ജി. എൽ. പി. എസ് കണ്ണമംഗലം/എന്റെ ഗ്രാമം

പടപ്പറമ്പ്

ചരിത്രം

               പടപ്പറമ്പ്   മലപ്പുറം ജില്ലയിലെ തിരൂരങ്ങാടി താലൂക്കിൽ വേങ്ങര ബ്ലോക്കിൽ പെട്ട ഒരു ഗ്രാമപഞ്ചായത്ത് ആണ് കണ്ണമംഗലം. 2000 ഒക്ടോബർ രണ്ടിനാണ് കണ്ണമംഗലം ഗ്രാമപഞ്ചായത്ത് രൂപീകൃതമായ. ഈ പഞ്ചായത്തിലെ ഒരു പ്രദേശമാണ് പടപ്പറമ്പ്.

തോന്നിയിൽ പടിപ്പുര

     പടപ്പറമ്പ് പ്രദേശത്തിൻറെ ചരിത്രം നോക്കുമ്പോൾ ഒട്ടേറെ ചരിത്ര സ്മരണകൾ പറയാനുണ്ട്. കണ്ണമംഗലം പഞ്ചായത്ത് ഇന്ത്യൻ സ്വാതന്ത്ര്യ സമര ചരിത്രത്തിൽ തങ്ങളുടേതായ അധ്യായങ്ങൾ എഴുതി ചേർന്നിട്ടുണ്ട്.

വൈദേശിക ആധിപത്യത്തെ ചെറുത്തുനിന്ന ഒരു ചരിത്രം  കണ്ണമംഗലത്തിനുണ്ട്. കണ്ണമംഗലം ഗ്രാമപഞ്ചായത്തിൽ അച്ചനമ്പലത്തിനടുത്താണ് പടപ്പറമ്പ് എന്ന ഗ്രാമം സ്ഥിതി ചെയ്യുന്നത്. നയന മനോഹരമായ അനേകം അരുവികളും തോടുകളും കണ്ണമംഗലത്തിന് ചന്തം ചാർത്തുന്നു. ശ്രവണ മനോഹരവും ഉയരങ്ങളെ കീഴടക്കിക്കൊണ്ടും കടലുണ്ടി പുഴയുടെ മാറിൽ ലയിച്ചുചേരുന്ന പാരിക്കാട് വെള്ളച്ചാട്ടം ഈ ഗ്രാമത്തിൻറെ പ്രത്യേകതയിൽപ്പെടുന്നു. ഉന്നത സാംസ്കാരിക സാഹിത്യ പൈതൃകത്തെയും രാഷ്ട്രീയ ശക്തിയുടെയും ധാരാളം കഥകൾ ഈ പ്രദേശത്തിന് പറയാനുണ്ട്.

   1921 ബ്രിട്ടീഷ് മാപ്പിള യുദ്ധത്തിന് പടക്കളമായി ഈ ദേശം.1766 ൽ നവാബ് ഹൈദരാലിയോട് മാപ്പിളപ്പടയും സാമൂതിരിയും ചേർന്ന് ഏറ്റുമുട്ടിയത് പടപ്പറമ്പ് സമീപത്തെ തോന്നിയിൽ വെച്ചായിരുന്നു. ഇവിടെ വെച്ച് തന്നെയായിരുന്നു എഡി 1100 ൽ വെള്ളാട്ടറയിൽ നിന്ന് ഏറനാട് പിടിക്കാൻ സാമൂതിരി നടത്തിയ ചരിത്ര പോരാട്ടം നടന്നത്.

    തൊണ്ണൂറുകളോടു കൂടിയാണ് ഈ പ്രദേശത്തിന് സാമ്പത്തിക വളർച്ച ഉണ്ടായത്. ഗൾഫ് ഇതിന്  ഒട്ടേറെ സഹായകമായി. ചെറിയ സ്രാമ്പിയിൽ നിന്ന് ഇന്നത്തെ പടപ്പറമ്പ് ജുമാ മസ്ജിദിലേക്ക് ഒരുപാട് ദൂരം സഞ്ചരിച്ചു. എടക്കാപറമ്പ് മഹല്ലിനു കീഴെ ആയിരുന്നു ആദ്യം. പിന്നീട് പടപ്പറമ്പ് മദ്രസ സ്ഥാപിച്ചു.

  നാടിൻറെ ഒരു കൂട്ടായ്മയ്ക്ക് വേണ്ടി 1996 ഗ്യാലക്സി എന്ന പേരിൽ ഒരു സംഗമം തുടങ്ങി.

    ഇങ്ങനെ ഒട്ടേറെ ചരിത്ര സ്മരണകളിലൂടെ സഞ്ചരിച്ച ഒരു പ്രദേശമാണ് പടപ്പറമ്പ്.

റോഡും കെട്ടിടങ്ങളും ഇല്ലാത്ത ഒരു കാലഘട്ടം ഈ പ്രദേശത്തിന് ഉണ്ടായിരുന്നു. കറണ്ട് ഇല്ലാത്ത ഒരു കാലം . പെട്രോമാക്സിന്റെ വെളിച്ചത്തിൽ നടക്കുന്ന കച്ചവടം.അതും ഉണ്ടായിരുന്നു. നയന മനോഹരമായ വയലുകളും കുടിലുകളും ഗ്രാമഭംഗി കൂട്ടുന്നതായിരുന്നു. കുറ്റൂര്, എടുക്കാപറമ്പ് ഇടവഴികൾ താണ്ടി ആളുകൾ റേഷൻ വാങ്ങാനുള്ള പതിവ് അന്നുണ്ടായിരുന്നു. ആദ്യം റേഷൻ കട സ്ഥിതി സ്ഥിതി ചെയ്തിരുന്നത് തോന്നിപ്പുറായിൽ ഒരു പെട്ടി കടയിൽ ആയിരുന്നു. അത് പിന്നീട് പടപ്പറമ്പ് ജുമാ മസ്ജിദിന് അടുത്തേക്ക്

മാറ്റുകയായിരുന്നു.

    പ്രദേശത്ത് വിദ്യാഭ്യാസ മുന്നേറ്റങ്ങൾക്ക് കരുത്തു പകർന്ന് 1920 ആയിരുന്നു ജി എൽ പി സ്കൂൾ സ്ഥാപിച്ചത്. 2008 ഗവൺമെന്റിന് കൈമാറുന്നതുവരെ മാളിയേക്കൽ തറവാടിന്റെ കീഴിലായിരുന്നു ജി എൽ പി സ്കൂൾ. പിന്നീട് ഇന്ന് കാണുന്ന ജി എൽ പി എസ് കണ്ണമംഗലം എന്ന രീതിയിൽ വളർന്നുവന്നു. ‍‍

പൊതു സ്ഥാപനങ്ങൾ

• ജി എൽ പി എസ് കണ്ണമംഗലം
• ജി യു പി എസ് കണ്ണമംഗലം
• കണ്ണമംഗലം പഞ്ചായത്ത് ഓഫീസ്
• കണ്ണമംഗലം വില്ലേജ് ഓഫീസ്
• പ്രാഥമികാരോഗ്യ കേന്ദ്രം വട്ടപ്പൊന്ത
• കണ്ണമംഗലം പോസ്റ്റ് ഓഫീസ്

ആരാധനാലയങ്ങൾ

• ജുമാ മസ്ജിദ് പടപ്പറമ്പ്
• തോന്നിയിൽ ശിവ ക്ഷേത്രം
• ഇരിങ്ങളത്തൂ൪ ശ്രീകൃഷ്ണ ക്ഷേത്രം
• ജുമാ മസ്ജിദ് അച്ചനമ്പലം