിവർ യഥാക്രമം ഒന്നും ,രണ്ടും സ്ഥാനം കരസ്ഥമാക്കി .എൽ പി തലത്തിൽ ജീവൻ കെ നായർ (4A) വിനീത് തൈര (4B) തക്ഷിത്ത് ( 3A) എന്നിവർ യഥാക്രമം ഒന്നും ,രണ്ടും, മൂന്നും സ്ഥാനം കരസ്ഥമാക്കി.
സ്വദേശ മെഗാ ക്വിസ് .(06.08.2024)
കെ പി എസ് ടി എ വർഷംതോറും നടത്തുന്ന സ്വദേശ് മെഗാ ക്വിസ് ഓഗസ്റ്റ് 6ന് രണ്ട് മണിക്ക് സ്കൂൾതലത്തിൽ നടന്നു. നാം ചങ്ങല പൊട്ടിച്ച കഥ, സ്വാതന്ത്ര്യ സമര ചരിത്രം, ആനുകാലികം, തുടങ്ങിയ വിഷയങ്ങളെ ആസ്പദമാക്കിയ യു പി തലത്തിലെ മത്സരത്തിൽ ഒന്നാം സ്ഥാനം നേടി സബ്ജില്ലാതലത്തിൽ എത്തിയത് 7A ക്ലാസ്സിലെ യദുകൃഷ്ണയാണ് .രണ്ടാം സ്ഥാനം നേടിയ 5 C യിലെ ജീവസ് മേലത്തും സബ്ജില്ല മൽസരത്തിൽ പ്രവേശനം നേടി. ഗാന്ധി നെഹ്റു സ്വാതന്ത്ര്യ സമര ചരിത്രം ആനുകാലികം എന്നീ വിഷയങ്ങളായിരുന്നു എൽ പി മത്സരത്തിന് ഉണ്ടായിരുന്നത് .ജീവൻ കെ നായർ 4 A, ആദ്യ നായർ 4A, വിനീത് തൈര 4B എന്നീ കുട്ടികൾ യഥാക്രമം ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കി. ഒന്നാം സ്ഥാനം ലഭിച്ച ജീവൻ കെ നായർ സബ്ജയിലേക്ക് പ്രവേശനം നേടി.
രാമായണ ക്വിസ് .(08/08/024)
സംസ്കൃതം ക്ലബ്ബിന്റെ ആഭിമുഖ്യത്തിൽ ആഗസ്റ്റ് എട്ടിന് യു പി തലത്തിലെ കുട്ടികൾക്കായി രാമായണ ക്വിസ് നടത്തി. വിജയികൾ
1st)നീരജ്കൃഷ്ണ ,5C
2nd)അതുൽദേവ് ,5C
3rd)ദേവിക കെ,6C
4th)അഭിജിത്ത്,6C
ഒളിമ്പിക്സ് ക്വിസ് .(14.08.2024)
2024ലെ ഒളിമ്പിക്സ് മത്സരത്തിന്റെ ആവേശത്തിന്റെ ഭാഗമായി സ്കൂളിൽ ഒളിമ്പിക്സ് ക്വിസ് മത്സരം നടന്നു.
അക്ഷരമുറ്റം ക്വിസ് .(14.08.2024)
2024 ആഗസ്റ്റ് 14ന് അക്ഷരമുറ്റം ക്വിസ് നടത്തി .എൽ പി യുപി വിഭാഗങ്ങളിൽ നടന്ന ക്വിസിൽ കുട്ടികൾ മികവാർന്ന വിജയമാണ് കൈവരിച്ചത്.
സ്വാതന്ത്ര്യദിനാഘോഷം.(15.08.2024)
ഗവൺമെൻറ് യുപി സ്കൂൾ തെക്കിൽ പറമ്പയിൽ 78th സ്വാതന്ത്ര്യ ദിനം സമുചിതമായി ആഘോഷിച്ചു. ഹെഡ്മാസ്റ്റർ ദേശീയ പതാക ഉയർത്തി പിടിഎ പ്രസിഡണ്ട് ശ്രീ പി സി നസീർ, മദർ PTA പ്രസിഡൻറ് മിനി ശശികുമാർ, എസ് എം സി ചെയർമാൻ ഉണ്ണികൃഷ്ണൻ തുടങ്ങിയവർ സന്നിഹിതരായിരുന്നു. ദേശീയത തുളുമ്പുന്ന ഗാനങ്ങൾ, കുട്ടികളുടെ പ്രധാന കലാപരിപാടികൾ തുടങ്ങിയവയും ഉണ്ടായിരുന്നു. പി ടി എ യുടെ വക മധുരം വിതരണം ചെയ്തു. പൂർവ്വ വിദ്യാർത്ഥികൾ സ്കൂൾ ഗ്രൗണ്ടിൽ നിർമ്മിച്ച കൊടിമരം സ്കൂളിനായി കൈമാറി. പൂർവ്വവിദ്യാർഥികൾ സ്കൂൾ കുട്ടികൾക്കായി കളി ഉപകരണങ്ങളും നൽകി.
കർഷക ദിനം (21.08.2024)
മികച്ച കർഷകയെ ആദരിക്കൽ, വിത്ത് പ്രദർശനം.
സംസ്ഥാനതലത്തിൽ കർഷക ദിനമായി ആഘോഷിക്കുന്നതിന്റെ ഭാഗമായി തെക്കിൽപറമ്പ ഗവൺമെൻറ് യുപി സ്കൂളിലും കർഷക ദിനം ആചരിച്ചു. മാതൃഭൂമി സീഡ് ക്ലബ്ബും സ്കൂൾ പരിസ്ഥിതി ക്ലബ്ബും ചേർന്ന് സ്കൂൾ പരിസരത്തെ മികച്ച കർഷകയെ ആദരിക്കുകയും ചെയ്തു .തുടർന്ന് വിവിധതരം നെൽവിത്തുകളുടെ പ്രദർശനം നടന്നു.
