ജി എച്ച് എസ് എസ് പടിയൂർ/ലിറ്റിൽകൈറ്റ്സ്

ഐ റ്റി ക്ലബ്ബ്

ഐ റ്റി ക്ലബ്ബിന്റെ പ്രവർത്തനം നല്ല രീതിയിൽ നടന്നുവരുന്നു. താല്പര്യമുള്ള കുട്ടികളെ അംഗങ്ങളായി ചേർക്കുന്നു. ഓരോ ക്ലാസ്സിൽ നിന്നും ക്ലാസ്സ്തല കൺവീർമാരെ തെരഞ്ഞെടുക്കുന്നു. തുടർന്ന് SSITC, JSSITC എന്നിവരെ തെരഞ്ഞടുക്കുന്നു. മൊത്തം അംഗങ്ങളെ അഞ്ച് ഗ്രൂപ്പുകളാക്കി തിരിച്ച് ഓരോ ഗ്രൂപ്പിനും ആഴ്ചയിൽ ഒരു ദിവസം ലാബ് ശുചീകരണപ്രവർത്തനം നടത്താനുള്ള ചുമതല നൽകുന്നു.

മേളയുമായി ബന്ധപ്പെട്ട പ്രവർത്തനങ്ങൾ നല്ല രീതിയിൽ നടന്നുവരുന്നു. ഡിജിറ്റൽ പെയിന്റിംഗ്, വെബ് പേജ് നിർമ്മാണം, പ്രസന്റേഷൻ, പ്രൊജക്ട്, ക്വിസ്, മലയാളം ടൈപ്പിങ് എന്നിങ്ങനെയുള്ള ആറ് മേഖലകളിൽ കുട്ടികളെ അവരുടെ താത്പര്യങ്ങൾക്കനുസരിച്ച് തിരിച്ച് ഓരോ വിഭാഗത്തിനും പ്രത്യേക പരിശീലനം നൽകി വരുന്നു. ഇതിനുവേണ്ടി സ്കൂൾ ദിവസം രാവിലെയും വൈകുന്നേരവും അധികസമയം കണ്ടെത്തുന്നതോടൊപ്പം ശനി, ഞായർ ദിവസങ്ങളിലും പരിശീലനം ന‍ടത്തുന്നുണ്ട്. സബ് ജില്ലാതല ഐ റ്റി മേളയിൽ 2013ൽ ഓവറോൾ ചാമ്പ്യൻഷിപ്പ് , 2014 , 2017- വർഷങ്ങളി ൽ റണ്ണേഴ്സ് അപ്പ് എന്നീ വിജയങ്ങൾ നേടാൻ വിദ്യാലയത്തിന് കഴിഞ്ഞു. ജില്ലാതല മേളയിൽ പങ്കെടുത്ത് എ ഗ്രേഡ് നേടാൻ കുട്ടികൾക്ക് സാധിച്ചിട്ടുണ്ട്. ക്ലബ്ബിന്റെ നേതൃത്വത്തിൽ പ്രൊജക്റ്റിന്റെ ആവശ്യാർത്ഥം കുട്ടികളും അധ്യാപകരും നമ്മുടെ ജില്ലയിലെ ഏതാനും വൃദ്ധസദനങ്ങൾ (സ്നേഹഭവൻ എടൂർ, അറയങ്ങാട്, ആലച്ചേരി) സന്ദർശിക്കുകയുണ്ടായി. ഇത് കുട്ടികളെ സംബന്ധിച്ചിടത്തോളം വേറിട്ട ഒരനുഭവമായിരുന്നു. ഒരു പ്രൊജക്റ്റ് എന്നതിലുപരി മാതാപിതാക്കളോടുള്ള സ്നേഹം, പരിചരണം, സംരക്ഷണം എന്നിവയുടെ ആഴം എത്രത്തോളം ഉണ്ടാവണം എന്നുള്ള മനോഭാവം കുട്ടികളിൽ ഉണ്ടാക്കിയെടുക്കാൻ വളരെയധികം സ്വാധീനിച്ചിട്ടുണ്ടെന്ന് മനസ്സിലാക്കാൻ കഴിഞ്ഞു.
'വൃദ്ധസദനങ്ങൾക്ക് പറയാനുള്ളത്'

