ഗവ. യു പി സ്കൂൾ, നെടുമ്പ്രക്കാട്/അക്ഷരവൃക്ഷം/പ്രകൃതി നമ്മുടെ സമ്പത്ത്
പ്രകൃതി നമ്മുടെ സമ്പത്ത്
പ്രകൃതിയാണ് നമുക്ക് ജീവിക്കാനുള്ളതെല്ലാം തരുന്നത് .വായുവും ജലവും ആഹാരവും പാർപ്പിടവുംഎല്ലാം പ്രകൃതിയാണ് നൽകുന്നത് .എല്ലാ ജീവജാലങ്ങൾക്കും നിലനിൽക്കാൻ പ്രകൃതിയുടെ കനിവ് അത്യാവശ്യം തന്നെ . മരങ്ങളും പുഴകളും മലകളും എല്ലാം പ്രകൃതിയുടെ തന്നെ വരദാനമാണ് .'മരം ഒരു വരം' എന്നാണല്ലോ ചൊല്ല് .ഓരോ പ്രകൃതിവിഭവവും നമുക്ക് ഓരോ അനുഗ്രഹങ്ങളാണ് .നാം അത് കാത്തു സൂക്ഷിക്കുക തന്നെ വേണം .ഇതെല്ലാം നമുക്കേവർക്കും അറിയാവുന്ന കാര്യം തന്നെ .എന്നാൽ ഇതൊന്നും വകവെക്കാതെ പ്രകൃതിയെ ചൂഷണം ചെയ്തു കൊണ്ടിരിക്കുന്നു .ഈ ചൂഷണം ജീവജാലങ്ങൾക്കെല്ലാം ഭീഷണിയാണ് .എന്നാൽ കുട്ടികളായ നാം പ്രകൃതിയെ മുറിവേല്പിക്കാതെ നമ്മുടെ ആവശ്യങ്ങൾ നിറവേറ്റണം .അത് നമ്മുടെ കടമയാണ് .വരും തലമുറയ്ക്ക് ഈ പ്രകൃതി സമ്പത്തിൽ അവകാശമുണ്ട് . പ്രകൃതിയുടെ നിലനിൽപ്പ് നമ്മുടെ നിലനിൽപ്പിനു തുല്യമാണ് .പ്രകൃതി നമ്മുടെ അമ്മയാണ് . അതുകൊണ്ടു പ്രകൃതിയെ സംരക്ഷിക്കാനുള്ള ദൗത്യം നാം ഏറ്റെടുത്തേ മതിയാകൂ ......
|