സ്കൂൾ കായികമേള.(22.08.2024)
ഈ വർഷത്തെ സ്കൂൾ കായികമേള 2024 ഓഗസ്റ്റ് 22, 23 തീയതികളിലായി നടന്നു. പിടിഎ പ്രസിഡൻറ് ശ്രീ പി സി നസീറിന്റെ അധ്യക്ഷതയിൽ ഹെഡ്മാസ്റ്റർ ശ്രീവത്സൻ സാർ കായികമേളയുടെ പതാക ഉയർത്തി. പി ടി എ ,എം പി ടി എ ,എസ് എം സി ,സ്റ്റാഫ് അംഗങ്ങൾ ചേർന്ന് വിജയികൾക്ക് സർട്ടിഫിക്കറ്റും മെഡലും നൽകി. സമാപന ചടങ്ങിൽ മുൻപ്രധാന അധ്യാപകനായ ശ്രീ പ്രദീപ് മാസ്റ്റർ മുഖ്യാതിഥിയായിരുന്നു. സ്കൂൾ പൂർവ്വ വിദ്യാർത്ഥികളുടെയും കായികപ്രേമികളുടെയും സഹകരണം മേള വിജയം ആക്കുന്നതിൽ പ്രധാന പങ്കു വഹിച്ചു.
ജെ ആർ സി സ്റ്റാഫിങ് സെറിമണി.(27.08.2024)
സ്കൂളിലെ 2024 - 25 വർഷത്തെ ജെ ആർ സി കുട്ടികൾക്ക് സ്കാഫ് അണിയിക്കൽ ചടങ്ങ് ജെ ആർ സി ഡിസ്ട്രിക്ട് കോർഡിനേറ്റർ ശ്രീ അനിൽകുമാർ മാസ്റ്റർ നടത്തി. ചടങ്ങിൽ സ്കൂൾ സി കോഡിനേറ്റർ ശ്രീമതി വിജിമോൾ നേതൃത്വം നൽകി.
പ്രതിഭ ക്വിസ് (29.08.2024)
വിജ്ഞാനകൈരളിയുടെ അറിവ് ഉത്സവം പൊതു വിദ്യാലയങ്ങളിലെ പ്രതിഭകൾക്ക് വേണ്ടി നടത്തുന്ന ക്വിസ് തെക്കിൽ പറമ്പ സ്കൂളിൽ നടന്നു.എൽ പി, യു പി വിഭാഗങ്ങളിൽ മത്സരം നടത്തി . കുട്ടികൾ മികവാർന്ന പ്രവർത്തനം കാഴ്ചവച്ചു.
അറിവ് ഉത്സവം (29.08.2024)
ജനയുഗം സഹപാഠി വിദ്യാ വിരൽത്തുമ്പിൽ എന്ന പരിപാടിയുടെ ഭാഗമായി എ കെ എസ് ടി യു നടത്തിയ അറിവുത്സവം ജിയുപിഎസ് തെക്കിൽ പറമ്പയിൽ നടത്തി. എൽ പി യുപി വിഭാഗങ്ങളിൽ മത്സരങ്ങൾ നടത്തി വിജയികളെ അഭിനന്ദിച്ചു.
മാതൃഭൂമി മധുരം മലയാളം(03.09.2024)
കുട്ടികൾക്ക് പഠനത്തോടൊപ്പം പത്രവാർത്ത ലഭിക്കുന്നതിനായി പൊയിനാച്ചി ലയൺസ് ക്ലബ്ബ് സ്കൂളിലേക്ക് മാതൃഭൂമി പത്രം നൽകി. ലയൺസ് ക്ലബ് പ്രവർത്തകർ സ്കൂളിൽ വച്ച് ചേർന്ന പ്രത്യേക പരിപാടിയിലൂടെ പ്രധാനാധ്യാപകൻ ശ്രീവത്സൻ സാറിൻറെ സാന്നിധ്യത്തിൽ സ്കൂൾ ലീഡർ യദു കൃഷ്ണന് പത്രം നൽകിക്കൊണ്ട് ഉദ്ഘാടനം ചെയ്തു.
കുട്ടി ടീച്ചർ(05.09.2024)
ഈ വർഷത്തെ അധ്യാപക ദിനത്തിൽ കുട്ടി ടീച്ചറായി മാറി കുട്ടികൾ. ഓരോ പീരിയഡും വിഷയങ്ങൾക്ക് അനുസരിച്ച് ക്ലാസുകൾ കൈകാര്യം ചെയ്ത് കുട്ടികൾ അധ്യാപകർ ആയത് അധ്യാപകർക്കും കുട്ടികൾക്കും വേറിട്ട ഒരു അനുഭവമായി മാറി. ദിവസങ്ങൾക്കു മുമ്പ് തന്നെ ഓരോ കുട്ടിയും മുൻകൂട്ടി നടത്തിയ ആസൂത്രണത്തിന്റെ അടിസ്ഥാനത്തിൽ ഐ സി ടി സാധ്യതകൾ പ്രയോജനപ്പെടുത്തി എടുത്ത ക്ലാസുകൾ പുതിയൊരു അനുഭവമായി മാറി. കുട്ടികളുടെ അനുഭവം പങ്കുവയ്ക്കുകയും ചെയ്തു.
