ഗവ. യൂ.പി.എസ്.നേമം/തനത് പ്രവർത്തനങ്ങൾ/അക്ഷരസ്നേഹം പകർന്ന് അവർ മാതൃവിദ്യാലയത്തിലേക്ക്

ചപ്പാത്ത് മാധവവിലാസം ഐ ടി ഇ യിലെ അധ്യാപക വിദ്യാർഥികളായ ബി. അഭിരാമി, വി.എസ്. അനഘ ഗോപാൽ, എസ്. ജെ കീർത്തന, അഖിൽ ആർ, നവനീത് കെ, മരുതൂർക്കോണം പി ടി എം ഐ ടി ഇയിലെ എ.ജെ. അനിജ, ബി. രശ്മി വേണു, എ. പ്രണവ് എന്നിവർ 50 ദിവസത്തെ അധ്യാപക പരിശീലനം നമ്മുടെ വിദ്യാലയത്തിൽ പൂർത്തിയാക്കാൻ സാധിച്ചതിൽ അഭിമാനം അറിയിച്ചു. അവർക്ക് നൽകിയ യാത്രയയപ്പ് വേളയിൽ അമ്പത് ദിവസത്തെ പരിശീലനത്തിനിടയിലെ നനുത്ത അനുഭവങ്ങൾ ഒരോന്നും വിവരിച്ചു. നമ്മുടെ വിദ്യാലയത്തിനൊപ്പം സഞ്ചരിച്ച് അറിവിന്റെയും അനുഭവങ്ങളുടെയും സ്വാംശീകരണത്തിന്റെ നാളുകളായിരുന്നു, കടന്നുപോയത്. ഒന്ന്, രണ്ട് ക്ലാസുകളിലെ കുട്ടികളുടെ ഡയറിക്കുറിപ്പുകളും വർണം വാർത്താ പത്രികയുംഅവർക്ക് സമ്മാനമായി നൽകി.