ഗവ യു പി എസ് പെരിങ്ങമ്മല/പ്രവർത്തനങ്ങൾ/2026-27

Home

2023-24

2024-25

2025-26

2026-27

സ്കൂൾ പ്രവേശനോത്സവം2026

ജി യുപി എസ് പെരിങ്ങമ്മല

അധ്യക്ഷൻ:സുധീർ. എ, പി.ടി.എ പ്രസിഡൻ്റ്

സ്വാഗതം:സജിത. ജെ, ഹെഡ് മിസ്ട്രസ്

ഉദ്ഘാടനം: ഷാൻ തടത്തിൽ, വികസനകാര്യകമ്മിറ്റി ചെയർമാൻ

നന്ദി:സീനത്ത്. കെ, സ്റ്റാഫ് സെക്രട്ടറി

ഗവൺമെന്റ് യു.പി.എസ്. പെരിങ്ങമ്മലയിൽ പ്രവേശനോത്സവം ആഘോഷപൂർവം സംഘടിപ്പിച്ചു. പുതുതായി അക്ഷരലോകത്തിലേക്ക് കടന്നുവന്ന കുരുന്നുകളെ ചെണ്ടമേളത്തിന്റെ അകമ്പടിയോടെയും മധുരവിതരണത്തോടെയും സമ്മാനങ്ങളോടെയും സ്നേഹപൂർവം സ്കൂളിലേക്ക് ആനയിച്ചു.

അക്ഷരവൃക്ഷം ഒരുക്കിയും അക്ഷരദീപം തെളിയിച്ചുമാണ് കുരുന്നുകൾക്ക് വിദ്യാലയത്തിന്റെ ഹൃദ്യമായ വരവേൽപ്പ് നൽകിയത്. ചടങ്ങിന്റെ ഭാഗമായി ഉച്ചയ്ക്ക് പായസവിതരണവും നടത്തി.

അക്ഷരങ്ങളുടെ അത്ഭുതലോകത്തിലേക്ക് ആദ്യചുവടുവെച്ച എല്ലാ കുരുന്നുകൾക്കും സന്തോഷകരവും വിജ്ഞാനസമ്പന്നവും നേട്ടങ്ങൾ നിറഞ്ഞതുമായ ഒരു അധ്യയനവർഷം ആശംസിക്കുന്നു.

ഗവൺമെന്റ് യു.പി.എസ്. പെരിങ്ങമ്മല

"അറിവിന്റെ വെളിച്ചത്തിലേക്ക് ഓരോ ചുവടും..."

ലോകപരിസ്ഥിതിദിനം ജൂൺ5,2026

കൂട്ടുകാരെ

ഇന്ന് ജൂൺ -5 ലോക പരിസ്ഥിതിദിനം കൂട്ടുകാർ ഇ ദിനത്തെ കുറിച്ച് മനസ്സിലാക്കുകയും അതിലെ സന്ദേശങ്ങൾ ഉൾക്കൊണ്ടുകൊണ്ട് ജീവിതത്തിലുടെനീളം പ്രവർത്തിയ്ക്കാൻ തുടങ്ങുകയും മറ്റുള്ളവരിലേക്ക് അത് പകരാൻ ശ്രമിക്കുകയും ചെയ്യണം . നാം വസിക്കുന്ന ഇ ഭൂമിയെ സംരക്ഷിച്ച് അടുത്ത തലമുറയ്ക്ക് കൂടി ജീവിയ്ക്കാൻ ഇടമൊരുക്കേണ്ടത് നമ്മുടെ കടമയാണ് . പരിസ്ഥിതി സംരക്ഷണത്തിനായി ഒരു ആഗോള ദിനം എന്ന ആശയം രൂപപ്പെടുന്നത് ഐക്യരാഷ്ട്ര സംഘടനയുടെ (UN) നേതൃത്വത്തിലാണ്.

