ജി എം യു പി എസ്സ് കുളത്തൂർ/പ്രവർത്തനങ്ങൾ/2025-26
പ്രവേശനോത്സവം
ഈ വർഷത്തെ പ്രവേശനോത്സവം വാർഡ് മെമ്പറുടെ ഉൽഘാടനത്തോടെ വളരെ ഗംഭീരമായി നടന്നു . മുഖ്യമന്ത്രിയുടെ പ്രവേശനോത്സവ ഉൽഘാടനം കുട്ടികൾക്ക് കാണിച്ചു കൊടുത്തു . ലഡുവും മിഠായിയും വിതരണം ചെയ്തു . പുതിയതായി സ്കൂളിൽ വന്ന കുട്ടികൾക്ക് നോട്ട് ബുക്കുകൾ നൽകി സ്വീകരിച്ചു .
പരിസ്ഥിതി ദിനം
ലോക പരിസ്ഥിതി ദിനം സമുചിതമായി ആഘോഷിച്ചു . രാവിലെ സ്പെഷ്യൽ അസംബ്ളി കൂടി പരിസ്ഥിതി ദിന സന്ദേശം പ്രതിജ്ഞ എന്നിവ ചൊല്ലി . CHRF കാരോട് റോട്ടറി ക്ലബ്ബിന്റെ ആഭിമുഖ്യത്തിൽ എല്ലാ കുട്ടികൾക്കും വൃക്ഷ തൈ വിതരണം ചെയ്തു .
വായനാ ദിനം
19/06/2025 നു പി എൻ പണിക്കരുടെ ചരമദിനമായ വായനാദിനം പ്രത്യേക അസംബ്ളി ,പ്രതിജ്ഞ ,സന്ദേശം എന്നിവയോടു കൂടി ആരംഭിച്ചു . പി എൻ പണിക്കരുടെ ചിത്രം , മഹാന്മാരുടെ മഹത് വചനങ്ങൾ എന്നിവ ബോർഡിൽ പ്രദർശിപ്പിച്ചു . ജൂലൈ 19 മുതൽ 25 വരെ വായനാ വാരാഘോഷങ്ങളുടെ ഭാഗമായി കവിതാ രചന , കഥാ രചന ചിത്ര രചന മത്സരങ്ങൾ സംഘടിപ്പിച്ചു .
