ഗവ. ഹയർ സെക്കണ്ടറി സ്കൂൾ, പെരിങ്ങോം/പ്രവർത്തനങ്ങൾ/2025-26
പ്രവേശനോത്സവം 2025
പെരിങ്ങോം ഗവൺമെന്റ് ഹയർ സെക്കൻഡറി സ്കൂളിലെ പ്രവേശനോത്സവം 2025 ജൂൺ രണ്ടിന് വിപുലമായ പരിപാടികളുടെ സംഘടിപ്പിച്ചു. പ്രീ പ്രൈമറി ക്ലാസിലും ഒന്നാം ക്ലാസിലും പുതുതായി വന്ന കുട്ടികളെ സ്വീകരിച്ചാനയിച്ചു. കുട്ടികൾ, അധ്യാപകർ, രക്ഷിതാക്കൾ പിടിഎ,മദർ പിടിഎ, എസ് എം സി, ജാഗ്രത സമിതി, അംഗങ്ങൾ, ജനപ്രതിനിധികൾ, നാട്ടുകാർ എന്നിവരെ അണിനിരത്തി, ബാൻഡ് മേളത്തോടെ പ്രവേശന റാലി നടത്തി. ശ്രീമതി ഷീന ബെൻ, ശ്രീ പി സതീശൻ, ശ്രീമതി ഹമീമ ഒ പി, ശ്രീമതി ഗ്രീഷ്മ എംപി, ശ്രീമതി ഝാൻസി റാണി എന്നിവർ റാലിക്ക് നേതൃത്വം നൽകി.തുടർന്ന് നടന്ന ഉദ്ഘാടന സമ്മേളനത്തിൽ പെരിങ്ങോം വയക്കര പഞ്ചായത്ത് പതിനാലാം വാർഡ് മെമ്പർ ശ്രീ ഷജീർ ഇഖ്ബാൽ അധ്യക്ഷത വഹിച്ചു. പയ്യന്നൂർ ബ്ലോക്ക് പഞ്ചായത്ത് വികസനകാര്യ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി രജനി മോഹൻ സമ്മേളനം ഉദ്ഘാടനം ചെയ്തു.പിടിഎ പ്രസിഡണ്ട് ശ്രീമതി രജനി എ എം, മദർ പി ടി എ പ്രസിഡണ്ട് ശ്രീമതി ഷാനി കെ, എസ് എം സി ചെയർപേഴ്സൺ ശ്രീമതി ഷബാന എ, സ്റ്റാഫ് സെക്രട്ടറി ശ്രീ യുഗേഷ് കുമാർ കെ വി, പൊന്നംപാറ സർവീസ് സഹകരണ ബാങ്ക് പ്രസിഡണ്ട് ശ്രീ ഉമ്മർ ഹാജി എന്നിവർ ആശംസകൾ അർപ്പിച്ചു സംസാരിച്ചു. പ്രിൻസിപ്പൽ ശ്രീ ദിനേശ് സ്വാഗതവും ഹെഡ്മിസ്ട്രസ് ശ്രീമതി രജിത എം നന്ദിയും പറഞ്ഞു. പ്രീപ്രൈമറിയിൽ പുതുതായി വന്ന മുഴുവൻ കുട്ടികൾക്കും പെരിങ്ങോം റെഡ് സ്റ്റാർ ആർട്സ് ആൻഡ് സ്പോർട്സ് ക്ലബ്ബിന്റെ ഉപഹാരങ്ങൾ നൽകി. കൂടാതെ പെരിങ്ങോം സ്കൂളിന്റെ വകയായി സമ്മാന കിറ്റുകളും വിതരണം ചെയ്തു. ഒന്നാം ക്ലാസിലെ നവാഗതർക്ക് പൊന്നംപാറ സർവീസ് സഹകരണ ബാങ്കിന്റെ സ്പോൺസർഷിപ്പിൽ കുട നൽകി. ഒന്നാം ക്ലാസിൽ പുതുതായി വന്ന കുട്ടികൾക്ക് ശ്രീ പി വി കൃഷ്ണന്റെ സ്മരണാർത്ഥം കുടുംബാംഗങ്ങളും ശ്രീ കല്ലത്ത് കരുണാകരൻ മാസ്റ്ററുടെ സ്മരണാർത്ഥം കുടുംബങ്ങളും ചേർന്ന് സ്കൂൾ ബാഗ് വിതരണം ചെയ്തു.മുഴുവൻ കുട്ടികൾക്കും രക്ഷിതാക്കൾക്കും പെരിങ്ങോം തഷായി സ്പോർട്ടിംഗ് ക്ളബ്ബിന്റെ ആഭിമുഖ്യത്തിൽ പായസം വിതരണം ചെയ്തു.
