ജി.വി.എച്ച്.എസ്.എസ്. വട്ടിയൂർക്കാവ്/പ്രവർത്തനങ്ങൾ/2025-26

2025-26

പ്രവേശനോത്സവം 2025

ജി.വി.എച്ച് .എസ്സ് .എസ്സ് വട്ടിയൂർക്കാവിലെ പ്രവേശനോത്സവം വട്ടിയൂർക്കാവ് വാർഡ് മെമ്പർ ശ്രീമതി ഐ. എം .പാർവതി ഉത്ഘാടനം ചെയ്തു. പി ടി എ പ്രസിഡൻറ് ശ്രീ. വിജയകുമാർ.എസ് അധ്യക്ഷത വഹിച്ചു. പ്രിൻസിപ്പാൾ ഇൻ ചാർജ്ജ് ഡോ. ബിജു. ജി.വി. സ്വാഗതം പറഞ്ഞു. വൈസ് പ്രിൻസിപ്പാൾ ശ്രീമതി പ്രേമജ. എ, വി. എച്ച് . എസ്സ് . ഇ പ്രിൻസിപ്പാൾ ശ്രീമതി ബീനകുമാരി എം, സീനിയർ അസിസ്റ്റന്റ് (എച്ച് .എസ്സ് ) ശ്രീമതി ബീന വി.എസ്. എന്നിവർ ആശംസകൾ അർപ്പിച്ച് സംസാരിച്ചു. ലിറ്റിൽ കൈറ്റ്സ് അംഗങ്ങൾപരിപാടിയുടെ മീഡിയ ഡോക്യൂമെന്റഷൻ തയ്യാറാക്കി . പുതുതായി പ്രവേശനം നേടിയ കുട്ടികളുടെയും രക്ഷിതാക്കളെയും കൊണ്ട് നിറഞ്ഞ സദസ്സ് പ്രവേശനോത്സവ ദിനത്തെ ധന്യമാക്കി.

ജി.വി.എച്ച്.എസ്സ്.എസ്സ് വട്ടിയൂർക്കാവിലെ പ്രവേശനോത്സവം വട്ടിയൂർക്കാവ് വാർഡ് മെമ്പർ ശ്രീമതി ഐ.എം.പാർവതി ഉല്ഘാടനം ചെയ്യുന്നു

ലോക പരിസ്ഥിതി ദിനാഘോഷം 2025

ജി വി എച്ച് എസ് എസ് വട്ടിയൂർകാവിൽ ലോക പരിസ്ഥിതി ദിനം ജൂൺ 5 നു സമുചിതമായി ആഘോഷിച്ചു. തുടർന്ന് നടന്ന പ്രത്യേക അസംബ്ളി സ്‌കൂൾ പ്രിൻസിപ്പാൾ ഇൻചാർജ് ബിജു ജി വി ഉൽഘാടനം ചെയ്തു. സ്‌കൂൾ വൈസ് പ്രിൻസിപ്പാൾ പ്രേമജ എ പരിസ്ഥിതി ദിന സന്ദേശം നൽകി. 9 ബി യിലെ അസ്‌ന പരിസ്ഥിതി ദിനത്തിൽ നമ്മൾ നേരിടുന്ന വെല്ലുവിളിയെ കുറിച്ച് പ്രസംഗിക്കുകയും 9 ബി യിലെ തന്നെ നയന പരിസ്ഥിദിന പ്രതിജ്ഞയെടുത്തു കൊടുത്തു. 10 സിയിലെ കാഞ്ചന, സൂരജ്, അപ്സര എന്നിവർ പരിസ്ഥിതി ദിന പ്രത്യേക പോസ്റ്റർ പ്രകാശനം ചെയ്തു .ദിനാഘോഷത്തിന്റെ ഭാഗമായി സ്‌കൂളിലെ വിദ്യർത്ഥികളെ പങ്കെടുപ്പിച്ച് കൊണ്ട് പോസ്റ്റർ - ഉപന്യാസ രചനാ മത്സരങ്ങൾ യു പി / ഹൈസ്‌കൂൾ വിഭാഗങ്ങളിലായി നടത്തി.

സോഫ്റ്റ്‌വെയർ ഫ്രീഡം ഡേ - 2025

സ്വാതന്ത്ര സോഫ്റ്റ്‌വെയർ ദിനാചരണം സെപ്തംബര് 22,23 തീയതികളിൽ നമ്മുടെ സ്‌കൂളിൽ സമുചിതമായി ആഘോഷിച്ചു. സെപ്റ്റംബർ 22 രാവിലെ 9.30 നു നടന്ന പ്രത്യേക അസംബ്ലിയിൽ സീനിയർ അസിസ്റ്റന്റ് ശ്രീമതി. ജയകുമാരി ടീച്ചർ നേതൃത്വം നൽകി . 9 ബി യിലെ ലക്ഷ്മിപ്രീയ സ്വാതന്ത്ര സോഫ്റ്റ്‌വെയർ ദിന പ്രതിജ്ഞ ചൊല്ലി കൊടുത്തു. SRG കൺവീനർ ശ്രീമതി ഷീജ എം എൽ യുടെ സാന്നിധ്യത്തിൽ നടന്ന ചടങ്ങു ഏകോപിച്ചത് സ്‌കൂൾ ലിറ്റിൽ കൈറ്റ്സ് യുണിറ്റ് ആയിരുന്നു .

ഇതോടനുബന്ധിച്ചു IT ക്വിസ്സ് , പോസ്റ്റർ രചനാ മത്സരം, പ്രസന്റേഷൻ, റോബോട്ടിക് ഫെസ്റ്റ് എന്നീ പ്രോഗ്രാമുകളും നടന്നു.