ജി.യു.പി.എസ് പുള്ളിയിൽ/ഉയരെ 2021 - ഡിജിറ്റൽ മാഗസിൻ
ഉയരെ - ഡിജിറ്റൽ മാഗസിൻ
2020-21 അധ്യയന വർഷത്തിൽ സ്കൂളിന്റെ ഓൺലൈൻ വാർഷികാഘോഷത്തോടനുബന്ധിച്ച് സ്കൂളിൽ ഒരു ഡിജിറ്റൽ മാഗസിൻ - ഉയരെ 2021 പ്രകാശനം ചെയ്തു.
കോ വിഡ് പ്രതിസന്ധി സമൂഹത്തിൽ, വിശേഷിച്ച് കുട്ടികളിൽ ഉണ്ടാക്കിയ പ്രത്യാഘാതത്തിന്റെ പ്രതിഫലനമായി മാറി ഈ മാഗസിൻ.
അടച്ചിടലിന്റെ നൊമ്പരവും അസ്വാതന്ത്ര്യവും കഷ്ടപ്പാടുകളും നിരന്നപ്പോഴും പ്രതീക്ഷയുടെ പൂക്കൾ സ്വപ്നം കണ്ട രചനകളും നിറഞ്ഞ് ഉയരെ 2021 മിഴിവുറ്റതായി.
ഹെഡ്മാസ്റ്റർ കെ.വി. ജയകുമാറിന്റെ അധ്യക്ഷതയിൽ കരുളായി ഗ്രാമപഞ്ചായത്ത് വൈസ് പ്രസിഡൻറ് ശ്രീ.സുരേഷ് മാസ്റ്റർ പ്രകാശന കർമം നിർവഹിച്ചു.
സാധാരണ ക്ലാസ്സുകൾ നടക്കാത്ത അധ്യയന വർഷത്തിൽ മാഗസിന്റെ ഓരോ പേജും കുട്ടികളിലെത്തിക്കാൻ ഈ സാങ്കേതിക തനിമ കൊണ്ട് സാധിച്ചു എന്നു വേണം കരുതാൻ.
മാഗസിൻ മനോഹരമായി ഡിസൈൻ ചെയ്ത എഡിറ്റോറിയൽ ടീം അഭിനന്ദനമർഹിക്കുന്നു.