ഗവ എൽ പി എസ് മേവട/അക്ഷരവൃക്ഷം/ശുചിത്വം എന്ന മന്ത്രം

ശുചിത്വം എന്ന മന്ത്രം ശുചിത്വം നമുക്ക് വളരെ പ്രധാനമാണ്. ഒരു പരിധിവരെ ശുചിത്വം പാലിക്കുന്നതിൽ പരാജയപ്പെടുന്നത് നമുക്കും നമ്മുടെ ചുറ്റുമുള്ള ആളുകൾക്കും ഗുരുതരമായ ആരോഗ്യ അപകടങ്ങൾ ഉണ്ടാക്കുന്നു. ആരോഗ്യവും ശുചിത്വവും വെണ്ണയും അപ്പവും പോലെ കൈകോർത്തതാണ് ഇതിന് കാരണം. അതിനാൽ നിങ്ങൾക്ക് ശുചിത്വമില്ലാതെ ആരോഗ്യവാനായിരിക്കാൻ സാധ്യതയില്ല. സാമൂഹിക സൃഷ്ടികളായതിനാൽ ഉയർന്ന തോതിലുള്ള ശുചിത്വം പാലിക്കേണ്ടത് നമ്മുടേതാണ്. ഇത് തിരഞ്ഞെടുക്കേണ്ട വിഷയമല്ല, മറിച്ച് നമ്മുടെ ഉത്തരവാദിത്തം. കുട്ടിക്കാലം മുതലേ അടിസ്ഥാന ശുചിത്വ സ്വഭാവം കൂടുതൽ ഫലപ്രദമാണ്. ശുചിത്വത്തിന്റെ മൂല്യം പഠിപ്പിക്കുന്ന കുട്ടികൾ, അവരുടെ രൂപവത്കരണ വർഷങ്ങളിൽ നിന്ന് പഠിപ്പിക്കപ്പെടാത്തവരേക്കാൾ ശുചിത്വമുള്ള മുതിർന്നവരായി വളരുന്നു. ശുചിത്വ ദിനചര്യകൾ കുട്ടികളുടെ ജീവിതത്തിലേക്ക് കൊണ്ടുവരാനും അവരുടെ മനസ്സിൽ രജിസ്റ്റർ ചെയ്യപ്പെടുകയും അവരുടെ ജീവിതശൈലിയുടെ ഭാഗമാകുകയും ചെയ്യുന്നതുവരെ തുടർച്ചയായി ശക്തിപ്പെടുത്താം.വ്യക്തികൾ സ്വയമായി പാലിക്കേണ്ട അനവധി ആരോഗ്യ ശീലങ്ങൾ ഉണ്ട്. അവ കൃത്യമായി പാലിച്ചാൽ പകർച്ച വ്യാധികളെയും, ജീവിതശൈലി രോഗങ്ങളേയും നല്ലൊരു ശതമാനം ഒഴിവാക്കുവാൻ കഴിയും. കൂടെക്കൂടെയും ഭക്ഷണത്തിനു മുൻപും പിൻപും കൈകൾ നന്നായി സോപ്പ് ഉപയോഗിച്ച് കഴുകുക. വയറിളക്ക രോഗങ്ങൾ, വിരകൾ, കുമിൾ രോഗങ്ങൾ, ത്വക്ക് രോഗങ്ങൾ, പകർച്ച പനി തുടങ്ങി സാർസ്‌ (SARS), കോവിഡ് വരെ ഒഴിവാക്കാം. പൊതുസ്ഥല സമ്പർക്കത്തിന് ശേഷം നിർബന്ധമായും കൈകൾ സോപ്പിട്ടു ഇരുപത് സെക്കൻഡ് നേരത്തോളം കഴുകേണ്ടതാണ്. കൈയുടെ പുറംഭാഗം, വിരലുകളുടെ ഉൾവശം എന്നിവ നന്നായി കഴുകേണ്ടതാണ്. ഇതുവഴി കൊറോണ, എച്ച് ഐ വി, ഇൻഫ്ലുവെൻസ, കോളറ, ഹെർപ്പിസ് മുതലായ വൈറസുകളെയും