ജി എൽ പി എസ് കണ്ടങ്കുന്ന്/ചരിത്രം

1954 ഒക്ടോബറിലാണ് ഈ വിദ്യാലയം ആരംഭിച്ചത്.1954 ഒക്ടോബർ 15ന് ശ്രീ തേൻകുടിയൻ കണ്ണൻ എന്ന വിദ്യാഭ്യാസ സ്നേഹിയുടെ ശ്രമഫലമായി ഇവിടെ ഒരു ഏകാദ്ധ്യാപക വിദ്യാലയം സ്ഥാപിച്ചു.52 വിദ്യാർത്ഥികൾക്ക് അക്ഷരവെളിച്ചം പകർന്നു നൽകാൻ ശ്രീ എം.എൻ അനന്തൻ മാസ്റ്റർ ആണ് നിയമിതനായത്. നിരക്ഷരരായ മുതിർന്നവർക്ക് ഈ വിദ്യാലയത്തിൽ വെച്ച് രാത്രിയിൽഅക്ഷരാഭ്യാസം നൽകിയിരുന്നു. 1958 മുതൽ 1962 വരെ ഇവിടെ അഞ്ചാംക്ലാസ് നിലനിന്നിരുന്നു. ഓല ഷെഡിലാണ് അന്ന് ക്ലാസുകൾ പ്രവർത്തിച്ചിരുന്നത്.1981 ജൂലൈ 8ന് ഗവൺമെന്റ് ഈ വിദ്യാലയം ഏറ്റെടുത്തു. അന്ന് കൊടും കാടായിരുന്നു സ്കൂൾ പരിസരം.

ശ്രീമതിരാജശ്രീ കാളിയത്താൻആണ് ഇപ്പോഴത്തെപ്രധാനാദ്ധ്യാപിക. അതു കൂടാതെ 4 അദ്ധ്യാപകരും ഒരു പി.ടി.സി.എമും ഇവിടെ സേവനംഅനുഷ്ഠിക്കുന്നു.കൂട്ടായ്മയുടെ നന്മകൾ കൊയ്യുന്ന കർമ്മനിരതമായ പിടിഎ ആണ് എന്നും ഈ വിദ്യാലയത്തിന്റെ വിജയ മന്ത്രം. ഭൂമിശാസ്ത്രപരമായി ഏറെ ദുർഘടങ്ങൾ ഉള്ള ഈ വിദ്യാലയത്തിന് നല്ല ഭൗതിക സാഹചര്യങ്ങൾ ഒരുക്കുവാൻ ഇവിടുത്തെ നാട്ടുകാർക്ക് കഴിഞ്ഞിട്ടുണ്ട്.