വിളിയുണ്ടരികതെന്നറിയണം നീ ,
വെറിപൂണ്ട ജീവിതം ത്യജിച്ചിടേണം.
വിധിപോൽ ദുരന്തങ്ങൾ തേടിയെത്തും ,
നീയിട്ട വിത്തുകൾ മുളയിടുമ്പോൾ.
ശുദ്ധത മനസ്സിന്നു വേണമാദ്യം പിന്നെ ,
വ്യക്തി ശുചിത്വമാണേറെ മുഖ്യം.
പ്രകൃതിയെ വിശുദ്ധമായ് കണ്കകണ്ണാൽ ,
കാലം കണക്കെടുക്കുന്ന മുന്നേ.
രോഗം ! ദുരന്തങ്ങൾ ! ആഞ്ഞുവീശും ,
ലോകം ചെറുതായി പോകുമപ്പോൾ.
ഒന്നാണ് നാമെന്ന പരമസത്യം ,
ആധിപൂണ്ടോന്നായി ചേർന്നറിയും.