ജി ഡബ്ള്യു എച്ച് എസ് എസ് ചെറുകുന്ന്/ചരിത്രം

സ്കൂൾ

സൗകര്യങ്ങൾ

പ്രവർത്തനങ്ങൾ

പ്രൈമറി

എച്ച്.എസ്

എച്ച്.എസ്.എസ്.

ചരിത്രം

അംഗീകാരം

വരൾച്ച ദുരിതാശ്വാസത്തിൽ നിന്നു 50,000 രൂപയും എൻ.ആർ.ഇ.പി യിൽ നിന്നു അനുവദിച്ച 1,50,000 രൂപയും നാട്ടുകാരുടെ പങ്കാളിത്തത്തോടെ 3 ക്ലാസ്സു മുറികളോടു കൂടിയ ഒരു സെമീ പെർമനന്റ് ഷെഡ്ഡും, 8 ക്ലാസ്സു മുറികളുള്ള കെട്ടിടവും പൂർത്തിയായി. ഇതിനു 5 ലക്ഷം രൂപ ചിലവായിട്ടുണ്ട്.

പിന്നീട് 1 ഏക്ര 30 സെന്റ് വാങ്ങി സർക്കാരിനെ ഏല്പിക്കുകയും തളിപ്പറമ്പ് ബ്ലോക്കിന്റെ 3 ലക്ഷം രൂപ ഉപയോ‍‍ഗിച്ചു മണ്ണിട്ടുയർത്തി ഗ്രൗണ്ടാക്കുകയും ചെയ്തു. 1990 ൽ യു.പി.സ്ക്കൂളായി ഉയർത്തപ്പെട്ടു.

നാട്ടുകാരുടെ ശ്രമ ഫലമായി വീണ്ടും 1 ഏക്ര 70 സെമീ. അനുബന്ധമായി വിലക്കുവാങ്ങി സർക്കാരിനെ ഏല്പിക്കുകയും സർക്കാരിന്റെ ഫണ്ടിൽ നിന്ന് (ഐ.വി.പി) 62,000 രൂപയ്ക്ക് 3 ക്ലാസ്സു മുറികളുള്ള ഓല ഷെഡ്ഡ് നിർമ്മിക്കുകയും 1995 ൽ ഹൈസ്ക്കൂളായി ഉയർത്തപ്പെടുകയും ചെയ്തു. ഫർണ്ണീച്ചറടക്കം 1.25 ലക്ഷം ചിലവായിട്ടുണ്ട്. ഇപ്പോൾ സ്ക്കൂളിനു 3 ഏക്ര 34 സെന്റ് സ്ഥലമുണ്ട്.

ചെറുകുന്ന് ഗ്രാമപഞ്ചായത്തിന്റെ 1 ലക്ഷം രൂപയും എം.പി മാരുടെ പ്രാദേശിക വികസന ഫണ്ടിൽ നിന്നു 5 ലക്ഷം രൂപയും നാട്ടുകാരുടെ വകയായി 5 ലക്ഷവും ചേര്ത്ത് 11 ലക്ഷത്തോളം ചിലവു ചെയ്താണു ഹൈസ്ക്കൂൾ കെട്ടിടം നിർമ്മിച്ചത്. 1996 ലാണു ഉദ്ഘാടനം നിർവ്വഹിക്കപ്പെട്ടത്.

ജില്ലാ പഞ്ചായത്തിന്റേയും എസ്.എസ്.എയുടേയും ലഭിച്ച ധനസഹായത്തിന്റെ ഫലമായി +2 ബ്ലോക്ക് നിർമ്മിച്ചു. 2003-04 കമ്പ്യൂട്ടർ ലാബ് - എം.പി ഫണ്ടിൽ നിന്നും 5 കമ്പ്യൂട്ടറുകൾ ലഭിച്ചു. മഴവെള്ളസംഭരണി - എസ്.എസ്.എ ഫണ്ട് ഉപയോഗിച്ച് 10000 ലി. 5 മഴവെള്ളസംഭരണി നിർമ്മിച്ചു. 2003-06.