ജി.യു.പി.എസ്.പട്ടാമ്പി/അക്ഷരവൃക്ഷം/പരിസ്ഥിതി

Schoolwiki സംരംഭത്തിൽ നിന്ന്
പരിസ്ഥിതി

ജൂൺ അഞ്ചിന് ലോകപരിസ്ഥിതി ദിനമാണ്.ലോകമെമ്പാടും ഉള്ള ആളുകൾ അന്ന് പരിസ്ഥിതി ദിനമായി ആചരിക്കുന്നു.അന്ന് സ്കൂളുകളിൽ എല്ലാവർക്കും വൃക്ഷത്തൈകൾ നൽകുന്നു.മരങ്ങൾ വെടച്ചുപിടിപ്പിക്കാൻ കുട്ടികൾക്ക് പ്രോൽസാഹനം നൽകുന്നതിന് വേണ്ടിയാണിത്.മരം ഒരു വരമാണ്.ജീവന്റെ നിലനിൽപ്പിന് മരങ്ങൾ അത്യാവശ്യമാണ്. അതുകൊണ്ട് മരങ്ങൾ വെട്ടി നശിപ്പിക്കരുത്.നിരവധി ജീവികൾക്ക് അഭയകേന്ദ്രമായിരുന്നഎത്രഎത്ര മരങ്ങളാണ് നമുക്ക് നഷ്ടപ്പെട്ടുകൊണ്ടിരിക്കുന്നത്. എല്ലാ മരങ്ങളും സംരക്ഷിക്കേണ്ടത് നമ്മുടെ കടമയാണ്.അതുകൊണ്ട് പരിസ്ഥിതി ദിനത്തിൽ മാത്രമല്ല എല്ലാ ദിവസവും ഓരോ വൃക്ഷത്തൈ നമുക്ക് നട്ടുപിടിപ്പിക്കാം.ഒരു തൈ നടുമ്പോൾ ഒരു തണൽ വിടരുന്നു.അങ്ങനെ നമുക്ക് പ്രകൃതിയെ സംരക്ഷിക്കാം.

പരിസ്ഥിതിയെ മലിനപ്പെടുത്തുന്ന മറ്റൊരു ഘടകമാണ് പ്ലാസ്റ്റിക്കിന്റെ ഉപയോഗം.നമ്മൾ വലിച്ചെറിയുന്ന പ്ലസ്റ്റിക് കുപ്പികളും കവറുകളും മണ്ണിൽ ലയിച്ചുചേരാതെ പരിസ്ഥിതിയെ നശിപ്പിക്കുന്നു.അവയെല്ലാം കത്തിച്ചുകളയുകയാണെങ്കിൽ പോലും അതിന്റെ പുക അന്തരീക്ഷമലിനീകരണത്തിന് കാരണമാകുന്നു.മാത്രമല്ല അതിന്റെ പുക ശ്വസിക്കുന്നത് കൊണ്ട് മാരകമായ അസുഖങ്ങളും വരും.അതുകൊണ്ട് പ്ലാസ്റ്റിക്കിന്റെ ഉപയോഗങ്ങൾ പരമാവധി കുറച്ച് നമുക്ക് പരിസിഥിതിയെ സംരക്ഷിക്കാം.

പരിസ്ഥിതി സംരക്ഷണത്തിൽ ഏറ്റവും പ്രധാനപ്പെട്ടതാണ് ജലസ്രോതസ്സുകളുടെ സംരക്ഷണം.ജീവന്റെ നിലനിൽപ്പിന് ജലം അത്യാവശ്യമാണ്.ജലമില്ലെങ്കിൽ ജീവനില്ല.എത്രമാത്രം ജലമാണ് നമ്മുടെ ഭൂമിയിലുള്ളത്.പണ്ടുകാലത്ത് പുഴകളിലേയും കുളങ്ങളിലേയും ജലം ശുദ്ധമായിരുന്നു.എന്നാൽ ഇന്ന് എന്തെല്ലാം മാലിന്യങ്ങളാണ് പുഴകളിലേക്ക് ഒഴുക്കി വിടുന്നത്.അങ്ങനെ അവയെല്ലാം മലിനമാക്കപ്പെട്ടിരിക്കുന്നു.ജലാശയങ്ങൾ മലിനപ്പെടുന്നത് ജീവജാലങ്ങളുടെ നിലനിൽപ്പിന് തന്നെ അപകടമാണ്.അതിനാൽ ജലാശയങ്ങൾ സംരക്ഷിക്കേണ്ടത് നമ്മുടെ കടമയാണ്.ജലം അമൂല്യമാണ്,അത് പാഴാക്കിക്കളയാതെ ആവശ്യത്തിന് മാത്രം ഉപയോഗിക്കാൻ നമുക്ക് കഴിയണം.ഓരോ തുള്ളി ജലവും വിലപ്പെട്ടതാണ്.പല തുള്ളി പെരുവെള്ളം എന്നാണല്ലോ ചൊല്ല്.അതുകൊണ്ട് ഒരു തുള്ളി പോലും പാഴാക്കിക്കളയാതെ നമുക്ക് നമ്മുടെ ജലസ്രോതസ്സുകളെ സംരക്ഷിക്കാം.

ഫാത്തിമ നദ .പി
3 ബി ജി.യു.പി.എസ്.പട്ടാമ്പി
പട്ടാമ്പി ഉപജില്ല
പാലക്കാട്
അക്ഷരവൃക്ഷം പദ്ധതി, 2020
ലേഖനം


 സാങ്കേതിക പരിശോധന - Latheefkp തീയ്യതി: 24/ 04/ 2020 >> രചനാവിഭാഗം - ലേഖനം