ഗവ. എച്ച് എസ് പുളിഞ്ഞാൽ/പ്രവർത്തനങ്ങൾ/2025-26

പ്രവേശനോത്സവം

ആദ്യദിനം നിറമാർന്ന തൊപ്പിയും പുഷ്പങ്ങളും സ്റ്റിക്കറുകളും പേനയും മധുരവും നൽകി കുട്ടികളെ സ്കൂൾ അങ്കണത്തിലേക്ക് വരവേറ്റു. വാർഡ് മെമ്പർ ശ്രീമതി.ശാരദ അത്തി മുറ്റം ഉദ്ഘാടനം ചെയ്തു പി.ടി എ പ്രസിഡണ്ട് ശ്രി. അബ്ദുൾ ജബ്ബാർ സി.പി അധ്യക്ഷനായിരുന്നു യോഗത്തിൽ SMC വൈസ് ചെയർമാൻ ശ്രി. സി.പി മൊയ്തു ഹാജി, ശ്രീ.രോഹിത് മാസ്റ്റർ , ശ്രീ. രാകേഷ് മാസ്റ്റർ ശ്രീ.നാസർമാസ്റ്റർ എന്നിവർ ആശംസകൾ അറിയിച്ചു സംസാരിച്ചു. എല്ലാവർക്കും പായസ വിതരണം നടത്തി.

ഓ. ആർ. സി പദ്ധതിയുടെ ഭാഗമായുള്ള സ്കൂൾ പ്രവേശനോത്സവത്തിന്റെ ജില്ലാതല ഉദ്ഘാടനം

കേരള സർക്കാർ – വനിതാ ശിശു വികസന വകുപ്പ് – വയനാട് ജില്ലാ ശിശു സംരക്ഷണ യൂണിറ്റിന് കീഴിൽ പ്രവർത്തിക്കുന്ന ഓ. ആർ. സി പദ്ധതിയുടെ ഭാഗമായുള്ള സ്കൂൾ പ്രവേശനോത്സവത്തിന്റെ ജില്ലാതല ഉദ്ഘാടനം ജി. എച്ച്. എസ് പുളിഞ്ഞാൽ സ്കൂളിൽ വെച്ച് സംഘടിപ്പിച്ചു. പരിപാടി ജില്ലാ ശിശു സംരക്ഷണ ഓഫീസർ ശ്രീമതി കാർത്തിക അന്ന തോമസ് നിർവ്വഹിച്ചു. ശ്രീ പി.ടി ഗിരീഷ് മാസ്റ്റർ സ്വാഗതം പറഞ്ഞ യോഗത്തിന് പി.ടി എ പ്രസിഡണ്ട് അധ്യക്ഷനായി. ഉദ്ഘാടന പരിപാടിക്ക് ശേഷം ഓ. ആർ. സി ട്രെയിനർ ശ്രീ. ബിനു എം രാജൻ പോസിറ്റീവ് രക്ഷകർതൃത്വം എന്ന വിഷയത്തിൽ ക്ലാസ് എടുത്തു. പരിപാടിയിൽ രക്ഷിതാക്കളും കുട്ടികളും പങ്കെടുത്തു. കുട്ടികളുമായി ബന്ധപ്പെട്ടുള്ള സമ്മർദ്ദങ്ങളും ആശങ്കകളും എങ്ങനെ പോസിറ്റീവായി കൈകാര്യം ചെയ്യാൻ കഴിയും എന്ന വിഷയത്തിൽ മികച്ച ക്ലാസ് നൽകുവാൻ ശ്രി. ബിനു എം രാജന് സാധിച്ചു.

സ്റ്റിക്കർ ക്യാമ്പെയിൻ

വയനാട് ജില്ലാ ഓ.ആർ.സി പദ്ധതിയുടെ നേതൃത്വത്തിൽ കേരള എക്സൈസ് വകുപ്പിൻ്റെ സഹകരണത്തോടെ സ്കൂൾ പ്രവേശനോത്സവത്തിന്റെ ഭാഗമായി ജി എച്ച് എസ് പുളിഞ്ഞാൽ സ്കൂളിൽ ലഹരിക്കെതിരെ “സ്റ്റിക്കർ ക്യാമ്പെയിൻ” സംഘടിപ്പിച്ചു.ലഹരിയുടെ ചതി വഴികൾ മനസ്സിലാക്കുന്നതിനും അവയിൽ പെടാതെ നടക്കുന്നതിനുള്ള മനോഭാവം വളർത്തുന്നതിനും ഇത് സഹായകരമായി

പരിസ്ഥിതി ദിനത്തിൽ

ജൂൺ 5 ലോക പരിസ്ഥിതി ദിനത്തിൽ കേരള വനം വന്യജീവി വകുപ്പിന്റെ നേതൃത്വത്തിൽ വൃക്ഷതൈകൾ നട്ടു. ശ്രി. പി.ടി ഗിരീഷ് മാസ്റ്റർ സ്വാഗതം ചെയ്ത യോഗത്തിന് അധ്യക്ഷനായത് പി.ടി എ പ്രസിഡണ്ട് ശ്രി. അബ്ദുൾ ജബ്ബാർ സി.പി യാണ് . വാർഡ് മെമ്പർ ഷൈജി ഷിബു ഉദ്ഘാടനം ചെയ്തു തുടർന്ന് കുട്ടികൾ കൊണ്ടുവന്ന ചെടികൾ നട്ട് പൂന്തോട്ട നിർമ്മാണം തുടങ്ങി

വിത്തുണ്ട എറിയൽ

കേരള വനം വന്യജീവി വകുപ്പിന്റെ നേതൃത്വത്തിൽ സ്കൂൾ SPC യൂണിറ്റ്, നല്ല പാഠം പദ്ധതി അംഗളും ചേർന്ന് വിത്തുണ്ട തയ്യാറാക്കി. വിത്തുണ്ട എങ്ങനെ തയ്യാറാക്കുന്നു അതിൻ്റെ ആവശ്യകത എന്നിവ വനം വകുപ്പ് ഉദ്യേഗസ്ഥർ വിശദമായി കുട്ടികൾക്ക് പറഞ്ഞു കൊടുത്തു. തുടർന്ന് കാൽ നടയായി ഉൾവനത്തിലെ ജലാശയ സമീപത്ത് ഈ വിത്തുണ്ടകൾ എറിഞ്ഞു കുട്ടികൾക്ക് ഇത് വേറിട്ടൊരനുഭവമായി മാറി

പുളിഞ്ഞാൽ ജി.എച്ച്‌.എസിൽ 'നല്ലപാഠം' തുടങ്ങി

ജി.എച്ച്. എസ് പുളിഞ്ഞാലിൽ മലയാള മനോരമയുടെ സാമൂഹിക പ്രതിബദ്ധതാ പദ്ധതിയായ ‘നല്ലപാഠം’ വയനാട് ജില്ലാ പഞ്ചായത്ത്‌ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ജുനൈദ് കൈപ്പാണി ഉദ്ഘാടനം ചെയ്തു. ശ്രദ്ധേയമായ ജനകീയ വിദ്യാർഥിമുന്നേറ്റത്തിന് നേതൃത്വം നൽകുന്ന നല്ല പാഠം മാതൃകാ കൂട്ടായ്മയാണെന്ന് ജുനൈദ് കൈപ്പാണി പറഞ്ഞു. ക്ലാസ്മുറിക്കു പുറത്തുള്ള ലോകത്തെയും അറിയാനും പഠിക്കാനും സ്നേഹഭരിതമായി ഇടപെടാനും വിദ്യാർഥികളെ സജ്ജമാക്കുന്നതിൽ നവമാതൃക തീർക്കുകയാണ് നല്ലപാഠം പദ്ധതിയെന്നും ജുനൈദ് കൈപ്പാണി പറഞ്ഞു. ഗിരീഷ് ബാബു പി. ടി, അബ്ദുൽ ജബ്ബാർ, ബിന്ദു ബി.ആർ, രോഹിത് എം.കെ, ഡോ.ഷിൻസി സേവിയർ, റെനിമോൾ പി.ജെ, ശ്രീന പ്രിയ, ദൃശ്യ ആർ, ജിൽജിത് എസ് തുടങ്ങിയവർ സംസാരിച്ചു.