പൂവിളികളുമായി ഓണാഘോഷം (13.09.2024)
ജി യു പി എസ് തെക്കിൽപറമ്പിൽ ഓണാഘോഷം നടത്തി .കുട്ടികൾ വീട്ടിൽ നിന്നും കൊണ്ടുവന്ന നാടൻ പൂക്കൾ കൊണ്ട് ക്ലാസുകളിൽ പൂക്കളം തീർത്തും കൂടാതെ വിവിധ ഓണക്കളികൾ കുട്ടികക്കായി സംഘടിപ്പിച്ചു. ഓണാഘോഷം കുട്ടികൾക്ക് വേറിട്ട ഒരു അനുഭവമായി മാറി.
പുഷ്പോത്സവം (24.09.2024)
മുൻകൂട്ടി പ്ലാൻ ചെയ്ത് കുട്ടികൾ വീട്ടിൽ ഉണ്ടാക്കിയ നാടൻ ചെടികളും പൂക്കളുമായി എക്കോ ക്ലബ്ബിൻറെ ആഭിമുഖ്യത്തിൽ സ്കൂളിൽ പുഷ്പോത്സവം സംഘടിപ്പിച്ചു. കുട്ടികൾ കൊണ്ടുവന്നതും സ്കൂളിൽ നട്ടുപിടിപ്പിച്ചതും ആയ ചെടികളെ കൊണ്ട് വിദ്യാലയം ഒരു പൂന്തോട്ടമായി മാറ്റാൻ പുഷ്പോത്സവത്തിലൂടെ സാധിച്ചു.
സ്കൂൾ കലോത്സവം (30.09.2024 - 01.10.2024)
ഈ വർഷത്തെ സ്കൂൾതല കലോത്സവം സെപ്റ്റംബർ 30 ഒക്ടോബർ 1 എന്നീ തീയതികളിലായി നടന്നു .പിടിഎ പ്രസിഡണ്ട് പിസി നസീറിന്റെ അധ്യക്ഷതയിൽ നടന്ന പരിപാടിയിൽ ചെമ്മനാട് ഗ്രാമപഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷയായ ശ്രീമതി രമാ ഗംഗാധരൻ മുഖ്യാതിഥി ആയിരുന്നു. എച്ച് എം സ്വാഗതം പറഞ്ഞ ചടങ്ങിന് സ്കൂൾ കലോത്സവം കൺവീനർ ശ്രീമതി ആശാ ഷൈനി നന്ദി അറിയിച്ചു .പിടിഎ എം പി ടി എ എസ് എം സി പ്രതിനിധികൾ സന്നിഹിതരായിരുന്നു. ബ്ലൂ ഗ്രീൻ റെഡ് വൈറ്റ് എന്നീ നാല് ഹൗസുകളിൽ ആയിട്ടായിരുന്നു മത്സരം നടന്നത് വിവിധ വേദികളിൽ ആയി കുട്ടികളുടെ കലാപരിപാടികൾ അരങ്ങേറി ഇതോടൊപ്പം അറബി കലോത്സവവും നടന്നു.
ഗാന്ധിജയന്തി ആഘോഷം(02.10.2024)
ഗാന്ധിജയന്തി ആഘോഷവുമായി ബന്ധപ്പെട്ട് രാവിലെ 9 30ന് സ്കൂൾ അസംബ്ലി ചേർന്നു. അധ്യാപകരും വിദ്യാർത്ഥികളും പങ്കെടുത്തു. ഗാന്ധിജിയുടെ ഫോട്ടോയിൽ പുഷ്പാർച്ചന നടത്തി തുടർന്ന് ശുചീകരണ പ്രവർത്തനങ്ങൾ നടന്നു പിടിഎ പ്രതിനിധികളും സന്നിഹിതരായിരുന്നു സോഷ്യൽ സയൻസ് ക്ലബ്ബിൻറെ ആഭിമുഖ്യത്തിൽ ക്വിസ് മത്സരം പ്രസംഗം തുടങ്ങിയ കുട്ടികൾക്കായി നടത്തി.
വാങ്ങ്മയം(03.10.2024)
വിദ്യാരംഗം കലാസാഹിത്യ വേദിയുടെ വാങ്ങ്മയം ഭാഷാപ്രതിഭ പുരസ്കാരം പരീക്ഷ എൽ പി യു പി തലങ്ങളിൽ നടന്നു വിഭാഗങ്ങളിൽ രണ്ടു കുട്ടികളെ വീതം ഉപജില്ലാതലത്തിലേക്ക് തിരഞ്ഞെടുത്തു യുപി വിഭാഗം വിജയികൾ ദേവാഞ്ജന
എൽ പി വിഭാഗം വിജയികൾ
ഹംന കദീജ എൻ സി
റിയഎം
ഹരിത ജ്യോതി പുരസ്കാരം(08.10.2024)
വിദ്യാർത്ഥികളിൽ പരിസ്ഥിതി ബോധവും സാമൂഹിക പ്രതിബദ്ധതയും വളർത്തിയെടുക്കാൻ ഫെഡറൽ ബാങ്കിന്റെ സഹകരണത്തോടെ മാതൃഭൂമി നടപ്പാക്കുന്ന സീഡ് പദ്ധതിയുടെ ഹരിത ജ്യോതി പുരസ്കാരം ജിയുപിഎസ് തെക്കിൽ പറമ്പയ്ക്ക് ലഭിച്ചു. പരിസര ശുചിത്വവും പരിസര സംരക്ഷണത്തിനും ഊന്നൽ നൽകിയുള്ള പ്രവർത്തനങ്ങൾ ആണ് സ്കൂളിനെ പുരസ്കാരത്തിന് അർഹമാക്കിയത്.
