ഗവ. എൽ പി എസ് തോന്നയ്ക്കൽ/ദിനാചരണങ്ങൾ

സ്കൂളുകളിൽ ഏറ്റവും പ്രാധാന്യത്തോടു കൂടിയും വിപുലവുമായി നടത്തുന്നവയാണ് ദിനാചരണങ്ങൾ ഓരോ ദിവസത്തെയും പ്രാധാന്യത്തെ മനസ്സിലാക്കാനും അവ ആചരിക്കേണ്ടതിൻറെ ആവശ്യകത എന്താണെന്ന് കുട്ടികൾക്ക് മനസ്സിലാക്കാനും ദിനാചരണങ്ങൾ സഹായിക്കുന്നു. നമ്മുടെ സ്കൂളിലും വളരെ പ്രാധാന്യത്തോടെ നടത്തുന്നവയാണ് ദിനാചരണങ്ങൾ. മിക്ക കുട്ടികളെയും ഉൾപ്പെടുത്തി ദിനാചരണത്തിൻറെ അന്തസത്ത ഒട്ടും ചോരാതെ ആണ് ഇവ നടപ്പിലാക്കി വരുന്നത്. ഓരോ ദിനാചരണത്തോടനുബന്ധിച്ച് പോസ്റ്റർ നിർമ്മാണം, പ്രസംഗം ,കഥകൾ, നാടകം, കവിതകൾ അങ്ങനെ ഒട്ടനവധി പ്രവർത്തനങ്ങൾ നടത്താറുണ്ട്. ഓരോ മാസത്തെയും വിശേഷദിനങ്ങൾ കണ്ടെത്തി ഓരോ അധ്യാപകനും ആ ദിനാചരണം നടത്താനുള്ള ചുമതല നൽകിയാണ് ഇവ നടപ്പിലാക്കി വരുന്നത്.