വിജയോത്സവം 2025

ജി.എച്ച്.എസ് പുളിഞ്ഞാലിൽ സംഘടിപ്പിച്ച വിജയോത്സവം 2025 വയനാട് ജില്ലാ പഞ്ചായത്ത് ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ശ്രീ.ജുനൈദ് കൈപ്പാണി ഉദ്ഘാടനം ചെയ്തു. ഹെഡ്മിസ്ട്രസ്സ് ശ്രീമതി. അശ്വതി കെ ഐ സ്വാഗതം ആശംസിച്ച ചടങ്ങിൽ, പി.ടി.എ പ്രസിഡൻ്റ് ശ്രീ.അബ്ദുൾ ജബ്ബാർ സി.പി അധ്യക്ഷത വഹിച്ചു. എസ്.എസ്.എൽ.സി പരീക്ഷയിൽ ഉന്നത വിജയം നേടിയ വിദ്യാർത്ഥികൾക്ക് പി.ടി.എയും പ്രവാസി കൂട്ടായ്മയും തയ്യാറാക്കിയ ഉപഹാരങ്ങൾ മുൻ ഹെഡ്മിസ്ട്രസ്സ് ശ്രീമതി. ഉഷാകുമാരി പി കെ കൈമാറി.

ഗ്രാമപഞ്ചായത്ത് അംഗങ്ങളായ ശ്രീമതി.ശാരദ അത്തിമുറ്റം, ശ്രീമതി. ഷൈജി ഷിബു എന്നിവർ ആശംസ അറിയിച്ചു സംസാരിച്ചു.

'അക്ഷരഖനി' വായനശാല പ്രതിനിധികളായ ശ്രീ.അമ്മദ്,ശ്രീ.ഫിലിപ്പ്, അധ്യാപകരായ ശ്രീ.നാസർ കെ. എം, ശ്രീ.ഗിരീഷ് പി. ടി, പ്രവാസി പ്രതിനിധികളായ ശ്രീ.സമദ്, ശ്രീ.മമ്മൂട്ടി തുടങ്ങിയവരും ആശംസ അറിയിച്ചു. സീനിയർ അസിസ്റ്റന്റ് ശ്രീമതി. ബിന്ദു ബി ആർ നന്ദി പറഞ്ഞു.

മിഷൻ FFW' എന്ന പദ്ധതിയുടെ ഭാഗമായി'വിത്തൂട്ട്' സംഘടിപ്പിച്ചു.

പുളിഞ്ഞാൽ ഗവൺമെന്റ് ഹൈസ്കൂളും വെള്ളമുണ്ട ഫോറസ്റ്റ് സെക്ഷൻ ഓഫീസും സംയുക്തമായി'മിഷൻ FFW'(food fodder water)എന്ന പദ്ധതിയുടെ ഭാഗമായി'വിത്തൂട്ട്' സംഘടിപ്പിച്ചു. പരിസ്ഥിതി ദിനാചരണത്തിന്റെ ഭാഗമായി പുളിഞ്ഞാൽ ഗവൺമെന്റ് ഹൈസ്കൂളിലെ നല്ലപാഠം വിദ്യാർത്ഥികളും, എസ് പി സി യുണിറ്റും, വെള്ളമുണ്ട ഫോറസ്റ്റ് സെക്ഷൻ ഓഫീസും സംയുക്തമായി നിർമ്മിച്ചുവച്ചിരുന്ന വിത്തുണ്ടകൾ  വെള്ളമുണ്ട ഫോറസ്റ്റ് സെക്ഷൻ പരിധിയിലെ കുരിശുമുടി ഭാഗത്ത് നിക്ഷേപിച്ചു. പുളിഞ്ഞാൽ ഗവണ്മെന്റ് ഹൈസ്കൂളിലെ പരിസ്ഥിതി ക്ലബ്‌ അംഗങ്ങൾ ആണ് വിത്തൂട്ടിനായി വെള്ളമുണ്ട കുരിശുമുടി മല കയറിയത്. വെള്ളമുണ്ട പഞ്ചായത്ത്‌ രണ്ടാം വാർഡ് മെമ്പർ ശ്രീമതി.രാധ പരിപാടി ഉദ്ഘാടനം ചെയ്തു. ഹെഡ്‌മിസ്ട്രസ് അശ്വതി കെ ഐ,സെക്ഷൻ ഫോറസ്റ്റ് ഓഫീസർ കെ കെ സുരേന്ദ്രൻ,വനസംരക്ഷണ സമിതി പ്രസിഡന്റ്‌ വിജയൻ എന്നിവർ വിദ്യാർത്ഥികളോട് വിത്തൂട്ടിന്റെ പ്രാധാന്യം, ലക്ഷ്യം എന്നിവയെക്കുറിച്ചു സംവദിച്ചു.ബീറ്റ് ഫോറസ്റ്റ്‌ ഓഫീസർമാരായ ബിജീഷ് പി.കെ,മനോജ്‌ കുമാർ,കൃഷ്ണനുണ്ണി, ശരത് പി പി, വാച്ചർമാരായ സ്റ്റീഫൻ കെ സി, അച്ചപ്പൻ, വിജയൻ, മനാഫ്, ബാബു അധ്യാപകരായ രോഹിത് എം കെ, ജിൽജിത് എസ്, വിനോദൻ കെ, ഷിൻസി സേവിയർ എന്നിവർ പങ്കെടുത്തു.'വിത്തൂട്ട്' കുട്ടികൾക്ക് പുതിയൊരു അറിവും അനുഭവവുമായി മാറി.

യോഗ പരിശീലനം നടത്തി

ഗവണ്മെന്റ് ഹൈസ്കൂൾ പുളിഞ്ഞാലിൽ യോഗ ദിനത്തോടനുബന്ധിച്ച്  വെള്ളമുണ്ട ഗവ: ആയുർവേദ ഡിസ്‌പെൻസറി യുടെ സഹകരണത്തോടെ യോഗ പരിശീലനം നടത്തി.  ആയുർവേദ ഡോക്ടർ  റൈസയുടെ നേതൃത്വത്തിൽ എട്ട്, ഒൻപത്  ക്ലാസ്സുകളിലെ കുട്ടികൾക്കും  'നല്ല പാഠം' അംഗങ്ങൾക്കുമാണ്  പരിശീലനം നൽകിയത്.    ശ്രീ. ഗിരീഷ് പി ടി  സ്വാഗതം പറഞ്ഞ യോഗത്തിൽ  അധ്യക്ഷത വഹിച്ചത് പി ടി എ പ്രസിഡന്റ്   ശ്രീ അബ്ദുൽ ജബ്ബാറായിരുന്നു.  ഡോക്ടർ സിജോ കുര്യൻ, ശ്രീ. നാസർ, ശ്രീ. ജിൽജിത്, ശ്രീ രോഹിത് ശ്രീ. രാകേഷ് എന്നിവരും ആശംസകൾ അറിയിച്ചു സംസാരിച്ചു.

