ജി. എച്ച്. എസ്. എസ്. തായന്നൂർ/ലിറ്റിൽകൈറ്റ്സ്

ഫ്രീഡം ഫെസ്റ്റ് ഡിജിറ്റൽ മാഗസിൻ LK Alumni 2018-20 2019-21 2020-23 2021-24 2022-25 -- Help

കേരളത്തിലെ സ്കൂളുകളിൽ നടപ്പാക്കുന്ന ഒരു സാങ്കേതികവിദ്യാ കൂട്ടായ്മയാണ് ലിറ്റിൽ കൈറ്റ്സ്. ഈ കൂട്ടായ്മ ഐ.സി. ടി ടൂളുകൾ ഉപയോഗിക്കാനും വിവിധ സാങ്കേതിക വിദ്യകളായ ഡാറ്റാ അനലിറ്റിക്സ്, റോബോട്ടിക്സ്, എ.ഐ.സൈബർ സുരക്ഷ തുടങ്ങിയവ പഠിക്കാനും വിദ്യാർത്ഥികൾക്ക് അവസരം നൽകുന്നു. ഐ.സി.ടി.താല്പര്യം വളർത്തുക, വിവിധ സാങ്കേതികവിദ്യകൾ പരിചയപ്പെടുത്തുക, ഡിജിറ്റൽ പങ്കാളിത്തം ഉറപ്പാക്കുക, സുരക്ഷിതമായ ഇൻറർനെറ്റ് ഉപയോഗം തുടങ്ങിയവ ഇതിന്റെ പ്രധാന ലക്ഷ്യങ്ങളാണ്.

2024-25 അക്കാദമിക വർഷത്തെ മികവുകൾ

സബ് ജില്ല ശാസ്ത്രമേളയിൽ ലിറ്റിൽകൈറ്റ്സ് അംഗമായ ഹരിശങ്കർ സ്ക്രാച്ച് പ്രോഗ്രാമിങ്ങിൽ ഒന്നാം സ്ഥാനം നേടി.

സ്കൂളിലെ ലിറ്റിൽ കൈറ്റ്സ് യൂണിറ്റിന്റെ നേതൃത്വത്തിൽ ഫിബ്രവരി 12 ബുധനാഴ്ച അനിമേഷൻ & റോബോട്ടിക്സ് ഫെസ്റ്റ് സംഘടിപ്പിച്ചു. ലീലടീച്ചറും സുജടീച്ചറും ചേർന്ന് ഫെസ്റ്റിന്റെ ഉദ്ഘാടനം നിർവ്വഹിച്ചു. ഐ.ടി. മേഖലയിൽ കുട്ടികളുടെ പ്രാഗത്ഭ്യം തെളിയിക്കുന്ന പരിപാടികൾ നടത്തി. തുടർന്ന് ഇതിന്റെ പ്രദർശനവും സംഘടിപ്പിച്ചു.

ഇൻസ്പെയർ അവാർഡ് -INSPIRE AWARD

ഹരിശങ്കർ

കേന്ദ്ര മാനവവിഭവശേഷി മന്ത്രാലയത്തിന്റെ ഈ വർഷത്തെ ഇൻസ്പെയർ അവാർഡിന് ലിറ്റിൽ കൈറ്റ്സ് അംഗമായ ഹരിശങ്കർ അർഹനായി.

