ഗവ. എച്ച്.എസ്. പനമ്പിള്ളി നഗർ/ചരിത്രം
1974-75-ൽ 8 -ാം ക്ലാസ്സും 75-76-ൽ9-ാം ക്ലാസ്സും 76-77-ൽ 10-ാംക്ലാസ്സും നിലവിൽ വന്നു. 10ാം ക്ലാസ്സ് പൂർത്തിയാകുമ്പോൾ ഈ രണ്ടു ഓലഷെഡ്ഡിനുള്ളിൽ 11 ഡിവിഷനും 27 ടീച്ചേഴ്സും ഏതാണ്ട് 650നടുത്ത കുട്ടികളും ഉണ്ടായിരുന്നു. പത്താം ക്ലാസ്സ് പൂർത്തിയാകുന്നതിനു മുൻപ് ഹെഡ്മാസ്റ്റർ പോസ്റ്റ് ഉണ്ടായിരുന്നില്ല. ഹെഡ്മാസ്റ്റർ-ഇൻ-ചാർജ്ജ് ശ്രീ.ജോർജ്ജ് പള്ളം എന്ന സാറിനായിരുന്നു. പത്താം ക്ലാസ്സ് പൂർത്തിയായപ്പോൾ ഹെഡമാസ്റ്ററിനെ കൂടാതെ ഒരു ക്ലാർക്ക്,3 പ്ല്യൂൺ, ഒരു എഫ്.ടി.എം എന്നീ പോസ്റ്റുകളും അനുവദിച്ചു.1984-ലാണ് ഇവിടെ ഇംഗ്ലീഷ് മീഡിയം ആരംഭിച്ചത്. റിസൾട്ടിന്റെ കാര്യത്തിലാണെങ്കിലും നാളിതുവരെയുളള വിജയശതമാനം നല്ല രീതിയിൽ തന്നെയാണ് കിട്ടിക്കൊണ്ടിരിക്കുന്നത്. 2002 ൽ ഈ സ്ക്കൂൾ കോമ്പൗണ്ടിനുള്ളിൽ കൊച്ചി കോർപ്പറേഷനും, കേരള സ്പോർട്ടസ് കൗൺസിലും കൂടി ഒരു സ്പോർട്ട്സ് അക്കാഡമി സ്ഥാപിച്ചു. സ്പോർട്ട്സ് ഹോസ്റ്റലും ഉളളത് കൊണ്ട് സ്പോർട്ട്സിനും താല്പര്യമുളളവരെ സെലക്ട് ചെയ്തു ഇവിടെ താമസിച്ച് പഠിക്കുമ്പോൾ ആ കുട്ടികളെ കൂടി ഈ സ്ക്കൂളിന് ലഭിക്കും എന്നുള്ള താല്പര്യം കണക്കിലെടുത്ത് അന്നത്തെ പി.ടി.എ അതിന് അംഗീകാരം കൊടുത്തെങ്കിലും പ്രതീക്ഷിച്ചതുപോലെ അക്കാഡമിയുടെ ഭാഗത്ത് നിന്നും കുട്ടികളെ കിട്ടിയില്ല എന്നുള്ള കാര്യം വളരെ നിരാശപ്പെടുത്തുന്ന ഒന്നാണ്.
കൊച്ചിയുടെ ഹൃദയഭാഗത്തു സ്ഥിതി ചെയ്യുന്ന മൂന്ന് ഗവ.ഹൈസ്ക്കൂളുകളിൽ ഒന്നാണ് ഗവ.ഹൈസ്ക്കൂൾ പനമ്പിള്ളി നഗർ മറ്റു സ്ക്കൂളുകളെ അപേക്ഷിച്ച് ഏറ്റവും കൂടുതൽ സ്ഥലവും ആൺകുട്ടികളും പെൺകുട്ടികളും പഠിക്കുന്ന ഏക സ്ക്കൂളും ഇതാണെന്നുളള പ്രത്യേകതയും ഉണ്ട്.
2009 മാർച്ച് മാസത്തിൽ നടന്ന എസ്.എസ്.എൽ.സി പരീക്ഷയിൽ എല്ലാ വിദ്യാർത്ഥികളും വിജയിച്ചു എന്നുള്ള കാര്യവും ഈ സർക്കാർ വിദ്യാലയത്തിനു മാത്രം അവകാശപ്പെട്ടതാണ് ഈ സ്കൂൾ ഇന്നും മികച്ച വിജയം കൈവരിച്ച് മുന്നോട്ടു പൊയ്ക്കൊണ്ടിരിക്കുന്നു.
| സ്കൂൾ | സൗകര്യങ്ങൾ | പ്രവർത്തനങ്ങൾ | എച്ച്.എസ് | എച്ച്.എസ്.എസ്. | ചരിത്രം | അംഗീകാരം |