ലൈബ്രറി സന്ദർശനം നടത്തി.

പുളിഞ്ഞാൽ ഗവൺമെന്റ് ഹൈസ്കൂളിലെ വായന വാരാഘോഷത്തിന്റെ ഭാഗമായി,'അക്ഷരഖനി' ഗ്രന്ഥാലയത്തിന്റെ സഹകരണത്തോടെ ലൈബ്രറി സന്ദർശനം നടത്തി.ഹെഡ്മിസ്ട്രസ്സ് ശ്രീമതി.അശ്വതി കെ ഐ നേതൃത്വം നൽകി.പി ടി എ പ്രസിഡന്റ് ശ്രീ.അബ്ദുൽ ജബ്ബാർ,ശ്രീ ഹഷിം, ശ്രീ.ബൈജു തുടങ്ങിയവർ ആശംസകൾ അറിയിച്ചു.വിദ്യാലയത്തിലെ മുഴുവൻ വിദ്യാർത്ഥികളും, 'നല്ലപാഠം' ക്ലബ്ബ് അംഗങ്ങളും, അധ്യാപകരും, പരിപാടിയിൽ പങ്കെടുത്തു.വായനയുടെ ,പ്രാധാന്യം, ലൈബ്രറി പ്രവർത്തന രീതി എന്നിവയെക്കുറിച്ച് ലൈബ്രേറിയൻ ശ്രീ അമ്മദ് കമ്പ, അധ്യാപകരായ ശ്രീ നാസർ കെ എം, രാഗേഷ് ഇ എം തുടങ്ങിയവർ സംസാരിച്ചു.

ക്ലബ്ബുകളുടെ ഉദ്ഘാടനവും മുഖാമുഖം പരിപാടിയും സംഘടിപ്പിച്ചു.

വെള്ളമുണ്ട: പുളിഞ്ഞാൽ ഗവ.ഹൈസ്കൂളിൽ വായനാ പക്ഷാചരണത്തിൻ്റെ ഭാഗമായി വിദ്യാരംഗം ഉൾപ്പടെയുള്ള വിവിധ ക്ലബ്ബുകളുടെ ഉദ്ഘാടനം എഴുത്തുകാരൻ ഷാജി പുൽപ്പള്ളി നിർവ്വഹിച്ചു.   എഴുത്തു ജീവിതത്തെക്കുറിച്ചും സമകാലിക സഹിത്യത്തെക്കുറിച്ചും എഴുത്തുകാരൻ കുട്ടികളുമായി സംവദിച്ചു. വായന പക്ഷാചാരണത്തിൻ്റെ ഭാഗമായി കുട്ടികൾ തയ്യാറാക്കിയ കയ്യെഴുത്തു മാസികകളുടെ പ്രകാശനവും ചടങ്ങിൽ നടന്നു. ശ്രീ. ജിൽജിത്  അധ്യക്ഷത വഹിച്ചു. പ്രധാനാദ്ധ്യാപിക അശ്വതി കെ.ഐ, അധ്യാപകരായ റെനിമോൾ, ഡോ.ഷിൻസി സേവിയർ എന്നിവർ ആശംസകൾ നേർന്നും. ശ്രീമതി ബിന്ദു ബി ആർ ചടങ്ങിന് നന്ദി പറഞ്ഞു. വിദ്യാർത്ഥികളായ ലംന ഫാത്തിമ, നാജിയ ഫാത്തിമ, മുഹമ്മദ്‌ ഡാനിഷ്, ഷാനിഫ്, മുഹമ്മദ്‌ റഹാൻ എന്നിവർ സംവാദത്തിനു നേതൃത്വം നൽകി

മഴമാപിനികൾ വിതരണം ചെയ്തു

ഹ്യൂം സെന്റർ ഫോർ ഇക്കോളജി ആൻഡ് വൈൽഡ്‌ലൈഫ് ബയോളജി വയനാട്ടിലെ 15 സ്കൂളുകളിൽ നടത്തിവരുന്ന ക്ലൈമറ്റ് കേഡറ്റ് പ്രോഗ്രാമിന്റെ ഭാഗമായി ജി.എച്ച്.എസ്. പുളിഞ്ഞാൽ സ്കൂളിലെ ക്ലൈമറ്റ് കേഡറ്റുകളയി തിരഞ്ഞെടുത്ത 10 കുട്ടികൾക്ക് മഴമാപിനികൾ വിതരണം ചെയ്തു. കൂടാതെ കഴിഞ്ഞ വർഷം വിപ്രോയുടെ എർത്തിയാൻ പ്രോഗ്രാമിൽ പങ്കെടുത്ത 10 കുട്ടികൾക്ക് പാർട്ടിസിപേഷൻ സർട്ടിഫിക്കറ്റും നൽകി

"ഉജ്ജ്വലം" MLA Excellence Award 2025

മാനന്തവാടി നിയോജകമണ്ഡലം സമഗ്ര ഗുണമേന്മ വിദ്യാഭ്യാസ പദ്ധതി ഉജ്ജ്വലം അവാർഡ് ഏറ്റുവാങ്ങി 2024 25 വർഷത്തെ മികച്ച നൽകുന്ന "ഉജ്ജ്വലം" MLA Excellence Award 2025 മാനന്തവാടി GVHSS സ്കൂളിൽ വെച്ച് നടന്ന ചടങ്ങിൽ പുളിഞ്ഞാൽ ഗവ. ഹൈസ്കൂൾ ഏറ്റുവാങ്ങി

ജി എച്ച് എസ് പുളിഞ്ഞാലിന്റെ ഓൺലൈൻ റേഡിയോ

"കുട്ടിക്കൂട്ടം"

ജി എച്ച് എസ് പുളിഞ്ഞാലിൽ 'കുട്ടിക്കൂട്ടം' ഓൺലൈൻ റേഡിയോയിലൂടെ കുട്ടികൾ വിവിധ പരിപാടികൾ തയാറാക്കി അവതരിപ്പിച്ചു വരുന്നു. വിവിധ ദിനാചരണങ്ങളുടെ ഭാഗമായി വിവരണം, ക്വിസ് ചോദ്യങ്ങൾ , കഥകൾ , കവിതകൾ തുടങ്ങി സർഗ്ഗശേഷി പോഷിപ്പിയ്ക്കുന്നതരത്തിൽ പരിപാടികൾ കുട്ടികൾ തന്നെ തയാറാക്കി റെക്കോർഡ് ചെയ്തു അവതരിപ്പിക്കുന്നു "നിങ്ങൾ കേൾക്കുന്നത് കുട്ടിക്കൂട്ടം ജി എച്ച് എസ് പുളിഞ്ഞാലിന്റെ ഓൺലൈൻ റേഡിയോ"