1972 ജൂൺ 5 മുതൽ 16 വരെ സ്വീഡനിലെ സ്റ്റോക്ക്‌ഹോമിൽ വെച്ച് ഐക്യരാഷ്ട്ര സംഘടനയുടെ ആദ്യത്തെ മാനവ പരിസ്ഥിതി സമ്മേളനം (Stockholm Conference on the Human Environment) നടന്നു. ഈ സമ്മേളനത്തിന്റെ ഒന്നാം ദിവസമായ ജൂൺ 5 ലോക പരിസ്ഥിതിദിനമായി ആചരിക്കാൻ യു.എൻ. പൊതുസഭ (UN General Assembly) തീരുമാനിച്ചു. ഭൂമിയെ സംരക്ഷിക്കേണ്ടതിന്റെയും പ്രകൃതിവിഭവങ്ങൾ നിലനിർത്തേണ്ടതിന്റെയും ആവശ്യകതയെക്കുറിച്ച് ജനങ്ങളിൽ ബോധവൽക്കരണം നടത്തുക എന്നതാണ് ഈ ദിവസത്തിന്റെ പ്രധാന ലക്ഷ്യം. 'ഒരേയൊരു ഭൂമി' (Only One Earth) എന്ന സന്ദേശവുമായി 1973 ജൂൺ 5-നാണ് ലോകം ആദ്യമായി ഔദ്യോഗികമായി പരിസ്ഥിതിദിനം ആചരിച്ചത്. അതിനുശേഷം എല്ലാ വർഷവും 1974 മുതലാണ് ഓരോ വർഷവും ഓരോ പ്രത്യേക രാജ്യങ്ങളെ ഇതിന്റെ പ്രധാന ആതിഥേയരായി (Host Country) നിശ്ചയിച്ച് വിപുലമായി ആഘോഷിക്കാൻ തുടങ്ങിയത്.

കേവലം മരം നടുന്നതിൽ മാത്രം ഒതുങ്ങുന്നതല്ല പരിസ്ഥിതിദിനത്തിന്റെ ലക്ഷ്യങ്ങൾ. ഇതിന് വലിയൊരു ആഗോള ലക്ഷ്യമുണ്ട്:

ബോധവൽക്കരണം വളർത്തുക: വനനശീകരണം, ആഗോളതാപനം (Global Warming), പ്ലാസ്റ്റിക് മലിനീകരണം, കാലാവസ്ഥ വ്യതിയാനം എന്നിവയെക്കുറിച്ച് ജനങ്ങളെ ബോധവാന്മാരാക്കുക.

ജനപങ്കാളിത്തം ഉറപ്പാക്കുക: പരിസ്ഥിതി സംരക്ഷണം എന്നത് ഗവൺമെന്റുകളുടെ മാത്രം ഉത്തരവാദിത്തമല്ലെന്നും ഓരോ വ്യക്തിക്കും ഇതിൽ പങ്കുണ്ടെന്നും ഓർമ്മിപ്പിക്കുക.

പ്രകൃതിവിഭവങ്ങളുടെ സംരക്ഷണം: മണ്ണ്, ജലം, വായു, കാടുകൾ എന്നിവ വരുംതലമുറയ്ക്കായി കരുതിവെക്കാനും അവ അമിതമായി ചൂഷണം ചെയ്യുന്നത് തടയാനും പ്രേരിപ്പിക്കുക.

രാഷ്ട്രീയ ശ്രദ്ധ ആകർഷിക്കുക: പരിസ്ഥിതി സൗഹൃദപരമായ നയങ്ങളും നിയമങ്ങളും നടപ്പിലാക്കാൻ ലോകരാജ്യങ്ങളിലെ സർക്കാരുകളെ പ്രേരിപ്പിക്കുക.

വന്യജീവി സംരക്ഷണം: ജൈവവൈവിധ്യം (Biodiversity) നിലനിർത്തുക, വംശനാശഭീഷണി നേരിടുന്ന ജീവികളെയും സസ്യങ്ങളെയും സംരക്ഷിക്കുക.

ഓർക്കുക: നമ്മുടെ ഭൂമിയുടെ പച്ചപ്പും തണുപ്പും നിലനിർത്താനും ,പ്രകൃതിയെ സംരക്ഷിക്കാനും നാം ചെയ്യുന്ന ചെറിയൊരു കാര്യം പോലും വലിയ മാറ്റങ്ങൾക്ക് കാരണമാകും. ഈ പരിസ്ഥിതിദിനത്തിൽ പ്ലാസ്റ്റിക് ഉപയോഗം കുറയ്ക്കാനും, മരങ്ങൾ നട്ടുപിടിപ്പിക്കാനും, ഊർജ്ജവും ജലവും പാഴാക്കാതിരിക്കാനും നമുക്ക് പ്രതിജ്ഞയെടുക്കാം.

ഇ വർഷത്തെ സന്ദേശം

"പ്രകൃതിയിൽ നിന്ന് പ്രചോദനം ഉൾക്കൊണ്ട് ,

                  നമ്മുടെ ഭാവിക്കും 

കാലാവസ്ഥയുമായി പ്രവർത്തിക്കുക "

വൃക്ഷ തൈ നടീൽ ശ്രീ.സുധീർ (പി.ടി.എ പ്രസിഡൻ്റ് ) നിർവഹിച്ചു.