ചെയ്യരുതയ്യോ ചങ്ങാതികളേ
മരങ്ങൾ വെട്ടി മുറിക്കരുതേ
തണലേകുന്നീ തരുവിനെ നമ്മൾ
താ യായ് കരുതി താങ്ങണമേ
മഴയേകുന്നീ മരത്തിൻ മഹത്വം നാം
വെറുതേയങ്ങു മറക്കരുതേ
പഴവും കുളിരും നമ്മൾക്കേകും
പാവത്തിനെ നാം കാക്കേണ്ടേ
പക്ഷികളെല്ലാം ചേക്കേറുന്നീ
മരമിതു നമ്മൾ പോറ്റണമേ
ജീവനു മുഴുവൻ താങ്ങായ് നിൽക്കും
മരമൊരു വരമായ് കരുതണമേ.
അരുതേ അരുതേ അവനിയ്ക്കെല്ലാം
അന്തകരായ് നാം മാറരുതേ.
