ഗവ. എച്ച് എസ് എസ് മീനങ്ങാടി/ഗണിത ക്ലബ്ബ്
2022-23 വരെ | 2023-24 | 2024-25 |
വിദ്യാർത്ഥികളിൽ ഗണിതവിഷയത്തോട് താത്പര്യമുണ്ടാക്കാനും ശാസ്ത്രമേളകളിൽ വിദ്യാലയത്തിന് അഭിമാനകരമായ നേട്ടമുണ്ടാക്കാനും ഈ ക്ലബ്ബ് പ്രവർത്തിക്കുന്നു. സ്കൂളിലെ ഒരു ഗണിതാധ്യാപിക കോ ഓർഡിനേറ്ററായി പ്രവർത്തിക്കുന്നു. താത്പര്യമുള്ള കുട്ടികളെ ചേർത്ത് ക്ലബ്ബ് രൂപീകരിച്ചതിനു ശേഷം വിവിധപ്രവർത്തനങ്ങൾ നടത്തിവരുന്നു.
പഠനോത്സവത്തിൽ വേറിട്ട കാഴ്ച്ചയായി ഗണിതക്ലബ്
2022 -23 വർഷത്തിലെ പഠനമികവുകൾ പൊതുജനങ്ങൾക്കായി തുറന്ന്കാണിക്കുന്ന പഠനോത്സവത്തിൽ ഗണിത ക്ലബ് സ്റ്റാൾ വേറിട്ടൊരുഅനുഭവമാണ് നൽകിയത് ഗണിതം മധുരമായി രുചിക്കാൻ കാണികക്ക് കഴിഞ്ഞു .ഗണിതാശയങ്ങൾ വളരെ ലളിതമായരീതിയിൽ കുട്ടികൾ അവതരിപ്പിച്ചു .
സൗത്ത് ഇന്ത്യൻ ശാസ്ത്രമേളയിൽ മിന്നിത്തിളങ്ങി ജി എച്ച് എച്ച് എസ് മീനങ്ങാടി
2023 ജനുവരി 26 മുതൽ 31 വരെ തൃശൂരിൽ വച്ച് നടന്ന സൗത്ത് ഇന്ത്യൻ ശാസ്ത്രമേളയിൽ 10 H ലെ ആൻ ലിയ ഷാജി സ്റ്റിൽ മോഡലിൽ മിന്നുന്ന പ്രകടനം കാഴ്ചവച്ചു . ISRO യുടെ സ്പെഷ്യൽ സമ്മാനത്തിനു അർഹയായി.
![](/images/thumb/3/3a/15048aan.jpg/300px-15048aan.jpg)
22 ജൂലൈ പൈ മതിപ്പ് ദിനം (Pi Approximation Day)
കോവിഡിന്റെ അതിഭീകരമായ വ്യാപനത്തിനിടയിലാണ് പൈ ദിനം കടന്നുവരുന്നത് .ആയതിനാൽ ഓൺലൈൻ ആയാണ് പൈ ദിനം കൊണ്ടാടിയത് . പൈ യുടെ പ്രാധാന്യവും പ്രത്യേകതകളും എന്ന വിഷയത്തിൽ ജില്ലാ ഗണിതശാസ്ത്ര കൗൺസിൽ സെക്രട്ടറി ബിനീഷ് സർ കുട്ടികൾക്ക് ഓൺലൈനിൽ ക്ലാസ് നൽകി .അതുപോലെ പൈ എന്നവിഷയത്തിൽ ഓൺലൈൻ ആയി കുട്ടികൾ വെബ്ബിനാർ നടത്തി .
ഗണിതപ്പൂക്കളമത്സരം
ഈ വർഷം ഓണവും ഓൺലൈൻ ആണല്ലോ നടന്നത് . ഓണത്തോടനുബന്ധിച്ച് ഗണിതക്ലബ് കുട്ടികൾക്ക് ഗണിതപ്പൂക്കളമത്സരം നടത്തി .ജ്യാമിതീയ രൂപങ്ങളുപയോഗിച്ച് കുട്ടികൾ ഗണിതപ്പൂക്കളം തീർത്തു.
ശാസ്ത്രരംഗം
ശാസ്ത്രരംഗം ഗണിത പേപ്പർ പ്രെസന്റേഷനിൽ പത്താം ക്ലാസ്സിലെ അർവാ ഒന്നാം സ്ഥാനം നേടി ജില്ലാമത്സരത്തിലേക്ക് യോഗ്യത നേടി
![](/images/thumb/5/5e/15048arwa.jpg/300px-15048arwa.jpg)