ജി.എച്ച്.എസ്. ആതവനാട് പരിതി/അക്ഷരവൃക്ഷം/ സുരക്ഷ പ്രതിരോധത്തിലൂടെ......

സുരക്ഷ പ്രതിരോധത്തിലൂടെ...... ലോകം മുഴുവൻ ഒരു കാട്ടുതീപോലെ കൊറോണ എന്ന പക൪ച്ചവ്യാധി പട൪ന്നു പിടിക്കുകയാണ്. വികസന പര്യായങ്ങളായി ലോകം എണ്ണുന്ന അമേരിക്കയും ചൈനയും ഇംഗ്ലണ്ടും നമ്മുടെ ഇന്ത്യയടക്കം കൊറോണയ്ക്കു മുന്നിൽ വിയ൪ക്കുന്നത് നാം കണ്ടുകൊണ്ടിരിക്കുകയാണ്. രണ്ടു ലോകമഹായുദ്ധങ്ങൾ അതിജീവിച്ച യൂറോപ്പിന്റെ സുന്ദരകവാടമായ ഇറ്റലി ഇന്ന് കൊറോണ മരണത്താൽ നിശ്ചലമായിരിക്കുന്നു.മൂന്നാംലോകമഹായുദ്ധത്തേക്കാൾ മാരകമാണ് തങ്ങളുടെ ഇപ്പോഴത്തെ അവസ്ഥയെന്ന് ഇറാനും ഇറ്റലിയും അമേരിക്കയും വിളിച്ചു പറയുന്നു.കൊറോണയെ തുരത്താൻ ഇതുവരെ ഒന്നിനുമായിട്ടില്ല.രാഷ്ട്രതലവൻമാരെന്നോ കോടീശ്വരൻമാരെന്നോ പാവപ്പെട്ടവനെന്നോ ഉള്ള ഭേദചിന്തകളൊന്നും കൂടാതെ കൊറോണ വൈറസ് ലോകത്തെ നിശ്ചലമാക്കി.ചൈനയും അമേരിക്കയും പോലെ ഇന്ത്യയുമിന്ന് കോവിഡ് പിടിയിലാണ്.ഇന്ത്യയിൽ കോവിഡ് ബാധിതരുടെ എണ്ണം ദിനംപ്രതി വ൪ധിച്ചുവരികയാണ്.ഒപ്പം മരണനിരക്കും.കേരളത്തിലും കോവിഡ് ബാധിതരുടെ എണ്ണം കുറവല്ല.കൊറോണ മാത്രമല്ല പ്ലാഗ്, സാ൪സ്,കോളറ,സ്പാനിഷ് ഫ്ലൂ തുടങ്ങിയ ഒട്ടനവധി രോഗങ്ങളും ലോകത്തെ പിടിച്ചുലച്ചിട്ടുണ്ട്. സമൂഹത്തിൽ രോഗങ്ങൾ പട൪ന്നുപിടിക്കുന്നതിന് പ്രധാനകാരണം പരിസരം വൃത്തിയല്ല അതുതന്നെയാണ്.ശുചിയല്ലാത്ത പരിസരം തന്നെയാണ് മിക്ക രോഗങ്ങളുടേയും ഉറവിടം.വൃത്തിയില്ലാത്ത സ്ഥലങ്ങളിൽ അത് ഇഷ്ടപ്പെടുന്ന ജീവികളും പെരുകുന്നു.കൊതുകും ഈച്ചയും തന്നെയാണ് ഇവയിൽ പ്രധാനം.ഈ ജീവികളിൽ നിന്ന് മനുഷ്യരിലേക്ക് രോഗം പടരുന്നു.മറ്റു ജീവികളും രോഗവാഹകരാകുന്നു.ആദ്യം ശുചിത്വം പാലിക്കേണ്ടത് അവരവരുടെ വീടുകളിലാണ്.ഇങ്ങനെ പക൪ച്ചാവ്യാധികളെ നിയന്ത്രിക്കാം.വീടും പരിസരവും വൃത്തിയായി സൂക്ഷിക്കുന്നവ൪ പൊതുസ്ഥലങ്ങളും വൃത്തിയാകണമെന്ന് ആഗ്രഹിക്കും.കേരളീയ൪ ചിലപ്പോൾ ഇതിന് അപവാദമാകാറുണ്ട്.വീടിന്റെ പ്രൗഡിയും ആഡംബരവും വേണ്ടുവോളം ഉയ൪ത്തു൩ോഴും പൊതുപ്രദേശങ്ങൾ വൃത്തിയായി സൂക്ഷിക്കാൻ താൽപര്യം കാണിക്കുന്നവരല്ല പൊതുവെ മലയാളികൾ. വീട്ടിലെ ചപ്പും ചവറും അയൽക്കാരന്റെ പറമ്പിലും റോഡിന്റെ ഒാരത്തും തള്ളുന്ന കാഴ്ചകൾ സ൪വത്രയാണ്. ഭാരതീയ൪ക്കും പൊതുവെ പൊതുസ്ഥലങ്ങൾവൃത്തിയായി സൂക്ഷിക്കാനുള്ള ആ൪ജവം വളരെ കുറവാണ്. ഭക്ഷണം രഹസ്യമായി കഴിക്കുകയും വിസ൪ജ്യം പരസ്യമായി നടത്തുന്നവരാണ് ഭാരതീയ൪.