കപ്പാസിറ്റി ബിൽഡിംഗ് പ്രോഗ്രാം സംഘടിപ്പിച്ചു

ഓ.ആർ.സി പദ്ധതിയുടെ ഭാഗമായി പുളിഞ്ഞാൽ ഗവൺമെന്റ് ഹൈസ്‌കൂളിൽ 'സെക്ഷ്വൽ ഹെൽത്ത് ആൻഡ് റീപ്രൊഡക്ടീവ് വെൽനെസ്സ് 'എന്ന വിഷയത്തിൽ കപ്പാസിറ്റി ബിൽഡിംഗ് പ്രോഗ്രാം സംഘടിപ്പിച്ചു. ഓ.ആർ.സി ട്രെയിനർ അർഷ സിപി ക്ലാസ്സിന് നേതൃത്വം നൽകി. അശ്വതി കെ.ഐ, ഷിൻസി സേവിയർ,ശ്രീനപ്രിയ എംപി, ഗിരീഷ് പിറ്റി തുടങ്ങിയവർ സംസാരിച്ചു

സ്വാതന്ത്ര്വദിനം വർണ്ണാഭമായി ആഘോഷിച്ചു

പുളിഞ്ഞാൽ ഗവൺമെന്റ് ഹൈസ്കൂളിൽ സ്വാതന്ത്ര്വദിനം വർണ്ണാഭമായി ആഘോഷിച്ചു. സീനിയർ അധ്വാപകൻ നാസർ കെ.എം പതാക ഉയർത്തി. വാർഡ് മെമ്പർ ഷൈജി ഷിബു ഉദ്ഘാടനം ചെയ്തു. പിടിഎ പ്രസിഡന്റ് സിറാജ് അധ്യക്ഷനായി. ഹെഡ്മിസ്ട്രസ് അശ്വതി കെ.ഐ, എസ് എംസി ചെയർമാൻ ജബ്ബാർ, പി ടി എ വൈസ് പ്രസിഡന്റ് ഷമീർ, സി.പി. മൊയ്തീൻ ഹാജി എന്നിവർ സംസാരിച്ചു. സർവീസിൽ ഉള്ളതും പിരിഞ്ഞതുമായ സൈനികരെയും മുതിർന്ന പൗരന്മാരെയും ആദരിച്ചു. മാധ്വമം വെളിച്ചം പദ്ധതിയുടെ ഉദ്ഘാടനം നടത്തി. കലാപരിപാടികളും പായസവിതരണം നടത്തി.

പ്രീ പ്രൈമറി സ്വാതന്ത്ര്യ ദിനാഘോഷം

ഗവ ഹൈസ്കൂൾ പുളിഞ്ഞാലിൽ പ്രീ പ്രൈമറി സ്വാതന്ത്ര്യ ദിനാഘോഷം വർണാഭമായി ആഘോഷിച്ചു.UKG വിദ്യാർത്ഥി മുഹമ്മദ് P സ്വാഗതം പറഞ്ഞ ചടങ്ങിൽ HM ശ്രീമതി അശ്വതി അധ്യക്ഷ സ്ഥാനം അലങ്കരിച്ചു. PTA പ്രസിഡൻ്റ് ശ്രീ സിറാജ് ഉദ്ഘാടന കർമം നിർവ്വഹിച്ചു. പി.ടി.എ വൈസ് പ്രസിഡൻ്റ് ശ്രീ ഷമീർ ആശംസ അറിയിച്ച ചടങ്ങിൽ പ്രീ പ്രൈമറി അധ്യാപിക ശ്രീമതി സംപ്രീന നന്ദി അറിയിച്ചു. UKG വിദ്യാർത്ഥി അൽവിത് ഫിദാൻ്റെ സ്വാതന്ത്ര്യ ദിന സന്ദേശത്തോടെ കുട്ടികളുടെ കലാപരിപാടികളും മധുര വിതരണവും, സമ്മാന വിതരണവും നടന്നു.

സ്കൂളമ്മക്ക്_ഗ്രാമാദരവസ്ത്രം

സ്കൂൾ പാചക തൊഴിലാളികൾക്ക് District Panchayath Vellamunda Division ന്റെ ഗ്രാമാദരവസ്ത്രം അന്നം തരുന്നവരെ ആദരിക്കുക,ഏത് തൊഴിലിനെയും തൊഴിലാളിയെയും ബഹുമാനിക്കുക,സഹജീവികളെ ചേർത്തുനിർത്തുക,അവരുടെ സുഖദുഃഖങ്ങളിൽ പങ്കുചേരുക എന്നീ സന്ദേശങ്ങൾ കുട്ടികൾക്ക് നൽകുന്നതിനായിട്ടാണ് പള്ളിക്കൂടം ടിവിയുമായി സഹകരിച്ച് പരിപാടി സംഘടിപ്പിച്ചിട്ടുള്ളത്.

ത്രിദിന എസ്പിസി ഓണം ക്യാമ്പ് ' ഋതം 2K25 'സംഘടിപ്പിച്ചു.

ത്രിദിന എസ്പിസി ഓണം ക്യാമ്പ് - ഋതം 2K25- 27/8/2025-ന് രാവിലെ വയനാട് ജില്ലാ പഞ്ചായത്ത് ക്ഷേമ കാര്യ സ്റ്റാൻഡിംഗ് കമ്മറ്റി ചെയർ പേഴ്സൺ ഉദ്ഘാടനം നിർവ്വഹിച്ചു. വെള്ളമുണ്ട പോലീസ്‌സ്റ്റേഷൻ സബ്-ഇൻസ്പെക്ടർ വിനോദ് തോമസ് ഫ്ലാഗ് ഹോസ്റ്റിംഗ് നടത്തി. ചടങ്ങിൽ ഹെഡ്മിസ്ട്രസ് -ഇൻ-ചാർജ് ബിന്ദു ബി.ആർ സ്വാഗതം ആശംസിച്ചു.പിടി എ വൈസ് പ്രസിഡന്റ് : ഷമീർ അധ്യക്ഷത വഹിച്ചു.എസ് എം സി ചെയർമാൻ - ജബ്ബാർ സി.പി, മദർപി.ടി.എ പ്രസിഡന്റ് ഹാജറ. ഡി ഐ മിഥുൻ, സി പി ഒ ഗിരിഷ് പി ടി, എ സി പി ഒ ഡിംപിൾ തോമസ്, അധ്യാപകരായ ജിൽജിത്ത് എസ്,നാസർകെ, റെനിമോൾ പി.ജെ, ശ്രീന പ്രിയ, ദൃശ്യ ആർ, രാഗേഷ് കൗൺസിലർ അശ്വതി എന്നിവർ നേതൃത്വം നല്കി. സ്റ്റാഫ് സെക്രട്ടറി രോഹിത്ത് എം കെ നന്ദി പ്രകാശിപ്പിച്ചു. 29/08/ 25 ന് ക്യാമ്പ് അവസാനിച്ചു.

ഓണാഘോഷം ഉപ്പേരി'25 സംഘടിപ്പിച്ചു .

