ജി.യു.പി.എസ്. കൂട്ടിലങ്ങാടി/ഭൗതിക സൗകര്യത്തെ കുറിച്ച് കൂടുതലറിയാൻ
- വൈദ്യുതീകരിച്ച ക്ലാസ് റൂമുകൾ
വൈദ്യുതികരിച്ച ക്ലാസ് റൂം അന്തരീക്ഷം ഈ വിദ്യാലയത്തെ മികവുറ്റതാക്കുന്നു. പ്രീ പ്രൈമറി മുതൽ ഏഴാം തരം വരെയുള്ള ഈ വിദ്യാലയത്തിൽ അറുനൂറ്റി അൻപതോളം കുട്ടികളാണ് പഠിക്കുന്നത്. ഒന്നാം തരം ഒന്നാന്തരമാക്കുന്നതിന്റെ ഭാഗമായി ആ ബ്ലോക്കിലെ ചുമരുകൾ അലങ്കാര ചിത്രങ്ങളാൽ അലങ്കരിക്കപ്പെട്ടിരിക്കുന്നു. കാറ്റും വെളിച്ചവും ഉറപ്പാക്കുന്ന വിധത്തിൽ തന്നെയാണ് ക്ലാസ് റൂമുകൾ സജ്ജമാക്കിയിട്ടുള്ളത്.
- മുഹമ്മദലി ശിഹാബ് തങ്ങൾ സ്മാരക ഓഡിറ്റോറിയം
കൂട്ടിലങ്ങാടി ഗ്രാമ പഞ്ചായത്ത് ഫണ്ട് ഉപയോഗിച്ചാണ് സയ്യിദ് മുഹമ്മദലി ശിഹാബ് തങ്ങൾ സ്മാരക ഓഡിറ്റോറിയം നിർമ്മിച്ചിരിക്കുന്നത്. ഇരുനൂറോളം പേർക്കിരിക്കാവുന്ന ഇവിടെയാണ് പി.ടി.എ യോഗങ്ങളും മറ്റും യോഗങ്ങളും നടത്തറുള്ളത്.
- വിവിധ ലാബുകൾ
പഠന പ്രവർത്തനങ്ങൾക്കായി ശാസ്ത്ര ലാബുകൾ, കമ്പ്യൂട്ടർ ലാബ് എന്നിവ സ്കൂളിൽ പ്രവർത്തിക്കുന്നു. എട്ടോളം ഡെസ്ക്ടോപ്പ് കമ്പ്യൂട്ടറുകൾക്ക് പുറമെ ഏഴോളം ലാപ്ടോപ്പുകളും സ്കൂളിലുണ്ട്. ലാപ്ടോപ്പുകൾ പഠന ആവശ്യങ്ങൾക്കായി ക്ലാസ് തലത്തിൽ ഉപയോഗിക്കുമ്പോൾ ഡെസ്ക്ടോപ്പ് കമ്പ്യൂട്ടറുകൾ കുട്ടികൾ ലാബിൽ ഉപയോഗിക്കിന്നു.
- കൂട്ടിലങ്ങാടി ഹെറിറ്റേജ് മ്യൂസിയം
കൂട്ടിലങ്ങാടി ഹെറിറ്റേജ് മ്യൂസിയം കുട്ടിലങ്ങാടി ഗവ. യു.പി സ്കൂളിന്റെ നൂറാം വാർഷിക ഉപഹാരമാണ്. സ്കൂൾ വിദ്യാർത്ഥികളിൽ നിന്നും പൂർവ്വ അധ്യാപകരിൽ നിന്നും രക്ഷിതാക്കളിൽ നിന്നും പുരാവസ്തുക്കൾ ശേഖരിച്ച് തുടക്കം കുറിച്ച കൂട്ടിലങ്ങാടി ഹെറിറ്റേജ് മ്യൂസിയത്തിന് മികച്ച സ്വീകാര്യതയാണ് ലഭിച്ചത്.കാഴ്ചയിൽ നിന്നും മറഞ്ഞു പോയ നിരവധി പുരാവസ്തുക്കളെ കുറിച്ചുള്ള പഠനത്തിന് പ്രദർശനം കൊണ്ട് തന്നെ സാധിച്ചു.