2025 - 2026 അധ്യയന വർഷത്തെ സ്കൂളിലെ പ്രവർത്തനങ്ങൾ

പ്രവേശനോത്സവം - 2025

തായന്നൂർ ഗവ: ഹയർസെക്കന്ററി സ്കൂളിൽ ഈ വർഷത്തെ പ്രവേശനോത്സവം വ്യത്യസ്തമായ പരിപാടികളോടെ സംഘടിപ്പിച്ചു. രക്ഷിതാക്കളോടൊത്ത് എത്തിയ കുട്ടികളെ വാദ്യമേളത്തിന്റെ അകമ്പടിയോടെ സ്കൂളിലേക്ക് ആനയിച്ചു. അധ്യാപകരും പി.ടി.എ അംഗങ്ങളും രാഷ്ട്രീയ സാംസ്കാരിക രംഗത്തെ പ്രമുഖരും ഘോഷയാത്രയിൽ പങ്കെടുത്തു. സ്കൂൾ പ്രിൻസിപ്പാൾ പി.എം അബ്ദുൽ റഹ്മാൻ സ്വാഗതം പറഞ്ഞ ചടങ്ങിൽ കാസർഗോഡ് ജില്ല പഞ്ചായത്ത് കള്ളാർ ഡിവിഷൻ മെമ്പർ ശ്രീ ഷിനോജ് ചാക്കോ അധ്യക്ഷസ്ഥാനം വഹിച്ചു. സ്കൂൾ പ്രവേശനോത്സവത്തിന്റെ ഉദ്ഘാടനം കാസർഗോഡ് ജില്ല പഞ്ചായത്ത് ആരോഗ്യ സ്റ്റാന്റിങ് കമ്മറ്റി ചെയർപേഴ്സൻ അഡ്വ.സരിത എസ്.എൻ. നിർവ്വഹിച്ചു. ഇതോടൊപ്പം കാസർഗോഡ് ജില്ല പഞ്ചായത്ത് സ്കൂളിന് അനുവദിച്ച വിവിധ പദ്ധതികളായ നവീകരിച്ച പ്രൈമറി കമ്പ്യൂട്ടർ ലാബ്, സ്മാർട്ട് ക്ലാസ്സ് റൂം, RO വാട്ടർ പ്യൂരിഫയർ, സ്റ്റീം കുക്കർ യൂണിറ്റ്, HSS കുടിവെള്ള പദ്ധതി ഇവയുടെ ഉദ്ഘാടനവും നടന്നു. ഈ വർഷത്തെ SSLC, +2 പരീക്ഷകളിൽ എല്ലാ വിഷയങ്ങളിലും A+ നേടിയ കുട്ടികൾക്കും LSS, USS സ്കോളർഷിപ്പ് നേടിയ കുട്ടികൾക്കും കേന്ദ്രശാസ്ത്ര സാങ്കേതിക മന്ത്രാലയത്തിന്റെ Inspire Award നേടിയ കുട്ടിക്കും പരപ്പ ബ്ലോക്ക് വികസനകാര്യ സ്റ്റാന്റിങ്ങ് കമ്മറ്റി ചെയർപേഴ്സൻ ശ്രീമതി. രജനികൃഷ്ണൻ ഉപഹാരം നൽകി. LKGയിലേക്കും ഒന്നാംക്ലാസ്സിലേക്കും പ്രവേശനം നേടിയ മുഴുവൻ കുട്ടികൾക്കും സൗജന്യമായി സ്കൂൾ ബാഗ് വിതരണം ചെയ്തു. കോടോം ബോളൂർ ഗ്രാമപഞ്ചായത്ത് 15-ാം വാർഡ് മെമ്പർ ശ്രീ രാജീവൻ ചീരോൽ, 14-ാം വാർഡ് മെമ്പർ ശ്രീ ഇ.ബാലഷ്ണൻ, മുൻ SMC ചെയർമാൻ ശ്രീ. വർഗ്ഗീസ് എണ്ണപ്പാറ, സ്കൂൾ വികസന സമിതി വൈസ് പ്രസിഡണ്ട് ശ്രീ.കരുണാകരൻ നായർ, പി.ടി.എ പ്രസിഡണ്ട് ശ്രീ. ഇ.രാജൻ, SMCചെയർമാൻ ശ്രീ.ഷൺമുഖൻ സി, മുൻ പി.ടി.എ പ്രസിഡണ്ട് ശ്രീ രാജൻ ബി, MPTA പ്രസിഡണ്ട് ശ്രീമതി പ്രീതി എന്നിവർ ചടങ്ങിന് ആശംസ അർപ്പിച്ച് സംസാരിച്ചു. സ്കൂൾ ഹെഡ്മാസ്റ്റർ ചടങ്ങിന് നന്ദി അറിയിച്ചു.