ഐ.റ്റി.പ്രൊജക്ട്	ഐ.റ്റി.പ്രൊജക്ട്

ലിറ്റിൽ കൈറ്റ്സ്

കേരളത്തിലെ പൊതുവിദ്യാലയങ്ങളിൽ പഠിക്കുന്ന വിദ്യാർത്ഥികൾക്കായി KITEന്റെ നേതൃത്വത്തിൽ രൂപം നൽകിയ പദ്ധതിയാണ് ലിറ്റിൽ കൈറ്റ്സ്. പൊതുവിദ്യാഭ്യാസ സംരക്ഷണ യജ്ഞത്തിന്റെ ഭാഗമായി ആനിമേഷൻ, സൈബർ സുരക്ഷ, മലയാളം കമ്പ്യൂട്ടിങ്, ഇലക്ട്രോണിക്സ്, ഹാർഡ്‌വെയർ എന്നീ മേഖലകളിൽ വിദ്യാർത്ഥികൾക്ക് പരിശീലനം നൽകുന്നതിനായി ആരംഭിച്ച ഹായ് സ്കൂൾ കുട്ടിക്കൂട്ടം എന്ന പദ്ധതിയാണ് പിന്നീട് ലിറ്റിൽ കൈറ്റ്സ് ആയി മാറിയത്. സ്റ്റുഡന്റ് പോലീസ് കേഡറ്റ് പദ്ധതിയുടെ മാതൃകയിലാണ് ഈ കുട്ടിക്കൂട്ടായ്മയും നടപ്പിലാക്കിയിരിക്കുന്നത്. കേരള മുഖ്യമന്ത്രി പിണറായി വിജയൻ ലിറ്റിൽ കൈറ്റ്സിന്റെ സംസ്ഥാന തല ഉദ്ഘാടനം 2018 ജനുവരി 22-ന് തിരുവനന്തപുരത്ത് നിർവ്വഹിച്ചു.

ലിറ്റിൽ കൈറ്റ്സ് അംഗങ്ങൾ

ക്രമനമ്പർ	അഡ്മിഷൻ നമ്പർ	അംഗത്തിന്റെ പേര്	ക്ലാസ്
1	1277	അഭിനന്ദ് കെ.ജെ.	9A
2	1244	അഭിനന്ദ് പി.	9A
3	1236	ആഗ്‌നസ് ബാബു	9B
4	1240	അജന്യ സി.എച്ച്.	9A
5	1200	അക്ഷയ ആർ.പി.	9C
6	1198	അഞ്ജലി മനോജ്	9B
7	1208	അഞ്ജിത പി.	9A
8	1274	ആര്യശ്രീ പി.	9A
9	1243	അശ്വതി പി.	9A
10	1217	മാളവിക പി.	9A
11	1216	നന്ദന പി.സി.	9B
12	1213	നന്ദന ടി.ജെ.	9A
13	1201	സനിഷ കെ.പി.	9C
14	1237	സനൂപ് കെ.	9A
15	1231	തുഷാര കെ.	9A
16	1199	അഭിഷേക് കൃഷ്ണ	9C
17	1227	അദ്വൈത് പി.വി.	9A
18	1220	നീഹാര വി.	9A
19	1224	വൈശാഖ് ഹരീന്ദ്രൻ പി.	9A
20	1258	അഭിനവ് കെ.	9A
21	1255	ആദിത്യ ഐ.ആർ.	9C
22	1239	അനഘ അരവിന്ദ്	9B
23	1265	അനാമിക ഇ.	9C
24	1233	അനന്ദു വിജയൻ	9C
25	1245	അനശ്വര കെ.	9C
26	1262	അഞ്ജിത പ്രകാശൻ	9B
27	1264	ദേവിക എൻ.സി.	9A
28	1259	ദേവിക വി.	9C
29	1263	ഹൃദ്യശ്രീ കെ.എസ്.	9C
30	1266	കീർത്തന കെ.കൃഷ്ണ	9B
31	1254	കീർത്തന പി.	9A
32	1250	റിനി ജോസഫ്	9A

