ജി.ഡബ്ലിയു.എൽ.പി.എസ്. പൊയ്ക/അക്ഷരവൃക്ഷം/ഗോ കൊറോണ

Schoolwiki സംരംഭത്തിൽ നിന്ന്
ഗോ കൊറോണ


തകർക്കണം തകർക്കണം നമ്മളീകൊറോണതൻ
കണ്ണിയെ തുരത്തണം തുരത്തണം നമ്മളീലോകഭീതിയെ
ഭയപ്പെടേണ്ട കരുതലോടെ ഒരുമയോടെ നീങ്ങിടാം
മുന്നിൽ നിന്നുപടനയിച്ചു കൂടെയുണ്ടുപോലീസും
ഒരുമയോടെ കൂടെനിന്നീവിപത്തിനെ ചെറുത്തീടാം
മുഖത്തുനിന്നുപുഞ്ചിരികൾ മാഞ്ഞിടാതെ നോക്കീടാം
മാസ്ക് കൊണ്ട് മുഖംമറച്ച് അണുവിനെയകറ്റിടാം
കൈകഴുകി കൈതൊടാതെ പകർച്ചയെമുറിച്ചിടാം
ഒത്തുകൂടൽ സൊറപറച്ചിലൊക്കയും നിർത്തിടാം
വെറുതെയുള്ള ഷോപ്പിങ്ങുകൾ വേണ്ടനമുക്കു നിർത്തിടാം
പുറത്തുപോയിവീട്ടിൽവന്നാലംഗശുദ്ധി ചെയ്തീടാം
തകർക്കണം തുരത്തണം നമ്മളീകൊറോണയെ
നാട്ടിൽവരും പ്രവാസികൾ വീട്ടിൽത്തന്നെ നിൽക്കണം
ഭരണകൂടനിയന്ത്രണങ്ങളൊക്കയും പാലിക്കണം
ഇനിയൊരാൾക്കും നിങ്ങളാൽ രോഗം വരാതെ നോക്കണം
വെറുതെയുള്ള യാത്രകളൊക്കയുമൊഴിവാക്കണം
വൃദ്ധരും കുഞ്ഞുങ്ങളും വീടൊതുങ്ങിനിൽക്കണം
ഒരുമയോടെ കരുതലോടെ നാടിനായി നീങ്ങിടാം
തകർത്തിടാം നമ്മിൽനിന്നീമാരിതൻ കണ്ണിയെ.........
തുരത്തിടാം നാട്ടിൽ നിന്നെന്നേക്കുമേ ഭീതിയെ..........
തകർക്കണം തകർക്കണം നമ്മളീ കൊറോണതൻ
കണ്ണിയെ തുരത്തണം തുരത്തണം നമ്മളീ ലോകഭീതിയെ
മരണഭീതിയെ............ഈ കൊറോണയെ.................

തീർത്ഥ.ബി
3 A ജി.ഡബ്ലിയു.എൽ.പി.എസ്.പൊയ്ക
വർക്കല ഉപജില്ല
തിരുവനന്തപുരം
അക്ഷരവൃക്ഷം പദ്ധതി, 2020
കവിത


 സാങ്കേതിക പരിശോധന - Sai K shanmugam തീയ്യതി: 30/ 01/ 2022 >> രചനാവിഭാഗം - കവിത