ജിഎച്ച്എസ് പുളിഞ്ഞാലിലെ ഓണാഘോഷം ഗംഭീരമായി ആഘോഷിച്ചു. കുട്ടികളും അധ്യാപകരും ചേർന്ന് മെഗാ പൂക്കളം തീർത്തു. പൂക്കളത്തിൽ നാട്ടു പുഷ്പങ്ങൾ ഉപയോഗിച്ചത് വളരെ ശ്രദ്ധേയമായി. കുട്ടികൾക്കായി പല ഓണക്കളികളും സംഘടിപ്പിച്ചു. കസേരകളി, മിഠായി പെറുക്കൽ ,സുന്ദരിക്ക് പൊട്ട് തൊടൽ, കുപ്പിയിൽ വെള്ളം നിറയ്ക്കൽ എന്നിങ്ങനെ നിരവധി കളികളിൽ കുട്ടികൾ പങ്കെടുത്തു. ശേഷം ഓണസദ്യയും പായസവും നൽകി. സ്കൂളിലെ ആറാം ക്ലാസുകാരൻ മുഹമ്മദ് റിഹാൻ മാവേലിയായി വേഷമണിഞ്ഞു.

വിദ്യാർഥിനികൾക്കായി ബോധവത്കരണ ക്ലാസ്സ്‌ സംഘടിപ്പിച്ചു.

കേരള സർക്കാർ വനിത ശിശു വികസന വകുപ്പ് -ജില്ലാ വനിത ശിശു വികസന ഓഫീസ് വയനാട് ഡിസ്ട്രിക്റ്റ് സങ്കൽപ് ഹബ്ബ് ഫോർ എംപവർമെന്റ് ഓഫ് വുമൺ - 10 ദിന പ്രത്യേക ബോധവത്കരണ ക്യാമ്പയിനിന്റെ ഭാഗമായി 'Preventing Common Health Issues in Adolescent Girls: Focus on Anaemia and Cancer- Awareness, Prevention & Early Detection' എന്ന വിഷയത്തിൽ 15/09/2025 നു രാവിലെ 11.00 ന് ജി എച്ച് എസ് പുളിഞ്ഞാൽ സ്കൂളിലെ ഹൈ സ്കൂൾ വിഭാഗം വിദ്യാർഥിനികൾക്കായി ബോധവത്കരണ ക്ലാസ്സ്‌ സംഘടിപ്പിച്ചു. ഹെൽത്ത് ഡിപ്പാർട്ട്മെൻ്റ് സ്റ്റാഫ്മാരായ ശ്രീമതി. ശ്രീതിഷ (JHI), ശ്രീമതി. നിഷ (MLSP), ശ്രീമതി. ദിവ്യ (JPHN) എന്നിവർ ക്ലാസ്സ്‌ കൈകാര്യം ചെയ്തു. അനീമിയ/വിളർച്ച എന്താണ് എന്നും ആയതിന്റെ ലക്ഷണങ്ങൾ എന്തൊക്കെയാണ് എന്നും കൗമാര കാലഘട്ടത്തിൽ ശ്രദ്ധിക്കേണ്ട ഘടകങ്ങൾ എന്തൊക്കെ എന്നും, എന്തൊക്കെ തരത്തിലുള്ള ഭക്ഷണ സാധനങ്ങൾ കഴിക്കണം എന്നും പറഞ്ഞു നൽകി. സ്കൂളുകളിൽ വിതരണം ചെയ്യുന്ന അയെൺ ഗുളികയുടെ പ്രാധാന്യവും ആയത് കഴിക്കുമ്പോൾ ശ്രദ്ധിക്കേണ്ട കാര്യങ്ങൾ , വിളർച്ചയെ തടയുവാൻ ഏതൊക്കെ ഘടകങ്ങൾക്ക് പ്രാധാന്യം നൽകണം എന്നും വ്യക്തമായി പറഞ്ഞു നൽകി. കൂടാതെ ആർത്തവ സമയത്ത് ശ്രദ്ധിക്കേണ്ട കാര്യങ്ങളും പറഞ്ഞു. സ്ത്രീകളിൽ പൊതുവായി കാണുന്ന കാൻസർ രോഗങ്ങളെ കുറിച്ചും അവ എങ്ങനെ മനസ്സിലാക്കാം എന്നതിനെക്കുറിച്ചും സംസാരിക്കുകയും രോഗപ്രതിരോധ മാർഗങ്ങളുടെ പ്രാധാ ന്യത്തേക്കുറിച്ച് വിദ്യാർത്ഥികളെ അവബോധരാക്കുകയും ചെയ്തു. 62 കുട്ടികൾ ക്ലാസ്സിൽ പങ്കെടുത്തു.

ലോക മാനസികാരോഗ്യ ദിനത്തോടനുബന്ധിച്ചു വിവിധ പരിപാടികൾ സംഘടിപ്പിച്ചു.

ഗവൺമെന്റ് ഹൈസ്കൂൾ പുളിഞ്ഞാൽ, ഒക്ടോബർ 10 ലോക മാനസികാരോഗ്യ ദിനത്തോടനുബന്ധിച്ചു ഗവൺമെന്റ് ഹൈസ്കൂൾ പുളിഞ്ഞാൽ സൈക്കോ-സോഷ്യൽ പദ്ധതി, ഒ. ആർ. സി. എന്നിവയുടെ ആഭിമുഖ്യത്തിൽ വിദ്യാർഥികൾക്കായി ക്വിസ് മത്സരം, പ്രബന്ധ രചന മത്സരം, ചിത്ര രചന മത്സരം, കുട്ടിക്കൂട്ടം:സ്കൂൾ ഓൺലൈൻ റേഡിയോ അവതരണം, വീഡിയോ പ്രദർശനം, ബോധവത്കരണ ക്ലാസ്സ്‌ തുടങ്ങി വിവിധ പരിപാടികൾ സംഘടിപ്പിച്ചു.

വിദ്യാർഥികൾക്കായി ബോധവത്കരണ ക്ലാസ്സ്‌ സംഘടിപ്പിച്ചു.

കേരള സർക്കാർ വനിത ശിശു വികസന വകുപ്പ് -ജില്ലാ വനിത ശിശു വികസന ഓഫീസ് വയനാട് ഡിസ്ട്രിക്റ്റ് സങ്കൽപ് ഹബ്ബ് ഫോർ എംപവർമെന്റ് ഓഫ് വുമൺ - 10 ദിന പ്രത്യേക ബോധവത്കരണ ക്യാമ്പയിനിന്റെ ഭാഗമായി " Awareness and Complaince for POCSO Act "എന്ന വിഷയത്തിൽ 11/09/2025 നു രാവിലെ 11:00 ന് ഗവണ്മെന്റ് ഹൈ സ്കൂൾ പുളിഞ്ഞാലിലെ വിദ്യാർഥികൾക്കായി ബോധവത്കരണ ക്ലാസ്സ്‌ സംഘടിപ്പിച്ചു. സൈക്കോ സോഷ്യൽ സ്കൂൾ കൗൺസിലർ കുമാരി. അശ്വതി വി ക്ലാസ്സ്‌ കൈകാര്യം ചെയ്തു. പോക്സോ നിയമത്തെ കുറിച്ചും അതിന്റെ വകുപ്പുകളെക്കുറിച്ചും Good touch - Bad touch എന്താണ് എന്നും, Relationship Boundaries നെ കുറിച്ചും, Assertive നെ കുറിച്ചും കുട്ടികൾക്ക് വിവരിച്ചു നൽകി. 81 കുട്ടികൾ ക്ലാസ്സിൽ പങ്കെടുത്തു.