പരിസ്ഥിതിദിനാഘോഷം

JUNE 5

.

തായന്നൂർ ഗവ: ഹയർ സെക്കന്ററി സ്കൂളിൽ ഈ വർഷത്തെ പരിസ്ഥിതിദിനം മികവുറ്റരീതിയിൽ ആഘോഷിച്ചു. സ്കൂൾ അസംബ്ലി ചേർന്നു. പ്രധാനാധ്യാപിക ബിന്ദു ടീച്ചർ പരിസ്ഥിതിദിനാചരണം ഔദ്യോഗികമായി ഉദ്ഘാടനം ചെയ്ത് ദിനാചരണത്തിന്റെ പ്രാധാന്യത്തെക്കുറിച്ച് സംസാരിച്ചു. തുടർന്ന് വൃക്ഷത്തൈനടീൽ നടന്നു. കുട്ടികളും വൃക്ഷത്തൈനട്ട് പരിപാടിയുടെ ഭാഗമായി. ഉച്ചയ്ക്കുശേഷം പരിസ്ഥിതിദിനവുമായി ബന്ധപ്പെട്ട പോസ്റ്റർരചന, പരിസ്ഥിതിദിനക്വിസ്, പ്രസംഗം തുടങ്ങിയ പരിപാടികൾ സംഘടിപ്പിച്ചു.

വായനദിനം

ഈ വർഷത്തെ വായനദിനം തായന്നൂർ ഗവ: ഹയർസെക്കന്ററി സ്കൂളിൽ വൈവിധ്യമാർന്ന പരിപാടികളോടെ സമുചിതമായി ആഘോഷിച്ചു. സ്കൂൾ അസംബ്ലിയിൽ വായനയുടെ പ്രധാന്യത്തെക്കുറിച്ച് പ്രധാനാധ്യാപിക ബിന്ദുടീച്ചർ സംസാരിച്ചു. അസംബ്ലിയിൽ വച്ച് കുട്ടികൾ വായനദിന പ്രതിജ്ഞ ചൊല്ലി. മൂന്നാം ക്ലാസ്സിലെ കുട്ടികൾ തയ്യാറാക്കിയ തായന്നൂർവാണി എന്ന പത്രം ബിന്ദുടീച്ചർ പ്രകാശനം ചെയ്തു. പത്രം തയ്യാറാക്കിയ കുട്ടികൾ ഇതിലെ വാർത്തകൾ പരിചയപ്പെടുത്തി. നാലാം ക്ലാസ്സിലെ കുട്ടികൾ തയ്യാറാക്കിയ ആസ്വാദനക്കുറിപ്പുകളുടെ സമാഹാരവും ബിന്ദു ടീച്ചർ പ്രകാശനം ചെയ്തു. ഇതിനു പിന്നിൽ പ്രവർത്തിച്ച കുട്ടികളെ ടീച്ചർ അഭിനന്ദിച്ചു. ഉച്ചയ്ക്ക് ശേഷം ക്ലാസ്സ്തല ക്വിസ് മത്സരം സംഘടിപ്പിച്ചു. ജൂൺ 19 മുതൽ 25 വരെ നടക്കുന്ന വായനാവാരാചരണത്തിൽ വ്യത്യസ്തമായ നിരവധി പരിപാടികൾ സംഘടിപ്പിച്ചു.

അന്താരാഷ്ട്രയോഗദിനം/ലോകസംഗീതദിനം

ജൂൺ 23 തിങ്കളാഴ്ചയാണ് യോഗദിനപരിപാടികൾ സംഘടിപ്പിച്ചത്. യോഗയുടെ പ്രാധാന്യത്തെക്കുറിച്ചും സംഗീതത്തിന്റെ പ്രാധാന്യത്തെക്കുറിച്ചും പ്രാധാനാധ്യാപിക ബിന്ദുടീച്ചർ സംസാരിച്ചു. തുടർന്ന് കുട്ടികൾ യോഗപരിശീലനം നടത്തി.

