ജി.എച്ച്.എസ്. കാലിച്ചാനടുക്കം/പരിസ്ഥിതി ക്ലബ്ബ്

ചങ്ങാതിക്കൊരു തൈ

ലോക സൗഹൃദ ദിനത്തോട നുബന്ധിച്ച് ഫലവൃക്ഷത്തൈകൾ കൈമാറി കാലിച്ചാനടുക്കത്തെ സീഡ് കുട്ടികളും പരിസ്ഥിതി ക്ലബ്ബ് കുട്ടികളും. ഹെഡ്മാസ്റ്റർ കെ. സന്തോഷ് സപ്പോട്ട തൈ കെ.മനോജിന് നൽകി പരിപാടി ഉദ്ഘാടനം ചെയ്തു. തുടർന്ന് കുട്ടികൾ പരസ്പരം തൈകൾ കൈമാറി. പരിസ്ഥിതി ക്ലബ് കൺവീനർ സീനിയ ജോസഫ്, അധ്യാപകരായ നന്ദകുമാർ.കെ, ശ്രീജിത്ത് .സി.എച്ച് പ്രമോദിനി' പി, സീഡ്ക്ലബ്ബ് കൺവീനർ റീന.വി എന്നിവർ സംസാരിച്ചു.

അധ്വാനത്തിന്റെ സുഗന്ധം തേടി സീഡ് കുട്ടികൾ

ഓണാവധി അധ്വാനിച്ച് ആസ്വദിക്കാനുള്ള തയ്യാറെടുപ്പിലാണ് സീഡ് കുട്ടികൾ. മൊബൈൽ ഫോണിലും മറ്റ് സ്ക്രീനുകളിലും മുഴുകി അലസരായി മാറുന്ന കുട്ടികൾക്ക് പകരം അധ്വാനശീലരായ കുട്ടികളെ വാർത്തെടുക്കുക എന്ന ലക്ഷ്യത്തോടെ സ്കൂൾ സീഡ് യൂണിറ്റ് ചെറുകിട സംരംഭങ്ങളായ സോപ്പ് നിർമ്മാണം, ഫീനോയിൽ നിർമ്മാണം എന്നിവ പരിശീലിപ്പിച്ചു. പ്രഥമാധ്യാപകൻ കെ സന്തോഷ് പരിശീലനം ഉദ്ഘാടനം ചെയ്തു. അധ്യാപകരായ കെ. നന്ദകുമാർ, സീഡ് കോർഡിനേറ്റർ റീന.വി, സീഡ് ക്യാപ്റ്റൻ അനഘ എ.എം എന്നിവർ നേതൃത്വം നൽകി. സീനിയർ അധ്യാപകൻ കെ.വി പത്മനാഭൻ സീനിയ ജോസഫ്, റീന. വി.കെ, ശ്രുതി എന്നിവരും 30 കുട്ടികളും പങ്കെടുത്തു