കാസർഗോഡ് സബ് ജില്ലാ കലോത്സവം(24.10.2024 - 30.10.2024)
കാസർഗോഡ് സബ് ജില്ലാ കലോത്സവം ജിയുപിഎസ് തെക്കിൽപറമ്പ് സ്കൂളിൽ ആണെന്ന തീരുമാനത്തിൽ സെപ്റ്റംബർ 23 തീയതി സംഘാടകസമിതി ചേർന്നു .പൂർവ വിദ്യാർത്ഥികൾ നാട്ടുകാർ സാംസ്കാരിക പ്രവർത്തകർ തുടങ്ങിയ മുഴുവൻ കലാസ്നേഹികളും യോഗത്തിൽ പങ്കെടുത്തു. കലോത്സവത്തിന്റെ നല്ല നടത്തിപ്പിനായി ഓരോ ചെയർമാൻമാരെ ഉൾപ്പെടുത്തി അധ്യാപകർ കൺവീനറായി സബ് കമ്മിറ്റികൾ രൂപീകരിച്ചു. കലോത്സവ കൺവീനറായി ഹെഡ്മാസ്റ്റർ ശ്രീവത്സൻ സാറും സംഘാടകസമിതി ചെയർമാനായി ചെമ്മനാട് പഞ്ചായത്ത് വൈസ് പ്രസിഡണ്ടായ ശ്രീമൻസൂർ കുരിക്കളേയും തെരഞ്ഞെടുത്തു. തുടർന്നുള്ള ദിവസങ്ങളിൽ ഓരോ സബ് കമ്മിറ്റികളും പരിപാടിയുടെ വിജയത്തിനായി പ്രയത്നിച്ചു. 24ആം തീയതി അറബിക് കലോത്സവത്തിന്റെ ഓഫ് സ്റ്റേജ് മത്സരങ്ങളും 25, 26 തീയതികളിലായി ജനറൽ വിഭാഗം ഓഫ് സ്റ്റേജ് മത്സ രങ്ങളും നടന്നു .തുടർന്നുള്ള ദിവസങ്ങളിൽ നടന്ന സ്റ്റേജ് മത്സരങ്ങളിൽ വിദ്യാർത്ഥികളും കാണികളും ജഡ്ജസും അധ്യാപകരും ഒക്കെയായി വർണ്ണശബളമായിരുന്നു സ്കൂൾ കലോത്സവ നടത്തിപ്പിനായും തുടർന്നും സ്കൂളിനായി പ്രവർത്തിച്ച പിടിഎ എസ് എം സി എം പി ടി എ നാട്ടുകാർ പഞ്ചായത്ത് പ്രതിനിധികൾ ശുചീകരണ പ്രവർത്തനങ്ങൾ നടത്തിയ ഹരിത കർമ്മ സേന എന്നിവരുടെ പ്രവർത്തനമാണ് സബ്ജില്ലാ കലോത്സവത്തിന് എന്നും ഓർമ്മയിൽ നിൽക്കുന്ന വിജയമാക്കി മാറ്റിയത് കലോത്സവ നടത്തിപ്പിനിടയിലും സ്കൂളിലെ മത്സരങ്ങളിൽ വിജയം കൈവരിക്കാൻ സാധിച്ചു വിഭാഗം ജനറൽ സബ് അറബിക് ചാമ്പ്യൻഷിപ്പ് ഇങ്ങനെ തെക്കിപ്പറമ്പയ്ക്ക് ഇരട്ടിമധുരം ആയിരുന്നു സബ്ജില്ലാ കലോത്സവം.
ചെറുധാന്യ ദിനം (19.12.2024)
ആരോഗ്യ സംരക്ഷണം ചെറുതാന്യങ്ങളിലൂടെ എന്ന സന്ദേശവുമായി സ്കൂൾ ഉച്ചഭക്ഷണ കമ്മിറ്റിയുടെ നേതൃത്വത്തിൽ ചെറു ധാന്യങ്ങളുടെ പ്രാധാന്യം അറിയിച്ചുകൊണ്ട് പ്രദർശനം നടത്തി .പഴയകാലത്ത് ചെറു ധാന്യങ്ങൾ ആയിരുന്നു ഭക്ഷണമായി അധികവും ഉപയോഗിച്ചിരുന്നത് എന്നും, അതുകൊണ്ടുതന്നെ ആരോഗ്യം കൂടുതലായിരുന്നു എന്നും, കാണിക്കുന്ന സന്ദേശങ്ങളും പ്രദർശനത്തിൽ ഉൾപ്പെടുത്തിയിരുന്നു. ചെറുതാന്യങ്ങൾ ഉപയോഗിച്ച് പായസം ഉണ്ടാക്കി കുട്ടികൾക്ക് നൽകുകയും ചെയ്തു.