വായനാവാരാചരണം സമാപനം

തായന്നൂർ ഗവ: ഹയർ സെക്കന്ററി സ്കൂളിൽ വായനവാരാചരണം സംഘടിപ്പിച്ചു. വാരാചരണത്തിന്റെ സമാപന പരിപാടികളുടെ ഉദ്ഘാടനം സ്കൂൾ പ്രിൻസിപ്പാൾ അബ്ദുൽ റഹ്മാൻ സാർ നിർവ്വഹിച്ചു. മുഖ്യപ്രഭാഷണവും നടത്തി. സ്റ്റാഫ് സെക്രട്ടറി ദീപടീച്ചർ സ്വാഗതം പറഞ്ഞ ചടങ്ങിൽ പി.ടി.എ പ്രസിഡണ്ട് ശ്രീ. ഇ.രാജൻ അധ്യക്ഷസ്ഥാനം അലങ്കരിച്ചു. മികച്ച ആസ്വാദനക്കുറിച്ച് തയ്യാറാക്കിയ ലിറ്റിൽകൈറ്റ്സ് അംഗം 9-ാംക്ലാസ്സിലെ അശ്വന്ത് ജനീഷിന് ഉപഹാരം നൽകി. 2-ാം ക്ലാസ്സിലെ ശിവാത്മിക കവിതയും 3-ാം ക്ലാസ്സിലെ ദൃശ് നാരായൺ പ്രസംഗവും അവതരിപ്പിച്ചു. സ്കൂൾ പ്രധാനാധ്യാപിക ബിന്ദുടീച്ചർ, അധ്യാപികമാരായ ദീപ ടീച്ചർ, ശില്പടീച്ചർ എന്നിവർ ആശംസ അർപ്പിച്ച് സംസാരിച്ചു. സീനിയർ അസിസ്റ്റന്റ് സിജിടീച്ചർ ചടങ്ങിന് ഔപചാരികമായി നന്ദി അറിയിച്ചു.

അന്താരാഷ്ട്ര ലഹരി വിരുദ്ധദിനം

അന്താരാഷ്ട്ര ലഹരിവിരുദ്ധദിനം വിവിധ പരിപാടികളോടെ സ്കൂളിൽ സംഘടിപ്പിച്ചു. മഴ കാരണം രാവിലെ അസംബ്ലി നടത്താൻ കഴിഞ്ഞില്ലെങ്കിലും ലഹരിവിരുദ്ധ സന്ദേശവും ലഹരിവിരുദ്ധ പ്രതിജ്ഞയും നടത്തി. കാലാവസ്ഥ തെളിഞ്ഞതോടെ ലഹരിവിരുദ്ധറാലി സംഘടിപ്പിച്ചു. തയ്യാറാക്കിയ പ്ലക്കാർഡുകളുമായി എല്ലാ കുട്ടികളും റാലിയിൽ പങ്കെടുത്തു. കായികാധ്യാപിക രേഷ്മടീച്ചറുടെ നേതൃത്വത്തിൽ സൂംബാഡാൻസ് നടത്തി. കുട്ടികൾ വളരെ ആവേശത്തോടെ ഇതിൽ പങ്കെടുത്തു. ലഹരിവിരുദ്ധ സന്ദേശം കൈമാറുന്ന എയ്റോബിക് ഡാൻസും കുട്ടികൾ അവതരിപ്പിച്ചു. ലഹരിവിരുദ്ധബോധവത്കരണം ലക്ഷ്യമാക്കുന്ന പാട്ടുകൾ, പ്രസംഗം എന്നിവയും സംഘടിപ്പിച്ചു.