ലോക മാനസികാരോഗ്യ ദിനത്തോടനുബന്ധിച്ചു വിവിധ പരിപാടികൾ സംഘടിപ്പിച്ചു.

ഗവൺമെന്റ് ഹൈസ്കൂൾ പുളിഞ്ഞാൽഒക്ടോബർ 10 ലോക മാനസികാരോഗ്യ ദിനത്തോടനുബന്ധിച്ചു ഗവൺമെന്റ് ഹൈസ്കൂൾ പുളിഞ്ഞാൽ സൈക്കോ-സോഷ്യൽ പദ്ധതി, ഒ. ആർ. സി. എന്നിവയുടെ ആഭിമുഖ്യത്തിൽ വിദ്യാർഥികൾക്കായി ക്വിസ് മത്സരം, പ്രബന്ധ രചന മത്സരം, ചിത്ര രചന മത്സരം, കുട്ടിക്കൂട്ടം:സ്കൂൾ ഓൺലൈൻ റേഡിയോ അവതരണം, വീഡിയോ പ്രദർശനം, ബോധവത്കരണ ക്ലാസ്സ്‌ തുടങ്ങി വിവിധ പരിപാടികൾ സംഘടിപ്പിച്ചു.

ബോധവത്കരണ ക്ലാസും യോഗ പരിശീലനവും സംഘടിപ്പിച്ചു

ഗവൺമെന്റ് ഹൈസ്കൂൾ പുളിഞ്ഞാൽ സൈക്കോ-സോഷ്യൽ പദ്ധതിയും ഒ.ആർ.സി യും സംയുക്തമായി ഒക്ടോബർ 13-ന് രാവിലെ 11 മണിക്ക് വിദ്യാർത്ഥികൾക്കായി ‘PRANAAH: Awareness Class and Yoga Practice’ എന്ന പരിപാടി സംഘടിപ്പിച്ചു. പ്രധാനാധ്യാപിക ശ്രീമതി സ്മിത ടീച്ചർ പരിപാടിക്ക് സ്വാഗതം പറഞ്ഞു. ഗവണ്മെന്റ് ആയുർവേദ ഡിസ്പെൻസറി, വെള്ളമുണ്ടയിലെ യോഗ ഇൻസ്ട്രക്ടർ ഡോ. റൈസ കെ. എസ്. ബോധവത്കരണ ക്ലാസും യോഗ പരിശീലനവും നയിച്ചു. യോഗയുടെ ദൈനംദിന ജീവിതത്തിലെ പ്രായോഗിക പ്രാധാന്യത്തെയും, നല്ല മാനസികാരോഗ്യം നിലനിർത്തുന്നതിൽ അതിന്റെ പങ്കിനെയും ഡോക്ടർ വിശദീകരിച്ചു. തുടർന്ന് വിദ്യാർത്ഥികൾക്ക് വിവിധ യോഗാസനങ്ങൾ പരിചയപ്പെടുത്തി പരിശീലനവും നൽകി.തുടർന്ന് വിദ്യാർത്ഥികളുടെ സംശയങ്ങൾ ദൂരീകരിക്കുകയും ഫീഡ്ബാക്ക് സ്വീകരിക്കുകയും ചെയ്തു.സൈക്കോ-സോഷ്യൽ സ്കൂൾ കൗൺസിലർ കുമാരി അശ്വതി വി. നന്ദി രേഖപ്പെടുത്തി

ലുമിനാര 2k25 ജി എച് എസ് പുളിഞ്ഞാലിന്റെ കലയുടെ ഉത്സവം.

ഒക്ടോബർ 15, 16 തിയ്യതികളിലായി ജി എച് എസ് പുളിഞ്ഞാലിലെ വിദ്യാർത്ഥികളുടെ കഴിവുകളുടെയും സ്വപ്നങ്ങളുടെയും പൊൻ തൂവൽ വിരിയിച്ച കലോത്സവ ദിനങ്ങൾ ആയിരുന്നു. കലാ സൗന്ദര്യത്തിന്റെയും യുവത്വത്തിന്റെയും മഹാസംഗമ വേദി. വയനാടിന്റെ സ്വന്തം ഗായിക, ടെലി റിയാലിറ്റി ഷോകളുടെ പ്രിയ താരം ശ്രീമതി അഞ്ജന എസ് കുമാർ "ലുമിനാര 2K25" ന്റെ ഉദ്ഘാടനം മനോഹരമായ പാട്ടിലൂടെ നിർവഹിച്ചു. " ലുമിനാര 2K25" രണ്ടു ദിവസങ്ങളിലായി മൂന്നു വേദികളിൽ കുട്ടികളുടെ കലാപ്രയാണം, സർഗാത്മകതയുടെ മഹോത്സവം, ആനന്ദത്തിന്റെ ഉത്സവത്താൽ നിറഞ്ഞു. PTA പ്രസിഡന്റ്‌ ശ്രി. സിറാജ്, MPTA പ്രസിഡന്റ്‌, പിടിഎ എക്സിക്യൂട്ടീവ് അംഗങ്ങൾ എന്നിവരുടെ സജീവ സാന്നിധ്യം കൊണ്ടും കലാമേള ശ്രദ്ധേയമായി. അഞ്ജന ടീച്ചർ തന്റെ ശബ്ദ മധുര്യത്താൽ കുട്ടികളെ ആനന്ദത്തിലാറാടിച്ചു. ടീം Fighters ഒന്നാം സ്ഥാനവും, ടീം warriors രണ്ടാം സ്ഥാനവും നേടി. HM ശ്രീമതി സ്മിത പി പൗലോസ് വിജയികൾക്ക് ട്രോഫികൾ സമ്മാനിച്ചു. എല്ലാ ടീം ചാർജുള്ള അധ്യാപകരുടെ നേതൃത്വത്തിൽ കുട്ടികൾ മികവാർന്ന പ്രകടനങ്ങൾ കാഴ്ച വച്ചു.

പാഠം ഒന്ന് പഴമയെ അറിയാം - പുളിഞ്ഞാൽ ഗവണ്മെന്റ് ഹൈസ്കൂൾ നല്ലപാഠം ക്ലബ്ബിന്റെ ലഹരി വിരുദ്ധ പ്രവർത്തനം

പുളിഞ്ഞാൽ ഗവണ്മെന്റ് ഹൈസ്കൂൾ നല്ലപാഠം ക്ലബ്ബിന്റെ ആഭിമുഖ്യത്തിൽ സ്കൂൾ തലത്തിൽ` പാഠം ഒന്ന് - പഴമയെ അറിയാം ' ലഹരി വിരുദ്ധ സന്ദേശം കുട്ടികളിൽ എത്തിക്കാൻ പണ്ടുകാലങ്ങളിൽ സ്കൂളുകളിൽ കുട്ടികൾ കളിച്ചു കൊണ്ടിരുന്ന` ചട്ടി പാസ്സ് 'നടത്തി. കുട്ടികൾക്ക് ഇതൊരു പുതിയ അറിവും അനുഭവവും ആയിരുന്നു. HM സ്മിത പി പൗലോസ് കുട്ടികൾക്ക് ലഹരിവിരുദ്ധ സന്ദേശം നൽകി. ശിവാനി കൃഷ്ണ ലഹരി വിരുദ്ധ പ്രതിജ്ഞ ചൊല്ലിക്കൊടുത്തു. കുട്ടികൾ പ്രതിജ്ഞ എടുത്തു ചട്ടി പാസ്സിൽ പങ്കെടുത്തു. അധ്യാപകനായ ജിൽജിത് എസ് കുട്ടികൾക്ക് വേണ്ട നിർദേശങ്ങൾ നൽകി.