ചില ബാക്ടീരിയകളേയും എളുപ്പത്തിൽ കഴുകിക്കളയാം. ചുമയ്ക്കുമ്പോഴും തുമ്മുമ്പോഴും തുവാല കൊണ്ടോ മാസ്ക് ഉപയോഗിച്ചോ നിർബന്ധമായും മുഖം മറയ്ക്കുക. തൂവാല ഇല്ലെങ്കിൽ ഷർട്ടിന്റെ കയ്യിലേക്കാകട്ടെ ചുമ. മറ്റുള്ളവർക്ക് രോഗം പകരാതിരിക്കാനും നിശ്വാസ വായുവിലെ രോഗാണുക്കളെ തടയുവാനും തുവാല/മുഖാവരണം ഉപകരിക്കും. രോഗ ബാധിതരുടെ ശരീര സ്രവങ്ങളുമായി സമ്പർക്കത്തിൽ വരാതിരിക്കുക. പൊതുസ്ഥലങ്ങളിൽ തുപ്പാതിരിക്കുക. വായ, മൂക്ക്, കണ്ണ് എന്നിവിടങ്ങളിൽ കഴിവതും തൊടാതിരിക്കുക. ഉയർന്ന നിലവാരത്തിലുള്ള മാസ്ക്ക് (N 95) ഉപയോഗിക്കുന്നതും, ഹസ്തദാനം ഒഴിവാക്കുന്നതും, ആൽക്കഹോൾ അടങ്ങിയ ഹാൻഡ് സാനിറ്റെസർ എന്നിവ ഉപയോഗിക്കുന്നതും കൊറോണ വൈറസിനെ ഉൾപ്പെടെ പ്രതിരോധിക്കാൻ ഉത്തമം. അനാവശ്യ ആശുപത്രി സന്ദർശനങ്ങൾ ഒഴിവാക്കുക. പകർച്ച വ്യാധി ബാധിതരുമായി നിശ്ചിത അകലം (1 മീറ്റർ) പാലിക്കുക. ആൾക്കൂട്ടങ്ങൾ ഒഴിവാക്കുക. പകർച്ച വ്യാധി ബാധിച്ചവർ, പനിയുള്ളവർ തുടങ്ങിയവർ പൊതു സ്ഥലങ്ങളിൽ പോകുന്നത് കഴിവതും ഒഴിവാക്കുക. നഖം വെട്ടി വൃത്തി ആക്കുന്നത് രോഗാണുക്കളെ തടയും. രാവിലെ ഉണർന്നാലുടൻ പല്ല് തേയ്ക്കണം, രാത്രിയിൽ ഉറങ്ങുന്നതിനു മുൻപും. ദിവസവും സോപ്പിട്ട് കുളിച്ച്‌ ശരീരശുദ്ധി ഉറപ്പാക്കണം. വൃത്തിയുള്ള വസ്ത്രം ധരിക്കുക. കഴിയുന്നതും വസ്ത്രങ്ങൾ കിടക്കകൾ എന്നിവ കഴുകി സൂര്യപ്രകാശത്തിൽ ഉണക്കുക. ഏറ്റവും ഫലപ്രദമായ അണുനാശിനിയാണ് സൂര്യപ്രകാശം. ഇങ്ങനെ ശുചിത്വം എന്ന മന്ത്രം നമ്മുടെ ജീവിതത്തിന്റെ ഭാഗമാകട്ടെ ,പ്രതിരോധ ശക്തിയുള്ള ആരോഗ്യമുള്ള ഒരു തലമുറയായി നമുക്ക് മാറാം. അതിനായ് പ്രയത്നിക്കാം . ഗൗരി നന്ദന ബി 4 എ ഗവണ്മെന്റ് എൽ പി സ്കൂൾ മേവട കൊഴുവനാൽ ഉപജില്ല കോട്ടയം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Kavitharaj തീയ്യതി: 26/ 04/ 2020 >> രചനാവിഭാഗം - ലേഖനം