പുസ്തകവണ്ടിയുടെ പുസ്തക പ്രദർശനവും വിപണനവും

തായന്നൂർ ഗവ: ഹയർസെക്കന്ററി സ്കൂളിൽ ബഷീർദിനത്തോടനുബന്ധിച്ച് ജൂലായ് 3,4 തീയതികളിൽ പുസ്തകവണ്ടിയുടെ പുസ്തകോത്സവം സംഘടിപ്പിച്ചു. പൊതുജനങ്ങളുടെ പങ്കാളിത്തംകൂടി ഉറപ്പുവരുത്തിയ ഈ പരിപാടിയിൽ സ്കൂൾ പ്രിൽസിപ്പാൾ ശ്രീ പി.എം.അബ്ദുൽ റഹ്മാൻ മാസ്റ്റർ സ്വാഗത ഭാഷണം നടത്തി. പി.ടി.എ പ്രസിഡണ്ട് ശ്രീ. ഇ.രാജൻ ചടങ്ങിൽ അധ്യക്ഷത വഹിച്ചു. പരിപാടിയുടെ ഔപചാരികമായ ഉദ്ഘാടനം കോടോം-ബേളൂർ ഗ്രാമപഞ്ചായത്ത് 15-ാം വാർഡ് മെമ്പർ ശ്രീ.രാജീവൻ ചീരോൽനിർവ്വഹിച്ചു. SMC ചെയർമാൻ ശ്രീ ഷൺമുഖൻ, SRG കൺവീനർ ദൃശ്യടീച്ചർ, സ്റ്റാഫ് സെക്രട്ടറി ദീപടീച്ചർ എന്നിവർ ആശംസയർപ്പിച്ച് സംസാരിച്ചു. പുസ്തകവണ്ടിയുടെ സംഘാടകൻ ശ്രീ നബീൽ ഒടയഞ്ചാൽ പുസ്തകോത്സവത്തെക്കുറിച്ച് സംസാരിച്ചു. പ്രധാനാധ്യാപിക ശ്രീമതി ബിന്ദു ടീച്ചർ ചടങ്ങിന് ഔപചാരികമായി നന്ദി അറിയിച്ചു. ജൂലൈ 3,4 വ്യാഴം, വെള്ളി ദിവസങ്ങളിൽ പുസ്തകപ്രദർശനവും വിപണനവും നടന്നു. പൊതുജനങ്ങൾക്കും പ്രവേശനം ഒരുക്കിയിരുന്നു.

ബഷീർദിനം

ബഷീർദിനം വൈവിധ്യമാർന്ന പരിപാടികളോടെ ആഘോഷിച്ചു. LP,UP,HSതലത്തിലെ കുട്ടികൾ വിവിധ പരിപാടികൾ അവതരിപ്പിച്ചു. ബഷീർ കഥാപാത്രങ്ങളുടെ അവതരണം, ബഷീർകൃതികളുടെ ദൃശ്യാവിഷ്കാരം, ബഷീർക്വിസ് തുടങ്ങിയ പരിപാടികൾ സംഘടിപ്പിച്ചു.

ഉച്ചയ്ക്ക് 2 മണിക്ക് ആകാശമിഠായി എന്ന പേരിൽ ഹോസ്ദുർഗ്ഗ് BPC ശ്രീ സനൽകുമാർ വെള്ളുവ ബഷീർ അനുസ്മരണം നടത്തി. പ്രധാനാധ്യാപിക ബിന്ദുടീച്ചർ സ്വാഗതം പറഞ്ഞ ചടങ്ങിൽ പി.ടി.എ. പ്രസിഡണ്ട് ശ്രീ.ഇ.രാജൻ അധ്യക്ഷസ്ഥാനം വഹിച്ചു. സീനിയർ അസിസ്റ്റന്റ് ശ്രീമതി സിജി.വി.വി, ബ്രിജേഷ് മാഷ്, LP SRG കൺവീനർ പ്രിനിടീച്ചർ എന്നിവർ ചടങ്ങിന് ആശംസയർപ്പിച്ച് സംസാരിച്ചു. സ്റ്റാഫ് സെക്രട്ടറി ദീപ ടീച്ചർ ചടങ്ങിന് നന്ദിയറിയിച്ചു സംസാരിച്ചു.

