ജി.യു. പി. എസ്. അത്തിക്കോട്/അക്ഷരവൃക്ഷം/ഒരു ലോക്ഡൗൺ സന്തോഷം

ഒരു ലോക്ഡൗൺ സന്തോഷം കൊറോണയെ പേടിച്ച് ലോക്ഡൗണിന്റെ വിഷമത്തിൽ ജനങ്ങളും പ്രതിരോധ നടപടികളുമായി സർക്കാരും നീങ്ങുമ്പോൾ ദാമോദരനും ഒപ്പമുണ്ട് . ദാമോദരന്റെ മനസ്സിലാണെങ്കിൽ സന്തോഷം കലർന്ന വിഷമവും. കാരണം മൂത്ത മകളുടെ കല്യാണം ഈ മാസമായിരുന്നു . സ്ത്രീധനത്തിനും ആഭരണങ്ങൾക്കും തുണിയെടുക്കാനും സദ്യയ്ക്കുമായി നല്ലൊരു തുക വേണമായിരുന്നു . ദിവസക്കൂലിക്ക് പോകുന്ന ദാമോദരന് താങ്ങാൻ കഴിയുന്നതായിരുന്നില്ല ചെലവുകൾ . വരൻ സർക്കാരുദ്യോഗസ്ഥനായതുകൊണ്ട് മകൾക്ക് നല്ല ജീവിതം കിട്ടട്ടെ എന്നതു കൊണ്ടാണ് സമ്മതിച്ചത് . മുന്ന് സെന്റ് സ്ഥലവും വീടും ബാങ്കിൽ പണയം വയ്ക്കാൻ തീരുമാനിച്ചിരുന്നു . അതല്ലാതെ ഇളയ മോളുടെ പഠനത്തിനും രോഗിയായ ഭാര്യക്കും ചെലവിന് വേറെ വഴിയെന്തെന്നും ആലോചിക്കുകയായിരുന്നു . അപ്പോഴാണ് സർക്കാർ ലോക്ഡൗൺ പ്രഖ്യാപിച്ചത് .അതിനാൽ ചെലവുകൾ ചുരുക്കി വസ്തു പണയപ്പടുത്താതെ മകളുടെ വിവാഹം ഒരു കുടുംബ ചടങ്ങാക്കി മാറ്റിയതിൽ സന്തോഷത്തോടുകൂടി ദാമോദരൻ കൊറോണ ലോക് ഡൗണിന് മാനസികമായി നന്ദിയും പറഞ്ഞു . ഋഷിക് എച്ച് 3 A ജി.യു. പി. എസ്. അത്തിക്കോട് ചിറ്റൂർ ഉപജില്ല പാലക്കാട് അക്ഷരവൃക്ഷം പദ്ധതി, 2020 കഥ  സാങ്കേതിക പരിശോധന - Padmakumar g തീയ്യതി: 26/ 04/ 2020 >> രചനാവിഭാഗം - കഥ