..........................................................................................................................................................................
ലഹരി വിരുദ്ധ ദിനം- 2025
പെരിങ്ങോം ഗവൺമെന്റ് ഹയർ സെക്കൻഡറി സ്കൂളിൽ ലഹരി വിരുദ്ധ ദിനം വിവിധ പരിപാടികളോടെ ആചരിച്ചു. പ്രത്യേക അസംബ്ലി ചേർന്ന് ലഹരി വിരുദ്ധ പ്രതിജ്ഞ എടുത്തു. ഹെഡ്മിസ്ട്രസ് രജിത എം ലഹരി വിരുദ്ധ സന്ദേശം നൽകി. എൽപി ,യുപി കുട്ടികളുടെ കലാപരിപാടികൾ അരങ്ങേറി. ലിറ്റിൽ കൈറ്റ് ക്ലബ്ബിന്റെ ആഭിമുഖ്യത്തിൽ നടത്തിയ റീൽസ് നിർമ്മാണ മത്സരത്തിലെ വിജയികൾക്ക് മദർ പി.ടി.എ പ്രസിഡണ്ട് ഷാനി. കെ സമ്മാനം നൽകി. തുടർന്ന് പെരിങ്ങോം ടൗണിലേക്ക് യുദ്ധവിരുദ്ധ റാലി നടത്തി. സ്കൂൾ കൗൺസിലിംഗ് സെല്ലിന്റെ നേതൃത്വത്തിൽ,പെരിങ്ങോം ടൗണിൽ ലഹരി വിരുദ്ധ ഫ്ലാഷ് മോബ് നടത്തി. യുപി വിഭാഗം കുട്ടികൾ സൂമ്പ ഡാൻസ് അവതരിപ്പിച്ചു.എസ് പി സി യൂണിറ്റിന്റെ ആഭിമുഖ്യത്തിൽ സിഗ്നേച്ചർ ക്യാമ്പയിൻ നടത്തി. പിടിഎ പ്രസിഡണ്ട് രജനി എ എം ഉദ്ഘാടനം ചെയ്തു. ക്യാമ്പയിനിൽ പൊതുജനങ്ങൾ പങ്കെടുത്തു. ടീൻസ് ക്ലബ്ബിന്റെ ആഭിമുഖ്യത്തിൽ ലഹരി വിരുദ്ധ പ്ലക്കാർഡ് നിർമ്മാണവും നടത്തി.
