പരിസരമാകെയും ബാധിച്ചിടുന്നിതാ
വൈറസ് പടർത്തിയ മഹാമാരി
കണ്ണീരും ദുഃഖവും മാത്രമീ ഭൂമിയിൽ
മർത്ഥ്യനോ തൻ ദുഃഖമനുഭവിച്ചീടുന്നൂ.
അന്ധകാരം നിറഞ്ഞാടുമീ ഉലകിലായ്
അന്ധരായ് നിൽക്കുന്നു മനുഷ്യരെങ്ങുമേ
എങ്ങുമേ പൊലിയുന്നിതോരോരോ ജീവുനും
കുന്നോളം ആശിച്ചു കൂട്ടിയ സ്വപ്നങ്ങളും
സമ്പന്നനെന്നോ ദരിദ്രനെന്നോ വക -
ഭേദമില്ലാതെ
കേഴുന്നു മാനവർ നിലനിൽപ്പിനായ്
പണവും സമ്പത്തുമൊന്നുമില്ലാതിന്നു -
വ്യക്തിശുചിത്വമാണേറെ മുഖ്യം
ഹൃത്തിലായ് ദൃഢനിശ്ചയമെടുത്തു കൊൾക നാം
ശുചിയാക്കി വച്ചിടാം നമ്മുടെ ജീവനെ.
ലോകമാകെ വ്യാപിച്ചൊരീ വൈറസിനെ
നേരിടാം നമുക്കെന്നും ഒറ്റക്കെട്ടായ്
കാത്തിരുന്നീടാം നമുക്ക് നല്ലൊരു പുലരിക്കായ്
ശുചിത്വവും സുന്ദരവുമായൊരു നല്ല പുലരിക്കായ്