വിജയോത്സവം (20.12.2024)
ജി യു പി എസ് തെക്കിൽ പറമ്പയിലെ സബ്ജില്ലാ ജില്ലാ പ്രതിഭകളെ ആദരിക്കുന്നതിനും ,എൽ എസ് എസ് യു എസ് എസ് വിജയികളെ അനുമോദിക്കുന്നതിനും ആയി വിജോത്സവം നടത്തി. കുട്ടികൾക്കായി മോട്ടിവേഷൻ ക്ലാസ് നടത്താൻ ജിഎച്ച്എസ് തച്ചങ്ങാട് സ്കൂളിലെ ശുഹൈബ് കൊടുവള്ളി സാർ എത്തി. ആടിയും പാടിയും കുട്ടികൾക്ക് രസകരമാകുന്ന വിധത്തിലാണ് ക്ലാസ് നടത്തിയത് വിജയയോത്സവം ഉദ്ഘാടനം ചെയ്ത് സംസാരിച്ചത് ചമ്മനാട് പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി രമഗംഗാധരൻ ആണ് .പിടിഎ പ്രസിഡൻറ് ശ്രീ പി സി നസീറിന്റെ അധ്യക്ഷതയിൽ നടന്ന പരിപാടിയിൽ ഹെഡ്മാസ്റ്റർ ശ്രീവത്ൻ സാറാണ് സ്വാഗതം പറഞ്ഞത്. പരിപാടിയിൽ സീനിയർ അസിസ്റ്റൻറ് ശ്രീമതി രാധ ടീച്ചർ നന്ദി അറിയിച്ചു.
പഠനയാത്ര(25.01.2025)
മംഗലാപുരം പിലിക്കുള ബയോളജിക്കൽ പാർക്ക്, വിവേകാനന്ദ സയൻസ് പാർക്ക്, ഹെറിറ്റേജ് വില്ലേജ്, മാനസ പാർക്ക് ,തുടങ്ങിയ സ്ഥലങ്ങളിലേക്ക് നാലാം ക്ലാസിലെ വിദ്യാർത്ഥികളെ പഠനയാത്രയ്ക്കായി കൊണ്ടുപോയി. അധ്യാപകരും പിടിഎ പ്രതിനിധികളും കുട്ടികളുടെ സംരക്ഷണത്തിനായി ഉണ്ടായിരുന്നു പഠനപ്രവർത്തനങ്ങൾക്ക് സഹായകമായ യാത്രയായിരുന്നു യാത്ര.
രക്തസാക്ഷി ദിനം (30.01.2025)
ജനുവരി 30 രക്തസാക്ഷി ദിനവുമായി ബന്ധപ്പെട്ട് സ്കൂളിൽ സ്പെഷ്യൽ അസംബ്ലി നടന്നു. അസംബ്ലിയിൽ എച്ച് എം ശ്രീവൽസൺ സാർ സോഷ്യൽ സയൻസ് കൺവീനർ ശ്രീമതി ശില്പ ടീച്ചർ എന്നിവർ സംസാരിച്ചു. ഗാന്ധിജിയുടെ ഫോട്ടോയിൽ പുഷ്പാർച്ചന നടത്തി.
റിപ്പബ്ലിക് ദിനം (26.01.2025)
റിപ്പബ്ലിക് ദിനത്തിൽ പ്രത്യേക അസംബ്ലി നടത്തി. സീനിയർ അസിസ്റ്റൻറ് ശ്രീമതി രാധ ടീച്ചർ പതാക ഉയർത്തി സംസാരിച്ചു.എസ് എം സി ചെയർമാൻ ശ്രീ ഉണ്ണികൃഷ്ണൻ പൊയിനാച്ചി,ശില്പ ടീച്ചർ എന്നിവർ സംസാരിച്ചു തുടർന്ന് കുട്ടികളുടെ പ്രസംഗം ക്വിസ് എന്നിവ നടത്തി.
പുസ്തക ചങ്ങാത്തം.(2024-2025)
ചെറിയ കുട്ടികൾക്ക് ആവശ്യമായ വായന പുസ്തകങ്ങൾ ഇല്ലാത്തതുകൊണ്ടും വിപുലമായ ലൈബ്രറി ഒരുക്കുന്നതിന്റെയും ഭാഗമായി ജനകീയ പങ്കാളിത്തത്തോടെ വിദ്യാരംഗം ,മഞ്ചാടി ക്ലബ്ബുകൾ സംയുക്തമായി സംഘടിപ്പിച്ച പദ്ധതിയാണ് പുസ്തക ചങ്ങാത്തം. പൊതുജനങ്ങളുടെയും രക്ഷിതാക്കളുടെയും പങ്കാളിത്തം നേടുന്നതിന് വേണ്ടിയുള്ള വിപുലമായ കർമ്മ പരിപാടികൾ തയ്യാറാക്കിയാണ് പദ്ധതി നടപ്പാക്കിയത് .കോർണർ പിടിഎ പുസ്തക സമാഹരണം എന്നിങ്ങനെ രണ്ട് ഘട്ടങ്ങളാണ് പ്ലാൻ ചെയ്തത് ആദ്യ യോഗം ഫെബ്രുവരി 15നാണ് നടന്നത് .പറമ്പ് രാജീവ്ജി ഗ്രന്ഥാലയത്തിൽ വച്ചാണ് നടന്നത് .