ഭൂമി തൻ പച്ചയുടുപ്പിനെ വെട്ടിയവർ
പുത്തനാം ബംഗ്ളാവ് പണിതുയർത്തി.
അതിനുള്ളിൽ ഇരുന്നുകൊണ്ടോരോരോ ചിന്തകൾ മനുഷ്യനെ ഭ്രാന്തനായ് മാറ്റിയല്ലോ.
എങ്ങും ലഹളയും കൊള്ളിവെയ്പ്പും
ചെയ്തവർ മുന്നോട്ടു പോയീടവെ
അത് കണ്ടു ഭൂമിയോ കണ്ണീർ വാർത്തു
അവിടെനിന്നുരുവായി കീടങ്ങളും.
ആ കീടങ്ങളെക്കണ്ടു പരിഹസിച്ചു.
മൂഢനാം മർത്യനും കൂട്ടുകാരും.
അവയൊത്തുവന്നു ആക്രമിച്ചു
ജീവനെടുത്തു മെല്ലെമെല്ലെ.
അവയെ തകർക്കുവാൻ ആയുധമില്ലാതെ
പാവം മനുഷ്യൻ പകച്ചു പോയി.
എന്തിനും മീതെയാണായുസ്സെന്നുള്ളൊരു
സത്യം അവരപ്പോൾ തിരിച്ചറിഞ്ഞു.