കെ കെ ടി എം ജി ജി എച്ച് എസ് എസ് കൊടുങ്ങല്ലൂർ/മറ്റ്ക്ലബ്ബുകൾ/ഇംഗ്ലീഷ് ക്ലബ്
ക്ലബ്ബ് ഉദ്ഘാടനം
ഇംഗ്ലീഷ് ക്ലബ്ബ് ഉദ്ഘാടനം ഓൺലൈൻ ആയി സമുചിത പരിപാടികളോടെ നടത്തുകയുണ്ടായി. ചടങ്ങിൽ മുരളീധരൻ സാർ സ്വാഗതമാശംസിച്ചു. പ്രശസ്ത എഴുത്തുകാരനും ഇംഗ്ലീഷ് കവിയുമായ ശ്രീ.ഫാബിയാസ് എം വി ഉദ്ഘാടനം നിർവഹിച്ചു. കുട്ടികളിലെ സർഗവാസനകൾ പരിപോഷിപ്പിക്കുവാൻ ഇംഗ്ലീഷ് ക്ലബ്ബ് പോലുള്ള പ്രവർത്തനങ്ങൾ ഏറെ സഹായിക്കും എന്ന് അദ്ദേഹം ചൂണ്ടിക്കാട്ടി. തുടർന്ന് അനിൽകുമാർ സാർ, പ്രിൻസി ടീച്ചർ തുടങ്ങിയവർ ആശംസകൾ അർപ്പിച്ചു. അതിനുശേഷം വിദ്യാർത്ഥികൾ വൈവിധ്യമാർന്ന പരിപാടികൾ കാഴ്ചവച്ചു. ഫാബിയസ് സാറിന്റെ "Waiting and writing " എന്ന കവിത ഹൃദുല ഹരിലാൽ മനോഹരമായി ചൊല്ലിയപ്പോൾ 10ജി യിലെ ഹൈറ ശ്രുതി മധുരമായി ഒരു ഇംഗ്ലീഷ് ഗാനം ആലപിച്ചു . തുടർന്ന് ഇംഗ്ലീഷ് കഥകൾ പറഞ്ഞു ഏഴാം ക്ലാസിലെ നേഹയും സഹറ യും കാണികളെ രസിപ്പിച്ചു. നയന ഇംഗ്ലീഷ് ഭാഷയുടെ പ്രാധാന്യം ഒരു പ്രസംഗത്തിലൂടെ അവതരിപ്പിക്കുകയുണ്ടായി. ഇംഗ്ലീഷ് ക്ലബ്ബ് കൺവീനർ സാജിത ടീച്ചറുടെ നന്ദി പ്രകടനത്തോടെ യോഗം അവസാനിച്ചു.
 |
| ഇംഗ്ലീഷ് ക്ലബ്ബ് ഉദ്ഘാടനം ഓൺലൈൻ ആയി |
|---|
അധ്യാപക ദിനവുമായി ബന്ധപ്പെട്ട് ഇംഗ്ലീഷ് ക്ലബ് നടത്തിയ പരിപാടികൾ
പോസ്റ്റർ നിർമ്മാണ മത്സരം
ഓരോ ക്ലബ് അംഗങ്ങളും മനോഹരമായ പോസ്റ്ററുകൾ തയ്യാറാക്കി അന്നേദിവസം അധ്യാപകർക്ക് അയച്ചുകൊടുത്തു. അതിൽനിന്നും യുപി, എച്ച്എസ് അടിസ്ഥാനത്തിൽ വിജയികളെ തെരഞ്ഞെടുത്തു.
കുട്ടി ടീച്ച‍ർമാർ
വിഷയാടിസ്ഥാനത്തിൽ കുട്ടികൾ കുട്ടി ടീച്ചറായി അ സാധാരണ പ്രാഗത്ഭ്യത്തോടെ ക്ലാസ്സുകൾ കൈകാര്യം ചെയ്യുന്ന വീഡിയോകൾ എടുത്തു ഗ്രൂപ്പിൽ അയച്ചു. വീഡിയോ നിർമ്മാണം.. പോസ്റ്ററുകൾ ഉൾപ്പെടുത്തിയിട്ടുള്ള കുട്ടികളുടെ വീഡിയോകൾ നിർമ്മിക്കുകയും അതാത് അധ്യാപകർക്ക് അയച്ചു കൊടുക്കുകയും ചെയ്തു
class തലത്തിൽ വിവിധ തനത് പ്രവർത്തനങ്ങളും സംഘടിപ്പിച്ചു
ഉപജില്ല ഇംഗ്ലീഷ് ഫെസ്റ്റ്
സെപ്റ്റംബർ 18ന് നടന്ന "EFFELS " ഉപജില്ല ഇംഗ്ലീഷ് ഫെസ്റ്റിൽ വൈവിധ്യമാർന്ന മത്സരങ്ങളിൽ കെ കെ ടി എം ജി എച്ച് എസ് എസിലെ വിദ്യാർത്ഥിനി കൾ നിരവധി സ്ഥാനങ്ങൾ കരസ്ഥമാക്കി.
നിമിഷ പ്രസംഗമത്സരം
സ്വാതന്ത്ര്യ ദിനാഘോഷത്തിന്റെ ഭാഗമായി കെ കെ ടി എം ജി ജി എച്ച് ഇംഗ്ലീഷ് ക്ലബ്ബ് ഒരു നിമിഷ പ്രസംഗമത്സരം നടത്തുകയുണ്ടായി ഇംഗ്ലീഷ് ക്ലബ്ബ് അംഗങ്ങൾ വളരെ ഊർജ്ജസ്വലരായി പങ്കെടുത്ത ഈ ചടങ്ങിൽ ബഹുമാനപ്പെട്ട എച്ച് എം അധ്യക്ഷത വഹിച്ചു. ഗൂഗിൾ വഴി സംഘടിപ്പിച്ച മത്സരത്തിൽ മുരളീധരൻ സാർ സ്വാഗതമാശംസിച്ചു. തുടർന്ന് വിദ്യാർത്ഥികളുടെ പ്രസംഗ മത്സരം നടത്തി. "INDIA, IN MY DREAM" എന്നതായിരുന്നു വിഷയം. മത്സരത്തിൽ താഴെപ്പറയുന്ന വിദ്യാർത്ഥികൾ ഒന്ന് രണ്ട് മൂന്ന് സ്ഥാനങ്ങൾ കരസ്ഥമാക്കി
ചടങ്ങിൽ ക്ലബ് അംഗങ്ങൾക്കു പുറമെ ഹെഡ്മിസ്ട്രസ്, ഇംഗ്ലീഷ് അധ്യാപകരായ അരുൺ സർ, മുരളീധരൻ സർ, നിമ്മി ടീച്ചർ, കവിത ടീച്ചർ, സാജിത ടീച്ചർ എന്നിവർ സന്നിഹിതരായിരുന്നു. കവിത ടീച്ചറുടെ നന്ദി പ്രസംഗത്തോടെ യോഗം അവസാനിച്ചു.