തുടർന്ന് പള്ളത്തുങ്കാൽ അങ്കണവാടി ,പാടി എകെജി വായനശാല, മുണ്ടോൾ അംഗൻവാടി, ചട്ടഞ്ചാൽ കമ്മ്യൂണിറ്റി ഹാൾ ,മണ്ഡലിപ്പാറ അംഗൻവാടി ,തുടങ്ങിയ സ്ഥലങ്ങളിൽ വച്ച് കോർണർ പിടിഎ നടത്തി പദ്ധതി വിശദീകരിച്ചു. രണ്ടാംഘട്ടമായി പുസ്തക സമാഹരണത്തിന്റെ ഉദ്ഘാടനം പറമ്പ് രാജീവ് ജി ഗ്രന്ഥാലയത്തിൽ വച്ച് പ്രശസ്ത എഴുത്തുകാരനും കവിയുമായ ശ്രീ ദിവാകരൻ വിഷ്ണുമംഗലം ആണ് നടത്തിയത്. എക്സൈസ് ഓഫീസർ ജോസഫ് ജെ മുഖ്യാതിഥിയായിരുന്നു. പുസ്തക വണ്ടിയുടെ ഉദ്ഘാടനം രാജീവ് ജി ഗ്രന്ഥാലയം പ്രസിഡൻറ് ശ്രീ രാഘവൻ വലിയ വീട് നടത്തി. തുടർന്നുള്ള മാസങ്ങളിൽ കോർണർ പിടിയെ ചേർന്ന് എല്ലാ പ്രദേശങ്ങളിലും പുസ്തകസമാഹരണം നടത്തി ഇതിന്റെ ഭാഗമായി നമ്മുടെ സ്കൂൾ ലൈബ്രറിയിലേക്ക് രണ്ടായിരത്തോളം പുസ്തകങ്ങൾ ലഭിച്ചു. പദ്ധതിയുടെ പൂർത്തീകരണത്തിനായി ജൂൺ 19 ബുധനാഴ്ച പൊയിനാച്ചി രാജ് പാലസ് ഓഡിറ്റോറിയത്തിൽ വച്ച് നാട്ടുകൂട്ടം സംഘടിപ്പിച്ചു പുസ്തക ചങ്ങാത്തം സമാപന പരിപാടി വിപുലമായ രീതിയിൽ പൊയിനാച്ചിയിൽ വച്ച് നടത്തി. പൊയിനാച്ചി നേതാജി ആർട്സ് ആൻഡ് സ്പോർട്സ് ക്ലബ്ബിൽ വച്ച് നടന്ന പരിപാടിയിൽ താലൂക്ക് ലൈബ്രറി കൗൺസിൽ വൈസ് പ്രസിഡൻറ് എ കെ ശശിധരൻ മുഖ്യാതിഥിയായിരുന്നു.
എം ടി അനുസ്മരണം .(04.02.2025)
എം ടി കാലത്തെ പുതുക്കിപ്പണിത എഴുത്തുകാരൻ.
-ഡോക്ടർ പി കെ ജയരാജൻ -
ജി യു പി എസ് തെക്കിൽപ്പറമ്പയിൽ വിദ്യാരംഗം കലാസാഹിത്യ വേദിയുടെ നേതൃത്വത്തിൽ എംടി അനുസ്മരണം സംഘടിപ്പിച്ചു. വായനയുടെ പുതിയ വാതായനങ്ങൾ തുറന്ന പരിപാടിയിൽ അധ്യാപകനും എഴുത്തുകാരനുമായ ഡോക്ടർ പി ജയരാജൻ ഉദ്ഘാടനം ചെയ്തു പരിപാടിയിൽ മഹാ സാഹിത്യകാരനെ തൽസമയ വരയിലൂടെ ക്യാൻവാസിൽ പകർത്തി ആരവ് വി നായർ, നവോത്ഥാൻ, എന്നീ കുട്ടികൾ ശ്രദ്ധ ആകർഷിച്ചു. കലോത്സവത്തിൽ അഭിമാനമായി മാറിയ അഭിനയശ്രീ കഥാപ്രസംഗം നടത്തി. ദേവാഞ്ജന, അമയ എം എസ് എന്നീ കുട്ടികൾ എംടി കൃതികളുടെ പുതുവായന നടത്തി പി, ജയചന്ദ്രന്റെയും എംടി സിനിമകളിലെയും ചലച്ചിത്ര ഗാനമാലിക കുട്ടികൾ അവതരിപ്പിച്ചു സ്കൂൾ ഹെഡ്മാസ്റ്റർ ശ്രീവൽസൺ അധ്യക്ഷത വഹിച്ച പരിപാടിയിൽ പിടിഎ പ്രസിഡണ്ട് പിസി നസീർ സീനിയർ രാധ ടീച്ചർ സ്റ്റാഫ് സെക്രട്ടറി നജീബ് കല്ലമ്പലം അധ്യാപകരായ അരുൺകുമാർ അചിത്ര k എന്നിവർ സംസാരിച്ചു.
വാക്കിൽ വിരിയും വസന്തം.(04.02.2025)
ജി യു പി എസ് തെക്കിൽ പറമ്പയിൽ വിദ്യാരംഗം കലാസാഹിത്യ വേദിയുടെ നേതൃത്വത്തിൽ വാക്കിൽ വിരിയും വസന്തം എന്ന പേരിൽ എഴുത്തുകൂട്ടം വായനക്കൂട്ടം കുട്ടികൾക്ക് വേണ്ടി ഏകദിന ശില്പശാല സംഘടിപ്പിച്ചു. ഡോക്ടർ പി കെ ജയരാജൻ മാസ്റ്റർ ശില്പശാല ഉദ്ഘാടനം ചെയ്തു. മൂന്ന് സെഷനുകളിലായി നടന്ന ശില്പശാലയിൽ ഡോക്ടർ പി കെ ജയരാജൻ മാസ്റ്റർ ആദ്യ സെഷൻ കൈകാര്യം ചെയ്തു. തുടർന്ന് അധ്യാപകനായ അരുൺ മാഷ് ബി ആർ സി കോഡിനേറ്റർ ആയ അഖിൽ മാഷ് എന്നിവർ ക്ലാസ് നയിച്ചു കളിയും പാട്ടും നിറഞ്ഞ ക്ലാസിലൂടെ കുട്ടികൾ കുട്ടിക്കവിതകൾ രചിക്കാനുള്ള പ്രാപ്തി നേടി കുട്ടികളുടെ സൃഷ്ടികൾ മുകുളങ്ങൾ എന്ന പേരിൽ മാഗസിൻ തയ്യാറാക്കി.
