ജി.ബി.എച്ച്. എസ്.എസ്. തിരൂർ/അക്ഷരവൃക്ഷം/ വൃത്തിനൽകുംശക്തി
വൃത്തിനൽകുംശക്തി ഇന്നത്തെ കാലത്ത് വ്യക്തിശുചിത്യവും ഒരു മീറ്റർ അകലവും ഇല്ലെങ്കിൽ കൊറോണയെ ഓടിച്ച് വിടാൻ പറ്റില്ലല്ലോ. കൊറോണ കാരണം സ്കൂൾ അടച്ചു. എന്നാൽ കൂട്ടുകാരോടൊത്തു കളിക്കാമെന്ന് വെച്ചാലോ, അതിനും പറ്റില്ലല്ലോ.എന്നാൽ അതിനെ തോൽപ്പിക്കാനുള്ള വഴികൾ ആലോചിക്കാം. അതിന് പ്രാധാനമായും വേണ്ടത് ശുചിത്വമാണ്. ഇടക്കിടക്ക് കൈകൾ സോപ്പും വെള്ളവും ഉപയോഗിച്ച് നന്നായി കഴുകണം.പുറത്ത് പോകുമ്പോൾ മാസ്കും സാനിറ്റെസറും ഉപയോഗിക്കണം. അങ്ങനെ കൊറോണയെ ഓടിച്ചാൽ നമുക്ക് കളിക്കാൻ പോവാട്ടോ..കൊറോണ മാത്രമല്ലാട്ടോ രോഗം.വേറേയും രോഗങ്ങളുണ്ട് നമ്മുടെ ശുചിത്വ കുറവ് കൊണ്ട് വരുന്നവ. വീടും പരിസരവും വൃത്തിയായിസൂക്ഷിച്ചില്ലെങ്കിൽ ഈച്ചയും കൊതുകും പെരുകും. അപ്പോൾ മലേറിയ,മലമ്പനി, വയറിളക്കം തുടങ്ങിയ രോഗങ്ങൾ വരും. അത് തടയാനായി ചുറ്റുപാടും വൃത്തിയാക്കി വെള്ളം കെട്ടിക്കിടക്കാതെയും മാലിന്യം കൂട്ടിയിടാതെയും ശ്രദ്ധിച്ച് എപ്പോഴും ശുചിയാക്കി ഇടാം. എന്റെ വീട്ടിലെ എല്ലാ വേസ്റ്റൂം ഞാനും അച്ചനും അമ്മയും ചേർന്ന് വൃത്തിയാക്കി. നല്ല രസമായിരുന്നു എല്ലാം ചെയ്യാൻ.
സ്ക്കൂൾ തുറന്നിട്ട് വേണം ഇതെല്ലാം കൂട്ടുകാരോടൊക്കെ ഒന്ന് പറയാൻ. ഇനി എന്നും ഇത് പോലെ വീടും പരിസരവും വൃത്തിയാക്കണം. ഇങ്ങനെ എല്ലാ കൂട്ടുകാരും ചെയ്താൽ നമ്മുടെ നാടും പരിസ്ഥിതിയും ശുചിത്വമുള്ളതായി തീരും. അങ്ങനെ ആണെങ്കിൽ നമ്മുടെ നാട്ടിലേക്ക് ഒരു രോഗവും എത്തിനോക്കില്ല.എല്ലാവർക്കും ആരോഗ്യത്തോടെ ഇരിക്കാം.
|