ആർദ്രദീപം
ആർദ്രദീപം പദ്ധതിയുടെ ഭാഗമായി പെരിങ്ങോം ഗവൺമെന്റ് ഹയർ സെക്കൻഡറി സ്കൂളിലെ SPC വിദ്യാർഥികളും അധ്യാപകരും ചേർന്ന്, സ്കൂളിന്റെ പരിസരത്തുള്ള വയോജനങ്ങളെ ആദരിച്ചു. സ്കൂളിൽ വെച്ച് നടന്ന ചടങ്ങിൽ ശ്രീ പി ഉണ്ണികൃഷ്ണൻ വയോജനങ്ങളുമായി സംവദിച്ചു. എല്ലാവരെയും പൊന്നാടയണിയിച്ച് സ്വീകരിച്ചു. ഏകാന്തത അനുഭവിച്ച വീടുകളിൽ കഴിയുന്ന നമ്മുടെ വയോജനങ്ങൾക്ക് മാനസിക ഉല്ലാസം നൽകാൻ ഉതകുന്ന പരിപാടിയായിരുന്നു അത്. ഒറ്റപ്പെട്ടവരെ ചേർത്തു പിടിക്കാനും അവർക്കു തണലേകാനും മൂല്യബോധം വളർത്താനുള്ള ഒരു പ്രവർത്തനമായിരുന്നു ആർദ്രദീപം.
പരിസ്ഥിതിദിനാചരണം
പെരിങ്ങോം ഗവൺമെന്റ് ഹയർ സെക്കൻഡറി സ്കൂളിൽ പരിസ്ഥിതിദിനം വിവിധ പരിപാടികളോടെ ആചരിച്ചു. പ്രത്യേക അസംബ്ലി ചേരുകയും ഹെഡ്മിസ്ട്രസ് ശ്രീമതി രജിത എം പരിസ്ഥിതി ദിന സന്ദേശം നൽകുകയും ചെയ്തു. LP,UP,HS വിഭാഗം കുട്ടികൾക്ക് വിവിധ മത്സരങ്ങൾ സംഘടിപ്പിച്ചു.ചിത്രരചനാ നത്സരം, പരിസ്ഥിതി റാലി,പോസ്റ്റർ നിർമ്മാണം, വൃക്ഷത്തൈ നടൽ, പരിസ്ഥിതി പ്രതിജ്ഞ,പരിസ്ഥിതി ക്വിസ് എന്നിവ നടത്തി.പാഴ് വസ്തുക്കളുടെ പുനരുപയോഗത്തിലൂടെ ജീൻസ് കൊണ്ട് ഗ്രോ ബാഗ് നിർമ്മിച്ച് പൂന്തോട്ടം ഒരുക്കി. പിടിഎ പ്രസിഡണ്ട് ശ്രീമതി രജനി എ.എം. ഉദ്ഘാടനം ചെയ്തു.സ്കൂളിൽ പുതുതായി ആരംഭിക്കുന്ന ജൈവവൈവിധ്യ പാർക്കിന്റെ പ്രവൃത്തി ഉദ്ഘാടനം വാർഡ് മെമ്പർ ശ്രീ ഷജീർ ഇഖ്ബാൽ നിർവഹിച്ചു. ഇക്കോ ക്ളബ്ബ് നേതൃത്വം നൽകി. SPC യുടെ നോതൃത്വത്തിൽ വൃക്ഷത്തൈ നട്ടു. ഹൈസ്കൂൾ വിഭാഗം പരിസ്ഥിതി ക്വിസ് മത്സരത്തിൽ കൃഷ്ണേന്ദു എം ഒന്നാം സ്ഥാനവും അനുനന്ദ ആർ.എസ് രണ്ടാം സ്ഥാനവും മുഹമ്മദ് നിഹാൽ മൂന്നാം സ്ഥാനവും കരസ്ഥമാക്കി.UP വിഭാഗം പോസ്റ്റർ രചന( ഇംഗ്ലീഷ്) മത്സരത്തിൽ ഹൈഫ മഹറിൻ ടി പി ഒന്നാം സ്ഥാനവും അമേയ ശശിധരൻ രണ്ടാം സ്ഥാനവും അഫ്ര എം മൂന്നാം സ്ഥാനവും നേടി..UP വിഭാഗം പോസ്റ്റർ രചന( മലയാളം) മത്സരത്തിൽ ദേവപ്രിയ പി ഒന്നാം സ്ഥാനവും ചന്ദന ഗിരീഷ് രണ്ടാം സ്ഥാനവും ദേവശ്രീ രാജീവ് മൂന്നാം സ്ഥാനവും നേടി..UP വിഭാഗം പോസ്റ്റർ രചന( ഹിന്ദി) മത്സരത്തിൽ ദേവപ്രിയ പി ഒന്നാം സ്ഥാനവും ആരാധ്യപ്രമോദ് രണ്ടാം സ്ഥാനവും ഗായത്രി കെ മൂന്നാം സ്ഥാനവും കരസ്ഥമാക്കി.