നാടൻ വിഭവങ്ങളുടെ ഫുഡ് ഫെസ്റ്റും പാഴ്‌വസ്തുക്കൾ കൊണ്ടു നിർമ്മിച്ച ഉൽപ്പന്നങ്ങളുടെ പ്രദർശനവും സംഘടിപ്പിച്ചു.

ഗവൺമെൻ്റ് ഹൈസ്കൂൾ പുളിഞ്ഞാലിൽ നാടൻ വിഭവങ്ങളുടെ ഫുഡ് ഫെസ്റ്റും പാഴ്‌വസ്തുക്കൾ കൊണ്ടു നിർമ്മിച്ച ഉൽപ്പന്നങ്ങളുടെ പ്രദർശനവും സംഘടിപ്പിച്ചു. ഹെഡ്മിസ്സ്ട്രസ് ശ്രിമതി. സ്മിത പൗലോസ് സ്വാഗതം പറഞ്ഞ ചടങ്ങ് ശ്രി ബൈജു എസ്, എക്സൈസ് സർക്കിൾ ഇൻസ്പെക്ടർ ഉദ്ഘാടനം ചെയ്തു. ആശംസകൾ അറിയിച്ചു കൊണ്ട് വിജേഷ് കുമാർ, വിമുക്തി താലൂക്ക് കോഓർഡിനേറ്റർ, ഷിംജിത്ത് എക്സൈസ് ഓഫീസർ, ശ്രിതിഷ ജൂനിയർ ഹെൽത്ത് ഇൻസ്പെക്ടർ, ദിവ്യ, ജൂനിയർ പബ്ളിക് ഹെൽത്ത് നേഴ്സ് എന്നിവർ സംസാരിച്ചു. നല്ല പാഠം കോർഡിനേറ്റ ർ ഡോ ഷിൻസി സേവ്യർ, നേതൃത്വം നൽകിയ പരിപാടിയിൽ സ്കൂളിലെ മുഴുവൻ കുട്ടികളും ആരോഗ്യ ദായകമായ തനി നാടൻ വിഭവങ്ങൾ കൊണ്ടുവന്നു മേളയിൽ SPC, നല്ല പാഠം , ടീൻസ് കബ്ബ്, മറ്റ് വിവിധ കബ്ബ് അംഗങ്ങൾ, PTA, MPTA എന്നിവരും പങ്കെടുത്തു

സൈക്കോ സോഷ്യൽ പദ്ധതിയുടെ ആഭിമുഖ്യത്തിൽ വിവിധ പരിപാടികൾ സംഘടിപ്പിച്ചു.

കേരള സർക്കാർ - വനിത ശിശു വികസന വകുപ്പ്, ജില്ലാ വനിത ശിശു വികസന ഓഫീസ് വയനാട് - സങ്കൽപ് ഹബ്ബ് ഫോർ എംപവർമെന്റ് ഓഫ് വിമൺ - സ്ത്രീകൾക്കെതിരായ അതിക്രമങ്ങൾ ഇല്ലാതാക്കുന്നതിനുള്ള അന്താരാഷ്ട്ര ദിനാചരണത്തിന്റെ - ഓറഞ്ച് ദി വേൾഡ് ക്യാമ്പയിനിന്റെ ഭാഗമായി, സൈക്കോ സോഷ്യൽ പദ്ധതിയുടെ ആഭിമുഖ്യത്തിൽ പുളിഞ്ഞാൽ ജി.എച്ച്.എസ്. സ്കൂളിൽ നവംബർ 20 മുതൽ 28 വരെ വിവിധ പരിപാടികൾ സംഘടിപ്പിച്ചു. അധ്യാപകർക്കായി Tree of Promise പ്രവർത്തനം സംഘടിപ്പിക്കുകയും,സുരക്ഷിതവും ലിംഗസമത്വപരവുമായ സമൂഹം രൂപപ്പെടുത്താനുള്ള പ്രതിബദ്ധതയുടെ ഭാഗമായി അവർ thumb impression രേഖപ്പെടുത്തുകയും ചെയ്തു. വിദ്യാർത്ഥികൾക്കായി പോസ്റ്റർ രചന, പ്രബന്ധ രചന തുടങ്ങിയ മത്സരങ്ങൾ നടത്തുകയും, ശൈശവ വിവാഹ നിരോധന നിയമം, സ്ത്രീധന നിരോധന നിയമം, ഗാർഹിക പീഡന നിരോധന നിയമം, കുട്ടികളുടെ അവകാശങ്ങളും കടമകളും തുടങ്ങിയ പ്രാധാന്യമുള്ള വിഷയങ്ങളെക്കുറിച്ചുള്ള അവബോധ ക്ലാസ് സംഘടിപ്പിക്കുകയും ചെയ്തു. കൂടാതെ, എല്ലാവരിലും സ്ത്രീധന വിരുദ്ധ ബോധവൽക്കരണം ശക്തിപ്പെടുത്തുന്നതിനായി സ്ത്രീധന നിരോധന പ്രതിജ്ഞ ഏറ്റെടുക്കുകയും ചെയ്തു. പരിപാടികളുടെ നടത്തിപ്പും അവബോധ സെഷനും സൈക്കോ സോഷ്യൽ സ്കൂൾ കൗൺസിലർ കുമാരി അശ്വതി നയിച്ചു. ദിനാചരണം സ്കൂൾ സമൂഹത്തിൽ സ്ത്രീസുരക്ഷ, നിയമബോധം, സാമൂഹിക ഉത്തരവാദിത്തം എന്നിവയോടുള്ള അവബോധം വർധിപ്പിക്കുന്നതിൽ ഫലപ്രദമായി.

വീട്ടിൽ ഒരു ജൈവദളം പദ്ധതിക്കു തുടക്കം

ഗവൺമെന്റ് ഹൈസ്കൂൾ പുളിഞ്ഞാലിൽ വീട്ടിൽ ഒരു ജൈവദളം പദ്ധതിക്കു തുടക്കം കുറിച്ച് നല്ലപാഠം ക്ലബ്‌. ജൈവ പച്ചക്കറി കൃഷി പ്രോത്സാഹിപ്പിക്കുക, കുട്ടികളിൽ പുതിയ അനുഭവങ്ങൾ പകർത്തുക, സ്കൂളിൻ്റെ പഠനാനുബന്ധ പ്രവർത്തനങ്ങൾ കൂടുതൽ ജനകീയമാക്കുക എന്നീ ലക്ഷ്യങ്ങളോടെ നല്ലപാഠം ക്ലബ് അംഗങ്ങൾ സ്കൂളിൻ്റെ സമീപ പ്രദേശത്തുള്ള കുട്ടികളുടെ വീടുകൾ സന്ദർശിച്ച് പച്ചക്കറി വിത്തുകൾ വിതരണം ചെയ്തു. പച്ചക്കറി വിത്തുകൾ നടുന്നത് മുതലുള്ള കൃഷിയുടെ ഓരോ ഘട്ടങ്ങളും കുട്ടികൾ ഡയറിയിൽ രേഖപ്പെടുത്തും.പ്രവർത്തനങ്ങൾക്ക് അധ്യാപകരായ ജിൽജിത് എസ്, ബിന്ദു ബി.ആർ, ഷബാന എം എന്നിവരും നല്ലപാഠം കോർഡിനേറ്റർമാരായ ഡോ. ഷിൻസി സേവ്യർ, ദൃശ്യ ആർ എന്നിവർ നേതൃത്വം നൽകി.

