ഒരു മഴ പെയ്തീടാൻ, ഭൂമി നനഞ്ഞിടാൻ
ആശിക്കുന്നു ഞാൻ കടലിനോളം...
ആ മഴത്തുള്ളിയിൽ തുള്ളി രസിക്കുവാൻ
പക്ഷി മൃഗാതികൾക്കെന്തു മോഹം,
വറ്റി വരണ്ടുള്ള തോടും വയലുകൾ
കാണുവാനുള്ളാരു ശക്തിയില്ല.
ഭൂമിയെ തണുപ്പിക്കാൻ -
പെയ്തീടണം മഴ
പേമാരിയായല്ല ചെറു മഴയായ്..
ഭൂമിയെ ഉല്ലസിപ്പിച്ചീടുവാൻ
ചെറു മഴയായ് നീ പെയ്തീടുമോ?
തഴുകിയെത്തുന്നൊരിളം കാറ്റിനെയും
മാനത്തു വർണ്ണങ്ങൾ തീർത്താരാ മഴവില്ലിനെയും
കണ്ണിനു കാണാനൊരു ഭംഗി തന്നെ...
ഈ നനഞ്ഞൊരാ മണ്ണിൽ നാമൊന്നിച്ച്
ഒരു മരമെങ്കിലും വെച്ചു പിടിപ്പിക്കാം
നാളെയുടെ നല്ല ഭാവിക്കായി
നമ്മുടെ നാടി൯ സുരക്ഷയ്ക്കായ്...