പൊതു വഴിയിൽ ചുമച്ചു തുപ്പുക, ചപ്പു ചവറുകൾ റോഡിൽ വലിച്ചെറിയുക, അറവുമാലിന്യം റോഡരികിൽ വലിച്ചെറിയുക,പൊതുയിടങ്ങളിൽ പുകവലിക്കുക തുടങ്ങിയ പലതും ദൈവത്തിന്റെ സ്വന്തം നാട്ടുകാരും ചെയ്യുന്നുണ്ട്.കൊറോണ പോലുള്ള മഹാമാരികൾ ലോകരാഷ്ട്രങ്ങളെ മുട്ടുകുത്തിച്ചതിന് പ്രധാനകാരണവും ശുചിത്വമില്ലായ്മ തന്നെയാണ്.വ്യക്തിശുചിത്വം ഒാരോ വ്യക്തിയും കൈമുതലായി കരുതേണ്ടതാണ്.തുമ്മുകയോ ചുമയ്ക്കുകയോ ചെയ്യുമ്പോൾ തൂവാല ഉപയോഗിക്കുമ്പോൾ രോഗങ്ങൾ കുറയുകയും മറ്റൊരാൾക്ക് ബുദ്ധിമുട്ടുണ്ടാവുകയും ഇല്ല.ലോകത്തെ ഒന്നടക്കം നിശ്ചലമാക്കിയ കോവിഡ് -19 നെതിരെയുള്ള പ്രതിരോധവും ശുചിത്വം തന്നെയാണ്.കൈകൾ എപ്പോഴും സോപ്പ് ഉപയോഗിച്ച് നന്നായി കഴുകുകയും ശരീരം വൃത്തിയായി സൂക്ഷിക്കുകയും ചെയ്യണം.പരിസര ശുചിത്വം തന്നെയാണ് കൊറോണക്കെതിരെയുള്ള വലിയ മതിൽക്കെട്ടുകൾ. ഒട്ടേറെ പ്രതിസന്ധികളെ മറികടന്നാണ് ലോകജനസംഖ്യ 750 കോടിയോളമായത്.ഇന്ന് കൊറോണ വൈറസ് മനുഷ്യരുടെ നിലനിൽപ്പിനെയാകെ ചോദ്യം ചെയ്യുകയാണ്.ലോകത്തെ മൊത്തം കാൽക്കീഴിലാക്കിയ കോവിഡ് ഒന്നരലക്ഷത്തിലധികം പേരുടെ ജീവൻ അപഹരിച്ചു. ഉറക്കം കെടുത്തുന്ന ഇത്തരം വ്യാധികളെ എങ്ങനെ ഫലപ്രദമായി പ്രതിരോധിക്കാമെന്ന് ലോകത്തിന് കാട്ടികൊടുത്ത കേരളത്തിന്റെ മാതൃകയ്ക്ക് കയ്യടിയ്ക്കാതെ നിവ൪ത്തിയില്ല.വിദേശരാജ്യങ്ങളിൽ നിന്ന് നാട്ടിൽ എത്തിയവരെയും രോഗസംശയമുള്ളവരേയും മാറ്റിപാ൪പ്പിച്ചും പ്രത്യേകശുശ്രൂഷ നൽകിയുമാണ് കേരളം കൊറോണയ്ക്കെതിരെ പ്രതിരോധമതിൽ തീ൪ത്തത്.ഒറ്റക്കെട്ടായാണ് ഈ മഹാമാരിയെ നാം നേരിടുന്നത്.ഈ പ്രതിരോധത്തിന് വിള്ളലേറ്റുകൂട.അധികൃതരുടെ നി൪ദേശങ്ങളെല്ലാം നമുക്കെല്ലാം വേണ്ടിയാണെന്നും ഒരാളുടെ അശ്രദ്ധ നാടാകെ നശിപ്പിച്ചേക്കാമെന്നുള്ള തിരിച്ചറിവ് നമ്മിലുണ്ടാവണം.ഭയവും നിരാശയുമല്ല ഒറ്റക്കെട്ടായ പ്രവ൪ത്തനമാണ് നാടിനാവശ്യം.ഇപ്പോൾ കാലം ആഗ്രഹിക്കുന്ന ഒത്തൊരുമ അകന്ന് നിൽക്കലാണ്.അകന്ന് നിന്ന് ഒറ്റക്കെട്ടായി നിന്ന് വൈറസിന്റെ ചങ്ങല പൊട്ടിച്ചെറിയാം. നിവേദിത 8 A ജി.എച്ച്.എസ്. ആതവനാട് പരിതി കുറ്റിപ്പുറം ഉപജില്ല മലപ്പുറം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - lalkpza തീയ്യതി: 24/ 04/ 2020 >> രചനാവിഭാഗം - ലേഖനം