പേരന്റിങ്ങ് ക്ലാസ്സ്/ക്ലാസ്സ് പി.ടി.എ യോഗം

ജൂലായ് 10 വ്യാഴാഴ്ച ഉച്ചക്ക് 2മണിക്ക് രക്ഷിതാക്കൾക്ക് പേരന്റിങ്ങ് ക്ലാസ്സ് സംഘടിപ്പിച്ചു. സ്കൂളിലെ സൗഹൃദക്ലബ്ബ് കോർഡിനേറ്റർ ശ്രീമതി സുജിത മേലത്ത് പേരന്റിങ്ങ്ക്ലാസ്സ് കൈകാര്യം ചെയ്തു. തുടർന്ന് 1 മുതൽ 9 വരെയുള്ള ക്ലാസ്സിന്റെ പി.ടി.എ.യോഗവും നടന്നു.

UP കുട്ടികൾക്കുള്ള സ്ക്രാച്ച് പ്രോഗ്രാം പരിശീലനം

2025 നവംബർ 20 വ്യാഴാഴ്ച യു.പി.ക്ലാസ്സിലെ കുട്ടികൾക്ക് തായന്നൂർ ഗവ ഹയർസെക്കന്ററി സ്കൂളിലെ ലിറ്റിൽ കൈറ്റ് യൂണിറ്റിന്റെ നേതൃത്വത്തിൽ സ്ക്രാച്ച് പ്രോഗ്രാം പരിശീലനം കൊടുത്തു. പി.ടി.എ പ്രസിഡണ്ട് അധ്യക്ഷസ്ഥാനം വഹിച്ച പരിപാടിയുടെ ഉദ്ഘാടനം പ്രധാനാധ്യാപിക ശ്രീമതി ബിന്ദു ടീച്ചർ നിർവ്വഹിച്ചു. യു.പി ക്ലാസ്സിൽ ഐ.ടി ക്ലാസ്സ് കൈകാര്യം ചെയ്യുന്ന അധ്യാപിക ശ്രീമതി ഷിജി ടീച്ചർ പരിപാടിക്ക് ആശംസയർപ്പിച്ച് സംസാരിച്ചു. ലിറ്റിൽ കൈറ്റ് യൂണിറ്റ് അംഗങ്ങളായ അശ്വന്ത് ജനീഷ് പി.വി, അദ്വൈത് ജി എന്നീ കുട്ടികൾ ക്ലാസ്സ് കൈകാര്യം ചെയ്തു. കുട്ടികൾ വളരെ താല്പര്യത്തോടെയാണ് ഇതിൽ പങ്കെടുത്തത്.

ഭിന്നശേഷികുട്ടിക്കുള്ള കംപ്യൂട്ടർ പരിശീലനവും ഐ ടി പരീക്ഷനടത്തിപ്പും

തായന്നൂർ ഗവ: ഹയർ സെക്കന്ററി സ്കൂളിലെ 8-ാം ക്ലാസ്സിലെ ഭിന്നശേഷി വിഭാഗത്തിൽ ഉൾപ്പെടുന്ന അനഘയ്ക്ക് ലിറ്റിൽ കൈറ്റ്സ് അംഗങ്ങളുടെ നേതൃത്വത്തിൽ കമ്പ്യൂട്ടർ പരിശീലനം നൽകി. ലിറ്റിൽ കൈറ്റ്സ് അംഗങ്ങളുടെ നേതൃത്വത്തിൽ തന്നെ അനഘ ഐ.ടി പരീക്ഷയും വിജയകരമായി പൂർത്തിയാക്കി.

ലഘുചിത്രം|428x428ബിന്ദു|]].

ലഘുചിത്രം|428x428ബിന്ദു| ]].