മാതൃഭാഷാ ദിനം. (21.02.2025)
ഫെബ്രുവരി 21 മാതൃഭാഷാ ദിനവുമായി ബന്ധപ്പെട്ട് സ്കൂളിൽ പ്രത്യേക അസംബ്ലി നടത്തി .ഹെഡ്മാസ്റ്റർ ശ്രീവൽസൻ മാസ്റ്റർ, മലയാളം അധ്യാപകനായ അരുൺ മാസ്റ്റർ വിദ്യാരംഗം കൺവീനർ അചിത്ര ടീച്ചർ എന്നിവർ സംസാരിച്ചു. ദേവാഞ്ജന ഭാഷാ ദിന പ്രതിജ്ഞ ചൊല്ലിക്കൊടുത്തു മാതൃഭാഷാ ദിനത്തിന്റെ ചരിത്രവും പ്രാധാന്യവും ഹെഡ്മാസ്റ്റർ വിശദീകരിച്ചു. ഒ എൻ വി കുറുപ്പിന്റെ മലയാളം എന്ന കവിത ആലപിച്ച് മലയാളത്തിന്റെ മാധുര്യം അരുൺ മാസ്റ്റർ കുട്ടികൾക്ക് പകർന്നു നൽകി.
പ്രീ പ്രൈമറി വാർഷികാഘോഷം .(22.02.2025)
ജി യുപിഎസ് തെക്കിൽ പറമ്പയിൽ ഈ വർഷത്തെ പ്രീപ്രൈമറി വാർഷികാഘോഷം ശനിയാഴ്ച 22 തീയതി വിപുലമായി തന്നെ ആഘോഷിച്ചു ഗവൺമെൻറ് യുപി സ്കൂൾ കാസർഗോഡിലെ വിജയൻ ശങ്കരൻ പാടി മാഷാണ് പരിപാടി ഉദ്ഘാടനം ചെയ്തത്. കൃത്യം പത്തുമണിക്ക് തന്നെ കുട്ടികളുടെ പരിപാടികൾ ആരംഭിച്ചു കുട്ടികളുടെ പരിപാടി കാണാൻ രക്ഷിതാക്കൾ എല്ലാവരും വന്നിരുന്നു പരിപാടികളെല്ലാം ഒന്നിനൊന്നു മികച്ചത് ആയിരുന്നു വ്യക്തിഗതയിനങ്ങളും ഗ്രൂപ്പിനങ്ങളുമായി 75 ഓളം പരിപാടികൾ ഉണ്ടായിരുന്നു കുട്ടികൾക്കും രക്ഷിതാക്കൾക്കും ചായയും പായസത്തോടുകൂടിയ ഉച്ചഭക്ഷണവും നൽകി കുട്ടികളുടെ പരിപാടിയെക്കുറിച്ച് എല്ലാവർക്കും നല്ല അഭിപ്രായമായിരുന്നു വൈകുന്നേരം കൃത്യം അഞ്ചുമണിക്ക് തന്നെ പരിപാടികൾ അവസാനിച്ചു
പഠനോത്സവം .(12.03.2015)
പൊതു വിദ്യാഭ്യാസ യജ്ഞത്തിലൂടെ വിദ്യാലയത്തിൽ ഉണ്ടായ അക്കാദമിക പരമായ മികവിന് പൊതുസമൂഹത്തിന് മുൻപാകെ എത്തിക്കുന്ന ജനകീയ പരിപാടിയാണ് പഠനോത്സവം .കുട്ടികളുടെ അറിവുകളുടെയും കഴിവുകളുടെയും ഉത്സവമാണ് പഠനോത്സവം വിദ്യാലയത്തിൽ നിന്നും ലഭിച്ച അറിവുകൾ കുട്ടികൾക്ക് തനതായ രീതിയിൽ അവതരിപ്പിക്കുന്നതിനുള്ള അവസരമാണ് പഠനോത്സവത്തിലൂടെ സാധ്യമാകുന്നത്. പഠനത്തിൽ മുന്നോക്കം പിന്നോക്കം ശരാശരി എന്നിങ്ങനെയുള്ള വേർതിരിവില്ലാതെ മുഴുവൻ കുട്ടികളും പഠനോത്സവത്തിൽ തങ്ങളുടെതായ കഴിവുകൾ കൊണ്ട് മാറ്റിവച്ചിരുന്നു ഗവൺമെൻറ് യുപി സ്കൂൾ തെക്കൽപ്പറമ്പ്2024 - 25 അധ്യായന വർഷത്തെ ക്ലാസ് കോർണർതല സ്കൂൾതല പഠനോത്സവം 2025 മാർച്ച് 12ന് നടത്തി. ചമ്മനാട് ഗ്രാമപഞ്ചായത്ത് വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി രമാ ഗംഗാധരൻ ഉദ്ഘാടനം ചെയ്തു .