വിജയോത്സവം 2025
പ്ലസ് വൺ കുട്ടികളുടെ പ്രവേശനോത്സവവും LSS /USS/SSLC/PLUS 2 വിജയികളുടെ അനുമോദനവും നടത്തി. ബഹു. പയ്യന്നൂർ എംഎൽഎ ശ്രീ ടി.ഐ മധുസൂദനൻ ഉദ്ഘാടനവും ഉപഹാരസമർപ്പണവും നടത്തി. പെരിങ്ങോം വയക്കര ഗ്രാമപഞ്ചായത്ത് പ്രസിഡണ്ട് ശ്രീ വി എം ഉണ്ണികൃഷ്ണൻ അധ്യക്ഷത വഹിച്ചു. പ്രിൻസിപ്പാൾ ശ്രീ ദിനേശ്.വി, ഹെഡ്മിസ്ട്രസ് ശ്രീമതി രജിത.എം.,PTA പ്രസിഡന്റ് ശ്രീമതി രജനി എ..എം. MPTA പ്രസിഡന്റ് ശ്രീമതി ഷാനി.കെ എന്നിവരും പിടിഎ അംഗങ്ങളും ജാഗ്രതാ സമിതിയുടെയും വിവിധ രാഷ്ട്രീയ കക്ഷികളുടെയും പ്രതിനിധികളും രക്ഷിതാക്കളും അധ്യാപകരും വിദ്യാർഥികളും പങ്കെടുത്തു.
സമഗ്ര ഗുണമേന്മ വിദ്യാഭ്യാസ പദ്ധതി
സമഗ്ര ഗുണമേന്മ വിദ്യാഭ്യാസ പദ്ധതിയുടെ ഭാഗമായി ജൂൺ 3 മുതൽ 12 വരെ എല്ലാ ദിവസവും ഒരു മണിക്കൂർ സമയം പ്രത്യേക ക്ലാസെടുത്തു. മയക്കുമരുന്ന് ഉപയോഗത്തിനെതിരെ ശ്രീ യുഗേഷ് മാസ്റ്ററും ട്രാഫിക് ബോധവൽക്കരണത്തെക്കുറിച്ച് ശ്രീജിത്ത് മാസ്റ്ററും വ്യക്തി ശുചിത്വത്തെക്കുറിച്ച് ഗായത്രി ടീച്ചറും ആരോഗ്യ കായിക ക്ഷമതയെ കുറിച്ച് സീമ ടീച്ചറും ക്ലാസ്സ് എടുത്തു. ഡിജിറ്റൽ അച്ചടക്കത്തെ കുറിച്ച് സതീശൻ മാസ്റ്ററും നിയമബോധത്തെക്കുറിച്ച് യുഗേഷ് മാസ്റ്ററും ക്ലാസ് എടുത്തു. സമഗ്ര ഗുണമേന്മ വിദ്യാഭ്യാസ പദ്ധതിയുടെ ഭാഗമായി ടീൻസ് ക്ലബ്ബിന്റെ നേതൃത്വത്തിൽ "നന്മ വിടരും നാളെക്കായി " എന്ന വിഷയത്തിൽ പരസ്പര സഹകരണത്തിന്റെ പ്രാധാന്യത്തെക്കുറിച്ച് ആൻസി ടീച്ചർ ക്ലാസ് നൽകി.
