ജി ജി എച്ച് എസ് എസ് ചെറുകുന്നു/അക്ഷരവൃക്ഷം/കാലത്തിൻെറ ഇരുണ്ടമാറ്റം

കാലത്തിൻെറ ഇരുണ്ടമാറ്റം കാലം ഏതാണ്ട് 2050 നോട് അടുത്തിരിക്കുന്നു. ഇവിടെ മാറ്റങ്ങൾ സംഭവിച്ചുകൊണ്ടേയിരിക്കുന്നു. മനുഷ്യൻ മാറുന്നു. പരിസ്ഥിതിയെ അവൻ മാറ്റിമറിച്ചിരിക്കുന്നു. ഹരിത സുന്ദര സുരഭിലമായ നമ്മുടെ രാജ്യം ഇന്ന് ഇരുണ്ടകാർമേഘത്താൽ മൂടപ്പെട്ടിരിക്കുന്നു. തികഞ്ഞ അന്ധകാരത്തിലേക്ക് നാം നമ്മുടെ രാജ്യത്തെ തള്ളി വിട്ടു കൊണ്ടേയിരിക്കുന്നു. സ്നേഹത്തിൻെറയും നാനാത്വത്തിൻെറയും ഉറവിടമായ ഈ കൊച്ചു കേരളം അതിന് ഒരു അപവാദമാണ്. ഹരിത മനോഹരമായ ഈ ഭൂമി നമ്മുടെ പ്രിയ കവികളെ ഹഠാദാകർഷിച്ചിട്ടുണ്ട്. നീണ്ടു നിവർന്നു നിൽക്കുന്ന കുന്നുകളും വിഷം തീണ്ടാത്ത അരുവികളും നെല്ലറകളായ പാടങ്ങളും നിഷ്ക്കളങ്കബാല്യങ്ങളും സ്വാർഥത തീണ്ടാത്ത മനുഷ്യ മനസ്സും നമുക്ക് കൈമോശം വന്നിരിക്കുന്നു. ആരാണ് ഇതിന് ഉത്തരവാദി? ഉത്തരം നാം ഓരോരുത്തരിലേക്കും തന്നെയാണ് വിരൽ ചൂണ്ടുന്നത്. പരിഷ്ക്കാരത്തിൻെറ പേരും പറഞ്ഞ് നാം ഈ കൊച്ചു ഭൂമിയെ കൊല്ലാക്കൊല ചെയ്തിരിക്കുന്നു. രണ്ടു വർഷങ്ങളായി പേമാരിയും ഇപ്പോൾ മഹാമാരിയും നമ്മെ പിടിച്ചുലയ്ക്കുന്നു. പതറാത്ത മനസ്സും ആത്മധൈര്യവും കൊണ്ട് നാം അതിനെയും അതിജീവിച്ചു കൊണ്ടേയിരിക്കുന്നു. ഇനിയും നമുക്ക് മുന്നേറണം. നല്ല ഒരു നാളേയ്ക്കായി നല്ല മണ്ണിനായി നല്ല വായു വി നായി നല്ല ജലത്തിനായി ഈ ഭൂമിയെ നമുക്ക് നിലനിർത്താം. ഒറ്റക്കെട്ടോടെ ..........വിദ്യാർഥികളായ നാം ആണ് നാളെയുടെ അവകാശികൾ. മറക്കരുത്. ഫാത്തിമത് സിദ 8 ജി ജി ജി വി എച്ച് എസ് എസ് ചെറുകുന്ന് മാടായി ഉപജില്ല കണ്ണൂർ അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Mtdinesan തീയ്യതി: 19/ 04/ 2020 >> രചനാവിഭാഗം - ലേഖനം