ജി.വി.എച്ച്.എസ്.എസ്. നെല്ലിക്കുത്ത്/വിമുക്തി ക്ലബ്ബ്

ലഹരി വിരുദ്ധ ക്ലബ്ബ്

സമൂഹത്തിൽനിന്ന് ലഹരിയെ തുടച്ചുനീക്കുന്നതിനൊപ്പം പുതുതലമുറയെ ലഹരിയുടെ കരാളഹസ്തങ്ങളിൽ നിന്ന് മോചിപ്പിക്കുക എന്ന ഉദ്ദേശത്തോടെ ജീവിതമാണ് ലഹരി എന്ന സന്ദേശത്തോടെ  ഭാവി തലമുറ സ്കൂളുകളിൽ ലഹരി വിമുക്ത അന്തരീക്ഷത്തിൽ പഠിക്കണം എന്നും വളരണമെന്നും മുൻനിർത്തി സ്കൂളിൽ ലഹരി വിരുദ്ധ ക്ലബ് രൂപീകരിച്ചു. 
ഇതിന്റെ ഭാഗമായി വിദ്യാലയത്തിൽ വിവിധതരത്തിലുള്ള ലഹരി വിരുദ്ധ പ്രവർത്തനങ്ങൾ നടത്തി ക്ലാസ്സ്‌, ലഹരി വിരുദ്ധ പ്രതിജ്ഞ, ലഹരി വിരുദ്ധ സൈക്കിൾ റാലി, ലഹരി വിരുദ്ധ ചുമർചിത്രം, ലഹരി വിരുദ്ധ പോസ്റ്റർ രചന മത്സരം എന്നിവ സംഘടിപ്പിച്ചു. വിദ്യാർത്ഥികൾക്കിടയിൽ ശരിയായ ദിശാബോധം നൽകുക എന്ന് വളരെ അത്യന്താപേക്ഷികമായ കാര്യമാണ്. ലഹരിയുടെ ചതിക്കുഴികൾ മനസ്സിലാക്കാനും അവയോട് ദൃഢമായ രീതിയിൽ വേണ്ട എന്ന് ഉറപ്പിച്ചു പറയാനും കുട്ടികളെ പ്രാപ്തമാക്കാനും കൗതുകത്തിന്റെയോ സാഹചര്യങ്ങളുടെ സമ്മർദ്ദം മൂലമോ ലഹരിയുടെ കെണിയിൽ അകപ്പെട്ടുപോയ കുട്ടികളെ കൃത്യമായ മാർഗ്ഗനിർദ്ദേശം നൽകാനും  സാധിച്ചു. ലഹരി വിരുദ്ധ ക്ലബ്ബിന്റെ കൃത്യമായ ഇടപെടലുകളിലൂടെ കുട്ടികളെ ലഹരിയുടെ ചതിക്കുയിൽ നിന്ന് രക്ഷപ്പെടുത്താൻ കഴിഞ്ഞു എന്നത് സംതൃപ്തകരമായ കാര്യമായി സ്കൂളിന്റെ ചരിത്രത്തിൽ നമുക്ക് അടയാളപ്പെടുത്താം.