യോഗ ദിനം
അന്താരാഷ്ട്ര യോഗ ദിനാചരണത്തോടനുബന്ധിച്ച് പെരിങ്ങോം ഗവൺമെന്റ് ഹയർ സെക്കൻഡറി സ്കൂളിൽ എസ് പി സിയുടെയും സ്കൂൾ കൗൺസിലിംഗ് സെന്ററിന്റെയും സംയുക്താഭിമുഖ്യത്തിൽ യോഗാ പ്രദർശനവും പരിശീലനവും സംഘടിപ്പിച്ചു. യോഗാചാര്യൻ ശ്രീ കെ എം കൃഷ്ണൻകുട്ടി ക്ലാസ് നയിച്ചു. പിടിഎ പ്രസിഡണ്ട് ശ്രീമതി രജനി എ.എം ഉദ്ഘാടനം ചെയ്തു.
പലഹാരമേള
യുപി വിഭാഗം കുട്ടികളെ പങ്കെടുപ്പിച്ചുകൊണ്ട് രക്ഷിതാക്കളുടെ സഹകരണത്തോടെ പലഹാരമേള സംഘടിപ്പിച്ചു. SRG യുടെയും പോഷൺ ക്ലബ്ബിന്റെയും സൈക്കോ സോഷ്യൽ കൗൺസിലിംഗ് സെന്ററിന്റെയും നേതൃത്വത്തിലാണ് പരിപാടി സംഘടിപ്പിച്ചത്.
ബാലവേല വിരുദ്ധ ദിനം
സ്കൂളിൽ വിവിധ പരിപാടികളോടെ ബാലവേല വിരുദ്ധ ദിനം ആചരിച്ചു. HS വിഭാഗം കുട്ടികൾക്കായി നടത്തിയ EXTEMPORE മത്സരത്തിലെ വിജയികൾക്ക് സമ്മാനം വിതരണം ചെയ്തു. ബാലവേല വിരുദ്ധ പ്രതിജ്ഞ എടുത്തു.SPC യുടെ ആഭിമുഖ്യത്തിൽ "ഒറ്റാൽ " ഷോർട്ട് ഫിലിം പ്രദർശനവും നടത്തി.
വിദ്യാരംഗം കലാ സാഹിത്യ വേദി
വിദ്യാരംഗം കലാ സാഹിത്യ വേദിയുടെ ആഭിമുഖ്യത്തിൽ വായനാ പക്ഷാചരണ സമാപനവും വിവിധ ക്ലബ്ബുകളുടെ ഉദ്ഘാടനവും നടത്തി. മലയാള നാടക- സിനിമാ സംവിധായകനും, തിരക്കഥാകൃത്തുമായ ശ്രീ മനോജ് കാന ഉദ്ഘാടനം നിർവഹിച്ചു.വായന പക്ഷാചരണത്തോടനുബന്ധിച്ച് സ്കൂളിൽ നടത്തിയ വിവിധ മത്സരയിനങ്ങളിൽ പങ്കെടുത്ത കുട്ടികൾക്കുള്ള സമ്മാനദാനവും നടന്നു. പി.ടി.എ.പ്രസിഡന്റ് രജനി എ.എം അധ്യക്ഷതവഹിച്ചു. ഹെഡ്മിസ്ട്രസ് രജിത.എം. മദർ പി.ടി.എ. പ്രസിഡന്റ് ഷാനി.കെ, സീനിയർ അസിസ്റ്റന്റ് സതീശൻ.പി., സ്റ്റാഫ് സെക്രട്ടറി യുഗേഷ് കുമാർ.കെ.വി എന്നിവർ ആശംസകൾ അർപ്പിച്ചു.ശ്രീമതി ഷീനാ ബെൻ സ്വാഗതവും വിദ്യാരംഗം കൺവീനർ ലിജി കെ.എൻ നന്ദിയും പറഞ്ഞു.