നാട്ടുകാരെല്ലാം വലിച്ചെറിഞ്ഞീടുന്നു
വഴിനീളെ മാലിന്യക്കൂമ്പാരങ്ങൾ
പ്രകൃതിയില്ലെങ്കിൽ നാമില്ലെന്നു
തിരിച്ചറിഞ്ഞീടേണം നമ്മളാദ്യം
ഈ മണ്ണും അതിലെ വസ്തുക്കളും
നമുക്ക് മാത്രം തന്നതല്ല
പരിസ്ഥിതി മലിനമായാൽ
പൊട്ടിപ്പുറപ്പെടും പകർച്ചവ്യാധികൾ
തോടും പുഴകളും മലിനമാക്കി
മീനുകളെല്ലാം ചത്തൊടുങ്ങി
കുന്നും മലകളും ഇടിച്ചു നിരത്തി -
യവിടെല്ലാം ഫ്ലാറ്റുകൾ പൊങ്ങിടുന്നു
തോടും വയലും കയ്യേറിയെന്നാൽ
പ്രളയം , വരൾച്ച വഴിയെ വരും
പ്രകൃതിയേയെന്തിനു നോവിച്ചിടുന്നു
അത് നമ്മൾത്തൻ ഗേഹമല്ലേ
ഇനിയുളള കാലം ഒരുമയോടെ
സംരക്ഷിച്ചീടാമീ വാസഗേഹം.