ജി. യു. പി. എസ്. പനംകുറ്റിച്ചിറ/പ്രവർത്തനങ്ങൾ/2024-2025

ലോകഭിന്നശേഷി ദിനം

ഡിസംബർ മൂന്നിന് URC അരുണാട്ടുകരയിൽ വെച്ച് ലോകഭിന്നശേഷി ദിനത്തോടനുബന്ധിച്ച് ഭിന്നശേഷി കുട്ടികളുടെ പരിപാടികളുടെ അവതരണം ഉണ്ടായി.. സ്കൂളിൽ നിന്നും അലൻ അബി, ഐറിനബി, ജോസ്, റൂത്ത്,ജിയ മുതലായ കുട്ടികൾ പരിപാടികൾ അവതരിപ്പിച്ചു. പങ്കെടുത്ത കുട്ടികൾക്ക് സമ്മാനങ്ങൾ നൽകി

പ്രവേശനോത്സവം 2024

ബഹുമാനപ്പെട്ട റവന്യൂ വകുപ്പ് മന്ത്രി കെ. രാജൻ അവർകളുടെ സന്ദർശനം പ്രവേശനോത്സവത്തിന് മാറ്റ് കൂട്ടി

2024 -25 അധ്യായന വർഷത്തെ പ്രവേശനോത്സവം 2024 ജൂൺ 3 തിങ്കളാഴ്ച്ച പൂർവ്വാധികം ഭംഗിയായി ആഘോഷിച്ചു. അറിവിന്റെ ആദ്യാക്ഷരം നുകരാൻ അക്ഷരമുറ്റത്തേക്ക് എത്തിയ നവാഗതരെ സ്വീകരിക്കാൻ സ്കൂളും പരിസരവും പരിസ്ഥിതി സൗഹൃദമായും വർണ്ണാഭമായും അലങ്കരിച്ചു .കൃത്യം പത്തുമണിക്ക് തന്നെ പരിപാടി ആരംഭിച്ചു .പ്രധാന അധ്യാപിക ശ്രീമതി സുനിത എ.വി സ്വാഗതം പറഞ്ഞ ചടങ്ങിൽ പിടിഎ പ്രസിഡണ്ട് ശ്രീ. സുഗീഷ്. എൻ. എസ് അധ്യക്ഷത വഹിച്ചു. 29 ആം ഡിവിഷൻ കൗൺസിലർ ശ്രീമതി കരോളിൻ ജെറീഷ് കുട്ടികൾക്ക് പഠനോപകരണങ്ങളും കളിപ്പാട്ടങ്ങളും നൽകിക്കൊണ്ട് ഉദ്ഘാടനകർമ്മം നിർവഹിച്ചു. LSS വിജയികളെയും SSLCയിൽ ഫുൾ എ പ്ലസ് നേടിയ പൂർവ്വ വിദ്യാർത്ഥിനിയെയും ചടങ്ങിൽ ആദരിച്ചു. CRC കോഡിനേറ്റർ അമൃത ജയേഷ് ,രേഷ്മ, ഷൈലജാ മണി എന്നിവർ ആശംസകൾ നേർന്നു കൊണ്ട് സംസാരിച്ചു. 'രക്ഷാകർതൃ വിദ്യാഭ്യാസം ' എന്ന വിഷയത്തെ അടിസ്ഥാനമാക്കി സീനിയർ അധ്യാപിക ശ്രീമതി . രേണു ദാസ് എം. ആർ രക്ഷിതാക്കൾക്ക് ക്ലാസ് എടുത്തു. പ്രവേശനോത്സവത്തിന്റെ മധുരിമ നുകരാൻ ലഡുവിന്റെയും തേനിന്റെയും വിതരണത്തിലൂടെ സാധിച്ചു. മുഖ്യമന്ത്രിയുടെ പ്രവേശനോത്സവ സന്ദേശം പ്രൊജക്ടറിലൂടെ എല്ലാവർക്കും കാണാൻ അവസരം നല്കി. ബഹുമാനപ്പെട്ട റവന്യൂ വകുപ്പ് മന്ത്രി കെ. രാജൻ അവർകളുടെ സന്ദർശനം പ്രവേശനോത്സവത്തിന്റെ മാറ്റുകൂട്ടി.സ്റ്റാഫ് സെക്രട്ടറി ശ്രീമതി രേണു ദാസ് M R നന്ദി പ്രകാശിപ്പിച്ചു

പരിസ്ഥിതി ദിനം 2024

പരിസ്ഥിതിദിനം