കരുതിടാം,പൊരുതിടാം-
ചെറുത്തു നിൽക്കാം;
കൊറോണയെന്നോരു വിപത്തിനെ
‘വെള്ള’യണിഞ്ഞോരു മാലാഖമാരും
‘കാക്കി’തൻ കരുണയും-
ഒത്തുചേർന്ന്, ഭാരത നാടിൻ
യശസ്സുയർത്തി ഈ മഹാമാരിയെ
തുടച്ചുനീക്കും
ഒന്നിച്ചുനിൽക്കാം ഒരുമയോടെ
ഉടലുകൊണ്ടല്ല മനസ്സുകൊണ്ട്;
അതിജീവനത്തിൻ പാതയിലേക്ക് നാം
ഒരുമിച്ച് കരുതി കൈ കോർത്തിടാം
ജാതിയുമില്ല,മതങ്ങളില്ല
ദേശങ്ങളില്ല ,വർണ്ണങ്ങളില്ല-
അതിജീവനത്തിൻ നാളേയ്ക്കായ്
പ്രാർത്ഥിച്ചിടാം നാം പ്രയത്നിച്ചിടാം....
പ്രാർത്ഥിച്ചിടാം നാം പ്രയത്നിച്ചിടാം....