കള്ളിപ്പൂച്ച കരിമ്പൂച്ച
പമ്മി പമ്മി വരുന്നേരം
വാതിൽപ്പടിയിലെ കാവൽക്കാരൻ
പാണ്ടൻ നായ മുരണ്ടീടും
പാണ്ടൻ നായെ മോങ്ങണ്ട
ഞാനും ചെറിയൊരു പുലിയാടാ
പേടിച്ചു ഓടാൻ ഞാനില്ല
പൂച്ചകൾ ഞങ്ങൾ വീരന്മാർ
എങ്കിൽ വീര്യം കാണട്ടെ
ഞാനി വീട്ടിൽ രക്ഷകനാ
വാലും പൊക്കി കണ്ണും ഉരുട്ടി
പാണ്ടൻ നായ കുരച്ചപ്പോൾ
അയ്യോ പേടിച്ച് ഓടുന്നേ
മതിലിൽ മേലെ കേറുന്നേ
ഇനിമേൽ ഈ വഴി ഞാനില്ല
നീയും ഞാനും കൂട്ടില്ല.
