ജി. വി. എച്ച്. എസ്.എസ്. പറവണ്ണ/എന്റെ ഗ്രാമം

പറവണ്ണ

പറവണ്ണ, മലപ്പുറം ജില്ലയിലെ തിരൂർ താലൂക്കിൽ വെട്ടം പഞ്ചായത്തിലെ തീരപ്രദേശമാണ്. അറബിക്കടലിനോട് ചേർന്നുള്ള ഈ പ്രദേശത്തിന് സമ്പന്നമായ ചരിത്രവും പൈതൃകവുമുണ്ടെന്നതിന് ചരിത്രരേഖകൾ സാക്ഷിയാണ്. പ്രക്രതി നല്കിയ കടലും പുഴയും അതോടൊപ്പമുള്ള തുറമുഖ സൗകര്യവും പറവണ്ണയുടെ നാഗരിക വികാസത്തെ ഏറെ സ്വാധീനിച്ചിട്ടുണ്ട്.

തുഞ്ചൻപറമ്പ്

മലയാളഭാഷയുടെ പിതാവെന്നറിയപ്പെടുന്ന തുഞ്ചത്തെഴുത്തച്ഛന്റെ ജന്മസ്ഥലമാണ് തിരൂർ തൃക്കണ്ടിയൂരിനടുത്തുള്ള അന്നാരയിലെ സ്ഥലം തുഞ്ചൻ പറമ്പ് എന്ന പേരിൽ അറിയപ്പെടുന്നു, തിരൂർ റെയിൽവേ സ്റ്റേഷനിൽ നിന്ന് ഏതാണ്ട് 1.5 കി.മീ. ദൂരത്തിലാണു തുഞ്ചൻപറമ്പ് സ്ഥിതിചെയ്യുന്നത്.തുഞ്ചത്ത് എഴുത്തച്ഛൻ സ്മാരക മലയാളം സർവ്വകലാശാല
2012 നവമ്പർ 1-നു തുഞ്ചത്ത് എഴുത്തച്ഛൻ സ്മാരക സർവ്വകലാശാല ആരംഭിച്ചു .അവിടെ 9 സ്കൂളുകളാണ് തുടങ്ങാനുദ്ദേശിക്കുന്നത് എന്ന് പറയപ്പെടുന്നു. സംസ്ഥാനത്തെ എട്ടാമത്തെ സർവ്വകലാശാലയാണിത്. ആദ്യത്തെ മലയാളം സർവ്വകലാശാലയും ഇതാണ്.