ഗവ. എൽ. പി. എസ്സ്. കിളിമാനൂർ/അക്ഷരവൃക്ഷം/ പുകവലി എന്ന വില്ലൻ

പുകവലി എന്ന വില്ലൻ പുകയിലയിലും പുകയിലും നാലായിരത്തിലധികം രാസവസ്തുക്കളുണ്ടെന്നാണ് പഠനങ്ങൾ തെളിയിച്ചിട്ടുള്ളത്. അതിലേതാണ്ട് 40ൽ അധികം ഘടകങ്ങൾ മാരകമായ കാൻസർ ഉണ്ടാക്കുന്നവയാണ്. പോളിസൈക്ളിക്ക് ആരോമാറ്റിക് ഹൈഡ്രോ കാർബണുകൾ, നൈട്രോസമിനുകൾ, വിനൈൽക്ളാറൈഡ്, ആർസെനിക്ക്, നിക്കൽ തുടങ്ങിയവ പുകയിലയടങ്ങിയ പ്രധാന കാൻസർ ജന്യ വസ്തുക്കളാണ്. കൂടാതെ ശരീരത്തിന്റെ സാധാരണ പ്രവർത്തനത്തിന് വിഘാതം സൃഷ്ടിക്കുന്ന നിരവധി പദാർഥങ്ങൾ പുകയിലയിൽ അടങ്ങിയിട്ടുണ്ട്. പുകവലി മൂലമുണ്ടാകുന്ന സാമ്പത്തിക നഷ്ടം ഇതിനൊക്കെ പുറമെയാണ്. എങ്കിൽ പുകവലി നിർത്തിയേക്കാം എന്നു വിചാരിക്കുമ്പോഴാണ് മറ്റൊരു പ്രശ്നം കടന്നുവരുന്നത്. പുകയില ഉപയോഗിക്കാനും അങ്ങനെ നമ്മെ അതിനടിമയാക്കാനും കാരണക്കാരൻ നിക്കോട്ടിനാണ്. നാഡീവ്യൂഹങ്ങളെ ബാധിക്കുന്ന ഈ രാസവസ്തുവാണ് വീണ്ടും വീണ്ടും പുകവലിക്കാൻ നമ്മെ പ്രേരിപ്പിക്കുന്നത്.പുകവലി എന്നെന്നേക്കുമായി നിർത്താൻ ആഗ്രഹിക്കുന്ന ധാരാളം പുകവലിക്കാർ നമ്മുടെ ഇടയിലുണ്ട്. നിരവധി പ്രാവശ്യം. പുകവലി നിർത്താൻ ശ്രമിച്ച പരാജയപ്പെട്ടവരും ഒട്ടേറെയുണ്ട്. ഇത്തരക്കാരുടെ പ്രശ്നം അനുതാപപൂർണം കണ്ട് അവരെ സഹായിക്കേണ്ടത് സമൂഹത്തിന്റെ ബാധ്യതയാണ്. വൈഷ്‌ണവ് 4 ഗവ :എൽ .പി എസ് കിളിമാനൂർ കിളിമാനൂർ ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - sheebasunilraj തീയ്യതി: 04/ 05/ 2020 >> രചനാവിഭാഗം - ലേഖനം