- നവീകരിച്ച പാചകപ്പുര
ഉച്ചഭക്ഷണ പദ്ധതിക്കായി മികച്ച പാചകപ്പുരയാണ് ഇവിടെയുള്ളത്. പ്രധാന അധ്യാപകനു പുറമെ ഉച്ച ഭക്ഷണ ചുമതലയുള്ള അധ്യാപകരും, പി ടി എ ഭാരവാഹികളും ഉൾകൊള്ളുന്ന സമിതി കൃത്യമായി കൂടിയോലോചന നടത്തി മെനു തയ്യാറാക്കുകയും അതിനനുസരിച്ച് ഭക്ഷണം വിതരണം ചെയ്യുകയും ചെയ്യുന്നു.വെജിറ്റബിൾ ബിരിയാണി, ചിക്കൻ എന്നിവയും പലപ്പോഴായി മെനുവിൽ ഇടം പിടിക്കാറുണ്ട്. പാചകത്തിന് ഗ്യാസ് അടുപ്പുകൾക്ക് പുറമെ ബയോഗ്യാസും ഉപയോഗിക്കുന്നു.
- ലൈബ്രറി
ആയിരത്തിലധികം പുസ്തകങ്ങൾ ഉൾകൊള്ളുന്ന ലൈബ്രറി ഈ വിദ്യാലയത്തിന്റെ മറ്റൊരു സവിശേഷതയാണ്. ക്ലാസ് ലൈബ്രറി, അമ്മ വായന, അധ്യാപക ലൈബ്രറി എന്നീ തലങ്ങളിലൂടെ ശരിയായ രീതിയിൽ ഇതിനെ ഉപയോഗപ്പെടുത്തുകയും ചെയ്യുന്നു.
- ചിൽഡ്രൻസ് പാർക്ക്
കുട്ടികളെ ഏറെ ആകർഷിക്കുന്ന ഈ സംരംഭം സ്കൂളിലെ പുർവ്വ അധ്യാപകനായിരുന്ന കുഞ്ഞയ്യപ്പൻ മാസ്റ്ററുടെ ഓർമ്മക്കായി അദ്ദേഹത്തിന്റെ മകനും ഈ സ്കൂളിലെ പൂർവ്വ വിദ്യാർത്ഥിയും മുൻ ദേശീയ അധ്യാപക അവാർഡ് ജേതാവുമായ വിജയരാഘവൻ മാസ്റ്റർ അടങ്ങുന്ന കുടുംബം സംഭാവന ചെയ്തതാണ്. വിപുലീകരണാർത്ഥം മറ്റൊരു പൂർവ്വ വിദ്യാർത്ഥിയായ സുരയ്യ ചിൽഡ്രൻസ് റൈഡുകളും സംഭാവന ചെയ്തു.
* മറ്റു സൗകര്യങ്ങൾ
- സ്കൂൾ ഓഡിയോ സിസ്റ്റം
- ഡി എൽ പി പ്രൊജക്ടറുകൾ
- സ്മാർട്ട് ക്ലാസ് റൂം
- എജ്യുസാറ്റ് ടി വി
- സ്റ്റേജ് കം ക്ലാസ് റൂം
- ഐ ഇ ഡി ഉപകരണങ്ങൾ
- പെൺകുട്ടികൾക്ക് സൈക്കിളുകൾ
- തയ്യൽ മെഷീനുകൾ
- കായിക ഉപകരണങ്ങൾ
- ആവശ്യമായ ഫർണിച്ചറുകൾ
- സ്കൂൾ സഹകരണ സ്റ്റോർ
- സഞ്ചയിക സമ്പാദ്യ പദ്ധതി
- സ്കൂൾ ബസ്
- മേൽക്കൂര ട്രഫോൾഡ് ഷീറ്റ് സംരക്ഷണം
- ഡസ്റ്റ് ഫ്രീ സ്കൂൾ കോമ്പൗണ്ട്
- സോളാർ എനർജി സിസ്റ്റം
- ബ്രോഡ് ബാന്റ് ഇന്റർനെറ്റ്
- പ്രിന്റർ കം ഫോട്ടോസ്റ്റാറ്റ് മെഷീൻ