ഗവ. എൽ പി സ്കൂൾ, കണ്ണനാംകുഴി/അക്ഷരവൃക്ഷം/ലേഖനം

ലേഖനം ഇത് കൊറോണ കാലമാണ്. ഈ ഗുരുതരാവസ്ഥയായതു കൊണ്ടാണ് സർക്കാർ ലോക്കഡോൺ ചെയ്തിട്ട് നമ്മോട് വീട്ടിലിരിക്കാൻ കർശനമായി ആവശ്യപ്പെട്ടത്. കൊറോണ വൈറസ് പൊട്ടിപ്പുറപ്പെട്ടത് ചൈനയിലെ വുഹാൻ എന്ന സ്ഥലത്തായിരുന്നു. ഒരു കൊഞ്ചു വില്പനക്കാരിയിലാണ് ഈ വൈറസ് ആദ്യമായി സ്ഥിദ്ധീകരിക്കുന്നത്. അവരിൽ നിന്ന് 7 പേരിലേൽക്കും പിന്നീട് ചൈന മുഴുവനും മറ്റു ലോക രാജ്യങ്ങളിലേക്കും ഈ വൈറസ് പടർന്നു പിടിച്ചു. അങ്ങനെ ഈ വൈറസിനെ പൊതുവായി വിളിക്കാൻ തുടങ്ങിയ പേരാണ് കോവിഡ്-19 അതായത് കൊറോണ വൈറസ് ഡിസീസ് 2019. അമേരിക്കയിലും ഇറ്റലിയിലും രോഗ ബാധിതരുടെ എണ്ണം വർദ്ധിച്ചു വരികയാണ്. പ്രതിരോധ ശക്തിയുള്ളവരെ ഇത് ബാധിച്ചാൽ കാഠിന്യം കുറവായിരിക്കും. ഈ വൈറസിനെ പ്രതിരോധിക്കുവാനുള്ള മരുന്നിനായി ഗവേഷകർ കണ്ടെത്തി കൊണ്ടിരിക്കുന്നു. പക്ഷെ ഈ മരുന്ന് വിപണിയിലെത്തിക്കുവാൻ ഏകദേശം ഒന്നര വർഷമെങ്കിലും വേണ്ടി വരുമെന്നാണ് ഗവേഷകർ സൂചിപ്പിക്കുന്നത്. ഇപ്പോൾ കൊറോണ വൈറസിനെതിനെ പ്രയോഗിച്ചു കൊണ്ടിരിക്കുന്നത് മലേറിയയുടെ മരുന്നായ ഹൈഡ്രോക്സിൻ ക്ലോറോക്കിനാണ്. ഈ മരുന്നിന്റെ കൂടുതൽ ഉൽപ്പാദനം ഇന്ത്യയിലാണ്. അതിനാൽ അമേരിക്ക പോലെയുള്ള 30-ഓളം വൻകിട രാജ്യങ്ങൾ ഈ മരുന്ന് കയറ്റുമതി ചെയ്യപ്പെടുന്നുണ്ട്. വൈറസ് ബാധയേറ്റ ആൾക്ക് 14 ദിവസം കഴിയുമ്പോൾ രോഗ ലക്ഷണം കണ്ടുതുടങ്ങും. ഇതിൻ്റെ രോഗ ലക്ഷണങ്ങൾ പനി, ചുമ, തൊണ്ടവേദന, തലവേദന, ശ്വാസം മുട്ടൽ തുടങ്ങിയവയാണ്. പക്ഷെ ഈ വൈറസിൻ്റെ രോഗ വ്യാപനം തടയാൻ നമുക്കും ചിലതൊക്കെ ചെയ്യാൻ കഴിയും. കൈകൾ ഇടയ്ക്കിടെ സോപ്പും വെള്ളവും ഉപയോഗിച്ച് വൃത്തിയായി കഴുകുക. കാരണം ഈ വൈറസ് ഒരു RNA വൈറസാണ്. ഈ വൈറസിന് ചുറ്റും ഒരു പ്രോട്ടീൻ ആവരണം നിലനിൽക്കുന്നുണ്ട്. അത് നമ്മുടെ കൈകളിൽ ഒട്ടിപ്പിടിച്ചിരിക്കാൻ വൈറസിനെ സഹായിക്കുന്നു. അതിനാൽ നമ്മൾ ഇടയ്ക്കിടെ സോപ്പും വെള്ളവും ഉപയോഗിച്ച് കൈകൾ കഴുകണം. ചുമയ്ക്കുമ്പോഴും തുമ്മുമ്പോഴും തൂവാല കൊണ്ടോ റ്റിശൂ പേപ്പർ കൊണ്ടോ മുഖം മറയ്ക്കണം. ആളുകൾ തമ്മിലുള്ള സമ്പർക്കം മൂലം വൈറസ് പെട്ടെന്ന് പടർന്നു പിടിക്കാൻ സാധ്യത ഉള്ളതിനാൽ (@@ 1 മീറ്റർ @@ ) സാമൂഹിക അകലം പാലിച്ചു വീട്ടിൽ തന്നെ കഴിയുക. ഇത് നമ്മുടെയും മറ്റുള്ളവരുടയും സുരക്ഷയെ കരുതിയാണെന്നു ഓർക്കണം ലോകാ സമസ്താ സുഖിനോ ഭവന്തു. ജയ് ഹിന്ദ്.   കൃഷ്ണപ്രിയ 4 എ ഗവ എൽ പി എസ് കണ്ണനാകുഴി മാവേലിക്കര ഉപജില്ല ആലപ്പുഴ അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Sachingnair തീയ്യതി: 01/ 05/ 2020 >> രചനാവിഭാഗം - ലേഖനം