പ്രവർത്തനങ്ങൾ

ഒന്നാം ഘട്ടത്തിൽത്തന്നെ ഈ വിദ്യാലയത്തിലും ലിറ്റിൽ കൈറ്റ്സ് യൂണിറ്റ് പ്രവർത്തനമാരംഭിച്ചു. അഭിരുചി പരീക്ഷയുടെ അടിസ്ഥാനത്തിൽ തിരഞ്ഞെടുക്കപ്പെട്ട 33 കുട്ടികളാണ് യൂണിറ്റിലുള്ളത്. ലിറ്റിൽ കൈറ്റ്സ് ഐ. ടി. ക്ലബ്ബിന്റെ പ്രഥമ ഏകദിന പരിശീലനം 2018 ജൂൺ 15 വെള്ളിയാഴ്ച നടന്നു. രാവിലെ 10 മണിക്ക് സ്ക്കൂൾ ഹെഡ്‌മിസ്ട്രസ് പി.വി.ലളിത പരിശീലന പരിപാടി ഉദ്ഘാടനം ചെയ്തു. സ്ക്കൂൾ എസ്. ഐ. റ്റി. സി. യും കൈറ്റ് മാസ്റ്ററുമായ കെ.വി.രാമചന്ദ്രൻ സ്വാഗതം പറഞ്ഞു. കൈറ്റ് മിസ്ട്രസ് കെ.വാസന്തി നന്ദി പ്രകാശിപ്പിച്ചു. മാസ്റ്റർ ട്രെയിനർ നളിനാക്ഷൻ ക്സാസിന് നേതൃത്വം നൽകി.

2018 ജൂലൈ പതിനൊന്നിന് രണ്ടാംഘട്ട പരിശീലന പരിപാടികൾ ആരംഭിച്ചു. ഗ്രാഫിക്സ് & ആനിമേഷനിൽ അഞ്ച് മണിക്കൂർ പരിശീലനം വിവിധ ദിവസങ്ങളിലായി പൂർത്തിയാക്കി. Tupi Tube എന്ന സ്വതന്ത്ര ദ്വിമാന ആനിമേഷൻ സോഫ്റ്റ്‌വെയറും GIMP, Inkscape എന്നീ ഗ്രാഫിക് സോഫ്റ്റ്‌വെയറും ഉപയോഗപ്പടുത്തിയാണ് പരിശീലനം നടന്നത്.
ബാഡ്‌ജ് വിതരണം
അദ്ധ്യാപകദിനത്തിൽ അസംബ്ലിയിൽ വച്ച് ലിറ്റിൽ കൈറ്റ്സ് അംഗങ്ങൾക്കുള്ള ബാഡ്‌ജ് വിതരണത്തിന്റെ ഔപചാരിക ഉദ്ഘാടനം നിർവഹിക്കപ്പെട്ടു. ലിറ്റിൽ കൈറ്റ്സിന്റെ യൂണിറ്റ് ലീഡർ കെ.അഭിനവിന് ബാഡ്‌ജ് നൽകിക്കൊണ്ട് പ്രധാനാദ്ധ്യാപിക പി.വി.ലളിത ഉദ്ഘാടനം ചെയ്തു. കൈറ്റ് മാസ്റ്റർ കെ.വി.രാമചന്ദ്രൻ സ്വാഗതം പറഞ്ഞു. കൈറ്റ്സ് മിസ്ട്രസ് കെ.വാസന്തി നന്ദി പ്രകാശിപ്പിച്ചു.

ലിറ്റിൽ കൈറ്റ്സ്- ബാഡ്‌ജ് വിതരണച്ചടങ്ങ്; സ്വാഗതം - കെ.വി.രാമചന്ദ്രൻ (കൈറ്റ് മാസ്റ്റർ)	ലിറ്റിൽ കൈറ്റ്സ്- ബാഡ്‌ജ് വിതരണോദ്ഘാടനം: പി.വി.ലളിത, ഹെഡ്‌മിസ്ട്രസ്	ലിറ്റിൽ കൈറ്റ്സ്- ബാഡ്‌ജ് സ്വികരണം - കെ.അഭിനവ്, ലിറ്റിൽ കൈറ്റ്സ് യൂണിറ്റ് ലീഡർ