ജി.എച്ച്. എസ്സ്.എസ്സ് പൂനൂർ/വിദ്യാരംഗം‌

വിദ്യാരംഗം കലാസാഹിത്യ വേദി ഉദ്ഘാടനം ചെയ്തു.

കലയുടെയും വായനയുടെയും പ്രാധാന്യം ഉൾക്കൊണ്ട് വിദ്യാരംഗം കലാ സാഹിത്യവേദി ഉദ്ഘാടനം 2025 ജൂൺ 26 ന് നടന്നു. എച്ച് എം മഹേഷ്‌ സർ അധ്യക്ഷത വഹിച്ച പരിപാടി വിദ്യാരംഗം കോഡിനേറ്ററും, സാഹിത്യകാരനും, അധ്യാപകനുമായ ശ്രീ ബിജു കാവിൽ ഉദ്ഘാടനം ചെയ്തു. പ്രിൻസിപ്പൽ ഡോ. ഇ എസ് സിന്ധു, എ വി മുഹമ്മദ്‌, വി അബ്ദു സ്സലിം, കെ അബ്‌ദുസ്സലിം, വി എച്ച് അബ്‌ദുൾ സലാം എന്നിവർ ആശംസകൾ നേർന്നു സംസാരിച്ചു.

ഉദ്ഘാടന ചടങ്ങിനോടനുബന്ധിച്ച് കുട്ടികളുടെ കലാപരിപാടികളും അരങ്ങേറി. വി പി വിന്ധ്യ സ്വാഗതവും പി കെ പ്രശാന്ത് നന്ദിയും പറഞ്ഞു.

വാങ്‌മയം ഭാഷാ പ്രതിഭ തിരഞ്ഞെടുപ്പ്

വിദ്യാരംഗം കലാ സാഹിത്യവേദിയുടെ നേതൃത്വത്തിൽ വാങ്‌മയം ഭാഷാപ്രതിഭാ തിരഞ്ഞെടുപ്പിന്റെ സ്ക്കൂൾ തല മത്സരം 2025 ജൂലൈ 17 ന് നടന്നു.

സ്ക്കൂൾ തല സാഹിത്യ സെമിനാർ

വിദ്യാരംഗം കലാസാഹിത്യ വേദിയുടെ ആഭിമുഖ്യത്തിൽ സാഹിത്യ സെമിനാർ സംഘടിപ്പിച്ചു. 2025 ജൂലൈ 21 നായിരുന്നു പരിപാടി. മഞ്ഞ്: എം ടി യുടെ നോവലിലെ ഭാവകാവ്യം എന്ന വിഷയത്തിലായിരുന്നു സെമിനാർ നടന്നത്. സെമിനാർ സ്ക്കൂൾ പ്രധാനാധ്യാപകൻ മഹേഷ് പി കെ ഉദ്ഘാടനം ചെയ്തു. വിന്ധ്യ വി പി, ഷിജിന പോൾ, പ്രശാന്ത് കുമാർ എന്നിവർ നേതൃത്വം നൽകി.