രക്ഷിതാക്കൾക്കുള്ള AI പരിശീലനം

2024-27 ബാച്ച് ലിറ്റിൽ കൈറ്റ്സ് അംഗങ്ങളുടെ നേതൃത്വത്തിൽ 17.02.2026 ചൊവ്വാഴ്ച രക്ഷികാക്കൾക്ക് AI പരിശീലനം നൽകി. സ്കൂൾ ഐ.ടി ലാബിൽ സംഘടിപ്പിച്ച പരിപാടിയിൽ ലിറ്റിൽ കൈറ്റ്സ് മെന്റർ ദൃശ്യ ടീച്ചർ സ്വാഗതം പറഞ്ഞു. പി.ടി.എ പ്രസി‍ഡണ്ട് ശ്രീ ഇ രാജൻ അധ്യക്ഷ സ്ഥാനം അലങ്കിച്ചു. സ്കൂൾ പ്രധാനാധ്യാപിക ശ്രീമതി ബിന്ദു ടീച്ചർ പരിപാടിയുടെ ഔപചാരികമായ ഉദ്ഘാടനം നിർവ്വഹിച്ചു. ലിറ്റിൽ കൈറ്റ്സ് മെന്ററർ ശ്രീമതി ദീപ ടീച്ചർ പരിപാടിക്ക് ആശംസ അർപ്പിച്ച് സംസാരിച്ചു. അശ്വന്ത് ജനീഷ് പി.വി, ശിവന്യ എം.എസ്, അദ്വൈത് ജി എന്നീ ലിറ്റിൽ കൈറ്റ്സ് അംഗങ്ങളാണ് ക്ലാസ്സ് കൈകാര്യം ചെയ്തത്. രക്ഷിതാക്കളുടെ സജീവ പങ്കാളിത്തം പരിപാടിയുടെ വിജയമായിരുന്നു. വളരെ താല്പര്യത്തോടെ അവർ ഓരോ സെഷനിലും പങ്കെടുത്തു.

വയോജനങ്ങൾക്കുള്ള കമ്പ്യൂട്ടർ പരിജ്ഞാനം

.

2024-27 ലിറ്റിൽ കൈറ്റ്സ് ബാച്ചിന്റെ നേതൃത്വത്തിൽ 13.01.2026 ചൊവ്വാഴ്ച സ്കൂൾ പരിസരത്തുള്ള വയോജനങ്ങൾക്ക് കമ്പ്യൂട്ടർ പരിശീലനം നൽകി. തായന്നൂർ ഗ്രാമീണ വായനശാല & ഗ്രന്ഥാലയവുമായി ചേർന്നാണ് പരിപാടി സംഘടിപ്പിച്ചത്.

ലിറ്റിൽ കൈറ്റ്സ് മെന്റർ ശ്രീമതി ദീപ ടി.വി സ്വാഗതം പറഞ്ഞ ചടങ്ങിൽ പി.ടി.എ.പ്രസിഡണ്ട് ശ്രീ ഇ. രാജൻ അദ്ധ്യക്ഷത വഹിച്ചു. 14-ാം വാർഡി മെമ്പർ ശ്രീമതി. അശ്വിനി പരിപാടിയുടെ ഔദ്യോഗികമായ ഉദ്ഘാടനം നിർവ്വഹിച്ചു. സ്കൂൾ ഹെഡ് മിസ്ട്രസ്സ് ശ്രീമതി ബിന്ദു. എ.കെ, വായനശാല പ്രസിഡണ്ട് ശ്രീ പദ്മനാഭൻ, 13-ാം വാർഡ് മെമ്പർ ശ്രീമതി ലത , സ്കൂളിലെ മുൻ അധ്യാപിക ശ്രീമതി സുജജോർജ്ജ് , പി.ടി.എ അംഗം ശ്രീ നാരായണൻ എന്നിവർ പരിപാടിക്ക് ആശംസ അർപ്പിച്ച് സംസാരിച്ചു. ലിറ്റിൽ കൈറ്റ്സ് അംഗം ഹരികൃഷ്ണൻ നന്ദി രേഖപ്പെടുത്തി.

പരിപാടിയിൽ 28 പേരുടെ പങ്കാളിത്തം ഉണ്ടായിരുന്നു.

