ജി.എച്ച്.എസ്. പാച്ചേനി/അക്ഷരവൃക്ഷം/കഥയുടെ അനുഭവ പാഠങ്ങൾ

കഥയുടെ അനുഭവപാഠങ്ങൾ കഥകൾക്ക് അനുശ്രിതമായ അനുഭവപാഠം ഉണ്ടെങ്കിൽ ഒരു കഥ ജനിക്കാൻ ഒരു കഥാകാരന് എളുപ്പത്തിൽ സാധ്യമാകുന്നു. അതുപോലെ ഞാനൊരു കഥാകാരനല്ലെങ്കിലും എനിക്ക് ഒരു ചെറിയ അനുഭവപാഠം ഉണ്ട്. പലതരം ചെമ്പരത്തിപ്പൂക്കൾ കണ്ടിട്ടുണ്ട് രണ്ട് തരം തട്ടുള്ള ചെമ്പരത്തിപ്പൂവ്.. അതിൽ നീളത്തിൽ ചുണ്ടുള്ള കുഞ്ഞിക്കിളി തേൻ കുടിക്കുന്നു. ഈ കുഞ്ഞിക്കിളി കൂടുകൂട്ടിയതെവിടെയാണ്... അറിയില്ല... ഇത് എവിടെനിന്നാണ് വന്നതെന്ന് അറിയില്ല... ശരിക്കും ഇതുപോലെയുള്ള കിളികൾ ഇത്രയും നാൾ എവിടെയാണ് ഉണ്ടായത്. അതിനെ ശ്രദ്ധിക്കാൻ തുടങ്ങിയത് എന്തുകൊണ്ടാണ് എന്നത് മാത്രം അറിയാം. നീല, മഞ്ഞയും കറുപ്പും കൂടിയത്, മഞ്ഞ, വെള്ള, ചുവന്ന ചുണ്ടുള്ളതും, നീല നിറം തലയിൽ ഉള്ളതും, കറുത്ത വാലാട്ടിക്കിളി, ഓറഞ്ച് നിറം അടിഭാഗത്ത് വരുന്ന കുഞ്ഞിക്കിളിയും, ചാരനിറത്തിലുള്ള കേട്ടുകേൾവിയുള്ള ചിതലപക്ഷിയും കാക്കകളും... ഓ! എത്ര മനസിന് കുളിർമ്മയേകുന്ന കാഴ്ചകൾ എന്താ ഇതിനെയൊക്കെ മുൻപ് കാണാതിരുന്നത്... അല്ല ഇപ്പോൾ എന്തുകൊണ്ട് കാണുന്നു.. അതുമല്ല ലോകത്താകെ ഭീഷണിയായ കൊറോണക്കാലം അനുഭവിക്കുന്ന നമ്മൾ എല്ലാവരും ശരിക്കും കഷ്ടപ്പാടിലല്ലേ ജീവിക്കുന്നത്. ഈ കുഞ്ഞിക്കിളികളെ കാണാൻ ഒരു കൊറോണക്കാലം!... 'ലോക്ക് ഡൗൺ'... "വെള്ളം അമൂല്യമാണ് അത് പാഴാക്കരുത്"... കുഞ്ഞിക്കിളികൾക്ക് ഒരു ചട്ടി നിറച്ചും വെള്ളം. ഇന്നലെ നിറച്ച വെള്ളം ഇന്ന് ചെടികളുടെ ചുവട്ടിൽ ചെമ്പരത്തിപ്പൂവിലെ തേൻ കുടിക്കാനും കൂടിയല്ലേ കിളികൾ വരുന്നത് അപ്പോൾ ചെടിക്കും വെള്ളം. റേഷൻ അരി പാറ്റി കിട്ടിയ പൊടിയരിയും വെള്ളത്തിന് കൂട്ടിനുണ്ട് ഗോതമ്പ് മണിയും വായു-ശബ്ദമലിനീകരണങ്ങൾ ഉണ്ടാക്കുന്ന നമ്മുടെ നമ്മുടെ റോഡിലെ വലുതും ചെറുതുമായ 'കിളികളെ' കാണാനില്ല. സ്വകാര്യതനിറഞ്ഞ സ്വന്തം വാഹനക്കിളിയും കുറവാണ്. നിശബ്ദത നിറഞ്ഞ ഈ ആരവങ്ങൾക്ക് ഇത്ര മനോഹാരിതയോ? കുഞ്ഞിക്കിളി... നിനക്ക് ഇത്ര നിശബ്ദതയോ വേണ്ടത്? പക്ഷേ എന്റെ കാതുകൾക്ക് ഇതിനുമുൻപ് കലാകാരനിൽ നിന്ന് മാത്രം കേട്ടിട്ടുള്ള കിളിനാദം ഒരു കലാകാരനെ കൊണ്ടും അനുകരിക്കാൻ കഴിയാത്ത തരത്തിലുള്ള കിളിനാദം എന്നു പറഞ്ഞാൽ പോരാ... ഈണവും ഇമ്പവുമാർന്ന കിളിനാദം... ചകിരികൊണ്ടാണ് കൂടു ണ്ടാക്കാറുള്ളത് എന്ന് കേട്ടിട്ടാകാം ചകിരി കുറച്ചെടുത്ത്‌ ചെടികൊമ്പിൽ തിരുകി വച്ചത്. സൂചിമുഖി ഒരു മാസവാരികയാണ് 'സീക്ക് ' പ്രസിദ്ധീകരിക്കുന്ന വാരിക. കേട്ടിട്ടുണ്ട്, കണ്ടിട്ടുണ്ട്, ഒന്ന്, രണ്ട് പുസ്തകങ്ങൾ വായിച്ചിട്ടുണ്ട്. പക്ഷേ ആ പേരിലുള്ള പക്ഷി.... ശരിക്കും സൂചിമുഖി ഒരറ്റം വളഞ്ഞു നീണ്ടചുണ്ട്... വരികളറിയാത്ത പാട്ട് മനസ്സിലൂടെ കടന്നു പോകുന്നു ഇപ്പോ ചിലപ്പോളൊക്കെ. കുഞ്ഞിക്കിളിയെ കൂടെവിടെ...?? കുഞ്ഞോമനനിൻ കൂടെവിടെ...?? എന്റെ കൂട്ടിൽ നീ പോരാമോ... എന്റെ കൂട്ടിൽ നീ വന്നല്ലോ... കുഞ്ഞിക്കിളിയെ....    അങ്കിത 5 ഗവഃ ഹൈസ്കൂൾ പാച്ചേനി തളിപ്പറമ്പ് നോർത്ത് ഉപജില്ല കണ്ണൂർ അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Mtdinesan തീയ്യതി: 17/ 04/ 2020 >> രചനാവിഭാഗം - ലേഖനം