SMART 40 ത്രിദിന ക്യാമ്പിന് തുടക്കമായി

വനിതാ ശിശു ക്ഷേമ വകുപ്പ് ജില്ലാ ശിശു സംരക്ഷണ യൂണിറ്റ് എന്നിവയുടെ നേതൃ ത്വത്തിൽ അവർ റെസ്പോൺസിബിലിറ്റി ടു ചിൽഡ്രൻ ത്രിദിന SMART 40 ക്യാമ്പ് ആരംഭിച്ചു. സ്കൂൾ ഹെഡ്മിസ്ട്രസ് സ്മിത പി പൗലോസ് അധ്യക്ഷ ത വഹിച്ച യോ ഗത്തിൽ പിടിഎ പ്രസിഡന്റ് സിറാജ് ക്യാമ്പ് ഉദ്ഘാടനം ചെയ്തു. പി ടി എ വൈസ് പ്രസിഡന്റ് ഷമീർ, സ്റ്റാഫ് സെക്രട്ടറി രോഹിത് എം കെ, ശ്രീനപ്രിയ, ക്യാമ്പ് ട്രെയി നർമാരായ ബിനു എം രാജൻ, തൽഹത്ത് എന്നിവർ ആശംസകൾ അർപ്പിച്ചു

LET'S BE SMART - ഒരു ദിവസം ഒരു ചോദ്യം, ഒരു ഉത്തരം.

ജി എച്ച് എസ്പുളിഞ്ഞാലിൽ -LET'S BE SMART - ഒരു ദിവസം ഒരു ചോദ്യം, ഒരു ഉത്തരം. കുട്ടികളിൽ വാക്കുകൾ ഉറപ്പിക്കുന്നതിനും ശ്രദ്ധ വർദ്ധിപ്പിക്കുന്നതിനുമായി ഈ പരിപാടി തുടരുന്നു

'ENRICH YOUR ENGLISH VOCABULARY'

ഇംഗ്ലീഷ് ഭാഷ പ്രാവീണ്യം മെച്ചപ്പെടുത്തുന്നതിനായി 'ENRICH YOUR ENGLISH VOCABULARY' എന്ന പരിപാടിയിലൂടെ One Day One Word ലൂടെ വാക്കുകളും വാക്യ നിർമ്മിതിയും മെച്ചപ്പെടുത്തുന്നു

LEXIQUEST

സ്കൂളിലെ ഇംഗ്ലീഷ് ക്ലബിൻ്റെ ആഭിമുഖ്യത്തിൽ വിദ്യാർത്ഥികളിൽ ഇംഗ്ലീഷ് പദ സമ്പത്ത് മെച്ചപ്പെടുത്തുന്നതിനും അതിലൂടെ ഭാഷാശേഷി വികസിപ്പിക്കുന്നതിനും LexiQuest എന്ന പേരിൽ ഒരു പദ്ധതി ആവിഷ്കരിച്ച് നടപ്പിലാക്കി വരുന്നു. ഇംഗ്ലീഷ് ഭാഷയിലെ ശൈലികൾ, ഫ്രെയ്സൽ വെർബുകൾ എന്നിവ പരിചയപ്പെടുത്തുന്ന പോസ്റ്ററുകൾ വിദ്യാർത്ഥികൾ തയ്യാറാക്കുകയും സോഷ്യൽ മീഡിയ വഴി പങ്കുവെക്കുകയും ചെയ്യുന്നു. ഇവ സമാഹരിച്ച് ഓഗസ്റ്റ് മാസം അവസാനത്തോടെ ഡിജിറ്റൽ സചിത്ര നിഘണ്ടു തയ്യാറാക്കുകയാണ് പദ്ധതിയുടെ ലക്ഷ്യം.

പഠന യാത്ര സംഘടിപ്പിച്ചു

ഗവ ഹൈ സ്കൂൾ പുളിഞ്ഞാലിൽ നിന്നും ദ്വിദിന പഠന യാത്ര സംഘടിപ്പിച്ചു. കർണാടക സംസഥാനത്തെ കുറിച്ച് കൂടുതൽ അറിവുകൾ സ്വായത്തമാക്കാൻ മൈസൂരുവിലെ വോഡയാർ പാലസ് , ഫിലോമിന ചർച്ച് , ഗാർഡൻ , കെ ആർ എസ് വൃന്ദാവൻ, മൈസൂര് ബംഗളുരു നാഷണൽ ഹൈവേ,ബാംഗ്ലൂർ മെട്രോ , വണ്ടർലാ തീം പാർക്ക്  ബൈക്ക്, കാർ തുടങ്ങിയ വണ്ടികളുടെ ചരിത്രം പറയുന്ന കാഴ്ച്ചകൾ  നൽകുന്ന പയാന  എന്നിവിടങ്ങളിൽ സന്ദർശിച്ചു. യാത്ര കുട്ടികൾക്ക് നവ്യമായ അറിവുകൾ പകർന്നു

ശിശുദിനം

വിവിധ പരിപാടികളോടെ സ്കൂളിൽ ശിശുദിനാഘോഷം സംഘടിപ്പിച്ചു. പ്രൈമറി കുട്ടികൾ അവർതന്നെ  നിർമിച്ച പ്ലക്കാർഡ്  ഉയർത്തി  ജവാഹർലാൽ നെഹ്രുവിന്റെ ജന്മദിനം സ്കൂൾ അങ്കണം മുതൽ പുളിഞ്ഞാൽ ടൗൺ  ചുറ്റി റാലി സംഘടിപ്പിച്ചു അധ്യാപകരായ  ഗിരീഷ്  രാകേഷ്  സന്ധ്യ സുഭദ്ര ശബാന നിജിഷ ആതിര അശ്വതി തുടങ്ങിയവർ നേതൃത്വം നൽകി. കുട്ടികൾക്ക് പായസ വിതരണം നടത്തി

പ്രി പ്രൈമറി സ്പോർട്സ് ഡേ

പുളിഞ്ഞാൽ ഗവൺമെന്റ് ഹൈസ്കൂളിൽ പ്രി പ്രൈമറി സ്പോർട്സ് ഡേ സംഘടിപ്പിച്ചു. പരിപാടി ഹെഡ്മിസ്ട്രസ്  സ്മിത പൗലോസ്  ഉദ്ഘാടനം ചെയ്തു.  സീനിയർ അസിസ്റ്റന്റ്  ബിന്ദു ബി ആർ,പ്രീ പ്രൈമറി ഇൻചാർജ്  സംപ്രീന, അധ്യാപകരായ രാകേഷ്, ജിൽജിത്ത്,രോഹിത്,  നിജിഷ,  ആതിര, ശബാന, തുടങ്ങിയവർ നേതൃത്വം നൽകി