IT മികവുത്സവം

26.02.2026 വ്യാഴാഴ്ച സ്കൂൾ ലിറ്റിൽ കൈറ്റ്സ് അംഗങ്ങളുടെ നേതൃത്വത്തിൽ റോബോട്ടിക് ഫെസ്റ്റ് സംഘടിപ്പിച്ചു. സ്കൂൾ പ്രധാനാധ്യാപിക ശ്രീമതി ബിന്ദു ടീച്ചർ ഉദ്ഘാടനം നിർവ്വഹിച്ച ചടങ്ങിൽ പി.ടി.എ പ്രസിഡണ്ട് ശ്രീ. ഇ. രാജൻ അധ്യക്ഷ്യ സ്ഥാനം അലങ്കരിച്ചു. ലിറ്റിൽ കൈറ്റ്സ് മെന്റർമാരായ ശ്രീമതി ദൃശ്യ ടീച്ചർ, ശ്രീമതി ദീപ ടീച്ചർ എന്നിവർ ആശംസ അർപ്പിച്ച് സംസാരിച്ചു. അനിമേഷൻ, റോബോട്ടിക്, ഗെയിം, റോബോട്ടിക് കിറ്റ് പരിചയപ്പെടുത്തൽ എന്നീ പരിപാടികൾ സംഘടിപ്പിക്കുകയും അതുമായി ബന്ധപ്പെട്ട ഉത്പന്നങ്ങൾ പ്രദർശിപ്പിക്കുകയും ചെയ്തു. ഒന്നാം ക്ലാസ്സുുമുതലുള്ള എല്ലാ കുട്ടികൾക്കും ഇത് കാണുന്നതിനുള്ള അവസരം ഒരുക്കിയിരുന്നു. കുട്ടികൾ വളരെ ഉത്സാഹത്തോടെയാണ് ഇതിൽ പങ്കാളികളായത്.

പൊതുജനങ്ങൾക്കുള്ള AI പരിശീലനം

.

തായന്നൂർ ഗവ: ഹയർസെക്കന്ററി സ്കൂളിലെ ലിറ്റിൽ കൈറ്റ്സ് യൂണിറ്റിന്റെ നേതൃത്വത്തിൽ പൊതുജനങ്ങൾക്ക് AI പരിശീലനം നൽകി. 2026 ഏപ്രിൽ 25 ശനിയാഴ്ച രാവിലെ 9.30 മുതൽ 11 മണിവരെയാണ് പരിശീലനം നൽകിയത്. തായന്നൂർ ജോളിക്ലബ്ബുമായി ചേർന്നാണ് പരിശീലന പരിപാടി സംഘടിപ്പിച്ചത്. സ്കൂൾ പ്രധാനാധ്യാപിക ശ്രീമതി ബിന്ദു ടീച്ചർ സ്വാഗതം പറഞ്ഞ ചടങ്ങിൽ കൈറ്റ് മെന്റർ ദൃശ്യടീച്ചർ അധ്യക്ഷസ്ഥാനം അലങ്കരിച്ചു. കോടോം ബേളൂർ ഗ്രാമപഞ്ചായത്ത് 14-ാം വാർഡ് മെമ്പർ ശ്രീമതി അശ്വിനി പി പരിപാടിയുടെ ഔപചാരികമായ ഉദ്ഘാടനം നിർവ്വഹിച്ചു. കോടോം ബേളൂർ ഗ്രാമപഞ്ചായത്ത് 13-ാം വാർഡ് മെമ്പർ ശ്രീമതി കെ. ലത, സ്കൂളിലെ മുൻ അധ്യാപകൻ ശ്രീ ജോയ്സ് ജോസഫ് മാഷ്, ക്ലബ്ബ് ഭാരവാഹി ശ്രീ അജേഷ് എന്നിവർ പരിപാടിക്ക് ആശംസ അർപ്പിച്ച് സംസാരിച്ചു. ലിറ്റിൽ കൈറ്റ് അംഗം കുമാരി. ആര്യനന്ദ പി.എം. നന്ദി പറഞ്ഞു. ലിറ്റിൽ കൈറ്റ് അംഗങ്ങളായ ദിയരവികുമാർ, സനുഷ സി, അഭിഷ ബാബു എന്നിവർ ക്ലാസ്സ് കൈകാര്യം ചെയ്തു. പൊതുജനങ്ങളുടെ പങ്കാളിത്തം കൊണ്ട് ക്ലാസ്സ് ശ്രദ്ധേയമായി. വളരെ താല്പര്യത്തോടെയാണ് അവർ ക്ലാസ്സിൽ പങ്കെടുത്തത്.