പിടിഎ പ്രസിഡണ്ട് അധ്യക്ഷനായ ചടങ്ങിൽ ഹെഡ്മാസ്റ്റർ ശ്രീവത്സൻ മാഷ് സ്വാഗതവും എസ്എംസി ചെയർമാൻ ഉണ്ണികൃഷ്ണൻ പോയ്നാച്ചി ,മദർ പി ടി എ പ്രസിഡൻറ് മിനി ശശികുമാർ സീനിയർ അസിസ്റ്റൻറ് ശ്രീമതി രാധ ജയൻ എന്നിവർ ആശംസകൾ അർപ്പിച്ചു സംസാരിച്ചു സ്റ്റാഫ് സെക്രട്ടറി ശ്രീ നജീബ് കല്ലമ്പലം നന്ദി അറിയിച്ചു രാവിലെ കൃത്യം പത്തുമണിക്ക് ക്ലാസ് തല പഠനോത്സവം ആരംഭിച്ചു രക്ഷിതാക്കളുടെ പങ്കാളിത്തം കുട്ടികൾക്ക് കൂടുതൽ ഊർജ്ജം നൽകി. ഓരോ വിഷയത്തിലും അവരവർക്കുണ്ടായ പഠനം മികവുകൾ രക്ഷിതാക്കളുടെയും സഹപാഠികളുടെയും അധ്യാപകരുടെയും മുന്നിൽ കാഴ്ചവയ്ക്കാൻ അവസരം ലഭിച്ചത് കുട്ടികളിൽ സന്തോഷമുളവാക്കി .എൽ പി തലത്തിൽ 11:30ന് സ്കൂൾതല പഠനോത്സവം നടന്നു. യുപിതലത്തിൽ മൂന്നുമണിക്കാണ് സ്കൂൾതല പഠനോത്സവം നടന്നത്. ഓരോ പരിപാടിയും ഒന്നിനൊന്നും മികച്ചതായിരുന്നു രക്ഷിതാക്കൾ നല്ല അഭിപ്രായം പങ്കുവെച്ചു. കോർണർ സജ്ജീകരിക്കാൻ കുട്ടികൾ ആവേശം കാണിച്ചു. തികച്ചും കുട്ടികളുടെ നേതൃത്വത്തിൽ നടന്ന പഠനോത്സവം വൻ വിജയമായി മാറി.
വാർഷികാഘോഷം
ഗവൺമെൻറ് യു പി സ്കൂൾ തെക്കിൽപറമ്പയുടെ 106 ആം വാർഷികാഘോഷവും 36 വർഷത്തെ അധ്യാപന ജീവിതത്തിൽ നിന്ന് വിരമിക്കുന്ന സ്കൂൾ ഹെഡ്മാസ്റ്റർ ശ്രീ ശ്രീവൽസൻ മാഷിനുള്ള യാത്രയയപ്പ് സമ്മേളനവും 2025 ഏപ്രിൽ 3 വ്യാഴാഴ്ച വൈവിധ്യമാർന്ന പരിപാടികളോടെ സംഘടിപ്പിച്ചു. അന്നേദിവസം രണ്ടുമണിമുതൽ ആറുമണിവരെ സ്കൂൾ വിദ്യാർത്ഥികളുടെ വിവിധ കലാപരിപാടികൾ അരങ്ങേറി .തുടർന്ന് നടന്ന സാംസ്കാരിക സമ്മേളനവും, യാത്രയയപ്പ് സമ്മേളനവും, കാസർഗോഡ് ജില്ല ഡെപ്യൂട്ടി കളക്ടറും അസിസ്റ്റൻറ് ഡിസ്ട്രിക്ട് മജിസ്ട്രേറ്റും, ആയ ശ്രീ അഖിൽ സാർ ഉദ്ഘാടനം ചെയ്തു. ചെമ്മനാട് ഗ്രാമപഞ്ചായത്ത് പ്രസിഡൻറ് ശ്രീമതി സുഫൈജ അബൂബക്കർ അധ്യക്ഷത വഹിച്ച ചടങ്ങിൽ, പിടിഎ പ്രസിഡണ്ട് ശ്രീ പി സി നസീർ സ്വാഗതം പറഞ്ഞു. മുഖ്യാതിഥികളായ കാസർകോട് ജില്ലാ പഞ്ചായത്ത് വൈസ് പ്രസിഡൻറ് ശ്രീ ഷാനവാസ് പാദുർ കാസർഗോഡ് ജില്ലാ വിദ്യാഭ്യാസഡയറക്ടർ ശ്രീ ടി വി മധുസൂദനൻ എന്നിവർ ഉപഹാരം സമർപ്പിച്ചുകൊണ്ട് സംസാരിച്ചു. സാമൂഹിക സാംസ്കാരിക രംഗത്തെ പ്രമുഖരും മുൻ ഹെഡ്മാസ്റ്റർമാരും ആശംസകൾ അറിയിച്ചു സംസാരിച്ചു. സർവീസിൽ നിന്ന് വിരമിക്കുന്ന ശ്രീ ശ്രീവത്സൻ മാഷിന്റെ മറുപടി പ്രസംഗത്തിനുശേഷം സ്റ്റാഫ് സെക്രട്ടറി ശ്രീ നജീബ് കല്ലമ്പലം നന്ദി പറഞ്ഞതോടുകൂടി സാംസ്കാരിക യാത്രയയപ്പ് സമ്മേളനം ചടങ്ങുകൾ അവസാനിച്ചു. തുടർന്ന് വാർഷികാഘോഷത്തിന് മാറ്റുകൂട്ടിക്കൊണ്ട് കാഞ്ഞങ്ങാട് ചിലമ്പൊലി നാടൻ കലാകേന്ദ്രം , നാടൻ കലാസന്ധ്യ ഗോത്ര പെരുമ പാട്ടും പറച്ചിലും എന്ന നാടൻ കലാപരിപാടി അവതരിപ്പിച്ചു. രാത്രി 11 മണിക്ക് വാർഷികാഘോഷ പരിപാടികൾക്ക് പരിസമാപ്തി കുറിച്ചു.