ഗവ. എൽ.പി.എസ്. ആര്യനാട്/അക്ഷരവൃക്ഷം/ ലോകം നിശ്ചലം

ലോകം നിശ്ചലം മലയാളികൾക്ക് ഹർത്താൽ ഒരു പുതുമയല്ല , എന്നാൽ ലോകമൊന്നടങ്കം ഒരേ സമയം ഹർത്താൽ സംഭവിച്ചാലോ? എന്നു തീരുമെന്ന് തീർച്ചയില്ലാതെ അനിശ്ചിതമായി നീളുന്ന ഒരു ഹർത്താൽ. അങ്ങനെയൊരു ദുരിതാവസ്ഥയിലാണ് ഇന്ന് ലോകം. കൊറോണ വൈറസ് പരത്തുന്ന കോവിഡ്- 19 എന്ന രോഗം ലോകത്തെ അക്ഷരാർത്ഥത്തിൽ ലോക്ക് ഡൗൺ ആക്കിയിരിക്കുകയാണ്. ഭൂമിയിൽ സ്വഭാവിക ജനവാസമുള്ള എല്ലാ ഭൂഖണ്ഡങ്ങളിലും കോവിഡ് - 19 എത്തിക്കഴിഞ്ഞു. മാർച്ച് 25 വരെയുള്ള കണക്കനുസരിച്ച് 190 ലേറെ രാജ്യങ്ങൾ, നാലര ലക്ഷത്തിലേറെ രോഗികൾ, ഇരുപതിനായിരത്തിലേറെ മരണങ്ങൾ. കണക്കുകൾ നാൾക്കുനാൾ പെരുകുകയാണ്. രോഗത്തെ ചെറുക്കാൻ വഴിയറിയാതെ വീടിനുള്ളിൽ അടച്ചിരിക്കുകയാണ് ലോകമെങ്ങുമുള്ള ആളുകൾ. കോവിഡ്- 19 എന്ന ചികിത്സയില്ലാ രോഗത്തെ പേടിച്ചാണ് ഇന്ന് കരയും കടലും ആകാശവും ഒരുമിച്ച് വാതിലടയ്ക്കുന്നത്. ഇത്തിരിയില്ലാത്ത ഈ വൈറസിൻ്റെ മുമ്പിൽ ലോകം നിശ്ചലം ജഗന്നാഥ് ജെ പി 2 A ഗവ എൽ പി എസ് ആര്യനാട് നെടുമങ്ങാട് ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Anilkb തീയ്യതി: 05/ 05/ 2020 >> രചനാവിഭാഗം - ലേഖനം