ഗവ ഗേൾസ് എച്ച് എസ് എസ് , ചേർത്തല/ പ്രവൃത്തി പരിചയ ക്ലബ്/2025-26

ചേർത്തല ഗേൾസിലെ മിയാവാക്കി വനം ഇനി 'ഫലസമ്പന്നം'

ചേർത്തല: പരിസ്ഥിതി സൗഹൃദ പ്രവർത്തനങ്ങളിൽ മാതൃകയായി ചേർത്തല ഗവൺമെന്റ് ഗേൾസ് ഹയർ സെക്കൻഡറി സ്കൂളിലെ 'മിയാവാക്കി വനം' കൂടുതൽ സമ്പുഷ്ടിയിലേക്ക്. സ്കൂൾ പരിസ്ഥിതി ക്ലബ്ബിന്റെയും ആരോഗ്യ ക്ലബ്ബിന്റെയും സംയുക്ത ആഭിമുഖ്യത്തിൽ നടപ്പിലാക്കിയ ഈ പദ്ധതി ഇപ്പോൾ വിദ്യാർത്ഥികൾക്ക് ഒരു തുറന്ന പഠനശാലയായി മാറിയിരിക്കുകയാണ്.

കുറഞ്ഞ സ്ഥലത്ത് സ്വാഭാവിക വനം സൃഷ്ടിക്കുന്ന മിയാവാക്കി രീതി സ്കൂളിൽ വൻ വിജയമായതോടെ വനത്തെ കൂടുതൽ വൈവിധ്യപൂർണ്ണമാക്കാനുള്ള പ്രവർത്തനങ്ങൾ ആരംഭിച്ചു. ഇതിന്റെ ഭാഗമായി വനത്തിൽ പുതിയ ഫലവൃക്ഷങ്ങൾ നട്ടുപിടിപ്പിച്ചു. റംബൂട്ടാൻ, ഞാവൽ, പപ്പായ തുടങ്ങിയ ഫലവൃക്ഷങ്ങളാണ് പുതുതായി വനത്തിന്റെ ഭാഗമായത്.

ജൈവവൈവിധ്യത്തെക്കുറിച്ചും പരിസ്ഥിതി സംരക്ഷണത്തെക്കുറിച്ചും പഠിക്കാൻ വനം സന്ദർശിക്കുന്ന കുട്ടികളുടെ എണ്ണം വർദ്ധിച്ചുവരികയാണ്. പച്ചപ്പും തണലും നിറഞ്ഞ ഈ വനം സ്കൂൾ കാമ്പസിലെ താപനില കുറയ്ക്കാനും ശുദ്ധവായു ലഭ്യമാക്കാനും സഹായിക്കുന്നു. പരിസ്ഥിതി ക്ലബ്ബ് അംഗങ്ങളുടെയും അധ്യാപകരുടെയും നേതൃത്വത്തിൽ വനത്തിന്റെ സംരക്ഷണം കൃത്യമായി നടന്നു വരുന്നു. വരും ദിവസങ്ങളിൽ കൂടുതൽ അപൂർവ്വ സസ്യങ്ങളെ വനത്തിൽ ഉൾപ്പെടുത്താനാണ് ക്ലബ്ബിന്റെ തീരുമാനം.